Lajme nga vendi
Investim kapital i familjes Destani ne Tetovë
Tetova do të jetë pjesë e hartës botërore ku do të prodhohen makinat elektrike. Kjo, falë investimit disa milionësh të familjes Destani. Ndërsa në fjalimin e tij, filantropi Lazim Destani tha se ky është investimi im më i rëndësishëm deri më tani dhe arsyejaa që më gëzon shumë është se në këtë fabrikë do të punësohen shumë të ri dhe të reja.Bëhet fjalë për një investim prej 130 milionë euro dhe rreth një mijë vendeve të reja të punës.
Deklarata Lazim Destani
Fabrika “NEKST.E. GO MOBILE” vjen me një investim që është hera e parë në industrinë e automobilave që në vendin tonë do të prodhohet një makinë e plotë elektrike.Kryeministri I vendit Dimitar Kovaçevski, tha se qytetarët e Maqedonisë së Veriut pa dallim, janë më meritorët që vendi është pjesë e NATO-së dhe së shpejti do të jemi edhe pjesë e Bashkimit Evropian.Ai tha se me këtë dëshmohet se ky vend ka kapacitet sepse në të ardhmen do të prodhohen makina për tregun evropian.
“Sot është ajo ditë kur shohim rezultatet nga mundi i investuar.Sot do të vendosen themelet e investimit e cila vetëm në fazën e parë është 130 milion euro dhe do të hapen 890 vende të reja të punës dhe të paguara mirë.Ky investim është shumë I rëndësishëm për vet shtetin por edhe për ekonominë lokale.Me këtë tregojmë se Maqedonia e veriut është një vend që ka kushte shumë të mira për të investuar” tha Kovaçevski.
Kryetari I Bashkimit Demokratik për Integrim Ali Ahmeti falënderoi Filantropin dhe Biznesmenin Lazim Destani për investimin.Ai ofroi mbështetje për investimet e këtilla e veçanërisht ata që kanë për qëllim kanë ndalimin e migrimit dhe hapjen e vendeve të reja të punës.
deklarata AHmeti
Sipas paralajmërimeve, fabrika për prodhimin e makinave elektrike do të fillojë me punë kah mesi i vitit 2024 .Makinat elektrike E Go, që do të prodhohen në Tetovë, janë të përshtatshme për mjediset urbane,ekonomike dhe nuk janë të dëmshme për ambientin.
Lajme nga vendi
Bllokada kufitare në Ballkan nga shoferët e kamionëve, kundërshtim ndaj sistemit të ri digjital të BE-së
Shoferët e kamionëve në disa vende të Ballkanit kanë ndërmarrë sërish aksione bllokuese në pikat kufitare, në shenjë proteste ndaj pasojave që, sipas tyre, po shkakton sistemi i ri digjital i Bashkimit Evropian për hyrje-daljet në hapësirën Shengen.
Protesta hyri të mërkurën (28 janar 2026) në ditën e tretë, duke prekur dhjetëra pikëkalime kufitare në Bosnje dhe Hercegovinë, Mal të Zi dhe Maqedoninë e Veriut. Aksione të ngjashme u shënuan edhe nga shoferët serbë, të cilët bllokuan kalimet drejt vendeve të BE-së, duke krijuar kolona të gjata kamionësh.
Situata më e rënduar u raportua në pikëkalimin Bajakovo, kalimi kryesor ndërmjet Kroacisë dhe Serbisë, ku, sipas policisë kufitare, kolona e kamionëve arriti një gjatësi rreth dy kilometra. Dhoma e Tregtisë dhe Industrisë së Serbisë (CCIS) paralajmëroi se ekonomitë e Ballkanit Perëndimor po pësojnë humbje ditore prej rreth 100 milionë eurosh nga vlera e eksporteve të bllokuara.
