Ministri I Drejtësisë, Igor Filkov, përmes një press-konference dërgoi mesazhe lidhur me vendimin që Artan Grubi të jetë në arrest shtëpiak e jo në paraburgim. Gjatë prononcimit, Ministri Filkov, potencoi se Ministria e Drejtësisë nuk do të jetë dëshmitarë I shurdhër kur besimi I qytetarëve në sistemin juridik është cënuar, e as që do të qëndrojë anash kur opinion me të drejtë kërkon përgjigje.

“Publikisht I bëj thirrje të gjithë aktorëve në procedurën që të sqarojnë, Prokurorin Publik, Daniel Kocev, të sqarojë në bazë të cilave fakte konkrete dhe argumenteve juridike është dhënë mendimi për të zëvendësuar paraburgimin. Udhëheqësi I Prokurorisë, Anel Fidanoski, nëse qëndron pas këtij vendimi dhe nëse vlerëson se ky është mesazh për zbatim të drejtë të ligjit. Gjykatësi I procedurës paraprake pranë Gjykatës Themelore Penale – Shkup, Marin Stanevski, se cilat rrethana kanë tejkaluar rrezikun nga arratisja tek personi I cili 14 muaj ishte I pakapshëm.

Pagat e funksionarëve shtetëror do të ulen nga 10.000 deri 13.000 denarë, kurse për disa pozita edhe më shumë, me qëllim të shpërndarjes më të drejtë të mjeteve buxhetore dhe harmonizimit me kushtet ekonomike në vend. Kështu ka deklaruar Deputeti I VMRO-DPMNE-së, Bojan Stojanoski, I cili njoftoi se Grupi I tyre Parlamentar Ka dorëzuar pakon prej 6 propozimligjeve që rregullojnë lartësinë e pagave.

“Me uljen e propozuar të koeficientëve, do të përfshihen pagat e funksionarëve publik, duke llogaritur deputetë, ministra, gjykatës, prokurorë publik dhe anëtar të këshillit gjyqësor dhe prokurorial. Me këto ndryshime pagat do të nivelizohen dhe do të ulen nga 10.000 deri në 13.000, kurse në diosa pozita tjera uulja do të jetë më e madhe”

Stojanoski paralajmëroi se nesër do të thirret seanca plenare ku do të votohet nevoja për miratimin e ligjeve. Ai sqaroi se me afatin e paraparë të Rregullores prej 6 orëve, menjëherë do të konvokohen ligjet dhe do të kthehen në seancë plenare dhe që nesër do të votohen.

Alarmet për mjete shpërthyese në shkollat fillore dhe të mesme i lanë edhe sot nxënësit tetovarë pa mësim! Përderisa Ministria e Punëve të Brendshme dhe organet e tjera të sigurisë së shtetit nuk po i gjejnë denoncuesit e rrejshëm të bombave në shkolla, nxënësit do të vazhdojnë të humbin procesin mësimor. Nga Sektori për Arsim pranë Komunës së Tetovës thonë se kanë dërguar kërkesë deri te SPB-Tetovë që të konfirmojnë se procesi mësimor mund të vazhdojë, por kjo do të vlejë vetëm për sot. E nëse nesër paraqitet i njëjti rast, nxënësit përsëri duhet të nxirren nga shkollat dhe të presin deri sa SPB Tetovë ta kontrollojë shkollën dhe të konstatojë se bëhet fjalë për alarm të rrejshëm.

Dauti thotë se sapo të qetësohet puna me denoncimet e rrejshme, do të shqyrtojnë mundësinë për zëvendësimin e orëve dhe ditëve të humbura.

Përndryshe, Gjimnazi i Tetovës “Kiril Pejqinoviq” mban rekord me mbi 14 alarme të rrejshme vetëm gjatë gjysmëvjetorit të dytë. Dje, alarm për bombë pati në të gjitha shkollat fillore dhe të mesme në Tetovë, si dhe në shkollat private që gravitojnë në komunën e Tetovës. Njoftimet për bomba në shkolla nuk shkojnë në adresat elektronike të shkollave, por në Ministrinë e Punëve të Brendshme, dhe pavarësisht kësaj, institucionet e sigurisë ende nuk mund ta lokalizojnë personin që i dërgon këto njoftime të rrejshme, të cilat po shkaktojnë shumë telashe. Problemi me alarmet për bomba në Maqedonia e Veriut filloi para dy vitesh në Shkup, kur e njëjta situatë si në Tetovë paraqitej atje me denoncime të rrejshme.