Lajme nga vendi
Me vizitën e Cholet u riafirmua mbështetja e SHBA-ve për Maqedoninë e Veriut
Vizita në Shkup e këshilltarit të Departamentit të Shtetit, Derek Shole, vjen në një moment vendimtar për rajonin dhe Evropën. Ky është vlerësimi i djeshëm pas takimit të përbashkët të kryeministrit Dimitar Kovaçevski me Shole. Kryeministri beson se partneriteti ynë i fortë strategjik me SHBA-në ka një rëndësi të madhe në vitin e ardhshëm, i cili është i mbushur me sfida si këtu, ashtu edhe në nivel global. Përkundër faktit se Shole dhe Kovaçevski kanë biseduar për luftën kundër korrupsionit, në takimin në Qeveri nuk është përmendur “lista e zezë” e SHBA-së për sanksione.
Në takim u theksua mbështetja e madhe nga SHBA-ja në përparimin e mëtutjeshëm të Maqedonisë së Veriut dhe u vlerësua se miqësia tradicionale, e sinqertë dhe shumëvjeçare me SHBA-në ka rëndësi të madhe në zhvillimin e demokracisë, reformës dhe proceseve integruese në vend.
Gjithashtu u konstatua se partneriteti strategjik i Maqedonisë së Veriut me SHBA-në është një mbështetje e fortë për të gjitha proceset e rëndësishme për të ardhmen demokratike të vendit dhe për përmirësimin e cilësisë së jetës së qytetarëve.
Në takim, Kovaçevski dhe Shole diskutuan për progresin që është bërë në vitet e kaluara në luftën kundër korrupsionit dhe sfidat e shtetit për arritjen e qëllimit të sundimit suprem të ligjit në nivel të BE-së si aspirant për anëtarësim në Union në vitin 2030.
Me këshilltarin Shole biseduan edhe për rrugën evropiane të shtetit, për rëndësinë e madhe të stabilitetit politik në vend dhe të zbatimit të të gjitha reformave, sjelljen e vendimeve të cilat do të thonë integrim i shtetit në BE dhe për ndryshimet kushtetuese.
Mes temave kyçe për të cilat biseduan me këshilltarin e DASH-it është edhe përballja me krizën ekonomike dhe energjetike gjatë sjelljes së të gjitha masave, megjithatë edhe gjatë sigurimit të tërë asaj që nevojitet për furnizim të papengueshëm me energji elektrike me qëllime të subvencionuara, për çka thotë, kemi ndihmë të madhe nga SHBA-ja dhe konkretisht nga z. Shole.
Lista për sanksione apo e ashtuquajtura “lista e zezë” nuk ishte temë e takimit. Ai në pyetjen e gazetarëve pas vizitës në kompaninë “Pekabesko”, sqaroi është aktivitet të cilin e zbaton SHBA-ja në suaza të Strategjisë së saj për luftë kundër korrupsionit të shpallur nga ana e presidentit amerikan, ku saktë janë cekur aktivitetet të cilat ndërmerren lidhur me sundimin e së drejtës dhe luftës kundër korrupsionit në SHBA ashtu edhe në shtete të cilat janë partnere të saj, siç është edhe Maqedonia e Veriut.
Pas takimit u ra dakord për një takim të ri në pjesën e dialogut strategjik që Republika e Maqedonisë së Veriut ka me Shtetet e Bashkuara të Amerikës, i cili është paraparë të zhvillohet në gjysmën e parë të këtij viti 2023.
Këshilltari i Departamentit të Shtetit Shole u prit dje në Qeveri dhe zhvilloi takim me kryeministrin Kovaçevski i shoqëruar ngaëvendëskryeministrja e ngarkuar për politika të qeverisjes së mirë, Sllavica Gërkovska dhe ministri i Punëve të Jashtme, Bujar Osmani, ministrja e Mbrojtjes, Sllavjanka Petrovska, ministri i Punëve të Brendshme, Oliver Spasovski dhe ministri i Ekonomisë, Kreshnik Bekteshi.
Ministri i Punëve të Jashtme, Bujar Osmani, në profilin e tij në Fejsbuk në lidhje me takimin e djeshëm në Qeveri me Shole ka shkruar se projektet dhe aktivitetet në kuadër të Dialogut Strategjik janë bazë solide për forcimin dhe avancimin e mëtejmë të partneritetit strategjik të lidhjeve dypalëshe.
