Lajme nga vendi
Kryetari i Komunës së Tetovës z. Bilall Kasami uron Vitin e Ri 2023
Të dashur qytetarë,
Viti 2022 ishte vit i vështirë dhe me shumë sfida, duke filluar nga kriza ekonomike, energjetike, trazirat në Ballkanin Perëndimor e deri tek lufta në Ukrainë, gjegjësisht agresioni rus mbi këtë shtet sovran. Ky kontekst i vështirë dhe me shumë probleme edhe brenda Maqedonisë së Veriut, ka dimensionuar edhe veprimin politik të Lëvizjes Besa. Pikërisht, në kuadër të këtyre dinamikave politike, ekonomike dhe sociale, Lëvizja Besa është angazhuar në çdo moment për të mirën e qytetarëve të vendit dhe në veçanti për kërkesat e popullit shqiptar. Në çdo moment kemi përcjellë punën e qeverisë dhe kemi reaguar dhe reflektuar politikisht mbi të gjitha dështimet e saj në të gjitha nivelet. Përgjatë gjithë këtyre sfidave qeveria ka dështuar në të gjitha drejtimet, duke mos përmbushur asnjë premtim të dhënë. Për arsye që dihen kjo qeveri nuk është legjitime dhe nuk ka legjitimitetin të udhëheq me vendin. Lufta kundër krimit dhe korrupsionit është edhe një dëshmi për dështimin e qeverisë, e cila jo vetëm që nuk e luftoi krimin dhe korrupsionin, por përkundrazi e motivoi politikisht duke zgjedhur figurat më të dështuara në vendet kyçe të drejtësisë për të cilën gjë flasin edhe organizatat ndërkombëtare të cilat e rendisin Maqedoninë e Veriut në mesin e shteteve me shkallën më të lartë të korrupsionit.
Të dashur qytetarë,
Lëvizja BESA me politikat e saja do të vazhdojë të luftojë për të drejtat dhe mirëqenien e shqiptarëve në vend, pasi prioriteti ynë është përmirësimi i jetës së qytetarëve. Ne në asnjë rast nuk do të lëvizim nga kërkesat tona, prandaj jemi të bindur dhe të vendosur për të rezistuar fortë ndaj çdo vështirësie dhe sfide me të cilat do të përballemi. Lëvizja BESA do të jetë gardian i çdo qytetari shqiptar, gardian i të drejtave të tyre në Maqedoninë e Veriut.
Ne e themi pa hamendje se ndryshimet kushtetuese do të kenë votën tonë vetëm nëse në kushtetutë largohet termi 20%, dhe të zëvendësohet me Gjuhën Shqipe si gjuhë zyrtare. Rruga jonë është e qartë, Lëvizja BESA edhe në të kaluarën ka mbështetur procesin integrues të vendit në strukturat euroatlantike, por edhe tani ne mbajmë qëndrim perëndimor duke mbajtur llogari edhe për të drejtat e shqiptarëve. Shqiptarët nuk janë pakicë në vend, por janë komb shtetformues në Maqedoninë e Veriut.
Shumë të respektuar qytetarë,
Me vizionin dhe politikat tona qeverisëse kemi arritur që për një vit Tetovën ta bëjmë një qytet të sigurt, të zhvilluar dhe të barabartë për të gjithë, pa dallime etnike, fetare apo partiake. E kemi transformuar Tetovën në një qytet me infrastrukturë moderne duke i përmbushur të gjitha standardet e nevojshme për një jetë sa më cilësore. Këtë vizion politik qeverisjeje, këtë angazhim të vendosur për të mirën e të gjithëve, ne duam ta shtrijmë në çdo qytet, fshat apo lagje shqiptare.
Tetova dhe Zhelina janë shembulli sesi punojmë dhe qeverisim ne.
Të dashur qytetarë,
Më lejoni që nga zemra t’ua uroj festën e Vitit të Ri. Viti 2023 qoftë një vit i mbarë për të gjithë, një vit që do të sjellë shëndet dhe lumturi në familjet Tuaja,
Gëzuar!
Bashkimi Demokratik për Integrim pritet që sot pasëdite të mbledhë këshillin e përgjithshëm të partisë për të diskutuar rreth shumë problematikave për situatën aktuale politike në vend. Në këtë takim pritet të diskutohet edhe për ftesën e dërguar nga kryeministri Mickovski për takim të liderëve që pritet të mbahet më 14 janar në Shkup e ku një nga pikat e këtij takimi të liderëve është edhe shfuqizimi i marrëveshjes së “Përzhinos” ose ndryshe shfuqizimi i qeverisë tektnike, shkruan Top24
Në këtë takim liderësh LSDM ka paralajmëruar se nuk do të merr pjesë në këtë takim pasi sipas tyre qeveria teknike dhe marrëveshja e përzhinos është garancë për zgjedhje fer dhe demokratike.
Koordinatori i grupit parlamentar të VLEN, Bekim Qoku mohon se ka përplasje mes katër liderëve të koalicionit VLEN, përcjell TV21. Qoku thotë se deputetët e çojnë mirë me njëri-tjetrin dhe e kanë vështirë që ta zgjedhin më të mirin për lider të VLEN, në rast se koalicioni shndërrohet në subjekt politik.
“Nuk ka përplasje, dhe do e them disi në formë pak a shumë ironie, do të them shpesh që në VLEN, “fatkeqësisht” janë shumë mirë, sepse ndonjëherë duhet të kesh ndonjë përplasje, për të dalë diçka, por liderët e VLEN-it aktualisht kanë një harmoni të plotë dhe kanë një komunikim jashtëzakonisht pozitiv dhe në frymën e konstruktivitetit. Mbase kjo, edhe njëherë…mund të jetë një shpjegim, që kalojnë më, kalojnë aq mirë katër liderët, sa që shpesh nuk e shohin të arsyeshme për të gjetur më të mirin prej tyre dhe kjo është e vështirë”, tha Qoku./tv21.tv
Aeroportet në Budapest të Hungarisë, Bratislavë të Sllovakisë dhe Vjenë të Austrisë u detyruan të mbyllen përkohësisht të martën në mëngjes (13 janar) për shkak të kushteve të rënda të motit të akullt, duke shkaktuar anulime dhe vonesa të shumta fluturimesh në të gjithë rajonin.
“Në Aeroportin e Vjenës, një shtresë e trashë akulli u formua në pistat e fluturimit dhe vazhdonte të ngrinte sërish pavarësisht përpjekjeve të vazhdueshme për pastrimin e saj”, bëri të ditur një zëdhënës i aeroportit. Si pasojë, disa fluturime u devijuan drejt aeroporteve të tjera.
Ndërkohë, shiu i ngrirë detyroi Aeroportin e Pragës të operonte në një “modalitet shumë të kufizuar”, sipas një njoftimi të publikuar në rrjetin social X. Autoritetet paralajmëruan për vonesa gjatë gjithë ditës, ndërsa mbërritjet u kufizuan për të mundësuar shkrirjen e akullit në pistën kryesore.
Sipas njoftimeve zyrtare, aeroportet e Vjenës dhe Bratislavës pritej të rihapeshin gjatë orëve të mëngjesit, ndërsa pasagjerët u këshilluan të kontrollonin vazhdimisht statusin e fluturimeve të tyre.
Një tërmet i fortë me magnitudë 4.6 ballë godet pjesën veriore të Italisë
Sot BDI mbledh këshillin e përgjithshëm, një nga pikat edhe takimi i liderëve!
Qoku: Nuk ka përplasje mes 4 liderëve! Në VLEN, “fatkeqësisht” janë shumë mirë
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
