Sistemi “One Stop Shop” së shpejti do të operacionalizohet edhe në vendkalimet kufitare Qafë Thanë, Bllacë dhe Shën Naum, u përgjigj zëvendëskryeministri Bekim Sali në një pyetje parlamentare të deputetes Arbana Pasholli, e cila kërkoi vënien në funksion të sistemit për kontrolle të përbashkëta kufitare në vendkalimin Bllacë–Dibër.

Sipas zëvendëskryeministrit Sali, ruajtja e marrëdhënieve të mira me fqinjët është një nga politikat e kabinetit qeveritar.

“Qeveria nuk e ka mbyllur procesin që pritej prej kohësh për lehtësimin e lëvizjes së qytetarëve mes dy vendeve fqinje. Siç dihet, faza e parë e lehtësimit të lëvizjes ishte me sistemin One Stop Shop në Tabanovcë, ndërsa për disa ditë me Republikën e Shqipërisë do të operacionalizohet pjesa për lëvizjen e qytetarëve në Qafasan, në Bllacë dhe Shën Naum. Kjo Qeveri i qaset seriozisht kësaj teme dhe ruajtja e marrëdhënieve të mira me fqinjët është një nga politikat dhe përcaktimet tona programore”, u përgjigj Sali.

Deputetja Arbana Pasholli shprehu pakënaqësi ndaj përgjigjes, për shkak të, siç tha, mungesës së afateve të përcaktuara dhe fillimit të këtij sistemi të kontrolleve të përbashkëta kufitare. përcjell Zhurnal.mk .

“Do t’i pëlqejë dikujt apo jo, Ligji për gjuhët do të zgjidhet”, tha kryetari i Gjykatës Kushtetuese, Darko Kostadinovski, në një intervistë për TV Sitel, duke theksuar se çështja do të marrë epilog pasi Gjykata të kompletohet. Ai i hodhi poshtë akuzat për mbivotim etnik dhe majorizim, duke nënvizuar se gjyqtarët vendosin mbi bazë të Kushtetutës dhe argumenteve juridike, e jo sipas përkatësisë etnike.

“Unë kam thënë se nuk ka kompromise me askënd në lidhje me zgjidhjen. Ky rast do të zgjidhet, i pëlqeu dikujt apo jo, sepse do të zgjidhet dhe askush nuk duhet të ketë frikë nga zgjidhja e tij. Shpesh dëgjojmë kritika ndaj Gjykatës Kushtetuese për mbivotim etnik, për majorizim, ka përfaqësues që kërkojnë parimin e Badenterit në Gjykatën Kushtetuese dhe për këtë kam shprehur qëndrimin tim. Ne aty, pa marrë parasysh etninë – as gjyqtarët shqiptarë, as gjyqtarët maqedonas – nuk jemi aty për të mbrojtur afilacionet etnike. Kemi një detyrë të thjeshtë… Për fat të keq, pavarësisht akuzave, më së shpeshti faktori politik shqiptar akuzon shumicën e gjyqtarëve maqedonas për majorizim. Unë shpesh pyes: le të shohim cilat janë argumentet juridike dhe kushtetuese të kolegëve tanë, e cilat janë etnike. Nuk është e vërtetë, është e kundërta!”, theksoi Kostadinovski. përcjell Zhurnal.mk .

Vlerësimi i testeve të Maturës Shtetërore dhe përpunimi i të dhënave janë në vazhdim e sipër, ndërsa rezultatet do të publikohen jo më vonë se 11 korriku. Për të dytin vit radhazi, provimi i maturës u zhvillua në hapësira të mëdha, si amfiteatro, salla dhe korridore, me qëllim që procesi të jetë sa më objektiv.

Megjithatë, sipas drejtoreshës së Qendrës Shtetërore të Provimeve, Daniela Jovçevska Mihajllovska, gjatë sesionit të qershorit janë zbuluar rreth 60 nxënës që përdornin telefona celularë gjatë provimit.

“Rezultatet do të shpallen jo më vonë se 11 korriku, pra një muaj pas provimit të fundit ekstern. Sesioni i radhës i provimeve do të mbahet në gusht. Gjatë testimit në qershor, rreth 60 nxënës u kapën me telefona celularë dhe u larguan nga provimi. Testet e tyre janë anuluar, që do të thotë se janë vlerësuar me notën një. Nëse nuk kanë pasur sjellje të papërshtatshme ndaj testuesve ose vëzhguesve, do të kenë mundësi ta japin provimin në gusht. Në të kundërtën, do t’u ndalohet pjesëmarrja në afatin e gushtit dhe do të mund ta japin provimin vetëm vitin e ardhshëm”, deklaroi Jovçevska Mihajllovska për Meta.

Më 6 qershor, maturantët iu nënshtruan provimeve nga gjuha angleze, gjermane, franceze, italiane ose ruse, si dhe matematikë, varësisht nga zgjedhja e tyre. Ndërkaq, provimi i dytë ekstern në gjuhën amtare u mbajt më 11 dhe 12 qershor.

Këtë vit, Matura Shtetërore, Matura Profesionale Shtetërore dhe Matura Artistike Shtetërore po zhvillohen sipas një koncepti të ri, me programe të modifikuara për nxënësit e arsimit profesional dhe artistik. Ndryshe nga vitet e kaluara, testet nuk janë të njëjta për të gjithë nxënësit, pasi për herë të parë provimet po zhvillohen sipas kurrikulave të veçanta për arsimin e përgjithshëm, profesional dhe artistik.

Advertisement

Tre vjet më parë, rreth 3.100 nxënës u kapën duke kopjuar në provimin e gjuhës angleze. Kjo u konstatua nga vlerësuesit gjatë procesit të kontrollimit të testeve.

“Ata përdorën plagjiaturë nga faqe të ndryshme interneti dhe u identifikuan përmes krahasimit të eseve. Esetë e kopjuara u vlerësuan me zero pikë. Megjithatë, testi përmbante edhe pyetje me alternativa dhe detyra të tjera që vlerësoheshin. Nxënësit që nuk e kaluan provimin kishin të drejtë ta përsërisnin atë në afatin e gushtit”, kishte deklaruar atëherë drejtoresha e QSHP-së, Bllagica Pavllovska.

Matura Shtetërore mbetet kusht për regjistrim në fakultet. Nxënësit që kalojnë Maturën Profesionale Shtetërore do të mund të regjistrohen në programe profesionale përkatëse, ndërsa ata që përfundojnë Maturën Artistike Shtetërore do të kenë mundësi të vazhdojnë studimet në fushat profesionale artistike.