Rezervat valutore në fund të nëntorit të këtij viti arritën në 4.862,2 milionë euro dhe krahasuar me muajin paraprak shënojnë një rritje prej 19 milionë eurosh, njoftoi Banka Popullore. Shumica e rezervave valutore janë plasuar në letra me vlerë (73,9%), më pas vijon ari monetar (16,4%) dhe valutat e depozitat (9,7%).

Rezervat valutore janë asetet financiare që një vend mban në dispozicion për të mbështetur stabilitetin e monedhës së tij dhe për të përballuar nevojat e jashtme të ekonomisë. Ato zakonisht përbëhen nga:

– Valuta të huaja – si euro, dollarë amerikanë, paund britanik, jen japonez etj.
– Ari monetar – ar i ruajtur në formë fizik ose në llogari ndërkombëtare.

– Letra me vlerë ndërkombëtare – obligacione dhe investime të sigurta në valutë të huaj.

– Depozita ndërkombëtare – para të mbajtura në banka jashtë vendit.
Qëllimi kryesor i rezervave valutore:

Advertisement

– Të mbrojnë kursin e monedhës vendase dhe të parandalojnë luhatjet e forta valutore.

– Të mundësojnë pagesat ndërkombëtare, si importet, shërbimet e borxhit të jashtëm dhe transaksionet me vendet e tjera.
– Të krijojnë besim te investitorët dhe bankat ndërkombëtare se vendi mund të përmbushë detyrimet e tij financiare.

Kryetari i Kuvendit, Afrim Gashi në Ditën Ndërkombëtare Kundër Korrupsionit ka shkruar se kjo ditë nuk është vetëm simbol por një kujtesë serioze se e ardhmja e vendit varet nga aftësia për të ndërtuar institucione të pastra me integritet dhe me llogaridhënie, përcjell Alfax.mk

“Në Ditën Ndërkombëtare kundër Korrupsionit, kujtojmë që kjo ditë nuk është vetëm simbol, por një kujtesë serioze se e ardhmja e një vendi varet nga aftësia e tij për të ndërtuar institucione të pastra, me integritet dhe me llogaridhënie.

Të mos harrojmë se korrupsioni as nuk luftohet i vetëm dhe as vetëm me ligje. Ai luftohet me kulturë integriteti, me shembull personal, me përgjegjësi politike dhe me ndërgjegje mbarëqytetare. Fitohet me refuzimin e indiferencës.

Prandaj, na takon të gjithëve misioni për një shtet ku drejtësia, transparenca dhe integriteti nuk janë aspirata abstrakte, por mënyra e vetme e funksionimit”, ka shkruar Gashi.

Moti sot në Maqedoni në orët e mëngjesit do të shoqërohet me mjegull në lugina. Gjatë ditës do të jetë kryesisht me diell dhe i qetë, përveç në pjesët juglindore ku do të fryjë erë e dobët deri mesatare nga veriperëndimi.

Temperatura minimale do të jetë në intervalin nga -2 deri në 5, ndërsa maksimale do të arrijë nga 9 deri në 15 gradë Celsius.

Në Shkup, në mëngjes në pjesë të luginës do të ketë mjegull të lehtë. Gjatë ditës me diell me vranësira të ulëta deri mesatare. Do të fryjë erë e dobët veriore. Temperatura minimale do të bjerë në 1, ndërsa maksimale do të arrijë 11 gradë Celsius.

Deri në fund të javës, Maqedonia e Veriut do të jetë nën ndikimin e presionit të lartë të ajrit, i cili do të shkaktojë mot të qëndrueshëm dhe relativisht të ngrohtë. Në disa lugina në mëngjes dhe natën do të ketë mjegull.