Lajme nga vendi
Dhuna në spitale gjithnjë në rritje,reagon shoqata e mjekëve
Rastet kur pacientët sulmojnë mjekët dhe rrahjet ndërmjet mjekëve janë bërë përditshmëri nëpër spitalet tona. Të shumta janë rastet e këtilla që denoncohen në polici, si pasojë e pakënaqësive të mëdha lidhur me shërbimet mjekësore. Nga Shoqata e Mjekëve Shqiptarë në Maqedoninë e Veriut thonë se konfliktet dhe pakënaqësitë ndodhin si pasojë e sistemit të stërngarkuar në platformën “Termini Im”, numrit të lartë të pacientëve dhe personelit të pamjaftueshëm mjekesorë. Sipas kryetarit të kësaj shoqate Nevzat Elezi, mjekët në një orarë pune mund të kryejnë numër të caktuar të kontrolleve të pacientëve që kanë marrë udhëzime nga mjekët amë, ndërsa shkaku i numrit të madh të lëshimit të udhëzimeve me prioritet, e stërngarkon punën e mjekëve specialistë, prandaj edhe krijohen pakënaqësi. Në njërën anë mjeku nuk mund të arrijë që të kontrollojë të gjithë pacientët, në anën tjetër pacientët janë të pakënaqur se nuk mund të hyjnë të kontrollohen, dhe kjo krijon nervozizëm tek të dy palët që më pas edhe eskalon në dhunë. “Mjekët amë kanë për detyrë të udhëzojnë pacientët për në shëndetësinë sekondare respektivisht në spitalet klinike. Mirëpo, mjekët të cilët funksionojnë brenda spitalit, kanë termine të caktuara dhe ata deri në ora 14 i kanë terminet të stërmbushura dhe për pacientët tjerë nxjerrë termine rezerve pas dy ose tre muajve. Kur shkojnë pastaj te mjeku amë i cili u thotë se duhet pas dy ose tre muajve të bëjë kontrolle, ai si zgjidhje e merr marrjen e një udhëzimi me urgjencë sepse ka biseduar me mjekun në spital dhe këtu krijohen rradhët e pritjes për kontrolle tek specialistët.Mjekët amë edhe pse kanë penalizime nëse lëshojnë shumë udhëzime, megjithatë ata nuk mund të refuzojnë insistimin e pacientit kurse mjeku nuk mund të merr më shumë pacientë, dhe pritja pas derës e krijon këtë pakënaqësi dhe kaosi që më pas eskalon në dhunë”, thotë Nevzat Elezi, kryetar i Shoqatës së Mjekëve Shqiptarë në Maqedoninë e VeriutPor, Elezi ka edhe një mesazh për mjekët. Sidomos në repartet e fëmijëve por edhe në repartet tjera, sepse shpesh herë ndodhë që mjekët të kenë sjellje arogante me pacientët dhe kjo më pas eskalon në dhunë.“Sjellja duhet të jetë e ndërsjellë gjithsesi, por mjekët duhet t`I përmbahen betimit të hipokratit dhe për një pacient të shqetësuar por edhe për një prind të shqetësuar sjellja duhet të jetë e mirë.Nuk I ka fajet sistemi se ndonjë pacient ka ose nuk ka udhëzim a do të paguajë apo nuk do të paguajë.Prandaj, nëse ka mundësi që të kryhet një shërbim kërkoj nga kolegët që të kryhet ai shërbim, me qëllim që pacienti i shqetësuar të shërbehet kurse punët administrative më pas mund të kryhen përmes organeve tjera” tha Elezi.Poashtu, nga ana tjetër nga Shoqata e Mjekëve Shqiptarë në Maqedoninë e Veriut si faktorë të dhunës në spitale përmenden edhe streset e përditshme, rritja e çmimit, pacient që e kanë gjendjen e rëndë ekonomike, dhënia e udhëzimeve me urgjencë e përbëjnë mozaikun e sjelljeve të pahijshme nëpër spitale, si nga ana e personelit mjekësor poashtu edhe nga ana e pacientëve. Ndërkohë, ai thotë se me hapjen e urgjencës në kuadër të Spitalit Klinik në Tetovë janë reduktuar dukshëm endjet e pacientëve prej një reparti në repart tjetër.
