Lajme nga rajoni
Lajçak: Kosova ta themelojë Asociacionin, Serbia t’i njohë simbolet e Kosovës
Përfaqësuesi i posaçëm i Bashkimit Evropian për dialogun Kosovë-Serbi, Mirosllav Lajçak, është shprehur i lumtur që Brukseli, me Prishtinën dhe Beogradin, kanë përmbyllur me sukses negociatat për zbatimin e Deklaratës së vitit 2023 për Personat e Zhdukur gjatë luftës në Kosovë.
Një ditë pas takimit të zhvilluar me kryenegociatorin e Kosovës, Besnik Bislimi, dhe me atë të Serbisë, Petar Petkoviq, Lajçak i ka lëvduar ata për, siç është shprehur, bashkëpunim të mirë dhe bisedime konstruktive trelaterale.
Lajçak ka thënë se dakordimi për zbatimin e Deklaratës për të pagjeturit ishte “një hap i rëndësishëm që përfundimisht do të sjellë një përmbyllje për familjet”.
Sipas Kryqit të Kuq, në Kosovë janë ende 1.612 persona të pagjetur nga lufta.
Emisari evropian ka paralajmëruar se Brukseli së shpejti do të jetë mikpritës i takimit të parë të një Komisioni të Përbashkët, ndërkaq Bislimi ka thënë se ky komision do të fillojë të merret me çështjet që i takojnë nga janari i 2025-tës.
Kosova dhe Serbia arritën marrëveshje më 2023 për Deklaratën e përbashkët për personat e zhdukur, në kuadër të dialogut për normalizimin e marrëdhënieve të ndërmjetësuar nga Bashkimi Evropian.
Zotimet që u bënë me këtë deklaratë, përfshijnë: qasje të plotë në informacione të besueshme, mes tyre edhe ato me status të klasifikuar; vënie në dispozicion të të gjitha dokumenteve me rëndësi për përcaktimin e fatit të personave të zhdukur, si dhe punë të përbashkët përmes një komisioni të kryesuar nga Bashkimi Evropian.
Por, deri tani, asnjë prej këtyre nuk është realizuar në praktikë.
Emisari evropian ka thënë se ua ka kujtuar palëve se normalizimi i marrëdhënieve nënkupton integrim në BE, dhe se dy proceset janë të ndërlidhura me njëri-tjetrin.
Lajçak ka thënë, po ashtu, se me Bislimin dhe Petkoviqin kanë diskutuar për hapat drejt zbatimit të Marrëveshjes së Ohrit: “shtensionimin, përgjegjësinë për sulmet e 2023-tës, riintegrimin e serbëve të Kosovës, themelimin e Asociacionit të komunave me shumicë serbe, njohjen e dokumenteve dhe simboleve të Kosovës”./REL
Lajme nga rajoni
PREKËSE/ “Të dua, por më shiko në sy dhe më premto se nuk do të më vrasësh kurrë”, postimi i Gazmentit drejtuar pasionit që i ndërpreu jetën në lule të rinisë
38-vjeçari Gazment Gropa, humbi jetën pas një aksidenti tragjik me motor më 19 gusht në aksin rrugor Fier–Patos.
I plagosur rëndë në vendngjarje, ai u dërgua me urgjencë në spital, por nuk mundi t’i mbijetonte plagëve duke humbur jetën një ditë pas aksidentit. 38-vjeçari ishte një i ri i apasionuar pas motorëve dhe shpejtësisë, pasione të cilat i sollën dhe këtë fund të trishtë.
Ndërkohë, një detaj i postuar para 4 vitesh nga vetë i ndjeri ka prekur tej mase.
Në shkurt të vitit 2021, Gazmenti kishte ndarë në profilin e tij në rrjetet sociale një foto, një imazh ku një motoçiklist, i gjunjëzuar përballë motorit, i “fliste” atij.
Në atë imazh lexohet: “I love you, but look into my eyes and promise me, you will never kill me), (Të dua, por më shiko në sy dhe më premto se nuk do të më vrasësh kurrë.)“
Lajme nga rajoni
Ganimete Musliu: Donika Gërvalla u refuzua për qëndrimet e saj, jo si vajzë e heroit Jusuf Gërvalla
Deputetja e PDK-së, Ganimete Musliu, ka reaguar pas mos zgjedhjes së Donika Gërvallës në krye të Kuvendit të Kosovës, duke sqaruar arsyet pse ajo nuk mori përkrahjen e deputetëve. Musliu theksoi se Gërvalla nuk është refuzuar si vajzë e heroit Jusuf Gërvalla, por për shkak të rrugës që ajo ka zgjedhur të ndjekë në kundërshtim me vlerat për të cilat luftoi i ati. Ajo u shpreh se Donika Gërvalla, përmes qëndrimeve dhe veprimeve të saj politike, ka fyer sakrificën e dëshmorëve dhe ka bashkëpunuar me Gjykatën Speciale kundër luftëtarëve të UÇK-së. Sipas Musliut, ky qëndrim bie ndesh me parimet që përfaqësonte Jusuf Gërvalla, ndërsa vlerësoi se emrat e mëdhenj nuk mbrohen me mbiemra, por me vepra. Ajo shtoi se refuzimi nuk ishte akt urrejtjeje, por një akt respekti ndaj historisë dhe atyre që dhanë jetën për lirinë e Kosovës.
Lajme nga rajoni
Pas Prishtinës, edhe në Hagë do të mbahet protestë në mbështetje të ish-krerëve të UÇK-së
Protesta e 7 gushtit në Prishtinë, ku u kërkua lirimi i ish-krerëve të UÇK-së, do të vazhdojë më 14 shtator në Hagë, njofton Organizata e Veteranëve të Luftës e UÇK-së.
Protesta do të mbahet më 14 shtator, me fillim nga ora 14:00, raporton KosovaPress.
Në njoftim thuhet se protesta organizohet nga mërgata shqiptare dhe mbështetet nga kategoritë e dala nga lufta e UÇK-së.
VLEN ka nderin të shpallë fillimin e masës së jashtëzakonshme “Shporta Shkollore”, një hap i madh për të gjitha familjet
Fetai: Badinteri nuk preket
Një 83-vjeçare nga Tetova ka denoncuar se është mashtruar nga një person për shumën prej 2.000 euro
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve