Lajme nga vendi
Mickoski pas takimit të Këshillit Ekonomiko-Social: Pres që vitin e ardhshëm të kemi një rritje që do të ndihet nga qytetarët përmes më shumë parave, kushteve më të mira për biznes dhe shërbimeve më efikase
Sot u mbajt takimi i Këshillit Ekonomiko-Social, i cili është një vend i shkëlqyer për dialog midis Qeverisë, punëdhënësve dhe sindikatave.
Diskutuam për Buxhetin e shtetit për vitin e ardhshëm dhe sfidat lidhur me tejkalimin e problemeve që kanë të bëjnë me standardin jetësor të qytetarëve, angazhimin tonë të hapur për përmirësimin e kushteve të jetesës dhe luftën e përditshme për zgjidhjen e problemeve të grumbulluara ishte e potencuar gjatë takimit të sotëm.
Pres që vitin e ardhshëm të kemi një ekonomi që ecën përpara, prodhon vlerë të shtuar dhe rritje që do të ndihet nga qytetarët përmes më shumë parave, kushteve më të mira për biznes dhe shërbimeve më efikase.
Në buxhetin që është në procedurë parlamentare për vitin e ardhshëm, janë parashikuar mjete për rritjen e pensioneve – ato 2,500 denarë që mbeten, në mars, për të cilat janë parashikuar 105 miliardë denarë. Kjo do të jetë rritja e dytë e pensioneve pas asaj që ndodhi këtë vit.
Për pagesën e pagave janë siguruar 48 miliardë denarë dhe 2 miliardë denarë shtesë janë në bllok-dotacione për rritjen e pagave në arsim, si dhe mjete për mbështetje të kategorive të cenueshme, për të cilat janë parashikuar 14.5 miliardë denarë për mbrojtjen shëndetësore janë parashikuar 5.2 miliardë denarë më shumë, ose gjithsej 53.4 miliardë denarë.
Në buxhet janë parashikuar rritja e pagave në arsim dhe për punonjësit arsimorë, si dhe rritja e pagave në sektorin e shëndetësisë dhe për punonjësit shëndetësorë, që ishte një nga premtimet tona.
Në ekonomi do të ndodhin dy procese të rëndësishme.
E para është realizimi i një cikli investimesh për projekte kapitale në komuna, për të cilat Qeveria tashmë ka siguruar 250 milionë euro. Do të ndërtohen shkolla, kopshte për fëmijë, infrastruktura rrugore dhe ujësjellës.
Dhe cikli i dytë janë paratë të vëna në dispozicion përmes bankave në formë kredish super të lira. Është rënë dakord për një normë interesi prej 1.95%, deri në tre vite grejs periudhë dhe deri në 15 vite afat kthimi, varësisht nga nevojat e kompanive. Kjo nënkupton një valë investimesh prej ndoshta 800 milionë eurosh. Të gjitha kompanitë do të kenë mundësi t’i investojnë këto mjete në burime të rinovueshme energjie, mjete bazë për punë, objekte për nevojat e tyre dhe pjesëmarrje në projekte të cilat do investohen nga komunat.
Pres një rritje të BPV-së, si dhe një rritje të nivelit të investimeve të huaja direkte.
E gjithë kjo duhet të rimëkëmbë ekonominë dhe ta vendosë atë mbi baza të shëndosha. Na mbetet të bisedojmë me sindikatat dhe punëdhënësit. Ky dialog duhet të sjellë zgjidhje për problemet ekzistuese dhe të hapë rrugën për tejkalimin e barrierave shumëvjeçare dhe gabimeve të grumbulluara që kanë ndodhur dhe që kanë kontribuar në stagnimin e shoqërisë sonë.
Jam optimist që gjërat po ecin në drejtimin e duhur dhe puna jonë po jep rezultate. Çdo orë të ditës e shfrytëzoj për të gjetur zgjidhje që do ta bëjnë jetën e qytetarëve më të mirë. Jam i bindur se ndryshimet do të ndodhin akoma më drastikisht.
