Të rinjtë deri në 23 vjeç, të punësuar në sektorin e prodhimit, do të përfitojnë mbështetje financiare prej 3000 denarësh çdo muaj. Këtë e garanton ligji i ri për shtesa rinore, e propozuar nga Ministria e Ekonomisë, e që mori dritë jeshile në seancën e fundit të Qeverisë. Sipas zëdhënëses së Qeverisë, Venera Azizi, ligji është pjesë integrale e Planit Operativ 2026.

“Ky ligj në fakt është edhe një bazë e planit aksional të punësimit, apo planit operativ siç e njeh qytetari ndryshe, për vitin 2026. Ky plan operativ për momentin është duke u rrumbullakuar. Plani operativ 2026 gjithsesi do të jetë njëlloj ambicioz posaçërisht në mbështetjen e të rinjve, sikurse që ishte plani operativ për vitin 2025 ku kishim 40 milion euro mbështetje për punësim, që në fakt ishte për 7,5 milion euro më shumë se kurdoherë në historinë e RMV-së,“ tha Venera Azizi, Zëdhënëse e Qevrerisë në një deklaratë për Alsat.

Sipas zëdhënëses së Qeverisë, Ligji i ri e zgjat këtë mbështetje deri në vitin 2028, duke ofruar siguri dhe parashikueshmëri si për të rinjtë, ashtu edhe për bizneset.

“Këtu dua të përmendi gjithashtu edhe të rinjtë që ishin të përfshirë në planin aksional të vitit 2025, ku vërehet se nga rreth 13 mijë persona që kanë marrë mbështetje në këtë drejtim, 70, 9 përqind janë të rinj deri në moshën 29 vjeç,“ tha Venera Azizi.

Ekzekutivi pret që pas përfundimit të procedurave teknike të Qeverisë, ligji të futet në procedurë kuvendore, ku edhe presin mbështetje të plotë nga deputetët.

Advertisement

Dje, në ora 01:10 në SPB Tetovë, mkë 48-vjeçare nga fshati Cerovë ka raportuar se më 09 Prill rreth orës 23:30 në rrugën “Ilindenska” në Tetovë, djali i saj i mitur dhe shoku i tij janë sulmuar fizikisht nga tre persona, me ç’rast shoku i tij, në përpjekje për t’u vetëmbrojtur, ka pësuar lëndim në dorë. Po merren masa për zbardhjen e rastit.
……
Dje në ora 09:45 në rrugën “Jane Sandanski” në Tetovë, punonjësit policorë nga SPB Tetovë kanë privuar nga liria një 38-vjeçar nga fshati Çellopek, pasi drejtonte veturën “BMV” me targa të Tetovës pa patentë shoferi, me çka ka kryer vepër penale sipas nenit 297-a të Kodit Penal. Automjeti është sekuestruar.
…..
Dje, në ora 13:30 në Stacionin Policor të Grupçinit, një 58-vjeçar nga fshati Zhelinë e Tetovës, ka raportuar se në fshat, pas një debati të shkurtër , ka ndodhur një përleshje fizike, pas së cilës janë drejtuar për në Spitalin Klinik të Tetovës për ndihmë mjekësore. Të dy janë privuar nga liria dhe pas dokumentimit të rastit do të vijojë parashtresa përkatëse.
……
Dje në ora 14:00 në rrugën “Gjorçe Petrov” në Tetovë, punonjësit policorë kanë privuar nga liria një të mitur 16-vjeçar nga Tetova, i cili drejtonte një motoçikletë pa pasur leje. Në prani të prindit dhe avokatit, me të miturin është kryer bisedë zyrtare në ambientet e SPB Tetovë. Motoçikleta është sekuestruar dhe pas dokumentimit të rastit do të vijojë parashtresa përkatëse.
…..
Dje, në ora 18:00 në Stacionin Policor të Gostivarit, një 48-vjeçar nga Gostivari ka raportuar se rreth orës 17:40, në ambientet e një kompanie taksish në Gostivar, është sulmuar fizikisht nga kolegu i tij. Më vonë, në ora 19:20, kolegu është privuar nga liria dhe është ndaluar në stacionin policor.
…..
Dje, në ora 20:30 në rrugën rajonale Tetovë-Jazhincë, afër fshatit Leshkë, punonjësit policorë kanë ndaluar veturën “Audi” me targa të Shkupit, e drejtuar nga një 15-vjeçar nga fshati Pallaticë. Gjatë kontrollit të automjetit janë gjetur mbetje të marijuanës, pas së cilës i mituri dhe tre bashkudhëtarë 20-vjeçarë të gjithë nga fshati Sllatinë, janë privuar nga liria. Është gjetur dhe sekuestruar një “boks” metalik. Automjeti është sekuestruar përkohësisht për procedurë të mëtejshme.
…….
Dje, punonjësit policorë nga DPB Gostivar kanë privuar nga liria një 38-vjeçar në Gostivar. Gjatë kontrollit në shtëpinë e tij dhe në një objekt hotelerik, të kryer me urdhër gjyqësor, janë gjetur dhe sekuestruar disa paketime me marijuanë dhe një lëndë pluhur e bardhë, ndërsa në objektin hotelerik është gjetur marijuanë.
Gjithashtu, sot në ora 02:00 të mëngjesit, punonjësit policorë nga Stacioni Policor i Çegranit kanë privuar nga liria një 57-vjeçar nga fshati Forinë e Gostivarit. Gjatë kontrollit në shtëpinë e tij, janë gjetur dhe sekuestruar një lëndë pluhur e bardhë dhe një lëndë e bardhë e ngurtë.
Të dy janë ndaluar në stacionin policor dhe pas dokumentimit të plotë të rasteve, ndaj tyre do të ngrihen kallëzimet përkatëse.
…..
Dje në ora 22:00 në rrugën “Jasht Vardarit” në Tetovë, punonjësit policorë kanë privuar nga liria një 38-vjeçar nga fshati Rogle. Ai dyshohet se rreth orës 19:00, në një parking në Tetovë, me një veturë “Volksvagen Golf” ka goditur qëllimisht djalin e mitur të një 52-vjeçari nga fshati Dëbërcë.
…..
Dje, në ora 22:00 në rrugën lokale drejt fshatit Kamjan, punonjësit policorë nga Stacioni Policor i Kamjanit kanë ndaluar veturën “Golf” me targa të Tetovës, të drejtuar nga një 19-vjeçar nga fshati Ozormisht, i cili nuk posedonte patentë shoferi. Gjatë kontrollit në bagazhin e automjetit është gjetur një qen i lënduar i racës “Pit Bull”, për të cilin personat në automjet kanë deklaruar se është lënduar gjatë ndeshjeve me qen në fshatin Kamjan. Së bashku me shoferin, janë privuar nga liria edhe dy bashkudhëtarë 17-vjeçarë nga fshati Zhelinë. Është njoftuar inspektori veteriner dhe po merren masa për trajtimin e duhur të kafshës dhe dokumentimin e rastit, ndërsa ata së bashku me automjetin janë ndaluar në stacionin policor dhe pas dokumentimit të rastit do të vijojë parashtresa përkatëse.

