Lajme nga vendi
Përkeqësohet situata me gripin, mbi 200 kontrolle vetëm në Kozle
Spitali i fëmijëve “ Kozle” mbetët i vërshuar nga qindra fëmijë të sëmurë, qoftë me gripin sezonal ose virozat. Temperatura e lartë dhe kolli kishte lodhur fytyrat e fëmijëve të cilët për ditë të tëra nuk arrijnë ta marrin veten. Të shqetësuar janë edhe prindërit të cilët thonë se mbetën dyerve të spitaleve për të kërkuar ndihmë mjekësore.
“Vajza ankohet për temperaturë të lartë. Ka mbërritur deri në 41, momentalisht e ka 39. Erdhëm të kërkojmë ndihmë këtu, si çdo kund edhe këtu ka shumë njerëz, radhë e gjatë, po presim. Siç po dëgjojmë nga të tjerët të gjithë ankohen nga simptomat e njëjta, temperaturë e lartë. Kjo është dita e dytë e sëmurë, tentuam në kushte shtëpie të shërohet por vendosëm të kërkojmë ndihmë mjekësore sepse po zgjat shumë”, tha një prind.
“Sa vjeçe je? Gjashtë. Çfarë po ndjen, çfarë dhimbje ke? Nuk më dhemb askund por kam temperaturë. Nëse është nevoja a dëshiron të shtrihesh në spital që më shpejt të shërohesh? Po, sigurisht”, tha një fëmijë.
Në korridoret e spitalit dëgjoheshin të qarat e fëmijëve pas analizave të rregullta të gjakut.
“Fëmija ka temperaturë, assesi t’i ulet temperatura. Në Tetovë ishim të shtrirë për një javë dhe asgjë. Erdhëm këtu dhe po presim çfarë do të na thonë. Edhe ne nuk po e kuptojmë se çfarë kanë fëmijët, kolliten, kanë temperaturë të lartë”, deklaroi një prind.
“Koll, temperaturë, po presim me rezultate. Kishin temperaturë mbi 38. Fëmija më i madh u sëmur tani me koll dhe temperaturë ndërsa më i vogli është kohë më të gjatë, me të njëjtat simptome”, shtoi një prind tjetër.
Mjekja Mirjana Popovska shprehet e shqetësuar për numrin e lartë të fëmijëve të sëmurë. Siç tha ajo, brenda 24 orëve janë kryer 200 kontrolle të fëmijëve.
“Për momentin kemi 75 fëmijë të hospitalizuar. Thuajse të gjithë fëmijët e shtrirë në spital kanë infeksione në rrugët e poshtme të frymëmarrjes që nënkupton se bëhet fjalë për fëmijë me pneumoni dhe bronkit akut obstruktiv. Ajo që po mbizotëron këtë periudhë, në ambulancën mikrobiologjike, ajo që është detektuar në institutin tonë, mbizotëron në virusi sincicial i frymëmarjes, posaçërisht te foshnjat. Gjithashtu kemi detektim të gripit sezonal, respektivisht influenca e llojit A”, theksoi Mirjana Popovska, mjeke.
Nga spitali i fëmijëve “Kozle” gjithashtu bën të ditur se vitin 2022 e përmbyllën me 32.700 kontrolle të fëmijëve. Prej tyre, 2.520 fëmijë qëndruan të shtrirë në këtë spital./Alsat.mk
Qeveria e Maqedonisë së Veriut ka dërguar deri tek Kuvendi emrat për të plotësuar vendet e zbarzura të zv/ministrit të Arsimit dhe Mbrojtjes.
Për zv/ministër të Arsimit është propozuar Driton Sulejmanin, i cili ka ushtruar detyrën e zëdhënësit të koalicionit VLEN, ndërsa më herët ka qenë edhe këshilltarë në komunën e Kumanovës, nga radhët e partisë Alternativa.
Ndërsa për zv/ministër të Mbrojtjes është propozuar Admir Shabani, i cili më herët ka qenë zëdhënës i KSHZ-së.
