Lajme nga vendi
Sezoni i gripit nxori në pah mungesën e mjekëve pediatër
Sezoni i gripit dhe veçanërisht ndotja e ajrit kanë bërë që shumë fëmijë të kenë probleme me sistemin respirator dhe të kërkojnë ndihmë në shtëpitë e shëndetit.
Fëmijët me simptoma më të rënda, nga mjekët amë drejtohen në Repartet e Pediatrisë në qendrat spitalore të vendit, gjë që ka bërë të dalë në sipërfaqe problemi me mungesën e mjekëve pediatër.
“Te të gjithë qytetarët ka ndikuar ndryshimi i klimës, pasi e dimë se tani duhej të kishim borë,… po ja që s’ka, këtë s’mund ta rregullojë dora e njeriut. Të njëjtën kohë për disa ditë kishim mjegull, këtu është dhe ndotja e ajrit që rrit numrin e pacientëve me infeksione të ndryshme”, thotë për Radion Evropa e Lirë Bekim Ismaili, mjek amë.
Daniella F. Nga Shkupi, nënë e një vajze pesë vjeçe thotë për Radion Evropa e Lirë se vizita te mjeku pediatër është sfidë më vete pasi duhet të presë me orë për të arritur te pediatri.
“Më duhet të pranoj se shkuarja te mjeku pediatër është problem i madh pasi duhet pritur me orë për të bërë një kontroll që do të definojë se duhet të shtrihet ose jo në spital. Vajza është me shëndet të ligë dhe infeksioni më i vogël i shkakton ndezje në mushkëri veçanërisht gjatë ditëve me ndotje të lartë të ajrit”, thotë Daniella.
Për mjekimin e fëmijëve në mungesë të mjekëve pediatër kujdesen mjekët amë (mjekët familjarë) edhe në rastet me komplikime më të rënda.
Mjeku Lubço Serafimovski thotë për Radion Evropa e Lirë se gjatë dhjetë vjetëve të fundit në institucionet shëndetësore të vendit nuk është punësuar as edhe një mjek pediatër.
“Fakt është se në gjithë vendin mungojnë mjekët pediatër. Numri i mjekëve pediatër në Maqedoninë e Veriut është tepër i vogël. Problemi qëndron në atë se mjekët pediatër kur shkojnë në pension, s’ka kush i zëvendëson. Po sjell rastin e poliklinikës ‘Jane Sandanski’ (mjekësia sekondare) në Komunën Aerodrom të Shkupit, e cila është një nga komunat me numrin më të madh të banorëve (mbi 78 mijë banorë) dhe mbeti pa asnjë pediatër pasi edhe mjeku i fundit në këtë shtëpi shëndeti shkoi në pension nga një janari i këtij viti. Kështu, mbeti pa asnjë pediatër, pasi s’ka mjek të specializuar për ta zëvendësuar”, thotë Stefanovski.
Mungesa e mjekëve pediatër mbingarkon qendrat shëndetësore
Pjesa më e madhe e qendrave spitalore në Maqedoninë e Veriut punojnë me numër të reduktuar të mjekëve pediatër, si ai në Ohër, Dibër dhe Resnjë dhe kjo pamundëson hospitalizimin e fëmijëve me pasqyrë të komplikuar. Kështu qëm, ata pacientë orientohen në spitalet e komunave fqinje, në këtë rast atë të Strugës.
Kjo ka bërë që Qendra Spitalore e Strugës të jetë e mbingarkuar. Korridoret e kësaj shtëpie shëndeti janë të mbushura me fëmijë të sëmurë, të cilët me orë presin për t’u kontrolluar.
“Brenda një dite të vetme gjatë javës, nga e hëna deri të premten ne kemi për vizitë mbi 70 pacientë. Ndërkohë, që gjatë ditëve të vikendit ky numër është dyfish më i madh. Sa për ilustrim, gjatë tri ditëve të para të këtij viti në Qendrën Spitalore në Strugë, në Repartin e Pediatrisë kishim mbi 500 pacientë për vizitë, një pjesë e të cilëve me simptoma më të rënda dhe i kemi hospitalizuar”, bën të ditur Vllatko Mickoski, përgjegjës për Repartin e Pediatrisë në Spitalin e Strugës.
Ai thotë se në këtë spital punojnë pesë mjekë pediatër, edhe pse për të funksionuar normalisht ky repart, nevojiten së paku shtatë mjekë pediatër pa llogaritur trysninë nga komunat fqinje.
