Lajme nga vendi
Institucionet a janë të gatshëm për sezonën dimërore?
Gjatë vikendit pritet ulje të temperaturave, ndërsa prej të dielës sipas sinoptikëve do të ketë edhe reshje bore. Nga drejtoria për punë hidrometeorologjike thonë se reshjet e pasdites së të dielës dhe orët e mbrëmjes do të jenë të bollshme madje edhe për formim të shtresës së borës.
“Gjatë ditës së nesërme koha në mëngjes do të jetë e ftohtë, me paraqitje të mjegullave përgjatë luginave, do të fryejë erë mesatare deri në të përforcuar veri-perëndimore. Në Shkup mot I ngjajshëm, kryesisht me vranësira. Prej të dielës nën ndikim të masës së lagësht atmosferike do të kemi reshje të shiut dhe borës. Edhe në vendet e larta por edhe në ato të ulëta do të ketë reshje të borës. 02:47 ato do të jenë më të bollshme në orët e pasdites së të dielës, ndërsa në orët e mbrëmjes drejt së hënës ku në vendet e më të larta dhe më të ulëta do të formohet shtresë bore”, tha Jovana Tasevska, Drejtoria për punë hidrometeorologjike.
Institucionet kompetente theksojnë se kanë marrë të gjitha masat e nevojshme që reshjet e borës të mos I gjejnë të papërgatitur këtë radhë. Nga ndërmarrja publike “Makedonija Pat” njoftojnë se kanë arritur marrëveshje për blerje dy vjeçare të kripës industriale në vlerë prej 2,9 milion euro pa TVSH, ndërsa 3,4 me tatim. Drejtori I kësaj ndërmarrjeje, thekson se marrëveshja është korrnizë që nënkupton se nuk është patjetër të përdoret e gjithë sasia e kripës që e kanë në kontratë.
Lajme nga vendi
Elita Zylbeari Masha bëhet Doktore e Shkencave të Mjekësisë,shqiptarja e parë që doktoron në fushën e Dermatovenerologjisë dhe Imunologjisë
Bota akademike dhe shkencore shqiptare në Maqedoninë e Veriut është pasuruar me një arritje të jashtëzakonshme. Elita Zylbeari Masha ka mbrojtur me sukses gradën shkencore Doktor i Shkencave të Mjekësisë pranë Universitetit “Goce Dellçev” në Shtip, duke shënuar një moment historik si shqiptarja e parë që doktoron në fushën e specifikuar të Dermatovenerologjisë dhe Imunologjisë.
Përvoja e saj e gjatë në arsimin parauniversitar pritet të jetë një vlerë e shtuar për botën akademike, ku kontributi i saj shkencor do të shërbejë si udhërrëfyes për brezat e rinj.
Në mesazhin e saj pas këtij suksesi, Dr. Elita ia ka dedikuar këtë kërkim shkencor fëmijëve të saj, prindërve dhe të gjithë mendjendriturve që i kanë shërbyer si burim frymëzimi në këtë rrugëtim të gjatë dhe sfidues.
Anëtarët e Komisionit Shtetëror të Zgjedhjeve (KSHZ) sot e mbajtën mbledhjen e parë, në të cilën shqyrtuan dhe në mënyrë unanime miratuan gjashtë pika nga rendi i ditës.
Unanimisht u miratuan vendimet për përcaktimin e pagesës së kompensimit të personave të angazhuar, si trupa ndihmës në departamentet rajonale të KSHZ-së, pastaj vendimi për miratimin e Raportit për kryerjen e Regjistrimit të inventarit dhe materialit tjetër për vitin 2025, si dhe vendimi për angazhimin e personave në grupin e punë për infrastrukturën e serverit dhe të rrjetit, mbajtjen e bazës së të dhënave dhe përpunimin e listës zgjedhore dhe përcaktimin e kompensimit për personat e angazhuar.
