Në një intervistë ekskluzive për CIVIL Media, Prof. Dr. Stevo Pendarovski, ish-President i Republikës së Maqedonisë së Veriut, e cilëson si shqetësuese rritjen e ndikimit ruso-serb në rajon dhe në vend, por thekson se ky ndikim nuk po shtyhet drejtpërdrejt nga Beogradi.

“Nga Serbia nuk ka presion të qartë që ne të futemi në botën serbe. Problemi është se disa struktura politike në vend duan vetë të jenë pjesë e asaj bote,” deklaron Pendarovski, përcjell PressOnline.al

Ai shpjegon se koncepti i “botës serbe”, i ndërtuar sipas modelit të botës ruse, bazohet në identitet etnik, gjuhë dhe ndikim kishtar – elemente që nuk përputhen me realitetin demografik dhe kulturor të Maqedonisë së Veriut.

Megjithatë, sipas tij, përfshirja e vendit në këtë sferë ndikimi po bëhet e mundur nga brenda.

“Kur ke një zëvendëskryeministër që hapur punon kundër NATO-s dhe BE-së, kjo nuk është figurë margjinale. Këta aktorë ndikojnë në orientimin strategjik të shtetit,” thekson ish-presidenti.

Advertisement

Ai rikujton edhe rezolutën e fundit të Parlamentit Evropian, e cila paralajmëron për rritjen e ndikimit ruso-serb në Maqedoninë e Veriut, duke lidhur këtë rrezik me vendimmarrës specifikë të qeverisë aktuale.

Pendarovski nënvizon se Maqedonia e Veriut përfiton qartë nga anëtarësimi në NATO, veçanërisht në kontekstin e pushtimit rus të Ukrainës, dhe paralajmëron se politikat e dyfishta mund të dëmtojnë seriozisht sigurinë kombëtare.

“Nuk mund të jesh deklarativisht pro NATO-s dhe njëkohësisht të flirtohesh me botën serbe apo ruse. Kjo nuk ndodhte para vitit 2024,” thotë ai.

Sipas Pendarovskit, orientimi gjeopolitik nuk është çështje që duhet lënë tek popullata e gjerë, por përgjegjësi e elitës politike që udhëheq vendin.

Advertisement

Kreu i shetit bullgar Rumen Radev pret që një gjë e tillë të ndodh së shpejti. Megjithatë, përfaqësuesit e organizatave bullgare nga Shkupi, Manastiri, Ohri, Prilepi, Kavadari dhe Koçan, u deklaruan kategorikisht para kreut të shtetit bullgar, kundër ndryshimeve kushtetuese me efekt të vonuar, pasi bëhej fjalë për garantimin e të drejtave themelore të njeriut.
Presidenti bullgar Rumen Radev deklaroi se duke përfshirë bullgarët në Kushtetutë, Maqedonia do të përshpejtojë ndjeshëm anëtarësimin e saj në Bashkimin Evropian.
– Përfshirja e bullgarëve në Kushtetutën e Republikës së Maqedonisë do të përshpejtojë ndjeshëm rrugën e vendit drejt BE-së dhe shpresoj që fqinji ynë jugperëndimor, do ta bëjë këtë sa më shpejt të jetë e mundur, në mënyrë që t’I hapë dyert për negociata për anëtarësim të plotë” – tha ndër të tjera presidenti I Bullgarisë Radev në pritjen për përfaqësuesit e organizatave të bullgarëve nga Maqedonia.
Ai shpreson se autoritetet e RMV-së do ta zbatojnë “kompromisin evropian”, të vitit 2022.
– Ne të gjithë shpresojmë që integrimi i RVM-së të ndodhë sa më shpejt të jetë e mundur, por kjo nuk mund të jetë në kurriz të të drejtave të komunitetit bullgar në vend” – tha presidenti bullgar.

Protesta e radhës në mbështetje të çlirimtarëve të Kosovës që po mbahen në paraburgim në Hagë, raportohet se do të mbahet më 13 dhjetor në Shkup, lajm këtë të cilin e ka bërë të ditur Ali Ahmeti, kryetar i BDI-së.E në lidhje me këtë ka reaguar kryeministri i Maqedonisë së Veriut, Hristijan Mickoski, duke thënë se nuk e mbështet këtë marsh.

“Me këtë protestë po mundohen të mobliziohen para Kongresit të partisë. Me këtë ata vetëm po e vërtetojnë se do ta kenë shumë të vështirë që në të ardhmen të gjejnë partner të koalicionit. Unë nuk e mbështes këtë ide dhe as nuk pajtohem me këtë marsh. Jam i bindur që as VLEN nuk do ta mbështesë”, u shpreh ai.

Pas kësaj, Organizata e Veteranëve të Luftës së UÇK-së ka thirrur për sot konferencë për media në ora 10:00.