Ndërkohë, Ministria e Shëndetësisë zotohet se do të gjendet zgjidhje me mungesën e mjekëve pediatër në shtëpitë e shëndetit publik. Nga ky dikaster për Radion Evropa e Lirë bëjnë të ditur se tashmë janë miratuar më shumë se 50 kërkesa për specializimin e mjekëve të rinj në pediatri për të punuar në klinikat ku mungojnë mjekët pediatër.
Nga kjo Ministri arsyetohen se shumë qendra spitalore kanë mbetur pa pediatër për shkak të largimit të mjekëve pediatër nga vendi, megjithëse theksojnë se nuk kanë të dhëna të sakta se sa është numri i tyre.
Reparti i Pediatrisë në Spitalin e Ohrit që funksionon me vetëm dy pediatër për kontrolle ditore por pa mundësi hospitalizomi, do të vihet në funksion posa ta kryejnë specializimin dy mjekë të rinj dhe dy të tjerë, për të cilët tashmë është miratuar kërkesa për specializim, thonë nga Ministria e Shëndetësisë./REL
Dje në orën 15:40, zyrtarë policorë nga Stacioni Policor Mavrovë kanë privuar nga liria një 45-vjeçar nga fshati Zdunjë, rrethina e Gostivarit. Gjatë një kontrolli në trafik, është konstatuar se ai po drejtonte një automjet udhëtarësh “Opel Vectra” me targa të Gostivarit pa leje drejtimi. Automjeti është sekuestruar dhe pas dokumentimit të rastit ndaj tij do të vijojë parashtresa përkatëse.
…….
Dje në orën 14:00 në SPB Tetovë, një grua 33-vjeçare nga Republika e Malit të Zi ka denoncuar se ish-partneri i saj, një 43-vjeçar, nga fshati Vrapçisht, rrethina e Gostivarit, i cili nga shtatori i vitit 2026 ndodhet në vuajtje të dënimit me burg në Burgun e Tetovës, nga numra të ndryshëm telefoni dhe përmes një aplikacioni celular ka dërguar kërcënime ndaj saj dhe familjes së saj. Po merren masa për zbardhjen dhe dokumentimin e rastit, pas së cilës do të dorëzohet kallëzimi përkatës.
Parku i automjeteve të policisë së trafikut në Maqedoninë e Veriut është pasuruar me 33 skuterë të rinj “Piaggio Beverly 310 HPE”, në version të posaçëm policor.
Ministria e Punëve të Brendshme ka pranuar 33 skuterët e rinj policorë, të siguruar nga Këshilli Republikan për Siguri në Trafikun Rrugor (KRSSTR). Dorëzimi zyrtar u bë në prani të ministrit të Punëve të Brendshme, Panço Toshkovski, dhe kryetarit të KRSSTR-së, Goran Angelovski.
Së bashku me skuterët është siguruar edhe pajisje e plotë mbrojtëse për motoçiklistët, përkatësisht për secilin polic:
helmetë mbrojtëse;
xhaketë dhe pantallona motoçiklistike;
çizme motoçiklistike;
doreza për verë dhe dimër.
Vlera totale e furnizimit është 16.845.561 denarë, ose rreth 274 mijë euro. Në këtë shumë përfshihen si skuterët, ashtu edhe pajisjet mbrojtëse.
“Piaggio Beverly 310 HPE” është skuter italian i kategorisë maxi-skuter, me motor 310 kubikë që zhvillon rreth 27,7 kuaj fuqi. Transmisioni automatik CVT, rrotat e mëdha dhe përmasat kompakte e bëjnë atë të përshtatshëm për lëvizje në trafikun urban.
Për policinë e trafikut, skuterët mundësojnë lëvizje më të shpejtë në trafikun e dendur, qasje më të lehtë në vendet e aksidenteve dhe rregullim më efikas të trafikut në rrugët dhe kryqëzimet e frekuentuara.
Nga MPB-ja thonë se blerja e re synon të rrisë mobilitetin e policisë së trafikut, të mundësojë kontroll më efikas të komunikacionit dhe të përmirësojë kushtet e punës së pjesëtarëve të policisë.
Ministri Panço Toshkovski theksoi se furnizimi është pjesë e aktiviteteve më të gjera për modernizimin e policisë dhe rritjen e sigurisë në trafik.
