Për të tetën herë brenda pak muajsh, gjimnazi i Tetovës “Kiril Pejçinoviq” sot ka pranuar një mesazh për bombë. Alarmet e vazhdueshme kanë bërë që nxënësit të protestojnë para Stacionit Policor të Tetovës. Ata thonë se situata është bërë e padurueshme, pasi po humbin mësimin dhe janë të lodhur nga evakuimet e shpeshta.

“Si rrjedhojë e pakënaqësisë sonë me dukurinë e bombave të shpeshta, e cila ka ndodhur tetë herë në shkollën tonë dhe paraqet një indikator serioz të cenimit të mbarëvajtjes së mësimit, respektivisht të mosmbajtjes së mësimit, dëmi më i madh u shkaktohet nxënësve. Kjo për ne është e papranueshme dhe kërkojmë nga organet kompetente që të ndërmarrin masa të menjëhershme dhe serioze për mbarëvajtjen afatgjatë të procesit mësimor dhe për të parandaluar përsëritjen e këtyre dukurive.”

 “Kemi ardhur sot për të protestuar kundër policisë lidhur me alarmet për bomba. Çdo ditë po na lodhin me hyrje-dalje dhe nuk po mund të zhvillohet mësimi.”

“Alarmet e bombave në gjimnazin e Tetovës vërtet na kanë lodhur. Është hera e shtatë apo e tetë dhe situata ka eskaluar. Jemi të lodhur nga ajo që po ndodh në këtë gjimnaz.”

Ndërkaq, drejtori i gjimnazit e konsideron të papranueshme faktin që policia asnjëherë nuk merr përgjegjësi. Sipas tij, edhe pas kontrolleve që kryhen, autoritetet u thonë vetëm gojarisht se përgjegjësia është e shkollës nëse procesi mësimor vazhdon. Ai kërkon që të ndërmerren masa konkrete, në mënyrë që procesi mësimor të mos ndërpritet.

Advertisement

“Situata është e padurueshme. Ajo që ndodhi sot është e patolerueshme. Nuk kemi asnjë përgjigje nga Ministria e Punëve të Brendshme, ndërsa nga SPB Tetovë nuk ka marrje konkrete përgjegjësie. Edhe pse ata vijnë dhe kryejnë procedurat e tyre, ekipet e antiterrorit që duhet të marrin vendime konkrete nuk paraqiten, ndërsa përgjegjësia mbetet te ne. Ata e kryejnë vetëm aspektin protokollar, i cili nuk përputhet me aspektin profesional. E vetmja përgjigje që më jepet si drejtor është se përgjegjësia është e shkollës nëse nxënësit do të vazhdojnë mësimin. Nuk ka mundësi që unë të marr përsipër përgjegjësinë për 1.400 nxënës, kur vetë organi kompetent nuk e merr atë”, tha Jeton kamberi – drejtor i gjimnazit ‘Kiril Pejçinoviq’.

Gjimnazi i Tetovës nuk është shkolla e vetme në qytet që është përballur me alarme të rreme për bomba, por këtë vit pikërisht në këtë institucion ato kanë qenë më të shpeshta. Nga drejtoria, protesta dhe bojkoti i mësimit ishin paralajmëruar javë më parë, me arsyetimin se alarmet e vazhdueshme për bomba të rreme dhe mungesa e përgjegjësisë nga ana e Ministrisë së Punëve të Brendshme kanë bërë që procesi mësimor të ndërpritet pothuajse çdo javë.

