Lajme nga vendi
Së shpejti takimi kokë më kokë Ahmeti – Mickoski, çfarë po sinjalizohet?
Kryetari i Bashkimit Demokratik për Integrim (BDI), Ali Ahmeti, ka bërë të ditur se do të zhvillojë një takim tet-a-tet me kryeministrin dhe liderin e VMRO-DPMNE-së, Hristijan Mickoski, me fokus sigurimin e shumicës së nevojshme prej dy të tretash për projektin “Qyteti i Sigurt”, Ligjin për Kundërvajtje dhe çështjet që lidhen me zbatimin e parimit të Badenterit në Gjykatën Kushtetuese.
Pas përfundimit të takimit të liderëve parlamentarë, Ahmeti theksoi se për çështje të ndjeshme si shfuqizimi eventual i qeverisë teknike, duhet të përfshihet edhe bashkësia ndërkombëtare, përcjell INA.
“Duhet të kërkohet qëndrim nga Bashkimi Evropian dhe Ambasada e Shteteve të Bashkuara në vend,” deklaroi ai.
Lidhur me sistemin “Qyteti i Sigurt”, Ahmeti tha se BDI në parim e mbështet projektin, duke theksuar se ai është iniciuar që para një dekade, por se duhet të shqyrtohen amendamentet e dorëzuara në Kuvend.
“Për këtë mbetet që koordinatorët e grupeve parlamentare të takohen dhe të gjejnë një zgjidhje të pranueshme,” shtoi ai.
Një tjetër temë e hapur në diskutime ka qenë reforma zgjedhore. Ahmeti konfirmoi se është biseduar për modelin me një njësi zgjedhore, duke theksuar se BDI nuk është kundër këtij koncepti, por ka kushte të qarta.
“Nuk jemi kundër një njësie zgjedhore, por kërkojmë lista të hapura dhe prag minimal zgjedhor prej 5 për qind. Po ashtu, duhet të shqyrtohen edhe modalitetet e votimit të diasporës,” tha lideri i integristëve.
Ai shtoi se nevojiten konsultime shtesë për Kodin Zgjedhor dhe paralajmëroi diskutime të tjera me kryeministrin.
“Gjithashtu diskutuam se duhet të bëhen konsultime shtesë për Kodin Zgjedhor, me çka ne pajtohemi që të ketë një njësi zgjedhore. Kam edhe pika të tjera për të cilat duhet t’i diskutoj me kryeministrin Hristijan Mickoski në një takim tjetër,” deklaroi Ahmeti.
Takimi i paralajmëruar mes Mickoskit dhe Ahmetit po vlerësohet nga qarqet politike si një zhvillim i i ri interesant, dhe se a po sinjalizohet ndonjë përafrim midis këtyre dy subjekteve politike, pas një polarizimi të ashpër midis tyre.(INA)
Në ndeshjen e parë kontrolluese që zhvillohet në kuadër të përgatitjeve për pjesën pranverore Shkëndija mundi AP Brerën me rezultatin 3-0
Shkëndija e Tetovës në kuadër të përgatitjeve për pjesën pranverore të kampionatit, krahas seancave intensive stërvitore, sot zhvilluan edhe kontrolluesen e parë me ekipin AP Brera nga Strumca. Në ndeshjen e parë kontrolluese që sot u zhvillua në terrenin e kompleksit sportiv të FFM-së në Shkup, pas 90 minutave lojë ku trajneri Jeton Beqiri në lojë inkuadroi pjesën më të madhe të lojtarëve që ka në disponim ndeshja përfundoi me rezultatin 3-0
Autor të golave për ekipin kuqezi ishin Atdhe Mazari në pjesën e parë , ndërsa Besart Ibraimi realizoi dy gola në pjesën e dytë
Shkëndija pas kësaj ndeshje të shtunën do të zhvendoset në Antalia të Turqisë ku do të vazhdoj fazën kryesore të përgatitjeve deri më 1 shkurt ku parashihen edhe katër ndeshje kontrolluese ndërsa e para është më 20 janar kundër ekipit ukrainas Oleksandrya.
Shaban Sinani – TV KOHA
Kryetari i njërit krah të Aleancës për Shqiptarët, Arben Taravari, deklaroi se ish-bashkëpartiaku i tij, Ziadin Sela, si dhe kryetari i Partisë Demokratike Shqiptare, Menduh Thaçi, po qëndrojnë “para derës së Qeverisë”, duke pritur të bëhen pjesë e kabinetit qeveritar.
“E shihni, Sela dhe Menduh po qëndrojnë para derës së Qeverisë, ndërsa unë në vitin 2024 e lashë Qeverinë për të sjellë ndryshim. E lashë Ministrinë e Shëndetësisë për shkak të përgjegjësisë. Po ashtu, mendova se ishte e arsyeshme të zhvilloja partinë. Brenda VLEN-it ka sa të duash thika pas shpine, shqiptarët nuk po avancojnë, ndërsa eurointegrimi nuk shihet askund. Dy herë e lashë Qeverinë dhe sakrifikova shumë, por nuk e dija se ka njerëz që japin gjithçka vetëm për poste,” tha Taravari, ndër të tjera, në emisionin “Klik Plus”.(INA)
SHKËNDIJA ME FITORE NISI CIKLIN E NDESHJEVE KONTROLLUESE
Në Zvicër nis gjyqi ndaj imamit biznesmen nga Kosova! Dyshohet për mashtrim, pastrim parash dhe evazion fiskal
ASH (Sela): Kur vasali, Taravari akuzon për veprimet që i bën vetë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
