Lajme nga vendi
Maqedonia e Veriut i filloi bisedimet, por nuk do t’i vazhdojë pa ndryshimet kushtetuese
Maqedonia e Veriut vitin e kaluar pas 17 viteve në dhomën e pritjes së BE-së formalisht e filloi procesin e bisedimeve me Unionin me mbajtjen e konferencës së parë ndërqeveritare. Skriningu shpjegues dhe dypalësh për harmonizimin e legjislacionit evropian po vijon dhe ky proces pritet të përfundojë në nëntor të këtij viti. Megjithatë që të vazhdojë rruga evropiane e shtetit, janë të nevojshme ndryshimet kushtetuese me përfshirjen e bullgarëve në Kushtetutë, për çka pushteti dhe opozita kanë qëndrime diametralisht të kundërta. Megjithatë, edhe krahas gjithë kësaj, projeksionet e pushtetit janë se deri në vitin 2030 shteti ynë do të duhej të bëhej anëtar i BE-së. Përfundimi është se ky vit 2023 do të jetë kyç për vazhdimin e rrugës së integrimeve evropiane të shtetit.
Me pranimin e të a.q. “propozim francez” më 17 korrik vitin e kaluar Maqedonia e Veriut pas 17 viteve me status kandidat për anëtarësim në BE e mbajti konferencën e parë ndërqeveritare me Unionin, me çka formalisht filloi procesi i bisedimeve me BE-në.
Kushtin për vazhdimin e procesit të integrimeve evropiane dhe mbajtjen e konferencës së dytë ndërqeveritare, me çka do të hapet edhe Klasteri i parë negociues, ndërsa me këtë edhe ndryshimet kushtetuese, e përmban Protokolli Dypalësh, të cilin e nënshkruan shefat e diplomacive të Shkupit dhe Sofjes, Bujar Osmani dhe Ekaterina Zaharieva më 19 korrik të vitit të kaluar. Në propozim – përfundimet e presidencës franceze ishte theksuar se Protokolli është pjesë e pandashme e kornizës negociuese për Maqedoninë e Veriut dhe se BE-ja do ta ndjekë përparimin rreth saj.
Që në fakt të hapen bisedimet, së pari duhet të përfundojë procesi i skriningut të legjislacionit të vendit.
Në Parlamentin e Maqedonisë së Veriut deri më tani nuk është siguruar shumica prej dy të tretave për ndryshim të Kushtetutës, përderisa disa parti e kushtëzojnë votimin për ndryshimet kushtetuese me zgjedhje të parakohshme. Kryeministri Dimitar Kovaçevski disa herë u bëri thirrje të gjithë 120 deputetëve që të tregojnë përgjegjësi për gjeneratat e tashme dhe të ardhshme dhe ta mbështesin anëtarësimin e Maqedonisë së Veriut në BE, ndërsa interesat partiake t’i lënë në një anë, sepse tha “qytetarët duan të jenë pjesë e BE-së, ndërsa e ardhmja e qytetarëve është detyrim i barabartë i të gjitha partive politike në Parlament”.
Pasi Qeveria e pranoi “propozimin francez” për fillim të bisedimeve në korrik të vitit të kaluar, VMRO-DPMNE-ja opozitare tha se nuk do të votojnë për hapjen e Kushtetutës dhe për përfshirjen e bullgarëve në të. Pas votimit të propozimit në Kuvend, lideri i opozitës Hristian Mickoski tregoi edhe deklaratat e vërtetuara në noter nga të gjithë anëtarët e grupit të tyre parlamentar, me të cilat ata angazhohen se nuk do të lejojnë ndryshime kushtetuese.
Opozita në shtator kërkoi mbajtjen e referendumit për shfuqizimin e Marrëveshjes së Fqinjësisë së Mirë me Bullgarinë, gjë të cilën kryetari i Kuvendit, Talat Xhaferi e hodhi poshtë si jokushtetuese. Më vonë referendum kërkoi edhe partia E majta, i cili gjithashtu ishte refuzuar nga Xhaferi.
Kryetari i VMRO-DPMNE-së Mickoski në tetor, dhjetë ditë pas publikimit të Raportit të KE-së për përparimin e vendit, tha se nuk do të mbështesin hapjen dhe intervenimet në Kushtetutë derisa Bashkimi Evropian nuk jep garanci se vendi do të hyjë në Union dhe se nuk do të jetë mjet i një vetoje të re nga Bullgaria.