Lajme nga vendi
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Drejtoria e Policisë Financiare ngriti kallëzim penal në Prokurorinë Themelore Publike në Shkup kundër personave N.I., B.G. në cilësinë e tyre si drejtues të personave juridikë, kundër dy personave juridikë, si dhe kundër pesë personave të punësuar në Agjencinë për Menaxhimin e Pasurisë së Sekuestruar F.A., G.A., P.K., F.J. dhe A.B., për shkak të ekzistencës së bazave të dyshimit për kryerjen e veprës penale “Keqpërdorim i procedurës për thirrjes publike, dhënie të kontratës së prokurimit publik ose partneritetit publik-privat” sipas nenit 275-c të Kodit Penal të Republikës së Maqedonisë së Veriut.
Të denoncuarit N.I. dhe B.G., si drejtues të dy personave juridikë, gjatë vitit 2021 me vetëdije dhe me qëllim të paracaktuar kanë shkelur rregulloret e procedurës për thirrje publike dhe dhënie të kontratës së prokurimit publik, me marrëveshje paraprake dhe veprime të koordinuara kanë shkelur konkurrencën në procedurën për shitjen e automjeteve të shkatërruara – skrap metali, të organizuar nga Agjencia për Menaxhimin e Pasurisë së Sekuestruar. Një person juridik u paraqit si konkurrent formal, dhe gjatë ankandit publik u paraqit një ofertë me një gabim teknik të qëllimshëm në një shumë monetare joreale, e cila i pengoi pjesëmarrësit e tjerë të vazhdonin më tej me ofertat.
Të pandehurit G.A., P.K. dhe F.J., si anëtarë të komisionit për zbatimin e procedurës, në kundërshtim me dispozitat ligjore të parashikuara në Ligjin për Menaxhimin e Pronës së Konfiskuar, Përfitimit Pasuror dhe Objekteve të Sekuestruara në Procedurën Penale dhe Kundërvajtje, dhe bazuar në një akt nënligjor dhe mendim ligjor të përgatitur nga A.B., me vetëdije ndihmuan në zbatimin e kësaj skeme të dakorduar dhe mundësuan lidhjen e një marrëveshjeje për shitjen e automjeteve të sekuestruara të shkatërruara si skrap metali midis Agjencisë për Menaxhimin e Pronës së Sekuestruar, të përfaqësuar nga F.A., dhe personit juridik të menaxhuar nga N.I., gjë që i mundësoi personit juridik të fitonte përfitim pasuror të paligjshëm në shumën prej 2.128.352 denarë.
Lajme nga vendi
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
Presidentja Gordana Siljanovska Davkova sot deklaroi se heqja e balancuesit ishte e domosdoshme për shkak të rreziqeve korruptuese që i ka krijuar, duke theksuar njëkohësisht se çështjet e shtetësisi jorezidente, marrëdhëniet me Bullgarinë dhe politikat energjetike janë komplekse dhe duhet të zgjidhen përmes parimeve kushtetuese, debatit publik dhe respektimit të standarE madhee njerëzore dhe ekologjike.
Në një deklaratë për mediat pas hapjes së “Fundjavës për pastrim të përgjithshëm”, presidentja Gordana Siljanovska Davkova deklaroi se i a.q. balancuesi, në formatin që ka ekzistuar, në thelb çoi në korrupsion dhe kriminalizim.
Në lidhje me çështjen për shtetësinë jorezidente, ajo u përgjigj se zgjidhja duhet të miratohet përmes argumenteve.
“Çështja është komplekse. Ka vende ku ekziston shtetësia e dyfishtë, ka vende ku nuk ekziston. Sot të gjithë po përballemi me një eksod dhe mungesë të fuqisë punëtore, dhe po flasim për qenie njerëzore që kanë edhe të drejtën e jetës”, tha presidentja, duke shtuar se zgjidhjet duhet të merren pas një debati të gjerë publik dhe duke peshuar argumentet “pro” dhe “kundër”.