Këshilltari i sekretarit shtetëror të SHBA-së, Entoni Blinken, nga Shkupi shkon për Prishtinë në takime me përfaqësues qeveritarë, liderë politikë dhe përfaqësues nga shoqëria civile. Në fokus të bisedimeve do të jenë përpjekjet e SHBA-së që të ndihmojë në avancimin e integrimit kosovar dhe euroatlantik, duke përfshirë edhe përmes dialogut të lehtësuar nga BE-ja që të arrihet marrëveshje gjithëpërfshirëse për normalizimin e marrëdhënieve mes Kosovës dhe Serbisë, të fokusuara në njohjen e ndërsjellë.
Shole sot do të vazhdojë në Beograd, ku me udhëheqësinë e Qeverisë serbe do të bisedojë për sigurinë energjetike, integrimin ekonomik rajonal dhe progresin drejt qëllimit të Serbisë për qasje në BE. Ai, gjithashtu, do të bisedojë për rolin e Serbisë në përforcimin e paqes rajonale dhe sigurisë dhe angazhimit të saj të vazhdueshëm në Dialogun e lehtësuar nga BE-ja për normalizimin e marrëdhënieve me Kosovën.
Qëllimi i vizitës së Shole në Ballkanin Perëndimor, siç ishte paralajmëruar më parë nga Departamenti i Shtetit, është të theksojë përkushtimin e përhershëm të SHBA-së për paqen, stabilitetin dhe prosperitetin në Ballkanin Perëndimor.
Ambasadorja e SHBA-së në vend, Anxhela Ageler të hënën tha se SHBA-ja ka plan që t’i riafimojë prioritetet e përbashkëta siç është lufta kundër korrupsionit dhe se kjo do të mbetet prioritet për Uashingtonin dhe do të ngritë disa çështje gjatë vizitës së këshilltarit të Departamentit të Shtetit, Derek Shole.
Ageler theksoi se ky do të jetë vit shumë intensiv, ndërsa siç tha, këshilltari Shole me vizitën e tij do t’i konfirmojë angazhimet dhe mbështetjen e SHBA-së për Maqedoninë e Veriut.
Shole duhej të udhëtonte në Shkup muajin e kaluar, por vizita e tij ishte shtyrë për shkak të testit pozitiv në Kovid.
“Më vjen keq që duhet të shtyj udhëtimin tim në Ballkan dhe në Bruksel për shkak të testit pozitiv për Kovid. Unë do të mbetem i angazhuar në të gjitha çështjet që kanë të bëjnë me rajonin e Ballkanit dhe mezi pres ta bëj udhëtimin në fillim të vitit të ardhshëm”, shkroi atëherë diplomati i lartë amerikan në profilin e tij zyrtar në Tuiter.
Lajme nga vendi
Kush dhe ku u reklamua më shumë gjatë zgjedhjeve të përsëritura në katër komuna, doli raporti
Аgjencia për Shërbime Mediatike Audio dhe Audiovizuele ka përgatitur raportin mbi mbi transmetimin e reklamave politike me pagesë gjatë kohës së fushatës zgjedhore për Zgjedhjet e përsëritura për kryetar të Komunës së Gostivarit, Komunës së Vrapçishtit, Komunës Mavrovë dhe Rostushë dhe Komunës Qendër Zhupë, në periudhën nga 22 dhjetor 2025 deri më 9 janar 2026, transmeton Portalb.mk.
Nga 18 transmetues (13 ТV dhe 5 RA) të regjistruar në Regjistrin e Komisionit Shtetëror Zgjedhor për transmetim të RPP për Zgjedhjet e përsëritura lokale 2026, gjithsej 9 transmetues: 7 televizione dhe 2 radio, lidhën kontratë me pjesëmarrësit në fushatë për transmetimin e RPP.
Në 7 televizione së bashku u transmetuan gjithsej 20 orë 1 minutë dhe 45 sekonda reklama politike me pagesë, ndërsa në dy radio së bashku u transmetua gjithsej 4 orë 18 minuta dhe 29 sekonda RPP. Gjithsej në të gjitha radiot dhe televizionet u transmetuan 24 orë 20 minuta dhe 14 sekonda reklama politike me pagesë.
Hapësirë më të madhe të kohës për reklama u transmetua nga televizionet lokale ТV G-ТV (6 orë 49 minuta dhe 21 sekonda) dhe TV Dy (5 orë 57 minuta dhe 42 sekonda). Nga dy radiot lokale që lidhën kontratë për transmetim të RPP, Radio Kometa 2000 (Radio XHI) transmetoi 2 orë 24 minuta dhe 24 sekonda, ndërsa Radio 7, 1 orë 54 minuta dhe 5 sekonda RPP.
