Qeveria e Maqedonisë së Veriut ka njoftuar se më 30 qershor dhe 1 korrik 2025, në Shkup, do të mbahet takimi i liderëve BE–Ballkani Perëndimor, i kushtuar Planit për Rritje.

“Më 30 qershor duke filluar nga ora 16:00, do të mbahet takim tet-a-tet ndërmjet Kryetarit të Qeverisë së Republikës së Maqedonisë së Veriut, Hristijan Mickoski, dhe Komisioneres për Zgjerim, Marta Kos, pas së cilës do të pasojë një takim bilateral me delegacione në format më të zgjeruar”, thuhet në njoftim

Në orën 9:30 parashikohet mbërritja dhe pritja zyrtare e liderëve të Ballkanit Perëndimor. Në orën 10:00 do të fillojë paneli i parë kushtuar Planit për Rritje të Ballkanit Perëndimor.

Fjalime hyrëse do të mbajnë kryeministri Hristijan Mickoski dhe komisionerja për Zgjerim, Marta Kos.

Plani për Rritje për Ballkanin Perëndimor prej 6 miliardë eurosh u miratua nga Komisioni Evropian me 8 nëntor 2023. Ai bazohet në katër shtylla: forcimi i integrimit ekonomik në tregun unik të BE-së; forcimi i integrimit ekonomik brenda Ballkanit Perëndimor përmes tregut të përbashkët rajonal; përshpejtimi i reformave fundamentale dhe rritja e asistencës financiare për të ndihmuar reformat. Për Maqedoninë e Veriut janë të dedikuara 750 milionë euro./Kosovapress

Advertisement

Më së voni deri në fillimt të javës së ardhshme do të asfaltohet edhe pjesa tjetër e Bulevardit “Boris Kidriç” në Tetovë. Kështu kanë bërë të ditur nga Komuna e Tetovës, prej nga njoftojnë se edhe në këtë pjesë të bulevardit janë kryer të gjitha punët ndërtimore që kanë të bëjnë me infrastrukturën nëntokësore. Së fundmi është bërë edhe tamponimi i trasesë dhe tashmë mund të fillojë asfaltimi, thonë nga Komuna e Tetovës.

“ Momentalisht në bulevardin “Boris Kidriç” në Tetovë është asfaltuar vetëm njëri krah I rrugës, të enjten është bërë tamponimi i krahut tjetër dhe besojmë se në fund të kësaj jave ose në fillim të javës së ardhshme do të fillojmë me asfaltimin e krahut tjetër të rrugës. Aktualisht do të bëhet vetëm njëra fazë e asfaltimit dhe rruga do të lëshohet për qarkullim, pasi që dihet se në këtë periudhë vijnë mërgimtarët dhe nëse mbetet i mbyllur ky bulevard mund të krijohet kaos. Është ky një veprim që të mos ketë kaos dhe veturat të qarkullojmë lirshëm, ndërsa më pas do të vijohet edhe me fazën e dytë të asfaltimit”, deklaroi Albion Alili, zëdhënës i komunës së Tetovës.

Nga Komuna e Tetovës kanë pranuar se ka pasur vonesa për përfundimin e këtij bulevardi në kohë.

“ Ka pasur vonesa për shkak të kohës së papërshtatshme gjatë dimrit dhe rrethanave tjera të ndryshme por besojmë se brenda dy javësh ky bulevard do të jetë I qasshëm për qytetarët”, tha zëdhënësi Alili.

Faza e parë e këtij projekti ka kushtuar mbi 5 milionë denarë, ndërsa faza e dytë mbi 7 milionë denarë apo rreth 200 mijë euro gjithsej. Në kohën kur janë promovuar fillimet e punëve në këtë bulevard, nga Komuna e Tetovës njoftuan se gjatësia e bulevardit është 350 metra, kurse gjerësia është 25 metra. Sipas paralajmërimeve do të ketë në të dy anët e korsisë së rrugës do të ketë trotuare me nga dy metra, rrugët do të jenë nga tre metra, po ashtu është paraparë edhe gjelbërim, shëtitorja do të jetë 4.5 metra dhe dy shtigje për biçikleta me nga dy metra./TV KOHA/

Advertisement

Drunj të rrëzuar mbi vetura, në disa rrugë të Tetovë. Këto janë pamjet nga rreshjet e shiut që përfshinë rajonin e Pollogut në orët e pasditës.  Reshjet e shiut janë përcjellur edhe me stuhi të fuqishme duke shkaktuar dëme edhe në qytet por edhe në rajonin më të gjërë të Pollogut. Nga pamjet që arritën në redaksinë tonë, shihen drunj që kanë rrënë mbi vetura të parkuara, ndërsa njoftohet se mënëjeherë në vendngjarje kanë dalur ekipet e zjarrfikësve të Tetovës për të sanuar gjendjen e krijuar pas rreshjeve të dendura të shiut. Imazhi i radarit tregon një situatë atmosferike aktive mbi pjesën perëndimore dhe qendrore të Maqedonisë, me praninë e reshjeve të rrëmbyeshme, stuhive dhe breshër të mundshëm. Në redaksinë tonë arritën edhe pamjet nga breshëri që sot kaploi disa rajone të Kosovës. Apelohet për më shumë kujdes gjatë orëve të mbrëmjes.