Parkingu në Qendrën Klinike vazhdon të jetë sfidë për pacientët po edhe për të punësuarit. Edhe pse është premtuar disa herë zgjidhje, ajo nuk erdhi kurrë.

Për mungesën e vendparkimeve biseduam me disa qytetarë, të cilët kishin ardhur në Qendrën Klinike “Nënë Tereza” për të marrë shërbime shëndetësore. Ata thonë se gjetja e një vendi për parkim është bërë një sfidë e përditshme, duke u shkaktuar vonesa në arritjen e termineve të caktuara tek mjeku.

Sipas tyre, në shumë raste u duhet të kalojnë më shumë se 30 minuta duke kërkuar një vend të lirë për të parkuar automjetin.

Këtu, me të vërtetë, është problem i madh të gjesh parking, por disi gjindemi, humba më shumë se gjysmë ore, deri sa gjeta parking.

Po, ka çdoherë, pasi që vi çdo muaj për të marrë shërbime shëndetësore, gjithnjë kam problem, shëtitem mbi gjysmë ore për të gjetur vend të lirë për parkim.

Advertisement

Shumë rëndë, humba gjysmë ore për të gjetur vend të lirë për t’u parkuar

Përveç ankesave, qytetarët kanë edhe kërkesa konkrete ndaj institucioneve kompetente. Ata vlerësojnë se ka ardhur koha që ky problem të marrë një zgjidhje përfundimtare, qoftë përmes krijimit të hapësirave të reja për parkim, qoftë me ndërtimin e garazheve në kate.

Të ndërtohet ndonjë garazh, këtu ka hapësirë, mund të bëhet një parking me kate.

Të bëhet zgjidhje me parking, këtu, të jetë i qasshëm në çdo kohë për secilin.

Duhet të ndërtohet parkingu, është koha që përfundimisht të zgjidhet problemi.

Advertisement

Zgjidhje për problemin e parkimit dhe kaosin që krijohet çdo ditë në Qendrën Klinike kanë premtuar pothuajse të gjithë ministrat e Shëndetësisë ndër vite. Megjithatë, pavarësisht premtimeve dhe paralajmërimeve për projekte të ndryshme, pacientët, familjarët e tyre dhe punonjësit vazhdojnë të përballen me të njëjtin problem./Tv Koha – Shkup/MEVLUDIN IMERI – GAZETAR

Në raportin e Departamentit Amerikan të Shtetit për trafikimin me qenie njerëzore në botë për vitin 2025, për Maqedoninë thuhet se autoritetet po bëjnë përpjekje të konsiderueshme, hetime, identifikim të viktimave dhe procedura të reja operative, por vendi ende nuk i përmbush plotësisht standardet minimale për eliminimin e trafikimit me qenie njerëzore.

Në raport thuhet se janë dënuar më pak trafikantë me qenie njerëzore, ndërsa Prokuroria për Ndjekjen e Krimit të Organizuar dhe Korrupsionit (PThNKOK) nuk kishte burime të mjaftueshme për t’i zgjidhur të gjitha rastet nën juridiksionin e saj.

Gjithashtu, Qeveria nuk ka ndarë mjete për ekipet mobile që çdo vit identifikojnë shumicën e viktimave të mundshme, pavarësisht angazhimeve të mëparshme për këtë çështje.

Sipas Organizatës Ndërkombëtare të Punës, në vitin 2021 rreth 27.6 milionë njerëz në mbarë botën jetonin në kushte të skllavërisë moderne. Format më të zakonshme të shfrytëzimit mbeten puna e detyruar dhe shfrytëzimi seksual, por trafikimi me qenie njerëzore përfshin edhe martesat e detyruara, skllavërinë në amvisëri, rekrutimin e fëmijëve ushtarë dhe trafikimin e organeve.

Këshilli i Evropës paralajmëroi se viktimat në Maqedoni shpesh përballen me procedura të gjata gjyqësore dhe administrative, gjë që e vështirëson më tej riintegrimin e tyre në shoqëri. Si një dukuri veçanërisht shqetësuese përmendet edhe martesa e detyruar e vajzave të mitura, e cila në raste të caktuara përbën formë të trafikimit me qenie njerëzore.

Advertisement

Ndryshe, Dita Botërore Kundër Trafikimit me Qenie Njerëzore shënohet çdo vit më 30 korrik, ndërsa Kombet e Bashkuara këtë vit ia kushtojnë temës “Të bllokuar pas mashtrimit”, me fokus te rastet gjithnjë e më të shpeshta kur njerëzit joshen me oferta të rreme pune dhe më pas detyrohen të marrin pjesë në mashtrime online dhe forma të tjera të krimit kibernetik.

Kjo ditë botërore u themelua në vitin 2013 me rezolutë të Asamblesë së Përgjithshme të OKB-së, me qëllim rritjen e ndërgjegjësimit publik për gjendjen e viktimave dhe promovimin e mbrojtjes së të drejtave të tyre.

Sot (30.07.2025), në periudhën prej orës 02:00 deri në 04:00, zyrtarë policorë nga SPB Tetovë – DPB Gostivar kanë kryer një kontroll aksion në dy objekte hotelerike në zonën e DPB Gostivar.

Gjatë kontrollit në fshatin Çegran të Gostivarit, rreth ores 02:00 është privuar nga liria njw 50-vjeçar nga fshati Forinë e Gostivarit. Ai, pasi ka vërejtur zyrtarët policorë para objektit, ka kyçur derën hyrëse dhe ka paralajmëruar të pranishmit të ikin, mirëpo pas një reagimi të shpejtë të zyrtarëve policorë në daljen e pasme, është parandaluar ikja e disa personave të gjinisë femërore – shtetase të huaja.

Ndërsa, në një objektin në zonën e Stacionit Policor të Gallatës, zyrtarët policorë kanë privuar nga liria njw 53-vjeçar nga Gostivari, pasi tek ai është gjetur marihuanë.

Gjatë kontrolleve në të dyja objektet, për shkak të keqpërdorimit të qëndrimit turistik, përkatësisht qëndrimit në kundërshtim me qëllimin, janë shoqëruar gjithsej 15 shtetase të huaja të moshës prej 19 deri në 40 vjeç nga Serbia, Shqipëria dhe Kolumbia, prej të cilave 11 në objektin në fshatin Çegran dhe katër në objektin në zonën e Stacionit Policor të Gallatës.

Të gjithë personat janë ndaluar në stacionin policor dhe pas dokumentimit të rastit do të pasojnë parashtresat përkatëse.

Advertisement