“Kur dikush nga Evropa dhe nga Brukseli do të vijë dhe të japë garanci të qartë para popullit maqedonas dhe para qytetarëve të Maqedonisë atëherë do të mund të ulemi dhe të bisedojmë. Deri atëherë nuk ka ndryshim të Preambulës dhe nuk ka intervenime në Kushtetutë”, tha atëherë Mickoski.
Disa parti nga blloku shqiptar, ndryshimet kushtetuese i kushtëzojnë me fshirjen e normës “20 për qind” nga Kushtetuta, gjegjësisht gjuha shqipe të bëhet e barabartë me atë maqedonase.
Për integrimet evropiane vitin e kaluar, për atë çka mund të presim këtë vit në atë plan MIA bisedoi me analistin politik Marko Troshanovski, kryetar i Institutit për Demokraci Societas Civilis – Shkup.
Troshanovski vlerëson se viti i kaluar ndoshta ishte kulmi i frustrimeve që ky vend i përjetoi përgjatë procesit të integrimeve evropiane gjatë 15 viteve të kaluara, dhe si i tillë shkaktoi polarizim të madh në shoqëri, gjegjësisht rënie të konsiderueshme të besimit në BE dhe perceptim për të njëjtën, edhe pse sipas anketave megjithatë mbështetja është e lartë.
“Megjithatë nëse hyhet më thellë në rezultatet mund të shihet se njerëzit gjithnjë e më shumë konsiderojnë se reformat nuk janë kyçe për përparimin në proces dhe gjithashtu më pak do të bëjnë presion drejt elitave politike që të ofrojnë reforma thelbësore”, vlerësoi Troshanovski për MIA-n.
Ai përkujton se përfshirja e çështjeve dypalëshe me Bullgarinë në Kornizën Negociuese është fakt dhe diçka që më tutje potencialisht do ta problematizojë procesin e anëtarësimit në BE.
“Procesi edhe ashtu nuk do të jetë i lehtë dhe do të hasë në rezistencë të madhe në shoqëri, që është rast në të gjitha vendet anëtare që më parë kanë pasur negociata me Bashkimin Evropian – gjatë bisedimeve është ulur imazhi i BE-së te ata, sepse një pjesë e atyre reformave janë të dhimbshme, por në rastin tonë bëhet fjalë edhe për tema shumë emocionale, të ndjeshme, identitare, të cilat nëse nga partnerët tanë euroatlantikë nuk arrihet që të shtypen në margjinat dhe anash dhe nuk e kushtëzojnë procesin, atëherë ka mundësi që ky proces të jetë më thelbësisht dhe të jetë pozitiv për vendin, në të kundërtën do të jetë vetëm harmonizim formal i pozicioneve negociuese dhe legjislacionit, megjithatë, njerëzit nuk do ta ndjejnë si të tyrin dhe shoqëria nuk do ta ndjejë si të tijin që është një nga qëllimet kryesore të anëtarësimit drejt BE-së”, thotë Troshanovski.
Nga aspekti i asaj se çka mund të presim nga integrimet evropiane në vitin 2023, ai e thekson përfundimin e skriningut, raportin për skriningun shpjegues dhe Raportin e BE-së për atë se si qëndrojmë në atë fushë.
“Megjithatë, vazhdimi i bisedimeve dhe konferenca e dytë ndërqeveritare është gjithsesi e kushtëzuar nga përfshirja e bullgarëve në Kushtetutë dhe është korrekte dhe objektive të thuhet se i kemi filluar bisedimet, megjithatë se nuk do t’i vazhdojmë, nëse nuk ndodh ajo”, theksoi Troshanovski.
Ai përkujton se si shtet dhe si shoqëri kemi afat që deri në nëntor ta bëjmë këtë, në të kundërtën, thekson Troshanovski, ekziston mundësia për ndarjen e vendit nga Shqipëria dhe përsëri hyrje në një spiralë të pritjes, të pasigurisë.
“Ajo i nevojitet më së paku vendit në këtë periudhë të krizës të cilën po e jetojmë tashmë disa vite, krizë nga të gjitha aspektet, nga sundimi vendor i drejtësisë dhe menaxhimi i mirë, e deri në krizë ekonomike, shëndetësore dhe të luftës”, theksoi Troshanovski për MIA-n.
