Connect with us

Lajme nga vendi

Deri më 20 janar afati për parashtrimin e kërkesës për vend parkimi në Tetovë

Published

2 years ago

on

  • Deri më 20 janar është afati kur banorët e Tetovës do të mund të parashtrojnë kërkesat e
    tyre për të siguruar një vend parkimi për tërë vitin.Edhe pse afati ka qenë deri më 30
    janar, megjithatë I njejti është shtyer për më 20 janar për shkak të festave dhe kthimit të
    mërgimtarëve në vendlindje. Të gjithë ata që nuk kanë paraqitur kërkesa të reja do të
    përballen me bllokim të automjeteve.
    “Ju e dini se tashmë ndërmarrja Parkingu i Qytetit, ka krijuar vende të reja për
    parkim edhe nëpër disa blloqe banimi, prandaj edhe rritet numri i qytetarëve që
    parashtrojnë kërkesa për parkim vjetor. Prandaj, duke patur parasysh faktin se ka
    patur festa, disa qytetarë kanë qenë në pushime dhe për të mos krijuar kaos, e kemi
    vazhduar afatin për parashtrim të kërkesave.Pas 20 janarit do të vazhdohet të
    funksionohet në bazë të kërkesave të parashtruara”, tha Igor Dodevski, drejtor i
    Ndërmarrjes Publike Parkingu I Qytetit.
    Nga kjo ndërmarrje bëjnë të ditur se në rajonin e Tetovës dhe rrethinës ka rreth 55 mijë
    vetura të regjistruara, kurse me ardhjen e mërgimtarëve është rritur dukshëm frekuentimi
    në komunikacion që shkaktoi edhe kaos në aspektin e parkimit.Për të evituar këtë kaos,
    komuna lejoi për parkim oborret e katër shkollave në Tetovë.
    “Ju e dini në kohën kur vijnë mërgimtarët, ne nuk duhet që ti dënojmë ata por kemi
    obligim që t`I shërbejmë dhe në këtë formë ne bashkërisht me kryetarin e komunës
    së Tetovës arritëm që të lirojmë për parkim oborret e disa shkollave. Pra, ne nuk
    duhet që t`I dënojmë sepse fundja e fundit ata sjellin shumë të ardhura për qytetin
    tonë”, tha Dodevski.
    Por, ende nuk ka asgjë konkrete lidhur me ndërtimin e parkingjeve në kate në Tetovë.
    Komuna është duke bërë analiza dhe pritet që në të ardhmen pasi që të gjendet vendi
    poashtu të shihet në bazë të planeve urbanistike të fillojë ndërtimi i parkingut në
    kate.
    “Në plan janë edhe parkingjet në kate dhe e gjithë kjo do të varet nga sektori për
    veprimtari komunale, për të parë se si do të përballemi me këtë frekuentim të madh
    në qytet të automjeteve.Ashtu si do të vendos sektori për veprimtari komunale ashtu
    do të veprojmë”, theksoi drejtori Dodevski.
    Ndërkohë, sa i përket gjendjes financiare të ndërmarrjes drejtori Dodevski, thekson se
    deri në kuartalin e tretë kanë qenë në plus dhe punohet që në qytet të ketë më shumë
    vende për parkim, më shumë rend por njëkohësisht për ngritjen dhe avancimin e gjendjes
    së puntorëve, sidomos rritjen e pagave dhe rregullimin e statusit të tyre.TV KOHA
Related Topics:
Advertisement

Lajme nga vendi

68 persona dyshohen për tragjedinë në Koçan, po merren në pyetje dëshmitarët

Published

1 week ago

on

May 8, 2025

By

Prokurori Publik i Shtetit nuk sheh pengesa që hetimi për zjarrin në Koçan, i cili mori jetën e 62 personave, të përfundojë deri më 17 qershor, siç parasheh afati ligjor prej tre muajsh. Pa zbuluar detaje, prokurori tha se hetimi është në një fazë shumë të rëndësishme dhe dëshmitarët aktualisht po merren në pyetje si në Koçan ashtu edhe në Shkup. Sipas Kocevskit, nuk ka selektivizëm në hetim. Ai përsëriti sot, siç deklaroi edhe më parë Alsat, se hetimi mund të zgjerohet për të përfshirë të dyshuar të ri.

