Lajme nga vendi
Gypat e këputur në kaldajë kanë shkyçur sot në mëngjes nga rrjeti bllokun e parë të REK “Manastirit”
Shkëputja e gypave në kaldajën e uzinës është arsyeja që SHA “Elektranat e Maqedonisë së Veriut” deklaron se njësia e parë e REK “Manastiri” është shkyçur nga rrjeti mëngjesin e sotëm. As aktivitetet servis-riparuese në bllok, për shkak të të cilave u mbyll një javë më parë, siç thotë EMV, nuk mund të parashikonin apo parandalonin një situatë si kjo e sotmja, transmeton Portalb.mk.
“Secili nga tre blloqet e REK ‘Manastiri’ ka një kaldajë të përbërë nga tuba me gjatësi rreth 700 kilometra, të vendosur në nivele të ndryshme, nëpër të cilat kalon avulli me nxehtësi mbi 500 gradë Celsius. Në sanimin e dëmit veprohet pasi të jenë krijuar kushtet fizike për ndërhyrje”, thonë nga SHA EMV.
Nga aty shtojnë se është në proces lokacioni i dëmtimit, pas së cilës blloku do të riparohet dhe do të rikthehet në funksion sa më shpejt të jetë e mundur.
Kjo është mbyllja e dytë e Bllokut 1 të REK “Manastiri” brenda një jave. Më 27 dhjetor, EMV informoi se njësia e parë ishte mbyllur përkohësisht për shkak të aktiviteteve të servisit dhe riparimit që po kryheshin në të.
Riparimet dhe rehabilitimi i pjesëve të blloqeve, siç bëjnë me dije nga EMV, kryhen kur të krijohet mundësia, pa rrezikuar qëndrueshmërinë e blloqeve.
Ndryshe, nga 1 shtatori 2022 e deri më 31 mars 2023 në Maqedoni do të vlejnë masat për kursim të energjisë elektrike, me të cilat konsumi duhet të zvogëlohet për 15 për qind, me synim – “Kursimi i energjisë elektrike për dimër të sigurt”.
Nga Qeveria njoftuan se marzha për tregtinë e energjisë elektrike është kufizuar në 10%, por kjo masë që kishte hyrë në fuqi më 15 qershor, nuk ka arritur të parandalojë rritjen e çmimeve. Paraprakisht nga Qeveria bënë thirrje që të respektohen masat për kursimin e energjisë elektrike dhe njoftuan se për përballimin e krizës energjetike janë siguruar mbi 100 milionë euro.
Drejtorët e “Macedonian Navigations” (M-NAV), shoqëri aksionare në pronësi shtetërore për kontrollin e fluturimeve ajrore, çdo vit shpërndajnë rreth 230.000 euro shtesë, përveç pagës bazë, si kompensim për kuadrot kyçe drejtuese, shkruan portali Faktor.
Këtë e konfirmon raporti i pavarur i auditimit për punën e M-NAV në vitin 2024, i publikuar në “Bursën e Maqedonisë”. Shuma totale e shpërndarë prej 14.107.000 denarësh është pothuajse e njëjtë me atë të vitit paraprak.
Në M-NAV, “kompensimi për kuadrot kyçe drejtuese” zakonisht realizohet përmes një kontrate menaxheriale.
Paga mesatare mujore neto në “Macedonian Navigations”, që financohet kryesisht nga pagesat për fluturimet transit, arriti gati 3.000 euro gjatë vitit të kaluar, sipas llogarisë përfundimtare të publikuar dhe raportit të punës për vitin 2024. Për 309 të punësuar janë paguar 10,3 milionë euro paga neto, që është mbi 1,1 milionë euro më shumë se vitin paraprak. Paga mesatare neto ka qenë 170 mijë denarë, ose 2.780 euro.
Nga “kontrolli i fluturimeve” në raport theksojnë se rritja e pagave është rezultat i një kontrate të re kolektive që ndërkohë ka pasur edhe aneks. Përveç kësaj, pagat janë rritur edhe me rikthimin e një pjese të pagave që ishte “ngrirë” gjatë krizës së koronës. Kjo rritje lidhet gjithashtu me përmirësimin e trafikut ajror në vitin 2024. M-NAV konsiderohet kompania më e kërkuar shtetërore për punësim, krahasuar me të gjitha shoqëritë aksionare shtetërore dhe ndërmarrjet publike.(INA)
Moti sot në Maqedoninë e Veriut do të jetë me vranësira dhe periudha diellore.
Në vend do të fryjë një erë e fortë nga drejtimi jugor.
Temperaturat minimale do të lëvizin nga -3 deri 3, ndërsa temperaturat maksimale do të lëvizin nga 9 deri 16 gradë celsius.
Nga dita e martë deri të dielën moti do të jetë me vranësira dhe reshje lokale të shiut.
Një qytetar nga Maqedonia ka ndërruar jetë, më 23 nëntor, gjatë fluturimit nga Çikago drejt Beogradit.
Sipas “Telegraf”-it serb, pasagjeri 57-vjeçar është ndier keq gjatë udhëtimit. Stafi i avionit ka tentuar t’i ofrojë ndihmën e parë, por ai nuk ka reaguar.
Pas uljes së aeroplanit, mjekët në aeroport kanë mundur vetëm të konstatojnë vdekjen.
Drejtorët e M-NAV shpërndajnë 230.000 euro shtesa, përveç pagave nga 3 mijë euro
Moti sot në Maqedoninë e Veriut do të jetë me vranësira dhe periudha diellore
Shtetasi i Maqedonisë ndërron jetë në aeroplanin e linjës Çikago-Beograd
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi4 weeks agoBilall Kasami : Mega projekti që po bëhet realitet investim prej 70 milionë denarëve Tetova po transformohet
-
Lajme nga rajoni2 months agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi3 weeks agoUniversiteti i Tetovës shpreh ngushëllime për vdekjen e studentes Daorsa Spahija