Në lidhje me atë a mundemi të presim bllokada shtesë nga Sofja, thotë se mundësia se do të kemi bllokada shtesë nga Bullgaria, përgjatë procesit të bisedimeve është e madhe dhe e konsiderueshme.
“Garancitë që i kërkon opozita i kërkon edhe një pjesë e qytetarëve se kjo nuk do të ndodhë, askush nuk mund t’i japë dhe mbetet në domenin e manovrave politike fuqia e butë e BE-së dhe ngjashëm, të pamundësojë që të devalvojë procesi i negociatave përmes temave të panevojshme për identitetin, historinë”, thekson Troshanovski.
Sipas tij, duke pasur parasysh momentin politik në Bullgari, gjegjësisht krizën politike dhe ndarjet e mëdha në arenën politike, mund të presim që partitë edhe një kohë të gjatë do të bëjnë pikë politike në këtë temë dhe se janë të mundshme bllokada edhe më tutje, më së shumti për pikë të brendshme politike, por edhe në përputhje me pocizionimin e gjatë strategjik të Bullgarisë kundër maqedonizmit dhe çështjes maqedonase.
Shefi i diplomacisë, Bujar Osmani në brifingun vjetor me gazetarët në fund të dhjetorit, në lidhje me mundësinë për bllokada të reja nga ana e Bullgarisë edhe nëse bëhet ndryshimi i Kushtetutës tha se në dokumentet të cilat i kanë nënshkruar dhe në kornizë nuk ka bazë për atë, por shtoi se jo vetëm Sofja, por edhe anëtaret e tjera mund të na bllokojnë, nëse duan, duke pasur parasysh atë që vendimet në BE merren me konsensus. Ai shtoi se pikërisht për këtë për momentin ndërtohet kjo sjellje me Bullgarinë, me qëllim që në të ardhmen të mos ekzistojë asnjë argument për bllokada të reja.
Për ndryshimet kushtetuese, Osmani shprehu bindje se vitin e ardhshëm do të miratohen, duke theksuar se nuk ka asgjë kontroverse në atë që bullgarët, malazezët dhe kroatët të përfshihen në Kushtetutë, ndërsa vërejtjet e disa subjekteve politike i vlerësoi si koreografi ditore – politike në përpjekje që të fitohet edhe ndonjë pikë politike plus. Osmani potencoi se që nga fillimi i janarit do të intensifikohen bisedimet për sigurimin e shumicës prej dy të tretave, që është e nevojshme që të votohet nevoja për hapjen e Kushtetutës.
Shqipja nuk preket, këtë e garantojmë ne! Kuvendi 100% e respekton shqipen – shkroi dje në Facebook, Deputeti i koalicionit VLEN, Adnan Azizi.
“100% të akteve të miratuara nga Kuvendi gjatë vitit të kaluar janë në pajtim me ligjin për përdorimin e gjuhëve. Këtë e dëshmojnë të dhënat nga raporti i publikuar në “Gazetën Zyrtare” për vitin 2025.
Ndërkohë, askush më shumë se deputetët e opozitës shqiptare nuk ka manipuluar me temën e gjuhës shqipe.
Ata që vetëm para kamerave shiten si mbrojtësit të shqipe, gjithë ditën flasin maqedonisht” – shkroi Deputeti Azizi.
Por, kështu nuk mendojnë nga BDI-ja.
Postimi i djeshëm i VLEN i cili tentoi të paraqesë si sukses publikimin dygjuhësor të dokumenteve në Gazetën Zyrtare, përfundoi si dëshmi publike e moszbatimit të ligjit nga institucionet që ata vetë i drejtojnë – reagojnë integristët.
“Edhe më rëndë, me vetë krahasimin që bëri me institucionet tjera, pranoi publikisht se shumë institucione nuk e respektojnë detyrimin ligjor për përdorimin e gjuhës shqipe. Kjo do të thotë se problemi nuk është interpretimi i ligjit. Problemi është moszbatimi i ligjit” – reagojnë nga BDI, duke kërkuar respektim të plotë dhe të menjëhershëm të Ligjit për Përdorimin e Gjuhëve nga çdo institucion shtetëror, pa përjashtim.
Në mënyrë qesharake lavdërohen se Afrim Gashi e paska implementuar 100% Ligjin për Gjuhën Shqipe në Kuvend, ndërkohë që ai vetë deklarohej se Gjuha Shqipe nuk është zyrtare – reagojnë nga ASH-ja e Ziadin Selës.