Më 13 dhjetor u mbajt 2025ECONLIT Forum 2025, forum I cili mblodhi përfaqësues nga akademia, institucionet publike, sektori privat, shoqëria civile dhe arsimi i mesëm, me qëllim të përbashkët forcimin e edukimit ekonomik dhe financiar në Maqedoninë e Veriut.
Forumi u bashkëorganizua nga Instituti Alternativa Liberale (LAI) dhe Universiteti i Evropës Juglindore (SEEU), me mbështetjen e Economics Fundamentals Initiative (EFI) dhe Open Society Foundation (OSF). Ngjarja shënoi një moment të rëndësishëm në zhvillimin trevjeçar të Programit për Edukim Ekonomik, nga ngritja e vetëdijes deri te konsolidimi institucional dhe inovacioni digjital.
Në Forum morën pjesë përfaqësues të institucioneve kyçe, përfshirë Bankën Popullore të Republikës së Maqedonisë së Veriut, sektorin bankar, Drejtorinë e të Ardhurave Publike, universitete dhe institute kërkimore rajonale. Një theks i veçantë iu kushtua rolit të mësimdhënësve dhe shkollave në ndërtimin e kompetencave ekonomike tek të rinjtë.
Hapja solemne u bë nga Drejtori Ekzekutiv i Institutit Alternativa Liberale Orhan Ceka, i cili ofroi disa informata mbi mbi ndikimin që ka pasur Programi Për Edukim Ekonomik, në këto tre vite të fundit, I cili implementohet nga Instituti në bashkëpunim me Institutin e Bazave Ekonomike nga SHBA, si dhe nga Dekanja e Fakultetit të Biznesit dhe Ekonomisë pranë Universitetit të Europës Juglindore.
Programi përfshiu dy panele diskutimi. Paneli i parë u fokusua në mësimdhënien moderne të ekonomisë, ndërsa paneli i dytë trajtoi lidhjen ndërmjet edukimit ekonomik, rezistencën shoqërore dhe zhvillimit të qëndrueshëm. Gjithashtu, u prezantua platforma digjitale EduSpace, si mjet për zgjerimin e edukimit ekonomik formal dhe joformal.
ECONLIT Forum 2025 theksoi rëndësinë e edukimit ekonomik si bazë për qytetari të informuar, qeverisje të mirë dhe stabilitet afatgjatë. Forumi dërgoi një mesazh të qartë se investimi në njohuri është investim në të ardhmen e shoqërisë.

Мinistria e Energjisë, Minierave dhe Burimeve Minerale, Sanja Bozhinovska, mori pjesë në Ngjarjen Kombëtare për rrjetëzimin e Këshillave Lokale Ekonomiko – Socialë, ku edhe një herë e konfirmoi përkushtimin e fuqishëm të Ministrisë për të punuar hapur, një bashkëpunim dhe dialog të drejtëpërdrejtë me të gjitha palët e përfshira.

„ Tranzicioni duhet të sjellë jetë më të mirë për të gjithë ne. Dhe kjo është mundur vetëm nëse jemi të hapur, të qasshëm dhe nëse punojmë së bashku. Ministria është partner për çdo komunë, çdo organizatë, çdo punëtor dhe çdo kompani që sjell iniciativën. Mund të na drejtoheni në çdo moment”, deklaroi ministrja Bozhinovska.

Këshillat Lokale Ekonomiko – Socialë janë platformë që i bashkon komunat, sindikatat, komunitetin e biznesit, organizatat qytetare dhe instuticionet në procesin e tranzacionit të drejtë energjetik.

„Nëse nuk punojmë së bashku, nëse punëtorët, komunat, biznesi lokal dhe organizatat qytetare nuk janë në proces – atëher procesi nuk do të ketë sukses. Shumë e thjeshtë”, theksoi Bozhinovska.

Bozhinovska iu referua edhe Platformës Investuese për Tranzicionin e Drejtë Energjetik, e cila tashmë funksionon dhe krijon mundësi për financimin e projekteve lokale:

Advertisement

„Me këtë hapet hapësirë reale për investime që do të çojnë tranzicionin përpara. Por duhet që të gjithë faktorët e përfshirë, veçanërisht komunat, të jenë më përgjegjës, të ofrojnë projekte reale dhe të qëndrueshme në mënyrë që t’i përdorim fondet në mënyrë efkase. Detyra jonë është të sigurojmë drejtim të qartë politik, koordinim mes institucioneve dhe mbështetje për projektet cilësore lokale. Ne nuk duam tranzicion vetëm në letër. Dua që çdo komunë të ketë mundësi të zhvillojë projekt, dhe çdo komunitet të ndiejë se ky është një proces që krijon vlerë – jo frikë. Prandaj jemi këtu, prandaj jemi të hapur”, shtoi Bozhinovska..“

Мinistria e Energjisë, Minierave dhe Burimeve Minerale mbetet plotësisht e përkushtuar në mbështetjen e proceseve lokale, zhvillimin e vendeve të gjelbrta të punës, industrive të reja dhe kushteve të qëndrueshme për rritje ekonomike në të gjitha rajonet.