Nesër zyrtarisht  hapet edicioni i  20-të Lojërat Mesdhetare ‘’Taranto 2026’’  ku  pritet  të  marrin  pjesë  afro  5.000  sportistë  nga  26 vende. Maqedonia e Veriut  do të përfaqësohet  me  130  sportistë , Shqipëria  me  70 , ndërsa  Kosova me 163 sportistë.

Nga 21 gusht e deri më  3 shtator  mbahet  edicioni i 20-të i Lojërave Mesdhetare  ‘’Taranto 2026’’  ku  pritet  të marrin  pjesë  afro  5.000  sportist  nga  26 vende  nga Europa, Azia  dhe Afrika  të cilët do të garojnë në 32  sporte.

Në Lojërat e 20-ta  Mesdhetare Maqedonia e  Veriut do të përfaqësohet  me numër  rekord  prej 130 sportistëve që do të garojnë  në 19 sporte në mesin e të  cilave edhe në  katër sporte ekipore Volejboll për femra, hendboll për femra, futboll për  meshkuj dhe ekipi i basketbollit 3×3 të meshkujve.

Shqipëria do të marrë pjesë me 70 sportistë në 16 disiplina sportive. Në lojërat kolektive prezantohet me futbollin, ku kuqezinjtë e Alban Bushit janë në grup me Italinë, Kosovën dhe Algjerinë, në Atletikë do të prezantohet me Markelio Mema e Xhipsi Moreno në hedhje çekiçi, si dhe Franko Burraj në 200 e 400 metra.

Kosova do të shënojë pjesëmarrjen më të madhe në historinë e saj në Lojërat Mesdhetare, duke u paraqitur në edicionin Taranto 2026 me një delegacion rekord prej 163 sportistësh, të cilët do të garojnë në 21 disiplina sportive.

Advertisement

Në pritje të Lojërave, fokusi  ishte në përgatitjet cilësore, përkushtimin dhe mbështetjen për atletët   pjesëmarrës , të cilët me krenari do të mbrojnë ngjyrat e vendeve  prej nga  vijnë dhe do të promovojnë vlerat olimpike, sportivitetin dhe lojën e ndershme në skenën ndërkombëtare sportive.

Lojërat Mesdhetare, të cilat përherë të parë  janë  organizuar  para  75  viteve  në Aleksandri të Egjiptit janë  një ngjarje  me  shumë  sporte  që bashkon sportist  nga vendet e rajonit të Mesdheut.

Shaban Sinani – TV Koha

Federata e Futbollit e Maqedonisë ka vendosur të tërheqë mbështetjen e saj për kandidaturën e Gianni Infantinos për një mandat të ri si kreu i Federatës Botërore të Futbollit (FIFA).

Lidhur me këtë vendin, FFM ka dërguar edhe një njoftim zyrtar me shkrim:

“Pas takimit të presidentëve të shoqatave anëtare të UEFA-s me Presidentin dhe Komitetin Ekzekutiv të UEFA-s, Federata e Futbollit e Maqedonisë ka vendosur të tërheqë mbështetjen e saj për kandidaturën e Gianni Infantinos për rizgjedhje si President i FIFA-s për periudhën 2027–2031. FFM-ja ka dërguar një njoftim zyrtar me shkrim për vendimin.

Vendimi u mor pas shqyrtimit të kujdesshëm të zhvillimeve të fundit dhe mënyrës se si drejtohet FIFA, veçanërisht në aspektin e qeverisjes së mirë, integritetit institucional dhe transparencës në marrëdhëniet me federatat kombëtare.

FFM-ja beson se besimi, llogaridhënia dhe dialogu i hapur duhet të jenë themeli i qeverisjes së futbollit botëror. Interesat më të mira të futbollit dhe zhvillimi i tij duhet të vijnë gjithmonë në radhë të parë.

Advertisement

Si anëtare e UEFA-s, FFM-ja mbetet e përkushtuar fuqimisht ndaj parimeve dhe vlerave të përbashkëta të futbollit evropian dhe do të vazhdojë të qëndrojë së bashku me të gjitha federatat kombëtare që janë të përkushtuara për mbrojtjen, zhvillimin dhe promovimin e futbollit.

Ne mbetemi të përkushtuar për të bashkëpunuar me të gjithë partnerët tanë ndërkombëtarë, me një të vetëm “Qëllimi është të mbrojmë dhe promovojmë interesat e futbollit”,

Euforia ka kapluar tifozët dhe futbollistët e Dinamo City të Tiranës. Nëpër rrjete sociale është bërë virale një video ku shihet Presidenti i klubit, Ardijan Bardhi, I cili pasi ekipi I tij eliminoi Audan e Letonisë, kishte hyrë në zhveshtore me një qese përplot me të holla. Futbollistëve ua pagoi bonusin e plasmanit në Plej – Of dhe premtoi preminë prej 500.000 eurove nëse ekipi I tij kualifikohet në fazën e grupeve të Ligës së Konferencës.

Dinamoi  Siti në “Elbasan  Arena”  do të përballet me skuadrën Pafos  të  Qipros, që konsiderohet favorite, por futbollistëve të Tiranës nuk do t`u mungojë motivimi. Ndeshja Dinamo City – Pafos  luhet nesër me  fillim në ora 21:00.

Egnatia do të përballet këtë të enjte me Lillestrom, në ndeshjen e parë të “play-off” të Europa Liga .

Tashmë Rrogozhinasit janë vetëm 180 minuta larg grupeve të Europa Liga teksa ato të Ligës së Konferencës i ka siguruar. Por problem për kampionët e Shqipërisë  gjatë ndeshjeve evropiane,  në  fazën e  grupeve  ndeshjet nuk  do t`i luaj  në  Rogozhinë pasi “Arena Egnatia” nuk i plotëson kriteret për të qenë pritëse e ndeshjeve të fazës së grupeve, duke detyruar Egnatian të luajë në  “Elbasan Arena” apo  “Air Albania”.

Skuadra e  tretë  shqiptare  në  garat  evropiane  është  Drita e Gjilanit  e cila në  stadiumin ‘’Fadil Vokrri’’ në Prishtinë është  nikoqire  e ekipit Inter Eskaldes  nga Andora.

Advertisement

Drita tanimë me  trajnerin  Ardian Nuhiun   pretendon që për  të  dytën herë me radhë  të kualifikohen në  fazën e  grupeve   të  UEFA Konferencë Liga  ashtu  siç ndodhi edhe  sezonin e kaluar, Ndeshja  Drita – Inter  Eskaldes  luhet nesër mbrëma  me  fillim në ora  20:00.