Nga të gjithë transmetuesit së bashku, kohë më të gjatë morri Koalicioni i Aleancës Kombëtare për Integrim – AKI (16 orë 44 minuta dhe 18 sekonda), ndjekur nga Koalicioni VLEN (7 orë 9 minuta dhe 36 sekonda). Коalicioni i udhëhequr nga LSDM ka marrë hapësirë vetëm në TV Kanal 5 (26 minuta dhe 20 sekonda).
Koalicioni i udhëhequr nga VMRO-DPMNE, Partia Demokratike e Turqve në Maqedoni dhe kandidati i pavarur Zuljhajrat Demiri kanë vendosur në këtë fushatë zgjedhore kurrsesi të mos marrin hapësirë për transmetimin e RPP në programet e radiodifuzerëve
Të dhënat në raport u morën nëpërmjet monitorimit të transmetimit të reklamave politike me pagesë të transmetuesve dhe gjithashtu u verifikuan nëpërmjet procedurës së konfirmimit të raporteve mbi shërbimet e realizuara nga transmetuesit.
Raporti mbi reklamat politike me pagesë të transmetuesve për Zgjedhje e përsërituara lokale 2026 është i disponueshëm në link.
Në Gostivar, Vrapçisht, Mavrovë Rostushë, Qendër Zhupë më 11 janar 2026 u mbajtën zgjedhje të përsëritura për kryetar komune pasi në rrethin e parë të zgjedhjeve të rregullta lokale më 19 tetor 2025 nuk u arrit cenzusi.
Lajme nga vendi
Mickoski: Projekti “Qyteti i Sigurt” ka për qëllim të shpëtojë jetë njerëzish, është gabim që politikanë të caktuar përpiqen ta etnizojnë
Kryetari i Qeverisë, Hristijan Mickoski, duke iu përgjigjur pyetjeve të deputetëve në seancën e sotme, theksoi se kjo Qeveri garanton përfaqësim të drejtë dhe se ligji i ri mori rekomandim pozitiv nga Komisioni i Venecias, i cili është obligues në procesin drejt BE-së, ndërsa projekti “Qyteti i Sigurt” nuk etnizon, por shpëton jetë njerëzish.
– Sa i përket përfaqësimit të drejtë, mund të them se absolutisht po tregohet kujdes për përfaqësimin e drejtë, unë personalisht jam garant dhe këtë e kam thënë edhe në të kaluarën. As si njeri, as si politikan, as si kryetar i Qeverisë, nuk do të lejoj që dikush të majorizojë apo të minimizojë dikë tjetër. Pra, absolutisht mund t’ju siguroj se cilësia e njerëzve, pa marrë parasysh përkatësinë e tyre etnike, duhet të jetë kyçe dhe prioritet, dhe kjo është një vlerë themelore kushtetuese dhe pjesë e rezolutave dhe konventave ndërkombëtare – theksoi Kryeministri Mickoski duke iu përgjigjur pyetjes të parashtruar nga deputeti Skender Rexhepi.
Kryeministri Mickoski i tha deputetit Rexhepi se çështjet duhet të shihen më gjerë dhe në mënyrë objektive, në vend që të etnizohen, duke menduar se në këtë mënyrë do të fitohen pikë politike.
– Sa i përket Ligjit për përfaqësim të drejtë, ai është i përfunduar dhe ka marrë mendimet e fundit pozitive nga Komisioni i Venecias. Do t’ju rikujtoj se mendimi i Komisionit të Venecias, në përputhje me ndryshimet e fundit në procesin e aderimit në Bashkimin Evropian dhe në përputhje me kërkesat e fundit për ndryshimin e metodologjisë në procesin e aderimit, janë një faktor vendimtar. Veprohet sipas tyre dhe pres që shumë shpejt ky ligj t’ju dorëzohet juve, deputetëve, dhe shpresoj që të miratohet njëzëri, pasi ka rekomandim pozitiv nga Komisioni i Venecias dhe gjithashtu shpresoj që në këtë mënyrë deputetët të mos i rrezikojnë proceset evropiane të shtetit, theksoi Kryeministri Mickoski.
