Kandidati i koalicionit VLEN për kryetar të Komunës së Çairit, Izet Mexhiti në konferencën e sotme për media theksoi rëndësinë e zgjerimit të burimeve buxhetore përmes fondeve evropiane, me theks të veçantë në programin Horizon Europe, si një mundësi reale për zhvillim të qëndrueshëm dhe modernizim të komunës.

Mexhiti, i shoqëruar nga këshilltari i tij për financa dhe buxhet, Bujamin Bela, tha se prioritet i ekipit të tij është krijimi i një
diversiteti në strukturën buxhetore dhe sigurimi i burimeve të reja të financimit për të shtuar investimet kapitale dhe projektet afatgjata zhvillimore.

“Ne si prioritet e kemi të krijomë një diversitet në strukturën buxhetore dhe burrimet e financimit për ta shtuar masën dhe hapsirën për investime kapitale dhe projekte zhvillimore afatgjata. Në këtë drejtim në vazhdimësi po hulumtojmë mënyra të ndyshme të financimit për ta bërë një Çair më të zhvilluar, inovativ dhe konkurrues, Sipas informacioneve deri më tani, Maqedonia e Veriut ka përfituar vetëm rreth 12 milionë euro neto nga programet e Horizon-it që përbën vetëm 0.03% të shumës së përgjithshme të fondeve të disponueshme. Ky është një tregues i qartë se kemi hapësirë të madhe për rritje, dhe është koha që komunat tona, e sidomos Çairi, të marrin më shumë rol në këtë drejtim”, deklaroi Mexhiti.

Ai shtoi se Çairi do të ndjekë një qasje të re zhvillimore, duke aplikuar për projekte që sjellin më shumë investime, vende pune dhe shërbime cilësore për qytetarët, përmes fondeve evropiane dhe bashkëpunimit ndërkombëtar. Në fjalimin e tij, Mexhiti prezantoi katër prioritete të programit të tij për zhvillimin e komunës:

1.Energjia dhe efikasiteti energjetik,
2.Tranzicioni i gjelbër dhe menaxhimi i mbeturinave,
3.Digjitalizimi dhe teknologjitë e informacionit,
4.Inovacioni dhe kërkimi shkencor.

Advertisement

Këshilltari për financa dhe buxhet i Izet Mexhitit, Bujamin Bela theksoi se programi Horizon Europe nuk përfaqëson vetëm një burim financiar, por edhe një mundësi të gjerë për integrim dhe bashkëpunim ndërkombëtar.

“Me një buxhet total prej 95.5 miliardë euro për periudhën 2021–2027, me zgjatje deri më 2035, ky program hap potenciale të mëdha për reforma lokale, zhvillim të qëndrueshëm dhe forcim të lidhjeve me Bashkimin Evropian”, potencoi Bela

-“Sfidat Urbane dhe Rezistenca Klimatike”, projekt me vlerë totale prej 10 milionë euro, në të cilin Çairi do të marrë pjesë si replikator krahas qyteteve si Barcelona, Berlini, Milano, Lisbona, Porto, Bukureshti dhe Athina;
-“Co4RES”, një nismë evropiane që integron burimet e rinovueshme në rrjetin energjetik, me mbi 39 partnerë nga 15 vende, që përdor mekanizma digjitalë dhe analiza të avancuara të të dhënave për të rritur efikasitetin dhe qëndrueshmërinë energjetike;
-“Qyteti i qëndrueshëm dhe rezistent ndaj ndryshimeve klimatike”, që përfshin gjelbërim urban, menaxhim të nxehtësisë, instalim të sistemeve solare (PV) në shkolla e spitale, si dhe promovim të transportit elektrik dhe eficiencës energjetike.

“Duke parë këto mundësi, ne kemi filluar punën konkrete: Në komunën e Çairit jemi duke krijuar grupe punuese të specializuara për fondet evropiane, të përbëra nga profesionistë të fushave të ndryshme, që do të
përgatisin dhe aplikojnë për projekte konkrete në kuadër të Horizon Europe dhe programeve të tjera të BE-së” theksoi kandidati i koalicionit VLEN për kryetar komune në Çair, Izet Mexhiti.

Në përmbyllje, ai nënvizoi se synimi i tij dhe i ekipit të VLEN-it në Çair është i qartë dhe ambicioz:

“Synimi ynë është i qartë dhe ambicioz: Çairi të bëhet komuna lidere në shfrytëzimin e fondeve evropiane në Republikën e Maqedonisë së Veriut. Së bashku, me përkushtim, transparencë dhe dije, do ta ndërtojmë Çairin e së ardhmes, të gjelbër, digjital dhe inovativ!”, deklaroi Mexhiti.

