Connect with us

Lajme nga bota

Trump në takimin me Xi dhe Putin: Po bëjmë histori me samitin trepalësh, në fokus edhe çarmatimi bërthamor!

Published

on

Presidenti amerikan, Donald Trump, ka vlerësuar rëndësinë e takimit trepalësh me presidentin kinez Xi Jinping dhe atë rus Vladimir Putin, duke e cilësuar atë si një moment historik për marrëdhëniet ndërkombëtare.

Gjatë fjalës së tij në hapje të samitit, Trump tha se tri fuqitë më të mëdha bërthamore në botë kanë një mundësi të veçantë për të diskutuar çështje me rëndësi globale, veçanërisht reduktimin e armëve bërthamore.

“Shtetet e Bashkuara, Rusia dhe Kina janë në një pozicion unik për të diskutuar se si të zvogëlojnë numrin e armëve bërthamore në Tokë”, deklaroi Trump.

Megjithatë, presidenti amerikan pranoi se çarmatimi bërthamor është një proces i vështirë, duke theksuar se heqja dorë nga këto armë nuk është një çështje e lehtë.

Trump u shpreh se takimi i sotëm u ofron tri vendeve mundësinë për të shqyrtuar qasje të reja ndaj sfidave ndërkombëtare dhe për të krijuar një të ardhme më të mirë.

Advertisement

“Po bëjmë vërtet histori duke u ulur me njëri-tjetrin sot”, tha ai, duke shtuar se tri vendet kanë përgjegjësi të veçantë për të mbajtur një dialog të hapur dhe produktiv për çështjet që prekin të gjithë planetin.

Presidenti amerikan përmendi gjithashtu luftën në Ukrainë, duke bërë të ditur se kjo çështje do të jetë pjesë e diskutimeve. Ai konfirmoi se kishte zhvilluar më herët një bisedë të gjatë me Vladimir Putinin lidhur me konfliktin.

Lajme nga bota

ABU DHABI: RRAHJE NË HOTEL MIDIS YJEVE TË UFC-së

Published

on

Një incident në Abu Dhabi ka shkaktuar tensione të mëdha në botën e arteve marciale të përziera.

Ish-kampioni i UFC-së në kategorinë bantam, Merab Dvalishvili, ka bërë të ditur se është sulmuar nga Usman Nurmagomedov, kushëriri i kampionit legjendar Habib Nurmagomedov.

Luftëtari gjeorgjian ka publikuar në rrjetet sociale një video, ku shihet duke marrë ndihmë mjekësore për lëndimet në kokë. Në pamje shihet edhe shoqëruesi i tij, i cili gjithashtu kishte shenja të dukshme të dhunës fizike.

Dvalishvili tha se përplasja ndodhi papritur në hollin e një hoteli, gjatë një paraqitjeje mediatike. Sipas tij, grupi i Usmanit i sulmoi nga prapa, ndërsa në rrjetet sociale u publikua edhe një video e incidentit.

Gjeorgjiani reagoi ashpër, duke e cilësuar sulmin si akt frikacak, pasi, sipas tij, rreth 20 persona u përballën me vetëm dy veta.

Advertisement

Ai kujtoi gjithashtu rivalitetin me Umar Nurmagomedovin, të cilin e mposhti në janar të vitit të kaluar në oktagonin e UFC-së, përballje që kishte tensionuar edhe më tej marrëdhëniet mes dy kampeve.

Luftëtari rus i arteve marciale të përziera, Usman Nurmagomedov, mund të përballet me dënim deri në një vit burg ose me gjobë prej rreth 2.700 dollarësh, sipas nenit 390 të Ligjit Federal të Emirateve të Bashkuara Arabe për veprat penale dhe dënimet.

Lajmi është bërë i ditur nga platforma “Home of Fight” në rrjetin social X.

Policia aktualisht po merr në pyetje Usman Nurmagomedovin dhe personat e tjerë të përfshirë në incident.

Nëse autoritetet vërtetojnë fajësinë e luftëtarit rus, ai mund të përballet me dënimet e parapara me ligj.

Advertisement
Continue Reading

Lajme nga bota

Pamje dramatike/ Babai e harroi mbi çatinë e makinës dhe u nis në rrugë, foshnja në Meksikë shpëton falë ndërhyrjes së motoçiklistit

Published

on

Një ngjarje e pazakontë dhe tejet e rrezikshme është regjistruar në Meksikë, ku një burrë është larguar me makinën e tij pa kuptuar se kishte harruar foshnjën në shportën e saj, të vendosur mbi çatinë e automjetit. Fëmija shpëtoi pa pësuar lëndime të rënda falë ndërhyrjes së një motoçiklisti dhe këmbënguljes së kalimtarëve që u përpoqën të ndalonin shoferin.

Ngjarja ndodhi në zonën Ávila Camacho, në qytetin Torreón. Pamjet që po qarkullojnë në rrjetet sociale tregojnë shportën me foshnjën mbi çatinë e makinës, ndërsa automjeti është në lëvizje. Një motoçiklist, i cili ishte dëshmitar i situatës, nisi t’i binte borisë dhe të bërtiste për të tërhequr vëmendjen e shoferit dhe për ta paralajmëruar që të ndalonte. Megjithatë, burri duket se nuk i dëgjon thirrjet dhe vijon udhëtimin.