Lidhur me vendimin e Gjykatës Kushtetuese, Kryeministri Mickoski theksoi se nuk do t’i komentojë vendimet e Gjykatës Kushtetuese, por është fakt se kjo shumicë në Gjykatën Kushtetuese është zgjedhur në kohën e qeverisë së mëparshme, e jo në këtë qeveri.
Sa i përket projektit “Qyteti i Sigurt”, Kryeministri Mickoski theksoi se është gabim që edhe këtë projekt disa politikanë përpiqen ta etnizojnë, sepse ai ka për qëllim të shpëtojë jetë njerëzish.
– Politikanët që janë në një entuziazëm romantik mendojnë se, nëse i etnizojnë edhe të ndjerët që fatkeqësisht kanë humbur jetën si pasojë e aksidenteve të trafikut, duhet të shihen përmes prizmit të përkatësisë etnike.
Ajo që mund të them është se pas realizimit të projektit “Qyteti i Sigurt” nuk do të ketë më një numër të madh viktimash nga aksidentet e trafikut. Kjo qeveri vendosi ta vërë projektin në funksion me qëllim që të shpëtojë jetë njerëzish, pa u udhëhequr nga statistika matematikore se kush i përket cilës përkatësi etnike dhe pa e interpretuar metodologjinë me të cilën për të ndjerët përcaktohet përkatësia etnike. Ky projekt ka për detyrë të shpëtojë sa më shumë njerëz, theksoi Kryeministri Mickoski.
Lajme nga vendi
ASh; Aksionet kundër grupeve kriminale dhe trafikantëve të drogës të barabarta për të gjithë, apo të ndikuara nga afërsia politike
Aleanca për Shqiptarët e përshëndet aksionin policor të zhvilluar në Bërvenicë, por ky rast hap një sërë pyetjesh serioze që kërkojnë përgjigje të qarta nga institucionet kompetente
Së pari, cila është afërsia e personit S.Z., tek i cili u gjetën armë dhe lëndë narkotike, meqë sipas materialeve të publikuara ai shfaqet në fotografi me kryeministrin Hristijan Mickoski dhe kryetarin e Komunës së Bërvenicës, Jovica Ilievski?
Pas gati dy vitesh qeverisje të koalicionit VMRO–VLEN, shtrohet pyetja thelbësore:
a ka ndikuar afërsia politike me VMRO-DPMNE-në që ky individ të gëzojë mbrojtje apo favore institucionale?
Po ashtu, pse mungon një deklaratë zyrtare dhe e detajuar nga Ministria e Punëve të Brendshme për këtë aksion policor, ndryshe nga raste të ngjashme të ditëve të fundit, për të cilat kishte njoftime të plota dhe materiale video?
Cili është raporti i këtij personi me udhëheqësinë e MPB-së në Tetovë dhe pse ende nuk ka asnjë reagim nga MPB Tetovë, ministri apo zëvendësministri i Punëve të Brendshme?
Një tjetër dilemë serioze lidhet me kompaninë e sigurimit “Praetorian Security Solution”:
a është kjo kompani në pronësi të tij, siç është raportuar nga disa media?
Në çfarë procedure dhe mbi çfarë kriteresh kjo kompani ka fituar kontratën për sigurimin e Kodrës së Diellit dhe infrastrukturës përreth?
a ka pasur ndikim politik në këtë proces për shkak të afërsisë me VMRO-DPMNE-në?
A duhet që Kodra e Diellit, respektivisht ESM, të vazhdojë kontratën me një kompani sigurimi për pronarin e së cilës pretendohet se është arrestuar për posedim armësh dhe lëndësh narkotike?
A ka një kompani e tillë kredibilitet për të siguruar objekte publike dhe infrastrukturë strategjike?
Në fund, Aleanca për Shqiptarët pyet qartë:
a do të jenë aksionet kundër grupeve kriminale dhe trafikantëve të drogës të barabarta për të gjithë, apo të ndikuara nga afërsia politike?
Sundimi i ligjit duhet të vlejë njësoj për të gjithë.
Aleanca për Shqiptarët
Kush dhe ku u reklamua më shumë gjatë zgjedhjeve të përsëritura në katër komuna, doli raporti
Mickoski: Projekti “Qyteti i Sigurt” ka për qëllim të shpëtojë jetë njerëzish, është gabim që politikanë të caktuar përpiqen ta etnizojnë
ASh; Aksionet kundër grupeve kriminale dhe trafikantëve të drogës të barabarta për të gjithë, apo të ndikuara nga afërsia politike
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