Advertisement

Partitë opozitare përshëndesin propozimet e Komisionit të Venecias lidhur me ligjet për Prokurori Publike dhe Këshillin e Prokurorëve dhe kritikojnë pushtetin që deri tani nuk kanë arritur të realizojnë reformat e nevojshme në gjyqësor. Kreu i LSDM-së Venko Filipçe tha se edhe pse kanë formuar ekip të ekspertëve, vërejtjet e tyre për ligjet reformuese nuk janë marrë fare parasysh dhe nuk ka asnjë përgjigje nga Ministria e Drejtësisë. 12 ligjet nga agjenda reformuese lëre që nuk janë miratuar në Kuvend por as nuk janë dorëzuar tha Filipçe.

“Dhe qartë tregojnë se nevojiten reforma në sistemin juridiko-ligjvënës. Si asnjëherë më parë, para disa muajsh u përpoqa të ndryshoj kulturën politike dhe isha në takim te kryeministri. Një nga gjërat për të cilat bisedova ishte që bashkërisht të punojmë në agjendën reformuese, të sjellim të gjitha ligjet reformuese në gjyqësor, që të lëvizë ai segment përpara, që të lëvizim drejt Europës ashtu siç presin të gjithë nga ne, ashtu siç qytetarët tanë duan ta shohin”, tha Venko Filipçe – Kryetar i LSDM-së.

Propozimin e Komisionit të Venecias e përshëndesin edhe nga AKI. Nga atje madje shtojnë se përpos 2/3 të votave në Kuvend, të shtohet edhe badenteri.

“Sigurisht se ne mbështesim një rekomandim të tillë dhe shtojmë se përpos 2/3 të votave duhet të ketë edhe shumicë të badinterit në përzgjedhjen e kryeprokurorit në mënyrë që të ndërtojmë institucione të fuqishme ku do të kenë besimin e të gjithëve që do të kenë një konsensus të gjerë. Pra, 2/3 plus badenteri në mënyrë që të kemi një kryeprokuror të ri, me një mandat dhe pa të drejtë rizgjedhjeje ashtu siç thotë edhe komisioni i Venecias”, u shpreh Arbër Ademi – AKI.

Për tu miratuar propozimet e Komisionit të Venecias, nevojiten dy të tretat e votave në Kuvend, respektivisht nevojitet ndryshimi i Kushtetutës. Shumica parlamentare nuk i ka numrat e nevojshëm por për ligjet reformuese nuk do të ishte problem mbështetja e partive opozitare. Problem ngelet çështja e ndryshimeve të tjera kushtetuese sikurse futja e bullgarëve në Kushtetutë si kërkesë nga Bullgaria, diçka që për momentin tek VMRO-DPMNE nuk ka vullnet për ta bërë. Pikërisht për shkak mungesës së shumicës së 2/3 dhe mungesës së badenterit, në Kuvend kanë ngecur edhe disa ligje të tjera të rëndësishme sikurse propozim ligji për vetqeverisje lokale por edhe ndryshimet e kodit zgjedhor. Sipas agjendës së reformës, Ligji për Prokurori Publike dhe Ligji për Këshillin e Prokurorëve Publikë duhet të miratohen në Parlament deri në dhjetor të këtij viti./ Alsat.mk

Advertisement

“Jam kategori njeriu  i cili,  nuk shfrytëzoj  nga rastet e këtilla. Do t’ua lëmë  Prokurorisë këto çështje të përgjimeve që kanë ndodhur në Kërçovë. Unë  me keqardhje, përshkoj gjithë këtë situatë,  sepse mbi të gjitha unë në fund  të ditës edhe në fund të çdo ngjarje  kujtoj fëmijët  e tyre, kujtoj familjarët e tyre  dhe fundi i fundit  nuk i pëlqej këto mënyra dhe këto forma. Por sido që të jetë, secili politikan do duhet t’i vendojë gishtin kokës  dhe të kujtojë në të gjitha hapat që i zhvillon se si sillet, sepse vjen një ditë dhe përmbyllet  edhe karriera, po e rëndësishme shumë se a e përmbyllim karrierën me faqe të bardhë apo të nxirë. Edhe njëherë them,  me keqardhje  përshkoj gjitha këto zhvillime të ngjarjeve, por jam i fokusuar më tepër në atë se çka ofrojmë ne, kush është platforma të cilën e ofrojmë ne dhe s’do të merremi me atë se çka është bërë ose çka s’është bërë deri më sot”, tha mes tjerash Limani.