Lajme nga vendi
Miteva: Këtë vit kemi mundësi të arrijmë deri në një miliard euro investime të huaja direkte
Pas shumë vitesh, këtë vit për herë të parë kemi mundësinë që si shtet të arrijmë një fluks të investimeve të huaja direkte deri në një miliard euro, tha sot zëdhënësja e Qeverisë, Marija Miteva.
“Investimet e huaja direkte në Maqedoni në periudhën janar – shtator kanë arritur 838 milion euro që është një rritje prej 348 milion euro krahasuar me periudhën e njëjtë të vitit të kaluar dhe një rekord bindës në 20 vitet e kaluara. Të dhënat tregojnë se vetëm në tremujorin e tretë të këtij viti fluksi i investimeve të huaja direkte në Maqedoni arriti në 281 milionë euro”, tha Miteva në konferencën për mediat.
Një fluks i tillë, shtoi ajo, është për shkak të stabilitetit ekonomik dhe politik të cilën ne e prezantojmë si qeveri, parashikueshmërisë dhe stabilitetit që kanë kompanitë, përkushtimit dhe angazhimit në procese dhe qasjes ndaj tolerancës zero ndaj korrupsionit që ishin indikatorë të reduktimit të investimeve në vitet e kaluara.
“Në këtë periudhë u shënua rritje neto mbi bazën e borxhit të kompanive i cili në vitet e mëparshme mund të vihej re si fluks dalës. Kjo hyrje kap vlerën e 219 milionë eurove. Gjithashtu kemi një hyrje të bazuar në vet kapitalin prej 39.9 milionë euro dhe një fitim të riinvestuar prej 22 milionë euro”, ka thënë Miteva.
Ajo tha se për vetëm pak muaj Qeveria arriti të bëjë marrëveshje me shumë investitorë dhe si shembull e përmend “Alkazar enerxhi” e cila do të ndërtojë park me erë me 55 turbina me erë në hapësirën ndërmjet tri komunave – Shtip, Karbinci dhe Radovish, ndërsa gjatë ndërtimit pritet të hapen 630 vende të reja pune. Ajo përmendi edhe “Epsotek”, investimin e ri gjermano-belg prej 20 milionë euro që do të hapë 110 vende të reja pune, investimin e ri të “Kostal” prej 45 milionë euro me 250 vende të reja pune. Ajo bëri të ditur se do të vazhdojnë të punojnë me përkushtim për tërheqjen e investimeve të reja të huaja dhe shtoi se në periudhën e ardhshme priten shumë investime të reja.
“Kemi investuar edhe në kompanitë vendore përmes linjës kreditore prej 250 milion euro. Të gjitha këto politika ekonomike do të sjellin rritje të shpejtë, rritje të prodhimit dhe standard më të mirë të jetesës së qytetarëve”, theksoi Miteva.
Ministria e Punëve të Brendshme (MPB) njofton publikun se aktualisht trafiku është ndërprerë në rrugën drejtë pikës kufitare Strugë-Qafë Thanë për shkak se një kamion cisternë është përmbysur në rrugë.
Të gjitha shërbimet kompetente kanë mbërritur në vendngjarje dhe po merren masa për të përcaktuar shkaqet e aksidentit dhe për të normalizuar trafikun. Për momentin nuk raportohet për viktima apo të lënduar.
Kur flasin veprat, zhurma politike hesht. Sot Tetova flet vetë. Bulevardi që lidh qytetin me Porojin, Xhepçishtin dhe Tearcën është realitet dhe dëshmi e qartë se me VLEN-in zhvillimi nuk mbetet vetëm fjalë.
Për muaj me radhë u përpoqën ta relativizojnë çdo vepër, ta quajnë propagandë dhe ta shesin stagnimin e tyre si politikë. Sot realiteti i ka demantuar vetë. Ajo që deri dje quhej “rrugë që nuk çon askund”, sot shihet nga të gjithë si një nga arteriet kryesore të qytetit, një e vërtetë që nuk do kallauz.
Nën udhëheqjen e Bilall Kasamit, Tetova ia ka mësyer zhvillimit. Qyteti po lidhet, po hapet dhe po merr frymë ndryshe, sepse më në fund ka dikush që punon për të çdo ditë.
Ndryshimi nuk bëhet me zhurmë, por me punë të përditshme. Dhe kur puna flet, thashethemet bien vetë.
VLEN vazhdon përpara, pa u ndalur te zhurma, pa humbur kohë me justifikime. Sepse Tetova po ndryshon dhe këtë s’ka kush që e ndal.
Shoqata Bjeshkatare “Bukuritë e Sharrit” nga Bogovina që numëron diku 120 anëtarë mbrëmë mbajti Kuvendin vjetor që kishte karakter llogaridhënëse.
Mbrëmë Shoqata bjeshkatare “Bukuritë e Sharrit” me seli në Bogovinë mbajti Kuvendin e rregullt vjetor që kishte karakter llogaridhënëse . Të pranishëm krahas kryesisë së Shoqatës të pranishëm ishin të gjithë anëtarët si dhe kryetari i Unionit të Shoqatave bjeshkatare në Maqedoni Fari Rexhepi. Qëllimi i Kuvendi ishte raporti të punës së Shoqatës për vitin 2025, raporti financiar ,plan programi i punës për vitin 2026 si dhe ndarja e mirënjohjeve për ata të cilët kanë përkrahë dhe kanë dhënë kontribut në afirmimin e kësaj shoqate . Kryetari i Shoqatës Bjeshkatare “Bukuritë e Sharrit” nga Bogovina , Nazmi Zeqiri për Kuvendin vjetor për TV Koha deklaroi
“Ne çdo fundvit mbajmë Kuvendin që të shpalosim programin tonë për punën e vitit të kaluar, raportin financiar dhe plan programin e punës për vitin 2026, ndërsa do të ndahen mirënjohje për aktivistët më të dalluar për vitin e kaluar” tha kryetari Nazmi Zeqiri
Për aktivitet që parashihen të realizohen në vitin 2026 kryetari Zeqir tha se në krahasim me vitin që e lëmë pas do jetë më i madh
“ Vjet kemi pasur diku 30 aktivitete, kurse vitin tjetër planifikojmë që të ritet numri i aktiviteteve. Kemi qenë mysafirë në Kosovë, në Shqipëri hapim miqësinë, hapim shoqërinë. Dhe me një fjalë bëjmë promovimin e bukurive të vendeve tona” tha kryetari Nazmi Zeqiri
Kuvendin e shoqatës Bjeshkatare e “Bukurit e Sharrit” e përshëndeti kryetari i Unionit të Shoqatave Bjeshkatare në Maqedoninë e Veriut, Fari Rexhepi duke i dëshiruar suksese edhe më të mëdha në vitin e ardhshëm kur parashihen aktivitet të shumta. Kuvendi përkrahu edhe propozimet për ëra ta të cilët e kanë përkrahur Shoqatën në mënyra të ndryshme, nëmesin e të propozuarve për mirënjohje është edhe Televizioni Koha.
Aksident trafiku në rrugën Strugë Qafë Thanë, ndërpritet trafiku
NBA: OKLAHOMA KRYESON PERËNDIMIN, DETROIT LINDJEN
SHVERCERAT ME ULTIMATUM: JASIN KONJALI, DORËZO KLUBIN MENJËHERË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