Ndërkaq, nga KRSSTR-ja u bë e ditur se do të vazhdojnë investimet për pajisjen e njësive policore që janë përgjegjëse për kontrollin e trafikut.
Me 33 “Piaggio Beverly 310”, policia e trafikut fiton mjete të reja që pritet të mundësojnë reagim më të shpejtë dhe mobilitet më të madh, veçanërisht në kushtet e trafikut të dendur urban.
Burimi: Ministria e Punëve të Brendshme (MPB)
Ministria e Bujqësisë, Pylltarisë dhe Ekonomisë së Ujërave ka nisur shpërndarjen e kartelave për “naftën e gjelbër” për fermerët, në një periudhë kur po përgatiten tokat për përpunimin vjeshtor dhe mbjelljen.
Për këtë masë këtë vit janë siguruar 584 milionë denarë, rreth 9.5 milionë euro, ndërsa janë përgatitur gjithsej 48.037 kartela.
Shpërndarja ka nisur në Sveti Nikollë, ndërsa më pas ka vazhduar në Manastir, bëri të ditur ministri i Bujqësisë, Borçe Serafimovski.
Mbështetja financiare varet nga sipërfaqet dhe kulturat bujqësore të deklaruara në kërkesat për pagesa direkte për vitin 2025 dhe varion nga 3.200 deri në 12.000 denarë për hektar.
Për kulturat drithore, si gruri, elbi, misri dhe orizi, fermerët përfitojnë 3.200 denarë për hektar. Për lulediellin, kolzën, jonxhën dhe disa kultura të tjera mbështetja është 4.800 denarë për hektar.
Për kulturat kopshtare dhe vreshtat janë paraparë 9.600 denarë për hektar, ndërsa mbështetja më e lartë, prej 12.000 denarësh për hektar, është për mollën, dardhën, kumbullën, pjeshkën dhe disa kultura të tjera frutore.
Për ftonjtë, shegët, bajamet, lajthitë dhe kultura të tjera të kësaj kategorie ndahen 8.800 denarë për hektar, për duhanin 11.000 denarë, ndërsa për arrat dhe gështenjat 6.000 denarë për hektar.
Në Sveti Nikollë janë shpërndarë kartelat e para nga gjithsej 1.900, me vlerë mbi 38.2 milionë denarë. Në Manastir janë përgatitur 3.858 kartela, me vlerë të përgjithshme prej rreth 57.5 milionë denarësh.
Sipas Ministrisë, qëllimi është që ndihma financiare të arrijë te fermerët pikërisht në periudhën kur ata kanë shpenzimet më të mëdha për përgatitjen e tokave, blerjen e farërave dhe plehrave, si dhe mirëmbajtjen e mekanizimit bujqësor.
Masa zbatohet përmes Programit për mbështetje financiare në bujqësi për vitin 2026.
Gjatë vizitës në Manastir, ministri Serafimovski është takuar edhe me bletarë nga Pellagonia. Në takim është bërë e ditur se në Ministri janë përgatitur urdhërpagesat për subvencionet e bletarëve dhe se pagesa pritet të realizohet sa më shpejt.
Ndërkohë, është paralajmëruar edhe brendimi i mjaltit maqedonas, përkatësisht atij të Mariovës, me qëllim promovimin e mëtejshëm të origjinës dhe cilësisë së tij.
Kronika e zezë – Tetovë dhe Gostivar, 07 Tetor
RENDITJA E FIFA-s: KOSOVA E 76-ta, POZICION HISTORIK
Policia e trafikut me 33 skuterë të rinj “Piaggio Beverly 310”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Azizi zbulon dyfytyrësinë e Ali Ahmetit: Ja vazali që e mbronte Gruevskin
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
-
Lajme nga bota2 months agoTRUMP: LARGIMI I INFANTINO-s NGA FIFA DO TË ISHTE NJË GABIM I RËNDË
-
Lajme nga rajoni2 months agoKrimi i rëndë në Kosovë/ Kjo është 25-vjeçarja që u vra me armë zjarri, dyshohet se u qëllua nga bashkëshorti i saj, ishte në javën e 34 të shtatzënisë
-
Lajme nga bota2 months agoTrump paralajmëron “luftë ekonomike” ndaj Iranit: Kush e ndihmon, do të përballet me pasoja