Nga Ministria e Transportit njoftojnë se kanë nisur procedurën për nënshkrimin e Marrëveshjes për Transportin Ajror me Mbretërinë e Arabisë Saudite. Nga Ministria thonë se qëllimi i marrëveshjes është krijimi i një kornize ligjore që do të mundësojë hapjen e linjave ajrore të rregullta mes Maqedonisë dhe Arabisë Saudite.
“Duam të theksojmë se deri më tani, nuk ka pasur transport ajror ndërmjet të dy vendeve. Marrëveshja krijon kushte liberale dhe fer për veprimtarinë e operatorëve ajrorë, duke nxitur konkurrencën, uljen e çmimeve për udhëtarët, si dhe mundësinë për ofrimin e shërbimeve të reja dhe më cilësore. Në të njëjtën kohë, Marrëveshja garanton nivelin më të lartë të sigurisë dhe mbrojtjes në transportin ajror, në përputhje me standardet ndërkombëtare. Maqedonia dhe Arabia Saudite mbajnë marrëdhënie miqësore, me angazhim të përbashkët për avancimin e bashkëpunimit ekonomik dhe tregtar, rritjen e investimeve, si dhe thellimin e bashkëpunimit në fusha të tjera me interes të përbashkët”, thonë nga Ministria e Transportit.
Nga MT thonë se pritet që krijimi i linjave ajrore të rregullta mes të dy vendeve të kontribuojë në rritjen e bashkëpunimit ekonomik, turizmit, shkëmbimit tregtar dhe marrëdhënieve bilaterale në përgjithësi.
Lajme nga vendi
SPB-Tetovë, janë konfiskuar tre automjete për shkak se vozitësit nuk kanë patur leje drejtimi
Gjatë ditës së djeshme, sipas njoftimit të SPB-Tetovë, janë konfiskuar tre automjete për shkak se vozitësit nuk kanë patur leje drejtimi. SPB-Tetovë njofton se gjatë kontrolleve policore janë sanksionuar 24 drejtues mjetesh (Tetovë-21 dhe Gostivar-3) për parkim të parregullt, ndërsa 17 automjete në Tetovë janë marrë me automjetin special “merimangë”. Janë sanksionuar edhe 52 lloje të tjera të kundërvajtjeve në komunikacion në Tetovë 35 kurse në Gostivar – 17.
Dje në ora 13:30, zyrtarë policorë nga SPB Tetovë kanë privuar nga liria një 26-vjecar nga Tetova, i cili dyshohet se më datë 05 shkurt ka kryer “vjedhje të rëndë” në mënyrë të pacipë.
Dje në ora 10:10, në SPB Tetovë është raportuar se në një fabrikë në Tetovë, gjatë kryerjes së detyrave të punës, një 46-vjecar nga Tetova, ka pësuar lëndime të rënda trupore. Ai është dërguar në një spital privat në Shkup për ndihmë mjekësore. Nga ana e ekipit të SPB Tetovë dhe një inspektori nga Inspektorati Shtetëror i Punës është kryer ekspertiza e vendit të ngjarjes.
……
Dje në ora 13:20, në DPB Gostivar është raportuar se në Qendrën Urgjente në Gostivar është pranuar një 50-vjecar me lëndime, i cili është lënduar gjatë vendosjes së roletave në një shtëpi në fshatin Gradec.
……
Dje në ora 11:00, në rrugën “Banjeshnica” në Gostivar, gjatë asistimit të Qendrës Mjekësore Gostivar për dërgimin e një 35-vjecari në një institucion psikiatrik është sulmuar fizikisht një zyrtar policor. Pas dokumentimit të rastit do të vijë parashtresa përkatëse.
……
Dje në ora 20:00, në SP Gostivar, një 38-vjecar nga Gostivari ka denoncuar se vajza e saj 16-vjeçare, në afërsi të një shkolle të mesme në Gostivar, është sulmuar me një send metalik nga një person, i cili i ka dëmtuar edhe telefonin.
……
Buetini I SPB-Tetovë shënon edhe dy aksidente, njëri në rrugën lokale Tetovë – Trebosh, kurse tjetri në rrugën lokale në Gradec. Personat e aksidentuar janë dërguar nëpër spitale.
Me perëndimin e diellit këtë mbrëmje nis muaji i shenjtë i Ramazanit – muaji i agjërimit, përkushtimit dhe mëshirës. Dita e parë e agjërimit do të jetë të enjten, më 19 shkurt, ndërsa namazi i parë i teravisë falet sonte, më 18 shkurt.