Por, partia e Selës thotë se nëse ka ndonjë progres në Kuvend, ka vetëm për shkak të meritës së ASH-së.
“Nëse ka ndonjë progres në Kuvend, ka vetëm në materialet për shkak të refuzimit tonë dhe detyrimit që në çdo seancë të na sigurojnë materialet edhe në shqip, siç ishte bllokada e fundit e deputetes Ilire Dauti dhe intervenimeve e reagimeve të shumta edhe të deputetit Elmi Aziri dhe betejave të Liderit tonë, Ziadin Sela, i cili është edhe meritori për ligjin që në 2017 e vendosi si kusht për Qeverinë. Atëherë kur bashkë me Gjuhën Shqipe u zgjodh edhe kryeparlamentari i parë shqiptarë” – thuhet në reagimin e ASH-së së Ziadin Selës.
Aleanca për Shqiptarët e Arben Taravarit, nga ana tjetër, dënon ashpër heqjen e gjuhës shqipe nga uebfaqja zyrtare e Komisionit për Mbrojtjen e Konkurrencës.
“Ky është një veprim i papranueshëm dhe një goditje e drejtpërdrejtë ndaj të drejtave të shqiptarëve. Edhe më shqetësuese janë raportimet për largime të shqiptarëve nga puna, mungesë përfaqësimi në punësime dhe presione ndaj të punësuarve shqiptarë” – thuhet në reagimin e Arben Taravarit.
Pas kritikave dhe akuzave te shumta te cilet diteve te fundit BDI-ja i ka hedhur ne adrese te VLEN-it lidhur me (mos)perdorimin e gjuhes shqipe nga ana e institucioneve shteterore, ka reaguan ne profilin e tij ne facebook edhe zevendessekretari i pergjithshem i Qeverise z.Hasim Murtezani. Ja reagimi i tij:
“Pasi BDI-ja është lëshuar në PROPAGAND MASIVE ndaj punës së VLEN-it në Qeveri, sidomos ndaj përdorimit të gjuhës shqipe, po na bëhet obligim dhe detyrim t’i KUNDËRPËRGJIGJEMI me fakte propagandës së BDI se gjuha shqipe po përdoret dhe po implementohet në Qeveri!
Po i sjellim si dëshmi vetëm dy, nga qindra dokumentet që nënshkruhen në dy gjuhë në Qeveri!
Gruevski, Ziobro e të tjerë: Viktor Orbán-i u dha azil aleatëve politikë që përballen me probleme ligjore. Kjo do të marrë fund: kryeministri i ardhshëm, Peter Magyar, ka njoftuar se do t’i dëbojë ata, po nuk u larguan.
Kur intelektualët hungarezë e përshkruanin sistemin e kryeministrit të rrëzuar Viktor Orbán si ‘mafioz’, vëzhguesit e huaj prireshin t’i dëgjonin me skepticizëm. Megjithatë, gjatë gjashtëmbëdhjetë viteve, pati momente kur kjo ishte e vetëkuptueshme pa nevojë për fjalë. Një nga këto momente ishte në nëntor 2018, me arratisjennë Hungari të ish-kryeministrit maqedonas, Nikola Gruevski.
Pak para se Gruevski, mik i Orbánit, të fillonte të vuante dënimin me burg për korrupsion, ai u arratis në Shqipëri. Nga atje, siç hulumtoi DW në atë kohë, diplomatë hungarezë e transportuan në mënyrë të paligjshme, në një operacion të shpejtë, përmes Malit të Zi dhe Serbisë drejt Hungarisë, ku atij iu dha menjëherë azil politik – në një vend ku, për shkak të politikës së rreptë të migracionit të Orbánit, refugjatët praktikisht nuk kishin asnjë mundësi për të marrë leje qëndrimi.
Vetëm njëri nga shumë të tjerë
Gruevski – i cili në vendin e tij të lindjes mbetet edhe sot simbol i pakundërshtueshëm i korrupsionit -ishte thjesht më i njohuri i një serie të tërë rastesh të ngjashme: nën sundimin e Orbán-it, Hungaria u bë një strehë e sigurt për shumë politikanë të afërt me kryeministrin, që po përballeshin me probleme ligjore për raste korrupsioni ose që ishin dënuar me vendime përfundimtare.