Në një moment, pasi ndalon në anë të rrugës, ai përballet në mënyrë agresive me motoçiklistin, duke e pyetur se çfarë po ndodhte. Vetëm pasi merr shpjegimin, kupton se foshnja ndodhej mbi çatinë e makinës. I tronditur, ai nxiton të marrë shportën dhe ta vendosë brenda automjetit. Në video dëgjohet edhe foshnja duke qarë, ndërsa makina ishte ende në lëvizje. Sipas gazetës britanike “The Sun”, burri u shpreh më pas se një situatë e tillë “mund t’i ndodhte secilit prej nesh”, ndërsa i kërkoi motoçiklistit të fshinte videon e regjistruar. Deri më tani, nuk ka informacion nëse autoritetet kanë nisur një hetim për incidentin apo nëse janë marrë masa ndaj burrit. Po ashtu, nuk janë bërë të ditura detaje të tjera mbi rrethanat në të cilat foshnja përfundoi mbi çatinë e automjetit.
© BalkanWeb
Continue Reading

Lajme nga bota

Përmbytje të mëdha në Stamboll, dy të vdekur dhe qindra banesa nën ujë – pezullohet mësimi

Published

on

Dy persona kanë humbur jetën si pasojë e përmbytjeve të mëdha që kanë goditur Stambollin, pas reshjeve të dendura të shiut që shkaktuan vërshime në rrugë, banesa dhe biznese, duke paralizuar pjesërisht jetën në qytetin më të madh të Turqisë.

Sipas agjencisë shtetërore turke Anadolu, një grua 34-vjeçare ka humbur jetën në lagjen Sarıyer, pasi është rrëzuar teksa po përpiqej të kalonte një rrugë të përmbytur. Ajo është dërguar në spital, por nuk ka arritur të mbijetojë.

Ndërkohë, një 14-vjeçar ka vdekur si pasojë e goditjes nga rryma elektrike, pasi kishte shkelur në një pellg me ujë në zonën Balat të Stambollit.

Reshjet e dendura, që përfshinë qytetin të mërkurën, më 14 tetor, shkaktuan përmbytje në disa lagje, ndërsa automjete të shumta mbetën të bllokuara në rrugë dhe disa të tjera u morën nga rrjedha e ujit.

Sipas të dhënave të publikuara nga Guvernatori i Stambollit, gjatë periudhës nga ora 06:00 deri në orën 20:00 të së mërkurës, autoritetet kanë pranuar gjithsej 2 mijë e 518 thirrje emergjente.

Advertisement

Në mesin e tyre janë regjistruar 1 mijë e 277 raste përmbytjesh, 15 rrëshqitje dheu dhe 47 raste të personave të bllokuar. Po ashtu, janë evidentuar raportime për përmbytje në 808 banesa dhe 280 biznese.

Për përballimin e situatës emergjente, autoritetet kanë angazhuar rreth 8 mijë punonjës dhe 2 mijë automjete e makineri të rënda.

Situata ka qenë veçanërisht e rëndë në lagjen Ayazağa të Sarıyerit, ku rreth 200 punonjës mbetën të bllokuar në vendet e tyre të punës për shkak të përmbytjeve.

Ekipet e shpëtimit, përfshirë autoritetet e emergjencave AFAD, zjarrfikësit dhe njësitë e kërkim-shpëtimit, ndërhynë gjatë natës, duke evakuuar punonjësit me kamionë dhe minibusë. Në disa raste, makineritë e rënda u përdorën për të shpëtuar qytetarët e bllokuar në automjete.

Përmbytjet kanë prekur edhe objekte historike. Në zonën Kağıthane, lumi doli nga shtrati, duke përmbytur xhaminë historike Sadabad dhe ndërtesat përreth saj. Uji depërtoi edhe në hapësirat e brendshme të xhamisë, ndërsa autoritetet ndaluan hyrjen në objekt për arsye sigurie.

Advertisement

Për shkak të kushteve të rënda atmosferike, Guvernatori i Stambollit ka vendosur pezullimin e mësimit në të gjitha institucionet arsimore publike dhe private për ditën e enjte, 15 tetor.

Autoritetet kanë vendosur gjithashtu masa të tjera parandaluese, përfshirë kufizimin e qarkullimit të motoçikletave dhe lejen administrative për kategori të caktuara të punonjësve publikë.

Qytetarëve u është bërë thirrje të shmangin lëvizjet e panevojshme, ndërsa banorët e kateve nëntokësore janë këshilluar të qëndrojnë përkohësisht në vende më të sigurta.

Shërbimi meteorologjik turk ka paralajmëruar vazhdimin e reshjeve të shiut dhe stuhive gjatë së enjtes, ndërsa ekipet emergjente vijojnë ndërhyrjet në zonat e prekura.

Advertisement
Continue Reading

Më të lexuarat