Ministri i Shëndetësisë, Azir Aliu, tha se rreth 50% e popullsisë në vend janë të varur nga pirja e duhanit.

“Ligjet vetë nuk mund të jenë cilësorë dhe të japin rezultate nëse nuk ekziston një ekosistem i tërë. Ligji përcakton një kornizë dhe rregulla të rrepta për përmirësimin e ekosistemit në një segment të caktuar. Por nëse nuk kemi indikatorë shtesë për matjen dhe ndjekjen e zbatimit të ligjit, atëherë do të kemi vetëm një ligj në letër.

Prandaj, fatkeqësisht, ligjet ekzistuese deri më tani nuk kanë dhënë rezultate. Ne fillimisht bëmë një analizë të thellë të gjendjes aktuale, e cila tregoi se rreth 50% e popullsisë tek ne janë të varur nga cigaret dhe pinë rreth 18–22 cigare në ditë, që do të thotë se në vendin tonë ka dyfish më shumë duhanpirës krahasuar me standardet evropiane.

Kjo është alarmante, sidomos duke pasur parasysh se ka duhanpirës të moshave shumë të reja: në moshën 13–14 vjeç ka 7.7% duhanpirës aktivë, në moshën 15–16 vjeç rreth 37%, ndërsa përdorues të cigareve elektronike janë rreth 40%”, theksoi ministri Aliu në emisionin “24 Analiza”.

Ai nënvizoi se ligji nuk është kundër duhanpirësve, por qëllimi i tij është t’i mbrojë ata, të cilët përbëjnë rreth 50% të popullsisë, dhe t’i ndihmojë që të heqin dorë nga pirja e duhanit. -Imagjinoni një qytetar që punon në një lokal ku lejohet pirja e duhanit brenda.

Advertisement

Ai, pavarësisht nëse dëshiron apo jo, është i ekspozuar pasivisht ndaj tymit të cigareve tetë orë në ditë dhe në fund të ditës është një duhanpirës pasiv. Kam biseduar me mjekë që thonë se shpesh ka raste të sëmundjeve kardiovaskulare kur pacientët deklarojnë se vetë nuk janë duhanpirës, por në shtëpi kanë anëtarë të familjes që pinë duhan në ambiente të mbyllura.

Kryetari i Kuvendit, Afrim Gashi sot do të realizojë takim lamtumirës me ambasadoren e SHBA-së Anxhela Ageler.

Ageler misionin e saj diplomatik në vend e filloi në vitin 2022. Ajo në dhjetor u gjet në fokusin e opinionin jo për shkak të fundit protokollar të mandatit, por për shkak të vendimit politik të Uashingtonit. Ambasada amerikane atëherë konfirmoi se ajo është mes diplomatëve që do të tërhiqen, në pakon që mediat e lidhën me vendimin e administratës së Donald Trampit të revokojë pothuajse 30 ambasadorë, pjesa më e madhe diplomatë me karrierë, të emëruar nga administrata paraprake.

Ageler është diplomate me karrierë e cila nuk ishte për herë të parë në Maqedoni. Më parë ajo ka shërbyer si zyrtare për marrëdhënie me opinionin në Ambasadën amerikane në Shkup nga viti 2011 deri në vitin 2014. Pastaj ka punuar edhe si atashe për kulturë dhe shtyp në Ambasadën në Hanoi, Vietnam, zëdhënëse e Byrosë për çështje konsullore pranë Departamentit të shtetit, konsull dhe lidhje me komunitetin amerikan në Ambasadën e SHBA-së në Paris, të Francës dhe zëvendëskonsull dhe zëvendës atashe për shtyp në Nju Delhi, Indi.

Para se të përfshihet në Shërbimin për punë të jashtme në vitin 1998, Ageler ka punuar për Departamentin e shtetit në ambasadat e SHBA-së në Uagadugu, Burkina Faso dhe Budapest, Hungari, si dhe në Konsullatën e përgjithshme në Madras të Indisë.

Komunikacioni në rrugët shtetërore zhvillohet pa ndërprerë, në disa vende nëpër rrugë të lagështa, informon LAMM në raportin e mëngjesit për gjendjen e rrugëve.

Intensiteti i komunikacionit në akset rrugore jashtë mjediseve urbane është mesatar. Në vendkalimet tjera kufitare në anën e Maqedonisë, nuk ka vonesa më të gjata për hyrje dhe dalje nga vendi.

LAMM rekomandon shpejtësi të adaptuar të lëvizjes, respektimin e sinjaleve të vendosura të komunikacionit e veçanërisht drejtim të kujdesshëm të automjetit, posaçërisht në rrugët nëpër gryka malore dhe lugina të lumenjve ku ekziston mundësia e rrëshqitjes së dheut. Kjo vlen veçanërisht për akset rrugore Katllanovë – Veles, Mavrovë – Dibër – Strugë, Vinicë – Berovë dhe Koçan – Dellçevë.

Në fuqi është obligimi ligjor për posedim të detyrueshëm të pajisjes dimërore në automjete, pavarësisht nga kushtet aktuale të motit.