Nga Aleanca për Shqiptarët, krahu i Taravari, thonë se tashmë ministri i Shëndetësisë, Azir Ali, në periudhën kur ishte ministër i Shoqërisë Informatike dhe Administratës, kishte propozuar heqjen e Balancuesit, që tashmë e ka shfuqizuar Gjykata Kushtetuese. Nga ASH-Taravari pyesin përfaqësuesit e qeverisë se deri ku ka mbetur procedura për miratimin e Ligjit për Përfaqësim të Drejtë dhe Adekuat.

“Azir Aliu – gjatë mandatit të tij si Ministër për Shoqëri Informatike dhe Administratë – ka propozuar heqjen e sistemit të balancuesit, një mjet kyç për përfaqësimin e drejtë të komuniteteve në administratën publike. Sipas dokumentit zyrtar të datës 11 korrik 2023, Qeveria e asaj kohe miratoi Strategjinë për Reformën e Administratës Publike 2023–2030 dhe Planin e Veprimit 2023–2026, ku thuhet qartë se “tejkalohet nevoja e aplikimit të mjetit balancuesit, i cili në praktikë shkakton keqpërdorime të shumta.” Ky propozim u bë pikërisht nga Ministria që drejtohej nga Azir Aliu. Në dokumentin zyrtar të Strategjisë theksohet: Parimi i qasjes së barabartë në çdo vend pune, parimi i ekspertizës dhe kompetencës dhe parimi i barazisë gjinore duhet të jenë parësor, ndërsa në fazën para marrjes së vendimit të përzgjedhjes, duhet të merret parasysh parimi i përfaqësimit adekuat, në këtë mënyrë tejkalohet nevoja e përdorimit të mjetit të quajtur ‘balancues’.” Pra, pikërisht Azir Aliu ka qenë nismëtar i këtij ndryshimi, duke propozuar zyrtarisht përjashtimin e balancuesit nga praktika institucionale. Deklaratat e tij nga ajo kohë e konfirmojnë këtë drejtim politik: “Sipas meje, gjatë kësaj periudhe tranzitore, sistemi i meritës duhet të jetë në vend të parë… Ne duhet të ecim në atë drejtim, për hir të vetes, ne jetojmë këtu”. Në të njëjtën linjë, heqja e balancuesit u përfshi më vonë edhe në Programin “Platforma 1198” të VMRO-DPMNE-së, e cila e bëri heqjen e balancerit një kusht për partneritet qeveritar. Dhe nëse sërish nuk e thonë të vërtetën para shqiptarëve, po e themi ne: VMRO-DPMNE është faktori real që po stagnon ligjin për përfaqësim të drejtë. “, thonë nga ASh-Taravari.

Për nxënësit e shkollave fillore dhe të mesme sot është dita e fundit e shkollës për vitin shkollor 2024/2025 dhe deri më 31 gusht do të jenë në pushim veror.

Për maturantët mësimi përfundoi më 16 maj, ndërsa nesër (11 qershor) do t’i nënshtrohen provimit të dytë ekstern të maturës shtetërore. Pjesës së parë – provimit të detyrueshëm në gjuhën amtare, mbi 15.000 maturantë iu nënshtruan më 31 maj.

Gjysmëmaturantët, këtë muaj duhet të regjisrohen në vitin e parë në arsim të mesëm.

Regjistrimi bëhet përmes linkut https://euslugi.mon.gov.mk/ me paraqitje të veçantë për nxënësit e shkollave të mesme përmes llogarive të tyre të përdoruesit në schools.mk.

Në qershor do të ketë dy regjistrime elektronike për nxënësit. Sipas Konkursit të MASH-it, i pari do të jetë nga ora 00:00 e datës 14 qershor deri në orën 23:59 të datës 17 qershor, ndërsa dorëzimi i dokumentacionit të nevojshëm në shkolla – më 18 dhe 19 qershor.

Advertisement

Regjistrimi i dytë në afatin e qershorit do të bëhet më 30 qershor, ndërsa dokumentet do të dorëzohen ditën tjetër, më 1 korrik.

Komuna e Tetovës njofton se do të kryhet dezinsektim në territorin e qytetit të Tetovës.

ju njoftojmë se më 13.06.2025, Komuna e Tetovës në bashkëpunim me SH.T.P.SH “PRONTTO”, do të realizoj dezinsektimi nga toka në territorin e qytetit të Tetovës, për zhdukjen e mushkonjave dhe dëmtuesve të tjerë.