Arrestimet, shkaku kryesor i protestës
Aksionet janë koordinuar nga shoqatat e spedicionit, të cilat kundërshtojnë zbatimin e sistemit digjital Entry/Exit System (EES), në fuqi që nga tetori për shtetasit e vendeve joanëtare të BE-së. Ky sistem zëvendëson vulat tradicionale në pasaporta, duke regjistruar në mënyrë elektronike hyrje-daljet, të dhënat e udhëtimit dhe informacionet biometrike në një databazë të përbashkët për hapësirën Shengen. Qëllimi i tij është forcimi i kontrollit të kufijve të jashtëm të BE-së.
Sipas CCIS, protestat janë nxitur nga arrestimet e përsëritura të shoferëve që kanë tejkaluar rregullin e qëndrimit maksimal prej 90 ditësh brenda një periudhe 180-ditore në territorin e BE-së. Edhe pse kjo rregullore ka qenë në fuqi prej kohësh, sistemi EES ka mundësuar një zbatim më të rreptë dhe më të saktë të saj.
Organizatorët e protestës kanë bërë të ditur se bllokadat do të hiqen vetëm nëse hapen negociata për vendosjen e rregullave përjashtuese, të cilat do të garantonin shmangien e arrestimeve të shoferëve gjatë ushtrimit të aktivitetit të tyre profesional.
Reagimi i BE-së dhe rëndësia ekonomike e rajonit
Të hënën (26 janar 2026), një zëdhënës i Komisionit Evropian deklaroi se Brukseli është i informuar për shqetësimet e ngritura nga sektori i transportit dhe po e ndjek nga afër zhvillimin e situatës.
Sipas të dhënave zyrtare, Bashkimi Evropian mbetet partneri kryesor tregtar i vendeve të Ballkanit Perëndimor, duke përbërë rreth 60 për qind të volumit të përgjithshëm tregtar të rajonit. Vetëm gjatë vitit 2024, shkëmbimet tregtare të mallrave mes BE-së dhe Ballkanit Perëndimor arritën mbi 83 miliardë euro.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Mbi 60 banorë të Shkupit morën gjobë prej 50 eurosh pasi u kapën në flagrancë duke hedhur mbeturina pas orës 22:00. Masa për ndalimin e hedhjes së mbeturinave gjatë orëve të mbrëmjes është në fuqi prej disa muajsh, ndërsa periudha e paralajmërimeve dhe përshtatjes ka përfunduar, ndaj inspektorët tani veprojnë rreptësisht.
Sitel vërejti se bulevardet kryesore janë të pastra dhe kontejnerët bosh, por në zonat e lagjeve ende shihet tejmbushje e mbeturinave. Kryetari i Qytetit të Shkupit theksoi se kjo masë ka sjellë rregull dhe disiplinë në deponimin e mbeturinave.
Sipas Qytetit të Shkupit, inspektorët e mjedisit në tre muajt e fundit kanë kryer mbi 45 kontrolle të jashtëzakonshme në zonën e OHIS-it, Staklarës dhe komunës së Sarajit, me gjoba nga 1.000 deri në 53.000 euro. Personat përgjegjës për menaxhimin e mbeturinave janë gjobitur me 3.000 euro, ndërsa personat fizikë kanë marrë gjoba nga 250 deri në 500 euro për deponim të parregullt ose djegie të mbeturinave.
Moti sot do të jetë i vranët me reshje të herë pas hershme të shiut.
Temperatura e mëngjesit do të jetë nga -1 deri në 6 gradë Celsius, ndërsa ajo ditore do të lëvizë nga 6 deri në 10 gradë.
Në Shkup, temperatura do të lëvizë nga 1 gradë në mëngjes deri në gjashtë 6 gjatë ditës.
BOKS: TYSON FURY KUNDËR ARSLANBEK MAKHMUDOV MË 11 PRILL
CHAMPIONS: SPEKTAKËL ME 61 GOLA NË NDESHJET E FUNDIT TË FAZËS SË LIGËS
Bllokada kufitare në Ballkan nga shoferët e kamionëve, kundërshtim ndaj sistemit të ri digjital të BE-së
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
You must be logged in to post a comment Login