Në kuadër të pikës së pestë të rendit të ditës u miratua edhe Konkluzioni për pranimin e raportimit në Entin Shtetëror të Revizionit (ESHR). Kryetari i KSHZ-së, Bojan Mariçiq, ka informuar se pas draft-raportit të dorëzuar nga ESHR, të marrë më 12 janar të vitit 2026, Komisioni paraqet njoftim me pikëpamjet e tij në raportin e parë për revizionin e kryer të raporteve financiare për vitin 2024.
Dhe ky njoftim i KSHZ-së në Entin Shtetëror të Revizionit u miratua unanimisht nga ana e anëtarëve të Komisionit Shtetëror të Zgjedhjeve.
Mbrëmë rreth orës 22:05 territori I RMV-së u godit nga një tërmet me epiqendër në Kosovën fqinje, rreth 45 kilometra në veriperëndim të Shkupit. Sipas të dhënave të Opservatorit Sizmologjik pranë FSHMN-së në Shkup, tërmeti ka qenë me manjitudë me 4.6 sipas shkallës Rihter.
Rajoni I Tetovës, Gostivarit dhe Shkupit mbrëmë përjetuan makth të vërtetë. Bashkë me disa rajone të Kosovës u ndjenë lëkundjet më të fuqishme dhe sipas të dhënave zyrtare intensiteti ka qenë 5 ballë sipas Shkallës Makrosizmike Evropiane.
Sizmologët thonë se tërmeti ka qenë aq I fuqishëm që të ndjehet nga një numër I madh I qytetarëve, por fatmirësisht deri tani nuk ka denoncime për dëme materiale ose të lënduar.
Lëkundjet e tërmetit në Tetovë mbrëmë detyruan që shumë njerëz të largohen nga objektet e banimit, nga frika e goditjeve tjera, kurse nëpër rrjetet sociale janë shpërndarë pamje të kamerave të sigurisë që tregojnë intensitetin e tërmetit.
Mbrëmë Tetova përjetoi një makth të vërtetë. Lëkundjet e tërmetit shqetësuan shumë banorë. Shumë prej tyre dolën para objekteve të banimit, për të shmangur goditjet tjera eventuale.
Por, c`thonë qytetarët e Tetovës? Si e përjetuan ata natën e mbrëmshme?
“Pata pak frikë, por u tejkalua se u ndal për fat të mirë”
“Si do të përjetosh, pak zgjati dhe kaloi”
“Si zakonisht, tërmeti është tërmet, s`ka paralajmërim. Dolëm në rrugë dhe u kthyem menjëherë”
“Mos më pyet se ende nuk mund të qetësohem”
“Nuk dolëm nga shtëpia, por u përgatitëm të jemi të gatshëm me iukë nëse ndodh edhe faza e dytë”
Pas tërmetit të orës 22.05, sizmologët thonë se janë shënuar edhe lëkundje tjera apo aftershock, që janë të zakonshme pas valës së parë të tërmetit.
Profesori i rregullt I Institutit për Gjeografi, Dr.Ivica Milevski, ka dhënë mesazhe qetësuese duke pohuar se nuk ka hapësirë për shqetësime duke shtuar bëhet fjalë për procese natyrore gjeologjike.
“Asgjë e tmerrshme, Mali Sharr jo I qetë akoma po rritet, madje edhe për disa milimetra (që nuk është edhe pak). Le ta bëjë punën që e ka bërë me miliona vite, pak nga pak, kurse ne mund të pushojmë” – ka shkruar në rrjetet sociale profesori Milevski.
Në këtë rajon edhe para dy ditëve u shënuan lëkundje sizmike me 3 ballë sipas Shkallës Makrosizmike Evropiane.
Edhe pse tërmetet ishin me manjitudë mesatare dhe nuk kanë shkaktuar dëme, sërish rikujtojnë se ky rajon mbetet me aktivitet sizmik.
Elita Zylbeari Masha bëhet Doktore e Shkencave të Mjekësisë,shqiptarja e parë që doktoron në fushën e Dermatovenerologjisë dhe Imunologjisë
KSHZ unanimisht miratoi gjashtë vendime në mbledhjen e parë
TËRMETI: TETOVARËT TË SHQETËSUAR – EKSPERTËT QETËSOJNË SITUATËN!
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
