Në seancën e sotme parlamentare kushtuar pyetjeve të deputetëve, Deputeti I VMRO-DPMNE-së, Lupço Prenxhov, ka pyetur Kryeministrin Mickoski nëse ka patur marrëveshje për kthimin dhe lirimin e Artan Grubit.

Në përgjigjen e tij, Kryeministri Mickoski potencoi se nuk mund të ketë marrëveshje me njerëz, sic tha, që kishin dëshiruar fundin e tij duke shtuar se Grubi është I siguruar, kurse tani fillon, sic tha, agonia për disa individë.

“Nuk kam asgjë kundër që dikush ta akuzojë Qeverinë se ka ndonjë marrëveshje, por të logjikojmë. Unë si njeri isha më I sulmuari nga I njëjti person. Në festën e “Faljes” u ngritën drone në pronën e motrës sime dhe ajo pronë prezantohej si e imja. Dhe, tani sipas një logjike të cuditshme, unë si Kryeministër arrijë marrëveshje me këta që donin fundin tim politik. Kjo s`ka asnjë logjikë”

Edhe sot nuk kanë munguar përplasjet politike lidhur me rastin “Grubi”. Socialdemokratët vazhdojnë të insistojnë se bëhet fjalë për “pazare” politike.

“Zbulohet secila pjesë e skenarit të dakorduar dhe pazareve politike me të cilët u rrënua shteti juridik. Shfaqje me regji në kufi, mungonte vetëm tapeti i kuq për Grubin. Një skenar i mirëmenduar me mbështetje mediale të 40% të mediave nën kontrollin e VMRO-së përmes Orbanit”

Advertisement

Asgjë nuk është më si më pare – thuhet në reagimin e sotëm të koalicionit VLEN. Sipas tyre, ka filluar përplasja e brendshme në BDI.

A është frika nga momenti kur hija e Ali Ahmetit do të nisë të flasë dhe kur të dalin në dritë emra, skema dhe role, ajo që e shtyn dikë të përdorë metoda mafioze frikësimi? Kush nga BDI po i kërcënohet Artan Grubit? Kush brenda BDI-së i kërkon Grubit ta respektojë kodin mafioz të omertës, heshtjen dhe mosbashkëpunimin me institucionet?

Ndërkohë pas thirrjeve të Ministrit për Drejtësi, Igor Filkov, lidhur me vendimin që Grubi të shkojë në arrest shtëpiak, Këshilli I Prokurorëve Publik përmes një komunikatë reagoi se në këtë fazë të procedurës nuk ka kompetenca të kryejë mbikqyrje ndaj veprimit ligjor të prokurorëve publik.

Prokuroria Publike të martën njoftoi se për vendimin që Grubi të shkojë në arrest shtëpiak ishin plotësuar kushte specifike, respektivisht MPB-ja dhe Agjencia për Siguri Kombëtare kishin vlerësuar se në Burgun e Shutkës, Grubit nuk mund t`i garantohet siguria.

Advertisement

Arben Fetai mbetet pa mbështetje. Krahu i Arben Fetait në Aleanca për Shqiptarët ka mbetur pa asnjë përfaqësues në Kuvend, pas lëvizjeve të fundit brenda subjektit politik.

Nga Fetai janë distancuar edhe Ministri i Shëndetësisë, Azir Aliu, deputetja Mimoza Musa dhe funksionarë të tjerë të cilët mbështesin opsionin për transformimin e VLEN-it në parti.

Pas një iftari të organizuar, ku mungoi Arben Fetai, Ministri Azir Aliu potencoi se në këtë moment është i rëndësishëm bashkimi I ASH-së dhe procesi i shndërrimit të VLEN-it në parti.

“Nëse dikush dëshiron që të bashkojë ASH-në është ky grup I ASH-së që është në VLEN dhe ne kemi punuar që nga dita e parë që të bashkojmë ASH-në, për shkak se përçarjet ne i dijmë se janë të dhimbshme dhe sa nuk janë në dobi të qytetarëve. Ne kemi punuar dhe do të vazhdojmë të punojmë që ASH-ja të jetë më e bashkuar se kurrë”

Ministri Aliu, përplasjet brendapartiake I quan të natyrshme, duke pohuar se janë procese të shëndosha demokratike që mund të hasen në cdo organizim politik.

Advertisement

“Gjithsesi rruga tani është që të bashkohet ASH-ja dhe të jemi sa më të bashkuar në një infrastrukturë që nesër do të thithet në VLEN. E dini se nga fillimi, ideja ka qenë që VLEN një ditë të jetë një parti politike, e dini se tani ka edhe lëvizje. Lëvizja BESA bëri hapin e parë për të krijuar struktura që do të jenë kompatibile me VLEN-in. Pra, rruga e gjithë këtyre partive që janë brenda një ditë do të përfundojë në një parti që do të thirret VLEN”

Ilir Demiri është në shtëpinë e vet – u shpreh I prerë Ministri Aliu, teksa u pyet për prezencën e tij në këtë iftar të organizuar nga kjo strukturë politike. Kujtojmë se Ilir Demiri kohë më parë u shkëput nga Ziadin Sela, për të vepruar si i pavarur në Kuvend.

“Ilir Demiri është në shtëpinë e vet. Është anëtar I ASH-së edhe një herë e potencoj se ideja është që të gjithë anëtarët e ASH-së të jenë bashkë dhe bashkë I kemi filluar të gjitha proceset politike. Forma se si mendojmë është e njëjtë, jemi grup I organizuar nga viti 2017 me emrin Aleanca për Shqiptarët. Ilir Demiri është aty ku e ka vendin”

Kujtojmë se kohë më parë, Kuvendi Qendror i Lëvizjes Besa me shumicë votash miratoi vendimin për shkarkimin e Kryesisë Qendrore të Lëvizjes Besa, në vazhdën e procesit të filluar për bashkimin e VLEN-it në një subjekt të vetëm.

Advertisement