Lidhur me pritjet e saj për marrëdhëniet me qeverinë e re të Bullgarisë, Siljanovska Davkova deklaroi se pritjet duhet të drejtohen nga qeveria e re bullgare dhe kryeministri Rumen Radev, duke theksuar se populli bullgar pret stabilitet, reforma dhe luftë kundër korrupsionit dhe krimit.
Lidhur me kërkesat e organizatave joqeveritare për të vënë veton ndaj Ligjit për Burimet Minerale, presidentja theksoi se ato kanë një rol të rëndësishëm në shoqëri dhe meritojnë, siç e tha ajo, një “vend të gjelbër” në parlament.
Sipas saj, garancitë për mbrojtjen e mjedisit nuk përmbahen në këto ligje.
“Ato ligje, nëse keni parasysh Ligjin për burimet minerale, merren kryesisht me çështjet e energjisë. Ne kemi Kushtetutë, kemi edhe Ligj për mbrojtjen e mjedisit – ky është çelësi i qëndrimit ndaj këtyre ligjeve”, shtoi Siljanovska Davkova.
Ajo theksoi se shteti duhet të përgatitet njëkohësisht për sfidat e ardhshme energjetike dhe të kujdeset për natyrën.
Për ditë me radhë koalicioni VLEN ka ngritur intensitetit e aktivitetit publik duke paralajmëruër Kongresin e Bashkimit.
Sipas tyre e shtuna, do të kurorëzojë përpjekjet për unifikimin e faktorit politik shqiptar.
Koalicioni VLEN, nesër më 9 Maj – në Ditën e Evropës, do të mbajë Kongresin e bashkimit, ku 5 subjekte politike formalisht duhet të miratojnë vendimin për të vepruar si subjekt i vetëm politik në kuadër të bllokut politik shqiptar në vend. Në prag të Kongresit, VLEN doli me mesazhin se procesi i bashkimit ka qenë i gjatë dhe përplot me sfida politike, dyshime dhe tentativa për të parandaluar këtë process. Sipas VLEN-it, ky bashkim ka peshë historike dhe se ky është premtimi që VLEN ua dha shqiptarëve. Por, si e shohin qytetarët, këtë Kongres dhe këtë bashkim të VLEN-it?
“Çdo bashkim është i mirë. Madje unë kisha thënë se që të bashkohen të gjitha partitë”
“Edhe atë gajle do ia mbajë VLEN-it, unë jam plak”
“Më mirë me u bashkuar”
“Më mirë është. Deri tani Bilall Kasami ka punuar mirë. Jam i gëzuar”
“Mendoj se është mirë. Bilall Kasami duhet të jetë Kryetar”
“Është më mirë për shqiptarët. Cili të jetë Kryetar vet le ta vlerësojnë”
“Normalisht se është mirë. Sa më të bashkuar aq më mirë. Vet si do të vendosin organmet partiake, mendoj se Izeti do të ishte më mirë”
Pas Kongresit, VLEN, si pjesë e Qeverisë, do të duhet të përballet me shumë sfida që prekin drejtpërdrejtë qytetarët.
Situata ekonomike, migrimi i të rinjve, pozita e shqiptarëve, gjuha shqipe, eurointegrimet evropiane e shumë çështje tjera duhet që nga premtimet të shndërrohen në rezultate të prekshme./Tv Koha/
‘Fitonin’ 34 mijë euro me mallverzimeve gjatë shit-blerjes së veturave të konfiskuara
Siljanovska: Balancuesi krijoi pushtet të korruptuar, ligjet duhet të miratohen me procedurë të rregullt
KONGRESI I VLEN – QYTETARËT MIRËPRESIN BASHKIMIN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