Në dhjetor 2024, ish-zëvendësministrit polak të Drejtësisë, Marcin Romanowski, i cili ishte në kërkim nga policia, iu dha azil në Hungari. Në nëntor 2025 u arratis në vendin e Orbánit, shefi i tij i mëparshëm, ish-ministri i Drejtësisë. Të dy politikanët, të cilët deri në dhjetor 2023 ishin pjesë e qeverisë konservatore të krahut të djathtë të Mateusz Morawieckit, janë në kërkim me urdhër arresti për akuza korrupsioni.
Disa politikanë nga minoritetet hungareze në Rumani dhe Ukrainë gjithashtu kanë kërkuar strehim në Hungari në vitet e fundit. Në shumicën e rasteve, Orbáni ose politikanë të tjerë të qeverisë kanë pretenduar se rastet që përfshinin të prekurit ishin të motivuara politikisht.
“Ne nuk do të jemi një vendgrumbullim për kriminelët”
Tani, qeveria e ardhshme e Hungarisë dëshiron t’i heqë qafe ata. Në janar 2026, kur u bë publike se Ziobro-s i ishte dhënë azili në Hungari, Peter Magyar, fituesi i zgjedhjeve parlamentare më 12 prill 2025, dhe partia e tij, Tisza, deklaruan: “Hungaria nuk do të jetë një strehë për kriminelë të huaj.” Duket se Magyari tani ka ndërmend ta marrë këtë seriozisht.
Të hënën pasdite (13 prill 2026), gjatë një konference ndërkombëtare për shtyp, Magyar-i iu përgjigj një pyetjeje nga kanali televiziv polak TVN duke deklaruar se qeveria e tij do t’i ekstradonte Romanowski-n dhe Ziobro-n në Poloni. “U sugjeroj që të mos shkojnë më te Ikea dhe të blejnë mobilje, sepse nuk do të qëndrojnë shumë më gjatë këtu,” tha Magyar, “Hungaria nuk është vendgrumbullim për kriminelët e kërkuar ndërkombëtarisht.”
Magyar-i gjithashtu pret që “kriminelët, edhe nëse janë politikanë kriminalë”, të ekstradohen në Hungari. “Ne do të gjejmë një mënyrë për t’i ekstraduar në Poloni, nëse nuk kanë ikur tashmë.” Magyari përmendi gjithashtu me emër ish-kryeministrin maqedonas Nikola Gruevski.
Ikje në SHBA?
Si në Poloni ashtu edhe në Maqedoninë e Veriut, deklarata e Magyar-it, së bashku me lajmin për fitoren e tij në zgjedhje, u bë menjëherë tema kryesore në media dhe mes politikanëve. Kryeministri polak, Donald Tusk, tha për rastin Romanowski dhe Ziobro: “Shpresoj të jem në gjendje t’u them këtyre dy zotërinjve: Mirë se erdhët në Poloni.” Ai deklaroi se kishte folur tashmë me Magyarin për këtë çështje para zgjedhjeve.
Në një intervistë për televizionin Polsat News të martën (14/04/2026), Ziobro deklaroi se do të ishte gjithmonë i gatshëm të “luftonte për të vërtetën”, madje “edhe nga një qeli burgu”. Politikani nuk sqaroi nëse do të largohej nga Hungaria ose kur do ta bënte këtë. Romanowski deklaroi në një njoftim për shtyp: “Nuk do t’i ndihmoj qeverisë së Tuskut; nuk do t’i zbuloj as planet e mia, as adresën time të re.”
Sipas mediave polake, SHBA janë destinacioni i ri më i mundshëm për të dy, pasi partia Ligji dhe Drejtësia (PiS), së cilës i përkasin të dy, mban lidhje të ngushta me lëvizjen MAGA. Ziobros dhe Romanowskis u janë revokuar pasaportat në Poloni, por ata mund të kenë marrë një ‘pasaportë Gjeneve’ në Hungari, domethënë një pasaportë refugjati.
Riparimi i shpejtë i marrëdhënieve
Për qeverinë e ardhshme të Peter Magyar-it, ekstradimi i Romanowski-t dhe Ziobro-s në Poloni do të ishte një akt me vlerë të madhe simbolike dhe një sukses i madh në marrëdhëniet publike pa rreziqe politike. Magyar-i dëshiron të rregullojë shpejt marrëdhëniet dypalëshe të shkatërruara nga Orbán dhe shpreson të sigurojë mbështetje të fortë nga Polonia brenda BE-së për të marrë fondet e ngrira të BE-së, të cilat janë jetike për ekonominë hungareze, aktualisht e zhytur në një krizë të rëndë. Prandaj, udhëtimi i parë jashtë vendit i Magyar si kryeministër do ta çojë atë në Poloni.
