Sot, në Spitalin Klinik të Tetovës, së bashku me drejtorin Erzen Elezi biseduam për zëvendësimin e ardhshëm të sistemeve të ngrohjes me alternativa ekologjike në shtatë objekte.

Projekti realizohet në bashkëpunim me Ministrinë e Shëndetësisë, paralelisht me një rindërtim më të gjerë të klinikës.

Mjetet janë siguruar përmes programit IPA 3 për ajër të pastër, me zbatim të planifikuar gjatë viteve 2026–2027.

Kjo është pjesë e një procesi gjithëpërfshirës, zëvendësimi i sistemeve të ngrohjes në të gjitha objektet publike në të gjithë vendin. Duke pasur parasysh madhësinë e klinikës, efekti në uljen e ndotjes së ajrit në Tetovë do të jetë i konsiderueshëm.

Ajri i pastër fillon me vendime të përgjegjshme, dhe shteti duhet të udhëheqë me shembull.

Advertisement

Në Komunën e Zhelinës u promovua përfundimi i fazës së parë të Projektit për Rekonstruimin e Rrugës për në fshatrat Merovë-Sallarevë.

Ky projekt financohet nga Ministria e Transportit, përmes mjeteve të siguruara nga komuna e Zhelinës.

Komuna e Zhelinës nga Ministria e Transportit ka siguruar 1.9 milion euro për 12 projekte.

Ndër këto projekte hynë edhe rruga Merovë – Sallarevë, e cila u promovua sot me pjesëmarrjen e Zv/Ministres së Transportit, Kaltrina Zekolli dhe Kryetarit të Komunës së Zhelinës, Blerim Sejdiu, por edhe banorëve që gravitonë në këto zona.

Vizioni ynë ka qenë se nuk do të investojmë në qendra por edhe në periferi – u shpreh kreu I Komunës së Zhelinës.

Advertisement

BLERIM SEJDIU – Kryetar i Komunës së Zhelinës

‘Bisedohet për mjete të cilët ne si Komunë e Zhelinës I kemi fituar nga Ministria e Transportit dhe Lidhjeve. Ky projekt është përafërsisht diku 3 km dhe duhet të kuptojmë se bëhet fjalë për fazën e parë të realizimit. Gjerësia e rrugës është 5m me asfalt dhe 1m me pankinë dhe në total bëhet fjalë për 13.000 m2 asfalt të shtruar në këtë fazë”

Sikurse Blerim Sejdiu poashtu edhe Zv/Ministrja Zekolli potencuan se kjo është vetëm faza e parë e projektit. Investimet, sipas saj, bëhen për të fuqizuar Komunat.

KALTRINA ZEKOLLI – Zv/Ministre e Transportit

“Bëhet fjalë për diku rreth 2.5 km gjatësi dhe 6 m gjërësi të rrugës. Kjo është vetëm faza e parë, diku 1.3 km është përfunduar, do të vazhdojë edhe në fazën e dytë. Gjithsejt si Ministri e Transportit për Komunën e Zhelinës kemi siguruar 1.9 milion euro me gjithsejt 12 projekte. Vetëm për dy vite kemi arritur të bëjmë një investim të këtillë për të decentralizuar dhe për të fuqizuar Komunat tona gjithashtu edhe për të rritur standardin jetësor për banorët”

Advertisement

Investimi konkret, sipas zyrtarëve, është me gjatësi prej afër 3 kilometrash, me 5 metra gjerësi asfalt, ndërsa bashkë me bankina rruga arrin gjërësinë 6 metrash, me gjithsej 13 mijë metra katrorë sipërfaqe të asfaltuar. TV KOHA

Kryetari i LSDM-së, Venko Filipce, përsëriti se grupi parlamentar i LSDM-së po e lë vetëm punën në grupin e punës për Kodin Zgjedhor, duke shpjeguar se do të përdoren të gjitha metodat demokratike në mënyrë që qeveria teknike të mos shfuqizohet.

“Po e lëmë vetëm punën në grupin e punës për Kodin Zgjedhor, sepse Ligji i ri për Qeverinë, i cili po miratohet në këtë mënyrë, është diçka që do të thotë edhe shtypje e demokracisë në vend. Pse? Sepse kushtet që qeveria teknike të hiqet nuk janë pjekur. Nëse një qeveri, një ligj, një qeveri teknike u miratua me konsensus në vitin 2016, u kthye përsëri me kërkesë personale të Hristijan Mickoskit në vitin 2018, dhe në ligj është thënë qartë se kjo do të jetë kështu derisa vendi të hyjë në Bashkimin Evropian”, tha Filipçe.
Ai shtoi se pa qeveri teknike, nuk mund të garantohen zgjedhje të drejta dhe demokratike dhe njoftoi se LSDM do të përdorë të gjitha metodat demokratike.

“Nuk ka garanci pa qeveri teknike në formën që është aktualisht, ligji për zgjedhjet për vitin 2020 i miratuar në vitin 2016, ose përsëri një ligj në vitin 2018, kjo është e vetmja garanci se vendi do të ketë zgjedhje të drejta dhe demokratike, dhe ne jemi të gatshëm të përdorim të gjitha metodat demokratike për të luftuar kundër kësaj”, tha Filipçe.

Në të njëjtën kohë, Filipçe theksoi se gjithçka që po bën qeveria e VMRO-DPMNE-së tani është identike me periudhën e sundimit të Nikola Gruevskit, kontroll të plotë dhe partishmëri të institucioneve, gjyqësorit dhe medias.