“Dëshmitarët po merren aktualisht në pyetje, si edhe të dëmtuarit dhe persona të tjerë që dinë diçka rreth ngjarjes. Ndërkohë, ata po koordinohen edhe me ekspertët në lidhje me atë që duhet të kryhet ekspertizë. Pra, nuk ka selektivizëm deri më tani, nuk do të ketë as në të ardhmen. Unë tashmë thashë për një media, kështu që derisa të përfundojë hetimi, zgjerim i mundshëm është i mundur, megjithatë, kjo varet nga provat dhe ajo që do të sigurojnë prokurorët publikë”, tha Ljupço Kocevski, Prokuror Publik i Shtetit.

Përpara tragjedisë në Koçan, qeveria filloi procedurë për shkarkimin e Kocevskit, e cila tani është e pezulluar. Nëse kjo procedurë do të vazhdojë apo jo, për Kocevskin, është vendim politik.

“E kam thënë disa herë këtë, kështu që është vendim politik. Për momentin, që nga fillimi i procedurës, nuk kam pasur asnjë presion apo kërcënim në këtë drejtim”, theksoi Ljupço Kocevski, Prokuror Publik i Shtetit.

Hetimi në Koçan filloi menjëherë pas tragjedisë, më 17 mars, dhe prokuroria ka tre muaj kohë për të përgatitur aktakuzë. 13 prokurorë po punojnë në hetimin, i cili është zgjeruar disa herë deri më tani, dhe i cili deri më tani ka përfshirë 68 persona fizikë dhe tre juridikë. /Alsat.mk

Advertisement
Continue Reading

Lajme nga vendi

Gjykata e Apelit ua rriti dënimet disa prej të akuzuarëve në rastin “Llaskarca”