Nga ana tjetër, liderët e rinj të Hungarisë luajnë gjithashtu një rol të rëndësishëm për qeverinë polake, pasi presidenti populist konservator i krahut të djathtë, Karol Nawrocki, është mik i Orbán-it, saboton shumë nga projektet e reformës së qeverisë së Tusk-ut dhe ka vendosur si qëllim rikthimin e populistëve të krahut të djathtë në pushtet.
Ku është Gruevski?
Në Maqedoninë e Veriut , rasti i ekstradimit të përmendur nga Magyari ka shkaktuar një stuhi politike. Kryeministri Hristijan Mickoski, i cili e zëvendësoi Gruevskin si udhëheqës i partisë konservatore të djathtë VMRO-DPMNE, deklaroi se paraardhësi i tij duhet të shkojë në burg nëse kthehet në vend. Gruevski, i cili ka qenë kryeministër midis viteve 2006 dhe 2016, është dënuar përfundimisht me nëntë vjet burg për korrupsion. “Nëse Nikola Gruevski shfaqet në Maqedoni dhe ekziston një vendim përfundimtar, ai do të arrestohet nga forcat e sigurisë dhe do të transferohet për të vuajtur dënimin,” tha Mickoski të martën.
Mickoski dhe Gruevski dikur ishin kolegë në parti, por marrëdhëniet mes tyre kanë qenë të tensionuara për vite me radhë. Që në vitin 2023, kishte spekulime se qeveria e atëhershme socialdemokrate kishte arritur një marrëveshje me Gruevskin për kthimin e tij në Maqedoninë e Veriut, me qëllim dobësimin e pozitës së Mickoskit si lider brenda partisë opozitare atëherë VMRO-DPMNE, në prag të zgjedhjeve parlamentare të vitit 2024.
Megjithatë, kjo marrëveshje dështoi, pasi qeveria e asaj kohe nuk arriti të siguronte një amnisti për Gruevskin përmes kanaleve ligjore. Tani, megjithatë, lideri i Socialdemokratëve maqedonas (SDSM), Venko Filipçe, ka deklaruar se ata do të mirëprisnin ekstradimin e Gruevskit.
Gruevski vetë nuk e ka komentuar këtë çështje deri sot. Vendndodhja e tij aktuale është e panjohur, pasi ai jeton një jetë tepër të tërhequr. Atë e kanë parë për herë të fundit në tetor 2024 në një restorant në qendër të Budapestit. DW
Pasi ish Avokati i Shtetit Fehmi Stafa e pranoi fajin se ka marrë ryshfet prej 50 mijë eurove dhe u dënua me 15 muaj burg, Prokuroria për Ndjekjen e Krimit të Organizuar dhe Korrupsionit ka ngritur akuzë kundër gjyqtarit të Apelit Gjoko Ristov.
Stafa ka pranuar se paratë që i ka marrë për ta shpëtuar nga paraburgimi të akuzuarin Lupço Pecov, kanë qenë të destinuara për ta korruptuar gjyqtarin Gjoko Ristov. Ndërkohë Prokuroria pas një hetimi kundër Gjoko Ristovit, në shtëpinë e prindërve të tij i janë gjetur 350 mijë euro të fshehura në një bunker në mur për të cilat nuk ka prova për prejardhjen e atyre parave. Prokuroria në bazë të deklarimit të Stafës bën lidhjen e parave të ryshfetit me paratë e gjetura te shtëpia e gjyqtarit Ristov. /Alsat.mk
GJUHA SHQIPE NËPËR INSTITUCIONE – REAGIME TË NDRYSHME NGA POZITA DHE OPOZITA!
Magyar do të dëbojë ‘migrantët VIP’ të Orbanit
Pasi Stafa e pranoi fajin, Prokuroria ngriti akuzë kundër gjyqtarit Gjoko Ristov
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota3 weeks ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen
-
Lajme nga rajoni3 weeks agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Sport3 weeks agoBARDHI: NËNVLERËSIMI VETËM SE NA MOTIVON KUNDËR DANIMARKËS!