Lajme nga vendi
MASH-i filloi debatin publik për përgatitjen e Ligjit të ri për arsim të mesëm
Nevoja për sjelljen e zgjidhjes së re ligjore për arsimin e mesëm në vend fillimisht duhet kërkuar në faktin se ligji ekzistues zbatohet prej më shumë se 27 vitesh ndërsa në ndërkohë arsimi i mesëm është bërë i detyrueshëm, si dhe janë sjellur plane dhe programe të reja mësimore ku vazhdimisht janë duke u azhurnuar dhe plotësuar. Kemi shumë të drejta dhe mundësi të reja për të gjithë pjesëmarrësit në procesin arsimor në shkollat e mesme dhe e gjithë kjo duhet të jetë pjesë e një kornize ligjore. Sot jemi këtu së bashku pikërisht për të bërë këtë kornizë. Kemi themelin, të cilin mund ta avancojmë mirë.
Këtë e theksoi ministri i Arsimit dhe Shkencës Jeton Shaqiri në hapjen e debatit të parë nga disa debate publike që do të organizohen në ditët në vijim, me rastin e përpilimit të Ligjit të ri për Arsimin e Mesëm, i cili, siç u shpreh ai duhet të jetë në frymën e parimeve europiane dhe gjithëpërfshirjen e të gjithë nxënësve.
“Nëse në të kaluarën zgjidhjet ligjore silleshin me dyer të mbyllura, pa praninë e ekspertëve, praktikantëve, mësimdhënësve, sot në përputhje me përkushtimin për punë transparente dhe llogaridhënie ndaj qytetarëve, Ministria e Arsimit dhe Shkencës zgjidhjet ligjore i sjell përmes një procesi gjithëpërfshirës, përmes debateve publike me të gjithë pjesëmarrësit në veprimtarinë arsimore” potencoi Shaqiri.
Ai gjithashtu rikujtoi se Strategjia për Arsimin 2018-2025 në pjesën e arsimit të përgjithshëm përcakton këto prioritete: Përmirësimin e përmbajtjes së arsimit të mesëm, rritjen e përfshirjes së nxënësve dhe përmirësimin e inkluzionit dhe integrimit ndëretnik në arsimin e mesëm, përmirësimin e kapaciteteve të burimeve njerëzore në shkollat e mesme dhe përmirësimin e kushteve të mësimit dhe cilësisë së arsimit. Siç theksoi këto parime, besoj se me zgjidhjen e re ligjore do të kontribuojmë në modernizimin e sistemit arsimor nacional.
“Do të ofrojmë qasje sistematike për të inkurajuar zhvillimin kognitiv, socio-emocional dhe psikomotor në përputhje me potencialin dhe afinitetet të çdo nxënësi. Do të mundësojmë zhvillimin e kompetencave kyçe që do t’iu nevojiten nënësve për arsimimin e mëtejshëm dhe rolin e tyre aktiv në shoqërinë bashkëkohore”, u shpreh ministri.
Ai të pranishmëve ju bëri thirrje që të jenë aktiv në debat dhe të japin mendimet e tyre për propozim versionin e ligjit të përgatitur nga grupi punues i përbërë nga përfaqësues të disa palëve të interesuara dhe të shprehin sugjerime, me qëllim të miratimit të versionit më të mirë të zgjidhjes ligjore.
Me Ligjin e ri për Arsimin e Mesëm, arsimi i mesëm përkufizohet si institucional, kadrovik dhe përmbajtjësor i organizuar në atë mënyrë që mundëson arsimimin e të gjithë nxënësve, përfshirë fëmijët/personat me shtetësi të huaj apo fëmijët pa shtetësi, formimin e ekipeve gjithëpërfshirëse dhe mbështetjen e nxënësve me vështirësi. Definohet edhe roli i asistentëve arsimor, gjegjësisht përfshirja e tyre në procesin arsimor me status të rregulluar, njofton Ministria e Arsimit dhe Shkencës.
Lajme nga vendi
Zaev kërkon 1 milion nga Zhan Mitrev dhe Petrushevski, i padit për cenim të reputacionit me shpifje
Ish-kryeministri Zoran Zaev njoftoi se ka parashtruar padi për shpifje dhe shkelje të nderit dhe reputacionit kundër Brane Petrushevskit dhe Zhan Mitrevit, përcjell TV21. Paditë janë dorëzuar në Gjykatën Themelore të Strumicës, dhe vlera e secilës prej tyre është 500,000 denarë.
