Lajme nga vendi
Zeqiri: Të ardhurat nga buxheti i shtetit të jenë të njejta për të gjitha universitetet publike
Të ardhurat personale në arsimin e lartë për të gjitha universitetet publike të financuara nga shteti duhet të jenë të barabarta dhe të ndahen në bazë të kriteriumeve të njëjta.
Nuk është e drejtë që Kryetari i Kuvendit, z. Talat Xhaferi, në cilësinë e personit të autorizuar nga themeluesi i Universitetit, gjegjësisht Kuvendi i Republikës së Maqedonisë së Veriut dhe kryetari i Sindikatës së të punësuarve në Universitetin “Shën Qirili dhe Metodi” në Shkup, profesor Angel Ristov të nënshkruajnë marrëveshje kolektive individuale me USHQM ku rregullohen të drejtat, detyrimet dhe përgjegjësitë e punëtorëve dhe punëdhënësit, Universiteti “Shën Qirili dhe Metodi” në Shkup, të cilat rrjedhin nga marrëdhënia e punës, për përmirësimin e gjendjes materiale të personelit mësimdhënës dhe jomësimdhënës në USHQM.
Me këtë dokument Shteti u zotua se në vitin 2024 dhe 2025 do të ketë rritje të ndjeshme të pagave të punonjësve në universitet, gjë që do të kontribuojë në një zhvillim më të mirë të shkencës dhe arsimit të lartë, e gjithë kjo në interes të studentëve dhe shtetit.
Parashtrohet pyetja se çka ndodhë me pesë universitetet tjera publike ndër të cilat bënë pjesë edhe Universiteti ‘Nënë Tereza’ në Shkup i cili i ka pagat më të ulta se të gjitha universitetet tjera publike në vend.
Ne si universitet nuk jemi kundër marrëveshjes që ka nënshkruar kryetari i Kuvendit z. Talat Xhaferi por kërkojmë që të gjithë universitetet publike të përfshihen në marrëveshjen e njejtë.
Gjithashtu kërkojmë nga Ministria e Arsimit dhe Shkencës të rregullon çështjen e financimit në Arsimin e lartë. Është urgjente që në Arsimin e lartë të ndërrmeren reforma në çështjen e finacimit të universiteteve. Nuk është në rregull paratë për financimin e universiteteve publike nga buxheti i Republikës së Maqedonisë së Veriut të ndahen sipas Marrëveshjes për vetëqeverisje lokale të vitit 1988, pa rregulla, pa kriteriume dhe pa standarde.
Me qëllim ose pa qëllim nuk është në funksion Komisionin për financimin e arsimit të lartë që të mund ta ndalojë këtë laramani dhe padrejtësi që bëhet gjatë shpërndarjes së mjeteve nga Buxheti i RMV për universitetet publike.
Nga dita në ditë paratë nga Buxheti i RMV për financimimin e Arsimit të lartë shkojnë duke u zvogëluar por në të njejtën kohë zvogëlohen edhe mjetet nga vetëfinancimi.
Në shtojcë ju paraqesim analizën nga viti 2012 deri në vitin 2022.
Me respekt,
Prof.dr. Izet Zeqiri
Rektor i UNT-së
Ambasadori i Shqipërisë në Shkup, Denion Meidani, zhvilloi një drekë miqësore dhe takim pune me Kryetarin e Komunës së Tetovës, Bilal Kasami, ku në qendër të bisedimeve ishin çështjet lokale, projektet në zhvillim dhe perspektiva evropiane e vendit.
Meidani theksoi se gjatë takimit u diskutua për përparimet konkrete në nivel komunal, veçanërisht në fushat e infrastrukturës dhe arsimit, duke e përgëzuar Kasamin për ndryshimet e dukshme që, sipas tij, tashmë po ndihen drejtpërdrejt nga qytetarët në terren.
Një pjesë e rëndësishme e bisedës iu kushtua edhe procesit të integrimit evropian, ku u theksua rëndësia e anëtarësimit në Bashkimin Evropian si një kornizë kyçe për zhvillim të qëndrueshëm, institucione më funksionale dhe standarde më të larta jetese për komunitetet.
Takimi u karakterizua nga një shkëmbim i hapur idesh mbi hapat e ardhshëm, nevojën për bashkëpunim institucional dhe ndërtimin e një vizioni të përbashkët për një të ardhme më të afërt me qytetarët dhe më të integruar në familjen evropiane.
Lajme nga vendi
A sekuestrohen përkohësisht apo përgjithmonë automjetet që drejtohen pa patentë shoferi?
Burime nga Ministria e Punëve të Brendshme sqarojnë rastet konkrete se kur konsiderohet që një automjet po drejtohet pa patentë shoferi, duke rikujtuar se ky veprim përbën vepër penale.
Sipas ligjit, me urdhër të Prokurorisë Themelore Publike, MPB-ja ka të drejtë të sekuestrojë automjetin e përfshirë në shkelje të tilla. Ky sqarim vjen si përgjigje ndaj dilemave të shfaqura në rrjetet sociale nëse mjetet e sekuestruara merren përkohësisht apo përgjithmonë.
Sipas burimit të MPB-së sqarojnë për Plusinfo,se për konfiskimin e përhershëm të një automjeti është i domosdoshëm një aktgjykim i plotfuqishëm gjyqësor. Ndërkaq, nën kategorinë e drejtimit të mjetit pa patentë shoferi përfshihen shoferët që nuk kanë dhënë kurrë provimin për shofer, ata që u është hequr leja përgjithmonë, si dhe personat që drejtojnë mjetin gjatë kohës kur janë nën masën e ndalesës së përkohshme për drejtim të mjetit motorik.
Nga Ministria e Punëve të Brendshme njoftojnë se brenda një muaji, respektivisht nga 01.01.2026 deri më 31.01.2026, Policia ka kryer kontrolle trafiku në territorin e Republikës së Maqedonisë së Veriut për të ndëshkuar drejtuesit e automjeteve që nuk i përmbushin kushtet e përcaktuara për errësimin e xhamave të automjeteve. Si rrjedhojë, sipas Policisë, janë dënuar 101 shoferë.
“Gjatë kontrolleve janë ndëshkuar 101 pjesëmarrës në trafik. Për të gjithë shkelësit janë përgatitur aktet përkatëse. Kontrollet e trafikut do të vazhdojnë edhe në ditët në vijim. Apelojmë tek të gjithë pjesëmarrësit në trafik të respektojnë rregullat dhe ligjet e trafikut, për të kontribuar së bashku në rrugë më të sigurta“, thonë nga MPB.
Takimi Meidani- Kasami për bashkëpunimin ndërshqiptar dhe perspektivat evropiane
A sekuestrohen përkohësisht apo përgjithmonë automjetet që drejtohen pa patentë shoferi?
101 gjoba për errësimin e xhamave të veturave
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
