Sport
LIGA E PARË: DUELE TË “ZJARRTA” NË TETOVË DHE GOSTIVAR
Java e dytë e sezonit pranveror dhe e 20-ta e kampionatit 2024/2025 në Ligën e parë të futbollit vendor të dielën sjell pesë duele të zjarrta si për ekipet që luftojnë kreun e tabelës ashtu edhe për ato që luftojnë për mbijetesë. Një ndeshje e “zjarrtë” pritet edhe në stadiumin buzë Sharrit aty ku do të përballen lideri aktual Shkëndija me kampionin vjeshtor Sileksin. Interesimi për këtë ndeshje është madh, ndaj edhe tifo grupi “Ballistët”pritet që të jenë në numër të madh në përkrahje të ekipit të tyre të zemrës. Nga a ana tjetër atmosfera në ekip pas fitores së madhe kundër Vardarit është në nivelin e duhur. Këtë e pohoi edhe mesfushori nigerian Adamu Alhassan para ndeshjes së nesërme me Sileksin
“Ne jemi gati për tu ngritur, ndeshja me Vardarin i takon të kaluarës, tani jemi duke menduar për Sileksin. Çdo ndeshje ne e marrim si finale, pasi duam të arrijmë atë që duam ta realizojmë. Ne jemi të koncentruar për ndeshjen e radhës kundër Sileksit. Shpresoj të ndjehemi mirë dhe të mund të luftojmë sërish më shumë se sa ndaj Vardarit. Kjo është ajo që ndjej se ekipi e ndjen. “deklaroi Adamu Alhassan
Sa i përket epilogut të kësaj ndeshje derbit nigeriani thotë se ka besim te ekipi duke u bazuar në qasjen e tyre në seancat stërvitore dhe dëshirën për tu bërë kampion
“Si që ju thash, kur shoh ekipin tonë në stërvitje sa të koncentruar jemi për tu bërë kampion, ne jemi gati të luftojmë sërish për ti bërë tifozët tanë krenar me ekipin. Shpresoj të bëjmë rezultat të mirë këtë javë kundër Sileksit dhe të luftojmë për të fituar ndeshjen. Secilën ndeshje e marrim si finale dhe jemi gati të luftojmë sërish” tha Adamu Alhassan.
Një ndeshje tepër e rëndësishme do të zhvillohet në stadiumin e qytetit në Gostivar , mes ekipit Besa të Dobërdollit dhe Gostivarit. Pas vizitës që i kanë bërë presidenti Muhamed Tairi, së bashku me Izair Eminin dhe Bujar Kadriji, të cilët e kanë shprehur mbështetjen e tyre maksimale për ekipin, ndaj edhe kundër Gostivarit mund të pritet një kthesë sa i përket rezultatit, Në tre takimet tjera të javës së 20-të takohen: AP Brera – Shkupi, Tikveshi – Pelisteri, dhe Rabotniçki – Voska Sport. Të gjitha ndeshjet fillojnë në ora 14:00.
Shkëndija e Tetovës, Drita e Gjilanit dhe Dinamo City e Tiranës në përballjet e sontme evropiane sonte paritetit të paraqiten denjësisht për të prezantuar futbollin shqiptar dhe për të arritur sukses historik
Tri skuadra shqiptare, Shkëndija, Drita dhe Dinamo City, do të zbresin sonte në fushë për ndeshjet e para të ‘play-off’-it në garat evropiane, me synimin për të shkruar historinë e tyre.
Shkëndija e Tetovës, e cila synon të kalojë për herë të parë në fazën e grupeve të Ligës së Evropës. Skuadra tetovare sonte për herë të katërt garon në fazën e play off-it për kualifikim në grupet e Ligës Europa. Shkëndija sonte në arenën ‘’Todor Proeski{ me fillim në ora 20:00 do të përballet me skuadrën e njohur bullgare, Ludogorets i Razgradit.
Dinamo City e Tiranës, që nën drejtimin e trajnerit Ilir Daja që eliminoi gjigantin kroat Hajduk Split, sonte nga ora 20:15 në kuadër të ‘play-off’-it të Ligës së Konferencës është mysafire ekipit Jagiellonia e Byalistokut në Poloni.
Ndërkaq në stadiumin “Fadil Vokrri” në Prishtinë, skuadra gjilanase e drejtuar nga Zekirija Ramadani do të përballet me Differdange 03 nga Luksemburgu, me fillim nga ora 20:00. Drita e njeh mirë këtë kundërshtar, pasi e kishte eliminuar në rrethin e parë kualifikues të Ligës së Kampionëve këtë verë.
Tre skuadrat shqiptare sonte kanë për detyrë që në nivelin më të mirë të mundshëm për prezantohen në futbollin evropian, pasi suksesi i tyre sjell benifite për futbollin në Maqedoninë e Veriut, Shqipëri së dhe Kosovës.