Published

1 week ago

on

May 8, 2025

By

Gjykata e Apelit në Shkup i hodhi poshtë si të pabazuara ankesat e disa prej të pandehurve në rastin “Laskarci”, i cili ka të bëjë me aksidentin me autobus që ndodhi në vitin 2019, në të cilin humbën jetën 16 udhëtarë dhe u lënduan mbi 30, ndërsa pjesërisht e mbështeti ankesën e Prokurorisë Themelore Publike në Shkup, në një mënyrë që i rriti dënimet me burg pronarit të kompanisë “Durmo Tours”, të pandehurit Durmish Beluli, nga 4 në 10 vjet, personit përgjegjës për transportin në kompani, Remzi Miftari, nga 6 në 10 vjet dhe nga 5 në 7 vjet burg për dy punonjësit e stacionit të kontrollit teknik, Igor Gjorgievski dhe Goran Dukovski.
“Dënimet e punonjësit të tretë në stacionin e kontrollit teknik, Jane Bovarovski, dhe shoferit të autobusit, Manoil Trifunovski, mbeten të njëjta, 5 dhe 14 vjet burg. Seanca publike në Gjykatën e Apelit u mbajt më 2 prill të këtij viti, dhe pas kryerjes së këshillimeve dhe votimit në një pjesë të mbyllur të seancës më 17 prill 2025, gjykata nxori një vendim, i cili, siç informon, hodhi poshtë si të pabazuara ankesat e pronarit të kompanisë “Durmo Tours”, të pandehurit Durmishi Beluli, si dhe tre punonjësve në stacionin e kontrollit teknik Igor Gjorgjiovski, Goran Dukovski dhe Jane Bovarovski, dhe pranoi pjesërisht ankesat e personit përgjegjës për transportin në kompani, të pandehurit Remzi Miftari dhe shoferit të autobusit Manoil Trifunovski”, thuhet në njoftim.
Gjykata e Apelit e miratoi pjesërisht ankesën e Prokurorisë Themelore Publike në Shkup.
Njëkohësisht, sipas paragrafit II të vendimit, vendimi miratoi ankesat e palëve të dëmtuara në lidhje me vendimin për shpenzimet që kjo gjykatë e rrëzoi dhe e ktheu çështjen në atë pjesë në gjykatën e shkallës së parë për rigjykim.
“Ankesat e palëve të dëmtuara në lidhje me vendimin për kërkesën pasurore juridike u refuzuan si të papranueshme, në përputhje me nenin 411, paragrafi 4 i Ligjit për Procedurën Penale”, tha Zyra e Ankesave në një deklaratë.
Vendimi me arsyet e tij, në përputhje me Ligjin për Menaxhimin e Lëvizjes së Çështjeve në Gjykata, do të publikohet i plotë dhe do të jetë i disponueshëm në faqen e internetit të gjykatës.
Në vendimin, i cili u shpall janarin e kaluar, të pandehurit u shpallën fajtorë dhe morën një total prej 39 vitesh burg.
I pandehuri Durmish Beluli, pronar i kompanisë “Durmo Tours”, atëherë u dënua me katër vjet burg, personi përgjegjës për transportin në kompani, Remzi Miftari, u dënua me gjashtë vjet burg, ndërsa tre punonjësit e stacionit të kontrollit teknik, Igor Gjorgievski, Goran Dukovski dhe Jane Bovarovski, të cilët akuzohen për bashkëfajësi në të njëjtin krim, u dënuan me nga pesë vjet burg secili. Shoferi i autobusit, Manoil Trifunovski, mori dënimin më të lartë me burg prej 14 vitesh. Në të njëjtën kohë, të pandehurve iu ndalua gjithashtu ushtrimi i profesionit dhe detyrave të tyre për një periudhë prej pesë vitesh.
Sipas vendimit, të pandehurit Durmish Beluli dhe Remzi Miftari nuk i janë përmbajtur rregulloreve të sigurisë, duke lejuar që një autobus teknikisht i dëmtuar të marrë pjesë në trafik, gjë që përbënte rrezik për jetën e pasagjerëve. Tre punonjësit në stacionin e kontrollit teknik, Igor Gjorgjievski, Goran Dukovski dhe Jane Bovarovski, lejuan që autobusi të kalonte kontrollin teknik pavarësisht defekteve. Shoferi Manoil Trifunovski, i vetëdijshëm për mosfunksionimin e automjetit, po drejtonte autobusin me 55 pasagjerë dhe për shkak të pakujdesisë u përplas me gardhin metalik.
Gjykimin në Gjykatën Themelore Penale në Shkup e drejtoi gjykatësja Diana Gruevska Ilievska, ndërsa prokurorinë e përfaqësoi prokurori Darko Jakimovski.
Continue Reading

Lajme nga vendi

Sot u mbajt prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”

Published

1 week ago

on

May 8, 2025

By

Prezantimi i drejtimeve dhe profileve që ofrojnë shkollat e mesme të Tetovës në “Ditën e Hapur”, është më shumë se një prezantim publik pasi të gjithë të interesuarit dhe nxënësit që këtë vit për herë të parë do të regjistrohen në arsimin e mesëm nga afër u njoftuan me stafin mësimor, me drejtimet, kushtet dhe profilet që kanë shkollat e komunës së Tetovës. Ata kanë mundësi të zgjedhin se në cilën shkollë do të vazhdojnë mësimin dhe çfarë ofrojnë ato. Një gjë tashëm është e sigurte se shkollat e Komunës së Tetovës, janë të pajisura me të gjitha mjetet e nevojshme dhe procesi edukativo arsimor zhvillohet në një ambient komod dhe bashkëkohor.
Komuna e Tetovës është e përkushtuar që të ketë shkolla konkurruese jo vetëm në rajon, por edhe më gjërë!

Continue Reading

Më të lexuarat