Lajme nga vendi
Transportuesit privat zgjidhjen e problemit e kërkojnë nga qeveria
Transportuesit privat do të kërkojnë takim me kryeministrin Kovaçevski për zgjidhjen e kërkesave me Qytetin e Shkupit. Ata thonë se injorimi që kryetarja e qytetit po i bën revoltës së tyre është qasje e turpshme.
“Do të kërkojmë ndihmë nga institucioni shumë relevant, Qeveria e Maqedonisë. 02:49 Ata e dinë më mirë, por a do të vijë puna deri në marrjen e kompetencave të kryetares së Qytetit, Danella Arsovska në pjesën e transportit publik a do të formojnë ndonjë komision me qëllim që ky problem të zgjidhet më shpejt. Ata vet do të vendosin, ne themi atë çfarë duam”, deklaroi Qemal Muriq- “Sloboda Prevoz”.
Mëngjesin e sotëm transportuesit privat i tërhoqën autobusët nga kryqëzimi “ Mavrovasja” dhe tek “Kryqi i Kuq”. Siç tha Qemal Muriq, nga “ Sloboda Prevoz”, kjo zhvendosje e autobusëve në bulevardin “Ilinden” nuk tregon tërheqje nga qëllimi i tyre, por thjesht solidarizim me qytetarët që kanë qarkulluar nëpër kaos këto ditë.
“Ashtu siç kalon koha dhe zhvillohen ngjarjet, një prej tyre është konferenca për media e turpshme, nëse mund të quhet konferencë për media e sekretarit të Qytetit, ku ju mediat ishin të pranishme. Ai tha dy fjali dhe asgjë konkrete dhe iku nga pyetjet. Andaj shprehja e revoltës tonë përqendrohet këtu tek drejtuesit e Qytetit të Shkupit”, tha Qemal Muriq- “Sloboda Prevoz”.
Nga Qyteti i Shkupit nuk pati ndonjë reagim për këtë çështje. Megjithatë nuk mungoi komunikata rreth thirrjes publike për angazhimin e transportuesve për linjën 20 dhe 22, thirrje në të cilën nuk mund të konkurrojnë as “ Sloboda Prevoz” dhe as “ Makeekspress”. Paketa e linjave nga ky njoftim jepet për një periudhë dyvjeçare, me mundësi zgjatjeje, por jo më shumë se 5 vjet në total./Alsat.mk Gazetare: Evi Shkopi
VLEN uron nga zemra Lëvizjen Vetëvendosje dhe Kryeministrin Albin Kurti për fitoren plebishitare në zgjedhjet në Kosovë, një fitore që nuk është thjesht numerike, por morale, historike dhe kombëtare.
Shqiptarët e Kosovës dëshmuan se NUK LËSHUAN PE për drejtësi, NUK LËSHUAN PE për sovranitet dhe NUK LËSHUAN PE për begati. Ata zgjodhën dinjitetin mbi pazaret, shtetin mbi kompromiset e dëmshme dhe të ardhmen mbi të kaluarën.
Kjo fitore u shtri cep më cep të Kosovës, si një dëshmi e qartë se populli e ka bërë zgjedhjen e tij pa mëdyshje: një shtet të drejtë, një qeverisje të ndershme dhe një vizion që nuk nënshtrohet.
Data 28 dhjetor 2025, bashkë me 14 shkurtin 2021, do të mbahen mend si dy nga datat më të rëndësishme të garave zgjedhore në historinë e politikëbërjes së Kosovës, momente kur qytetari u ngrit mbi presionet, mbi propagandën dhe mbi frikën, duke e vulosur kursin e pakthyeshëm të shtetit.
VLEN e sheh këtë fitore si fitore të vlerave që na bashkojnë si shqiptarë kudo që jemi: drejtësi, sovranitet, zhvillim dhe dinjitet kombëtar. Është një mesazh i fortë për gjithë rajonin se kur populli nuk lëshon pe, historia ndryshon.
Urime Kosovë!
Urime Albin Kurti!
Urime shqiptarëve cep më cep!
Në mëngjes kthjellët dhe shumë ftohtë, gjatë ditës me diell me vranësira të lehta deri në mesatare. Do të fryjë erë e lehtë deri në mesatare nga veriu.
Temperatura minimale do të jetë në intervalin -9 deri në -2, ndërsa maksimale do të arrijë nga 5 deri në 12 gradë.
Në Shkup, me diell me vranësira të lehta. Do të fryjë erë e lehtë deri në mesatare nga veriu. Temperatura minimale do të bjerë në -6, ndërsa maksimale do të arrijë 6 gradë.
Lajme nga vendi
Deri më 30 nëntor të këtij viti, nga tatimet dhe kontributet janë mbledhur 3,97 miliardë euro
Deri më 30 nëntor të këtij viti, në buxhetin e shtetit nga tatimet dhe kontributet janë mbledhur 3,97 miliardë euro, që është për 268 milionë euro më shumë krahasuar me të njëjtën periudhë të vitit të kaluar, deklaroi drejtoresha e Drejtorisë së të Ardhurave Publike, Elena Petrova.
Siç informoi ajo, ka rritje të të ardhurave nga tatimet prej 6,5% dhe rritje të kontributeve prej 8,7% në krahasim me të njëjtën periudhë të vitit të kaluar.
VLEN uron Kurtin për fitoren në zgjedhjet
Moti sot në mëngjes shumë ftohtë
BASKETBOLL: HAPOEL TEL AVIVI PRINË TABELS NË EUROLIGË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
