Nesër me  fillim në ora  17:00, nis kampionati  i ri i futbollit në Ligën e dytë. Garojnë 16 ekipe me sistemin veshtë, pranverë me vajtje  ardhje. Shkëndija e hartinës është skuadra e vetme shqiptare në ligën e dytë në kampionatin 2025/2026

 Me ndeshjet  e javës  së  parë nesër  zyrtarisht  fillon kampionati 2025/2026  në  Ligën e dytë të futbollit vendor.  Në kampionatin e ri të ligës së dytë do të garojnë  16  ekipe  me  sistemin vajtje  ardhje sezoni  vjeshtor  dhe  ai pranveror  Ekipet  që  do të garojnë në  këtë edicion garues në Ligën e dytë, janë:  Teteksi, Shkëndija e Harqinës, Vardari Negotinë, Bregallnica, Kozhufi, Novaci , Pobeda, Kmenica Sasa, Osogova, Prespa, Bellasica, Ohrri , Skopje, Slloga e Vinicës, Golemo Konjare  dhe Detonit Plaçkovica. Pra në  sezonin e ri të Ligës së dytë  garon  vetë një  skuadër  shqiptare dhe atë  Shkëndija e Haraqinës.

Të gjitha  ndeshjet e xhiros së parë  në ligën e dytë zhvillohen nesërme fillim në ora 17:00, takohen: Vardari Negotinë – Teteksi, Bregallnica – Kozhufi,  Novaci – Pobeda , Kamenica Sasa –Osogova, Prespa – Shkëndija, Ohri – Bellasica, Skopje – Slloga dhe  Golemo Konjare – Detonit Plaçkovica,

SHABAN SINANI – TV KOHA

Dy vajza të reja, Albina Abazi dhe Eriona Ramadani, të dyja 16-vjeçare dhe nxënëse të vitit të dytë në gjimnazin “Drita”, humbën jetën në një aksident tragjik me motor në fshatin Kolibar të Kërçovës, informon INA.

Deri më tani nuk janë dhënë detaje se si ka ndodhur aksidenti fatal, që mori jetën e dy vajzave të reja kërçovare.

Kjo ngjarje ka tronditur jo vetëm familjet Abazi dhe Ramadani, por edhe gjithë Kërçovën.

Ne një postim të SHMK “Drita” – Kërçovë ky dy të rejat ishin nxënëse është dhënë lajmi mortor për humbjen tragjike të Eriona Ramadanit dhe Albina Abazit.

“Me dhembje të thellë dhe zemra të tronditura morëm lajmin për ndarjen tragjike nga jeta të dy nxënëseve tona të dashura, Eriona Ramadani dhe Albina Abazi. Humbja e tyre ka prekur thellë çdo kënd në shkollën tonë dhe ka lënë pas një boshllëk të pazëvendësueshëm në zemrat tona.

Advertisement

Në këto çaste të rënda pikëllimi, stafi pedagogjik, drejtoria dhe gjithë nxënësit e SHMK “Drita” – Kërçovë shprehim ngushëllimet më të sinqerta për familjet, të afërmit dhe miqtë e tyre. Ndajmë dhimbjen me ju dhe lutemi që Zoti t’ju japë forcë për ta përballuar këtë humbje të madhe.

Qoftë kujtimi i Erionës dhe Albinës i përjetshëm! U prehshin në paqe!”, thuhet në lajmin mortor të drejtorisë së kësaj shkolle. (INA)

VLEN thotë se me projektin për ndërtimin e parkingut nëntokësor  te Sheshi “Skënderbeu”, më në fund do t’i jepet zgjidhje problemit shumëvjeçar të mungesës së hapësirave për parkim në Çair dhe rrethinën e Çarshisë së Vjetër. “Ky është një investim që u shërben drejtpërdrejt qytetarëve, bizneseve dhe ofertës turistike të këtij rajoni unik të Shkupit. Ky investim do të dyfishojë volumin e punës në Çarshinë e Vjetër”, në nga VLEN.

Kumtesa e plotë:

Projekti parasheh parking sipas standardeve bashkëkohore me kapacitet për qindra automjete, çka do të çlirojë hapësira publike dhe do të krijojë rregull në komunikacion. Investimi, i vlerësuar në disa miliona euro, do të financohet nga buxheti i shtetit, gjë që dëshmon qartë përcaktimin e Qeverisë për të investuar në infrastrukturë që mbetet përfitim i qëndrueshëm për qytetarët. Në këtë mënyrë, përmirësohet siguria në trafik, lehtësohen kushtet për bizneset lokale dhe mbështetet zhvillimi i turizmit në Çarshinë e Vjetër.

Investime të tilla, në kohën e BDI-së, nuk mund të mendoheshin as për Çairin, as për Tetovën, as për Strugën. Sot, Qeveria e VLEN-it dëshmon se është partner i vërtetë strategjik i komunave ku jetojnë shqiptarët, duke orientuar mjete dhe vëmendje drejt nevojave reale të tyre.

Qëndrimi ynë është i qartë: do të vazhdojmë të investojmë në infrastrukturë, shërbime publike dhe zgjidhje urbane që e përmirësojnë jetën e përditshme të qytetarëve. Këto projekte janë pjesë e vizionit më të gjerë për modernizim dhe zhvillim, por edhe simbol i një politike të re, politikë veprash, e jo fjalësh boshe.

Advertisement

Qeveria e VLEN-it do të vazhdojë të ndërtojë bashkëpunimin ndërmjet pushtetit qendror dhe vetëqeverisjes lokale. Vetëm përmes këtij partneriteti mund të sigurojmë kushte të barabarta për të gjithë qytetarët dhe t’i ngremë komunat me popullatë shumicë shqiptare në nivelin që për vite të tëra ishte i kontestuar dhe i lënë pas dore.