Qytetet tona tashmë kanë marrë pamjet festive në pritje të muajit të bekuar të Ramazanit.
Edhe këtë vit, qyteti i Gostivarit është zbukuruar me dritat festive duke krijuar një atmosferë të veçantë për besimtarët dhe të gjithë qytetarët.
Vendosja e dekorimeve festive tashmë është bërë traditë në Gostivar gjatë muajit të Ramazanit, duke reflektuar frymën e bashkëjetesës, respektit dhe harmonisë ndërmjet komuniteteve në qytet.
Myftinia e BFI – Tetovë ka njoftuar opinionin mbi organizimin e jetës fetare gjatë muajit të bekuar të Ramazanit.
Në këtë mënyrë është shpërndarë edhe një njoftim nga Bashkësia Fetare Islame e Maqedonisë së Veriut (BFI) ka thuhet se namazi i teravisë në të gjitha institucionet fetare do të falet me 20 rekate.
Por, Muftinia e Tetovës jep edhe sqarime për Namazin e Sabahut dhe Teravisë.
Gjatë muajit të Ramazanit, namazi i sabahut do të falet 20 minuta pas kohës së Imsakut, kurse Namazi i Teravisë, për t’u lënë kohë besimtarëve pas iftarit, do të falet 2 orë pas thirrjes së ezanit të akshamit (Iftarit).
Ndërkohë, përmes Mesazhit për Muajin e Bekuar të Ramazanit, kreu I BFI-së, Shaqir ef. Fetai, bën thirrje për unitet e solidaritet.
REISUL ULEMA H. HFZ. SHAQIR EF. FETAI – KRYETAR I BFI-së
“Le ta fillojmë këtë Ramazan me vendosmëri për ndryshim të vërtetë. Le ta përdorim këtë muaj për pajtim me Allahun përmes pendimit të sinqertë dhe për pajtim me njëri-tjetrin përmes faljes dhe mirëkuptimit. Le ta bëjmë sinqeritetin themel të çdo veprimi dhe përgjegjësinë kriter të çdo vendimi.
Lusim Allahun e Madhëruar që ky Ramazan të jetë muaj pastrimi të zemrave, forcimi të besimit dhe ngritjeje morale për secilin prej nesh:
– Që zemrat tona të pastrohen nga çdo barrë e panevojshme.
– Që familjet tona të mbushen me qetësi dhe mirëkuptim.
– Që Bashkësia jonë të forcohet në unitet dhe përgjegjësi institucionale.
– Që vendi ynë të begatohet me paqe, drejtësi dhe stabilitet”
Në aspektin e mbulimit mediatik të Ramazanit, këtë vit, emisionet e Ramazanit vijnë në një format krejtësisht ndryshe! Myftinia e BFI Tetovë prezanton podcast-in “Reflektime Ramazani”, një rrugëtim shpirtëror prej 29 ditësh me 29 mesazhe të zgjedhura.
Gjatë këtij muaji të bekuar, do të keni mundësinë të përfitoni nga hoxhallarët dhe njerëz tjerë të dijes, të dëshmuar për kontributin e tyre në shoqëri.
Emisionet do të transmetohen për cdo ditë para Iftarit në Tv Koha
dhe në kanalin zyrtar të Myftinisë së Tetovës në Facebook dhe YouTube.
Sipas kalendarit islam, Ramazani është muaji i nëntë dhe konsiderohet një nga periudhat më të rëndësishme për besimtarët myslimanë. Agjërimi është një nga pesë shtyllat e Islamit dhe paraqet obligim për çdo burrë dhe grua myslimane të rritur, duke filluar nga agimi deri në perëndim të diellit. Në këtë muaj filloi edhe shpallja e Kuranit, në Natën e Kadrit – nata më e bekuar e vitit.
Muaji i Ramazanit do të përmbyllet me festën e Fitër Bajramit, e cila sivjet bie të premten, më 20 mars.
Maqedonia nis procedurat për linjë ajrore direkte me Arabinë Saudite
SPB-Tetovë, janë konfiskuar tre automjete për shkak se vozitësit nuk kanë patur leje drejtimi
NIS MUAJI I RAMAZANIT – NË RRITJE ORGANIZIMET FETARE!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