 Abuzimet në rrjetet sociale janë shfaqur si kërcënimi kryesor për privatësinë e qytetarëve në Maqedoninë e Veriut gjatë vitit 2024, thuhet në raportin vjetor të Agjencisë për Mbrojtjen e të Dhënave Personale, përcjell Zhurnal.mk.

Nga gjithsej 249 ankesa të paraqitura, plot 247 kanë të bëjnë me keqpërdorime në hapësirën online, duke dëshmuar se interneti dhe rrjetet sociale janë kthyer në arenën kryesore të shkeljes së të drejtave personale.

Sipas raportit, rastet më të shpeshta përfshijnë profile të rreme dhe të hakuara, publikim të paautorizuar të fotografive dhe videove, si dhe keqpërdorim të të dhënave personale. Këto nuk konsiderohen më vetëm si krim kibernetik abstrakt, por si goditje direkte ndaj jetës së përditshme të qytetarëve, duke shkaktuar dëmtim të reputacionit, vjedhje identiteti dhe ndjenjë pasigurie në hapësirën digjitale.

Veçanërisht shqetësues mbetet fakti se 12 nga rastet e raportuara lidhen me fëmijë. Edhe pse numri mund të duket i vogël, autoritetet paralajmërojnë se çdo rast i tillë mund të ketë pasoja afatgjata për privatësinë dhe sigurinë psikologjike të të miturve.

Raporti ngre gjithashtu shqetësime për kapacitetet institucionale. Gjatë vitit 2024, Agjencia ka realizuar 338 mbikëqyrje me vetëm katër mbikëqyrës, ndërsa numri i përgjithshëm i të punësuarve është 16, çka tregon për një disproporcion të madh mes përmasës së problemit dhe burimeve në dispozicion.

Advertisement

Megjithëse është miratuar një strategji e re për periudhën 2025–2030, ajo për momentin mbetet vetëm një kornizë fillestare. Të dhënat e vitit 2024 dërgojnë një mesazh të qartë: privatësia po rrezikohet më së shumti pikërisht aty ku qytetarët kalojnë më shumë kohë – në rrjetet sociale.