Ministri i Punëve të Brendshme, Pançe Toshkovski tha se deri në muajin qershor-korrik, pret që sistemi “Safe City” të zbatohet në gjithë territorin e Maqedonisë së Veriut.

“Shpresoj që deri në qershor-korrik të vitit të ardhshëm do ta zbatojmë “Qytetin e sigurt” në të gjithë territorin e vendit, dhe jam i sigurt se deri në fund të vitit 2026 do ta zbatojmë në çdo qytet si një sistem inteligjent. Qytetarët e Maqedonisë meritojnë të zbatojnë një zgjidhje inteligjente në Tetovë, Shkup, por edhe në Berovë, Dellçevë, Strugë dhe Ohër që duhet të ndjekë strategjinë evropiane “zero viktima”, domethënë atë strategji që deri në vitin 2050 të mos kemi viktima njerëzore si rezultat i mosrespektimit të rregullave të komunikacionit”, tha Toshkovski.

Ai kujtoi se periudha e testimit për regjistrimin e kundërvajtjeve nga sistemi “Qytet i Sigurt” është e vlefshme deri më 1 shkurt të vitit të ardhshëm.

Sipas Toshkovskit, kjo është vetëm një pjesë e hapave të cilët duhet të ndërmerren, por edhe në këtë periudhë të shkurtër kohore, në kuadër të periudhës së testimit, informacionet fillestare janë se me të vërtetë qytetarët e Maqedonisë së Veriut sillen ndryshe kur drejtojnë automjet se sa më parë.

“Dhe jam shumë i kënaqur që numri i aksidenteve rrugore me lëndime të rënda trupore dhe numri i përgjithshëm i aksidenteve rrugore, aty ku po e zbatojmë këtë projekt, është duke u zvogëluar. Kjo është shumë e rëndësishme. Qëllimi i parë dhe më i madh, do të thoja qëllimi i fundit i zbatimit të këtij sistemi, është të shpëtojmë të paktën një jetë njerëzore më shumë se më parë. Pra, rezultatet që duhet të ofrojë ‘Qyteti i sigurt’ janë vërtet shumë të shkëlqyera”, theksoi ministri Toshkovski.

Advertisement

Shtoi se askush nuk do të përjashtohet nga “Qyteti i sigurt”, përveç automjeteve të policisë të cilat ndërmarrin veprime, ndihma mjekësore urgjente dhe automjetet e njësiteve zjarrfikëse. Gjatë kësaj e përmendi shembullin e tij personal kur ka marrë vërejtje për kundërvajtje të kryer në komunikacion dhe këtë e bërë publike.

Kamerat “Qytet i Sigurt” të instaluara në udhëkryqet e Shkupit regjistrojnë automatikisht shkeljet e trafikut duke filluar nga 1 dhjetori. Ishte planifikuar që gjobat të fillojnë të zbatohen nga 1 janar 2026, mirëpo kjo është shtyrë për në 1 shkurt 2026.

Shqiptarët renditen të dytët pas rumunëve për nga madhësia e komuniteteve të huaja në Itali. Sipas Eurostat, në vitin 2024 ishin të regjistruar 557 mijë persona të lindur në Shqipëri, një rritje prej rreth 20 mijë krahasuar me një vit më parë, duke përbërë 8.3% të të huajve në Itali. Rumunët kryesojnë me rreth 900 mijë persona (13.5%), shkruan portali Monitor.al.

Nga të lindurit në Shqipëri, 419 mijë rezultojnë me shtetësi shqiptare, çka tregon se rreth 141 mijë janë natyralizuar ose kanë shtetësi tjetër. Italia është i vetmi shtet ku shqiptarët shfaqen mes pesë komuniteteve kryesore sipas Eurostat; mungojnë të dhëna për Greqinë, Gjermaninë, Francën dhe Spanjën. Në vende të tjera raportohen shifra më të ulëta: Belgjikë 15.6 mijë, Suedi 10.4 mijë, Austri 7 mijë, Holandë 4 mijë dhe Turqi 3.5 mijë.

Në Slloveni, komuniteti nga Kosova renditet i katërti më i madh, me rreth 30 mijë persona të lindur në Kosovë.

Në nivel BE-je, më 1 janar 2024, 44.7 milionë persona të lindur jashtë BE-së jetonin në Union (9.9% e popullsisë), 2.3 milionë më shumë se një vit më parë. Gjermania, Franca, Spanja dhe Italia përqendrojnë dy të tretat e popullsisë së lindur jashtë vendit në BE. Përqindjen më të lartë e ka Luksemburgu (51%), ndërsa më të ulëtat regjistrohen në Poloni, Rumani, Bullgari dhe Sllovaki.(INA)

Kanë filluar të krijohen kolonat e gjata në pika kufitare të cilat mërgimtarët i shfrytëzojnë për të ardhur për pushime dimërore në vendlindje.

Sipas raportimeve të para, mbrëmë në pikën kufitare Hungari – Serbi kolonat janë deri në 11 kilometra.

Edhe në pikat kufitare janë shtuar pritjet e gjata dhe kolonat e stërngarkuara të makinave.

Më poshtë agjencia e lajmeve INA sjell linqet, ku ju mund t’i shihni LIVE, flukset në piat kufitare:

Pika kufitare Tabanoc – Preshevë:

Advertisement

https://kamere.amss.org.rs/

SERBI – KROACI Batrovc-Bajakovo:

https://m.hak.hr/kamera.asp?g=2&k=1

SERBI – HUNGARI – Horgosh

https://uzivokamere.com/granicni-prelaz-horgos-madjarska-srbija/

Advertisement

LIVE KOSOVË – SERBI:

https://mpb.rks-gov.net/QKMK.aspx