Sipas pretendimeve në dokumentet e paraqitura, Zaev konsideron se me deklarata publike dhe paraqitje të ndryshme i janë paraqitur fakte të pavërteta që e cenojnë nderin dhe reputacionin e tij.
Në një rast, padia lidhet me deklarata të dhëna në një konferencë për shtyp, ndërsa në rastin tjetër-me një paraqitje në televizion, ku sipas paditësit, pretendimet janë transmetuar gjithashtu nga media dhe portalet online.
“Nuk ka asnjë dilemë se gënjeshtra e të dyve do të vërtetohet,” deklaroi Zaev, duke shtuar se kompensimi eventual nga paditë do të dhurohet për fëmijë pa prindër dhe për persona me nevoja të veçanta.
Paditë bazohen në dispozitat e Ligjit për përgjegjësi civile për ofendim dhe shpifje, me kërkesë për vërtetimin e përgjegjësisë dhe kompensim të dëmshpërblimit jo-material për shkelje të reputacionit. Pritet që gjykata të vendosë mbi paditë e paraqitura në procedurë të rregullt.
Pas zhvillimit të ndeshjeve kthyese katër skuadra të cilat siguruan kualifikim në 1/8 e finales të UEFA Liga e Kampionëve janë Atletiko Madridi, Njukastël, Bajer Leverkusen dhe Bodo/Glimt
Atletico Madrid është skuadra e parë që kualifikohet për në 1/8 e finaleve të Ligës së Kampioneve. Në Metropolitano, skuadra madrilene mposhti Club Brugge 4-1 ndërkohë që në sfidën e parë kishte barazuar 3-3. Në këtë ndehsje shkëlqëet Sorloth I cili realizoi hat trik
Inter eliminohet nga UEFA Liga e Kampion;ve pasi u mposht edhe në ndeshjen e kthimit nga Bodø/Glimt me rezultatin 2-1. Skuadra norvegjeze siguron kështu një kualifikim historik në fazën e 1/8-ave, ku do të përballet me fituesin e çiftit mes Mançester City dhe Sporting .
Bayer Leverkusen siguroi kualifikimin në fazën e 1/8-ave të UEFA Liga e kampion;ve , pasi barazoi 0-0 në ndeshjen e kthimit ndaj Olympiacos, duke mbrojtur me sukses fitoren 2-0 të arritur në Greqi.
Skuadra Njucastle kualifikohet në fazën e 1/6 të finales në Ligën e Kampionëve me fitore edhe në përballjen e dytë kundër ekipit Karabag nga Azerbajxhani me rezultatin e përgjithshëm nga dy takimet 9-3, ndeshja e parë përfundoi 6-1 ndërsa ajo kthyese 3-2. Me këtë fitore, Njucastle avancon në fazën e 1/8-ave, ku mund të përballet me FC Barcelona ose Chelsea.
Katër ekipet tjera që do të luajnë në 1/8 e finaleve në Ligënn e kampionëve do të mësohen sonte
Shkëndija e Haraçinës ka shkruar histori, duke u kualifikuar në gjysmëfinale të Kupës së Maqedonisë së Veriut, pasi eliminoi Rabotniçkin me rezultatin 3:1.
Në duelin e luajtur në stadiumin e Bashkimit të Kumanovës, Shkëndija e Haraçinës mundi ekipin e Rabotniçkit 3-1 dhe siguroi kualifikim në gjysmëfinale të Kupës së Maqedonisë. Shkëndija e Haraçinës në gjysmëfinale do të përballet me fituesin nga ndeshja Struga Trim Lum – Shkëndija
Ndërkohë nga kjo garë është eliminuar fituesi I Kupës nga viti kaluar ekipi i Vardarit që aktualisht është lider në tabelën e klasifikimit në Ligën e parë u eliminua nga ekipi i Ohrit pas ekzekutimit të penaltive pas ndeshja në kohën e rregullta përfundoi 1-1. Ohri në gjysmëfinale do të përballet me fituesin nga ndeshja Sileksi – Detonit Plaçkovica
Zaev kërkon 1 milion nga Zhan Mitrev dhe Petrushevski, i padit për cenim të reputacionit me shpifje
CHAMPIONS: BODO/GLIMT “VRASËS” I FAVORITËVE!
KUPA E RMV-së: SHKËNDIJA (H) DHE OHRI NË GJYSMËFINALE
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