Shaban Sinani – TV Koha
Atdhe Mazari është prurja më e re në ekipin e Shkëndijës. Ai është i huazuar për 1 vjet nga ekipi kroat NK Varazhdin. Debutimi i tij për ekipin tetovar mund të ndodhë të dielën kundër Arsimit të Çegranit
Klubi i futbollit Shkëndija vazhdon me kompletimin e ekipit me lojtar të ri gjatë këtij afati kalimtar. Kështu që nga dita e djeshme pjesë e ekipit kuqezi është sulmuesi 24 vjeçar Atdhe Mazari i cili i është produkt i moshave të reja të Shkëndijës, ku kaloi një periudhë, derisa përmes kalitjes në ekipe të ndryshme, ai mori përvojën e parë në kategorinë e sendorëve si në Struga Trim Lum, Ohri , Pobeda dhe Rabotniçki dhe së fundit edhe në NK Varazhdin prej ku edhe është huazuar deri më 30 qershor 2026. Pas arritjes së marrëveshjes me ekipin kuqezi Atdhe Mazari për kanalin zyrtar të klubit i emocionuar ka deklaruar
“Realisht ndjenja është mjaftë e bukur të jesh pjesë e Shkëndijës dhe është një privilegj i madh të jesh pjesë e këtij klubi që ka histori dhe traditë shumë të madhe, ku këtë e ka treguar në 10 vitet e fundit. Mendoj se jo rastësisht është ky sukses edhe në Europë, i cili është historik për Shkëndijën dhe për gjithë vendin tonë” deklaroi Atdhe Mazari
Mazari ka fatin që ekipit ti bashkëngjitet në momentin ku klubi ka të siguruar së paku fazën e grupeve në Konferencë Liga duke premtuar se do të jep maksimumin
“Sigurisht përgjegjësia është shumë më e madhe tani sepse nuk ka kohë shumë për të humbur. Shkëndija ka shumë ndeshje tani dhe tek të gjitha duhet të jepet maksimumi si në kampionat ashtu edhe në Europë.” tha Mazari
Përforcimi i kuqezive thotë se te skuadra kuqezi ka ardhur për dy qëllime titulli kampion dhe suksese në Europë.
“Patjetër se po, nuk diskutohet kjo gjë të kesh këtë mundësi të artë, pasi e dimë se sa herë mund të të vjen kjo mundësi dhe tani duhet të shfrytëzohet në maksimum dhe mendojë se të gjithë së bashku do të ia arrijmë qëllimit. Unë kam ardhur këtu për dy qëllime, e para është, titulli kampion të mbetet sërish në Tetovë dhe një sezon sa më të gjatë në Europë dhe kjo është shumë e rëndësishme për mua dhe gjithë klubin” deklaroi Mazari
Mbetet dilema se Atdhe Mazari do të jetë përforcimi i fundit i ekipi apo do të sjellin edhe ndonjë futbollist tjetër cilësor ashtu siç flitet në opinion. Prurja më e re ekipit të Shkëndijës mund të debutoj në ndeshjen e javës së tretë të kampionatit të ri para tifozëve vendas kundër Arsimit të Çegranit
Një episod i shëmtuar ndodhi më 12 gusht në Shën Petersburg, gjatë ndeshjes së fazës së grupeve të Kupës së Rusisë mes Zenitit dhe Rubinit të Kazanit. Sulmuesi shqiptar i Rubinit, Mirlind Daku, u bë objekt i thirrjeve fyese nga tifozët vendas, duke shkaktuar reagime të forta në opinionin sportiv.
Kreu i Komitetit të Kontrollit dhe Disiplinës të Federatës Ruse të Futbollit (RFU), Artur Grigoryants, konfirmoi për agjencinë “RIA Novosti” se rasti do të shqyrtohet zyrtarisht:
“Do të analizojmë episodin me brohoritjet ofenduese të tifozëve të Zenitit, të drejtuara ndaj futbollistit të Rubinit, Mirlind Daku”, tha Grigoryants.
Ndeshja përfundoi me fitoren 3-0 të Zenitit, ndërsa Daku arriti të shënonte një gol që më pas u anulua pas ndërhyrjes së VAR-it. Kujtojmë se gjatë verës Zeniti kishte shfaqur interes për transferimin e 27-vjeçarit shqiptar, por marrëveshja nuk u finalizua dhe Rubin vendosi t’i rinovojë kontratën.
Mbledhja e Komitetit Disiplinor do të zhvillohet më 20 gusht, ku pritet të merret një vendim për sjelljen e tifozëve të Zenitit.
22 persona në një azil pleqsh në Berovë kishin të vjella dhe diarre, u helmuan nga ushqimi me “Esheria koli”
PREKËSE/ “Të dua, por më shiko në sy dhe më premto se nuk do të më vrasësh kurrë”, postimi i Gazmentit drejtuar pasionit që i ndërpreu jetën në lule të rinisë
Nëna e detyronte vajzën e mitur të lypë rrugëve, merrë padi penale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi3 years ago
Zyra e Avokatit të Popullit në Tetovë sot do të jetë e hapur
-
Lajme nga vendi3 years ago
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
-
Lajme nga vendi3 years ago
Kovaçevski paralajmëroi drejtor të ri të Drejtorisë për Zbatimin e Sanksioneve