Lajme nga vendi
Pendarovski: Një dokument vërteton rolin e Dimovskit për Onishçenkon
Shtetësia për oligarkun pro rus, Oleksander Onishçenko mund ta ndëshkon drejtorin e ASK-së, Viktor Dimovski për të mos shkuar ambasador në Francë vetëm në rast se raporti i ASK-së në Qeveri dhe hetimi i MPB-së dëshmojnë se Dimovski ka përgjegjësi të drejtpërdrejtë. Dyja dokumentet që dëshmojnë këtë janë të klasifikuara dhe janë lexuar në seancë të mbyllur të Qeverisë.
Presidenti Stevo Pendarovski mbrëmë në “Rruga drejt” tha se vendimi i tij për ta dërguar ose jo Dimovskin ambasador në Paris varet nga përmbajtja e një dokumenti.
“Qeveria në fund duhet të më njofton se ky kandidat ka përfunduar procedurën dhe propozojmë të shkon për ambasadorë. Të shohim nëse Qeveria do të më jep një propozim të tillë. Qeveria atë që e dërgon tek unë bazohet në atë që është konstatuar në raportin e ASK-së dhe MPB-së. Unë nuk e di çfarë thuhet në ato raporte. Nëse në bazë të atyre raporteve Qeveria konstaton se Viktor Dimovsi nuk ka përgjegjësi personale madje as në nivelin objektiv dhe më thotë se puna është e pastër, unë do ta nënshkruaj atë dokument. Me duhet ai dokument nga Qeveria”, tha Stevo Pendarovski, President.
Sipas Pendarovskit përgjegjësia për skandalin me shtetësinë e Onishçenkos nuk mund të përfundon vetëm me dy të suspenduar.
“Janë të paktën katër njësi organizative të cilat japin pajtim për raste të tilla. Të gjitha këto njësi kanë thënë po. E dyta, nuk e di çfarë përmban hetimi i MPB-së. Nëse bëhet fjalë për ujdi fitimprurëse, dikush ka paguar për atë sepse ne duhet patjetër ta dimë edhe atë aspekt që të mund ta konfirmojmë nëse nivelet para se të arrihet tek drejtori janë të pastra dhe kjo ka ndodhë si pasojë e pakujdesisë sepse ata vërtetë kanë punë voluminoze, ose duhet të shohim dyshimet për interesa të tjera”, deklaroi Stevo Pendarovski, President.
Agjencia e Zbulimit që është nën kompetencë të presidentit nuk është pyetur fare për shtetësinë e oligarkut pro rus. Qeveria ka marr mendim nga çdo institucion, përfshi edhe Federatën e kalëruesve dhe Agjencinë për Rini dhe Sport, por nuk ka vlerësuar se duhet edhe mendimi i Agjencisë së Zbulimit e cila mbase mund të ketë pasur informacion paraprak për profilin e Onishçenkos. Ky i fundit sipas presidentit nuk mund të krahasohet me ish biznesmenin indian, Subrata Roi i cili gjithashtu kishte marrë shtetësi maqedonase. Subrata Roi sipas Pendarovskit nuk ishte spiun rus, ndërsa Onishçenko është spiun i Rusisë. Qeveria në seancën e 6 dhjetorit vendosi t’i konfiskon shtetësinë Onishçenkos, ndërsa në procedurë është hetimi për vërtetimin e përgjegjësisë brenda për brenda ASK-së. /Alsat.mk-Adrian Kerimi
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