Propozimi tashmë ka hyrë në procedurë parlamentare dhe pritet të votohet nga deputetët në seancën e ardhshme parlamentare.
Lajme nga vendi
Refuzimi i shqipes nga maqedonasit: Vetëvrasja e heshtur e një shteti që refuzon bashkëpronësinë
A është elita politike maqedonase e vetëdijshme se duke “mbrojtur” gjuhën e tyre përmes injorimit të shqipes, po rrezikojnë vetë ekzistencën e shtetit që thonë se duan?
Nëse politika nuk ndërhyn urgjentisht për të krijuar një urë lidhëse — ku gjuha shqipe mësohet në shkolla si shenjë respekti dhe nevoje — vendi rrezikon të kthehet në një shtet “jofunksional” si Bosnja apo Qiproja. Kufijtë po vizatohen çdo ditë në mendje, përpara se të vizatohen në letra.
Pse ky refuzim po na çon drejt ndarjes së pashmangshme?
• 1. Ndarja “De Facto” (Në terren): Kur nuk ka komunikim, ndarja nis në përditshmëri. Shqiptarët hapin biznese për shqiptarë, maqedonasit për maqedonas. Qytetet po kthehen në “ishuj” etnikë ku lumi Vardar apo një rrugë shërbejnë si kufi i padukshëm.
• 2. Mesazhi i “Mospranimit”: Kur refuzon të mësosh qoftë edhe bazat (një përshëndetje apo numrat), mesazhi politik është i qartë: “Ne nuk ju pranojmë si bashkëpronarë të këtij shteti, por si të huaj që jetojnë këtu.”
• 3. Radikalizimi i Kërkesave: Ky alienim prodhon humbje të lojalitetit ndaj shtetit. Nëse nuk merremi vesh në një shtëpi të përbashkët, hapi tjetër logjik është kërkesa për mure dhe autonomi të plotë.
Përfundimi: Një shtet ku 30% e popullsisë injorohet gjuhësisht nga shumica tjetër, nuk mund të ketë progres. Refuzimi i gjuhës është refuzim i bashkëjetesës. (INA)
Lajme nga vendi
Mexhiti: Shumica brenda VLEN-it janë për idenë me bashkëkryetarë, Ilir Demiri deputet i ri i VLEN-it
Kryetari i Çairit, Izet Mexhiti, tha se kërkesa e votuesve dhe strukturave partiake është e qartë dhe se ata dëshirojnë bashkimin e VLEN-it.
Ai tha se konform kësaj kërkesa liderët e partive janë duke vepruar. Ai përmendi veprimin e Besës për të shkarkuar organet e Besës, ndërsa tha se këtë po e bën edhe Fetahu dhe Azir Aliu, deputetja Mimoza Musa, si dhe Ilir Demiri, për të cilin tha se është deputeti i radhës që i bashkëngjitet VLEN-it.
“Këto ditë me siguri po përgatitet edhe Lëvizja Demokratike që të thirret kuvendin themelues për tu shkrirë dhe për ta bërë VLEN-in një parti”, tha Mexhiti.
I pyetur nëse Alternativa nuk e pranon idenë me bashkëkryetar por kërkon me rotacion, Mexhiti tha se po bisedohet me argumente pro dhe kontra.
“Pjesa dëmruese e faktorëve brenda VLEN-it janë për konceptin bashkëkryetar por normal që këtu është edhe Alternativa dhe bashkë do vazhdojmë dhe këtu nuk ka aspak shqetësime për mendimet e ndryshme”, tha Mexhiti, duke shtuar se parësore që VLEN-i të jetë një, raporton SHENJA.
Qeveria dërgon në Kuvend emrat e rinj të zv. ministrit të Arsimit dhe Mbrojtjes
Refuzimi i shqipes nga maqedonasit: Vetëvrasja e heshtur e një shteti që refuzon bashkëpronësinë
Mexhiti: Shumica brenda VLEN-it janë për idenë me bashkëkryetarë, Ilir Demiri deputet i ri i VLEN-it
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
