Me rastin e shënimit të 31-vjetorit të themelimit të Universitetit të Tetovës, Sindikata e punonjësve (UT), e njofton opinionin dhe punonjësit se nënshkrimi i Marrëveshjes Kolektive përbën një arritje të rëndësishme institucionale në këtë ditë të veçantë për UT-në.
Kjo marrëveshje përfaqëson rezultat të dialogut social dhe të angazhimit të vazhdueshëm për mbrojtjen dhe avancimin e të drejtave të punonjësve akademikë dhe administrativë. Ajo garanton përmirësimin e kushteve të punës, forcimin e sigurisë juridike dhe afirmimin e dinjitetit të punës në Universitetin e Tetovës.
Nënshkrimi i Marrëveshjes Kolektive në këtë përvjetor të rëndësishëm simbolizon respektin institucional ndaj kontributit shumëvjeçar të punonjësve dhe vlerësimin e rolit të tyre kyç në ndërtimin dhe zhvillimin e Universitetit të Tetovës.
Sindikata e konsideron këtë akt si një hap të rëndësishëm drejt stabilitetit institucional, motivimit profesional dhe avancimit të mëtejshëm të standardeve akademike e sociale.
Me këtë rast, shprehim mirënjohje për të gjithë punonjësit dhe i urojmë Universitetit të Tetovës suksese të reja dhe zhvillim të qëndrueshëm.
Një falënderim i veçantë edhe për kryetarin e Parlamentit të RMV-së, z. Afrim Gashi, i cili që nga takimi i parë ka pasur qëndrim pozitiv për nënshkrimin e Marrëveshjes Kolektive dhe ka qenë bashkëpunues gjatë tërë procesit.

Me respekt,
Prof. Dr. Shefket Dehari
Kryetar i Sindikatës së punonjësve të Universitetit të Tetovës

Ish-prokurorja speciale Katica Janeva, e cila u dënua me shtatë vjet burg, katër prej të cilave i ka kaluar tashmë në Qendrën Korrektuese të Idrizovës, doli nga burgu këtë fundjavë dhe Gjykata Penale tani po shpjegon procedurën me të cilën dënimi i Janevës u ul me tetë muaj, raporton SllobodenPeçat, përcjell Portalb.mk.

“Për shkak të interesit të disa përfaqësuesve të mediave në lidhje me lirimin me kusht të ish-prokurores, e cila u dënua përfundimisht në rastin e njohur si “Reket”, informojmë publikun se: Më 12.12.2024, Këshilli Penal i Gjykatës Themelore Penale të Shkupit, me propozimin e të dënuarit K.J., e dënuar përfundimisht në rastin KOK 116/19, miratoi vendim me të cilin pranoi propozimin e të dënuarës dhe lejoi lirimin me kusht nga vuajtja e dënimit me burg, i cili fillon më 21.12.2025 dhe zgjat deri më 21.08.2026″, njofton Gjykata Penale e Shkupit.

Ish-prokurorja speciale Katica Janevë, e cila u dënua me 7 vjet burg dhe që nga viti 2021 po vuante dënimin në Burgun e Idrizovës, në muajin dhjetor u lirua me kusht dhe ka lënë institucionin korrektues.

Nënkryetari i BDI-së, Bujar Osmani sot përsëri e kritikuar ligjin për përfaqësim adekuat dhe të drejtë. Ai shkruan se propozim ligj për përfaqësim të drejtë dhe adekuat është shembull klasik i mashtrimit politik.

“Shumë fjali t’bukura, shumë “vullnet të mirë”, por asnjë garanci reale. Ligjet nuk bahen për njerëz me qëllime të mira, ligjet bëhen pikërisht kur vullneti i mirë mungon, për t’i mbrojt qytetarët nga padrejtësia dhe arbitrariteti i pushtetit.

Dhe këtu është dallimi thelbësor me Balancuesin. Balancuesi ishte instrument konkret për zbatimin e amandamentin 6 të Kushtetutës, jo deklaratë politike.I ka mbrojtur të gjitha komunitetet, në çdo nivel. I ka mbrojt maqedonasit që në asnjë institucion të mos bien nën përqindjen e tyre në shtet, edhe aty ku nuk janë drejtues. I ka mbrojt shqiptarët, turqit, romët, vllehët.

Ia hiqte drejtuesve të institucioneve mundësinë të zgjedhin njerëz sipas preferencave etnike apo politike dhe i ka detyru t’i nënshtrohen një mekanizmi objektiv, ligjor dhe të automatizum, duke respektu plotësisht proceset e përzgjedhjes profesionale dhe meritokratike. Balancuesi nuk e ka anashkalu meritokracinë, përkundrazi, e ka mbrojt nga kapja politike. Heqja e Balancuesit është si heqja e klauzulës së inkluzionit në çdo shtet evropian.

Nuk është modernizim, është regres institucional. inkluzioni nuk është opinion dhe as modë ideologjike, është standard i përfshirjes dhe funksionimit të institucioneve moderne.

Advertisement

Më e rëndësishmja, Balancuesi ka vepru para punësimit, ex ante, e ka parandalu shkeljen, nuk e ka regjistru pasi është bë dëmi.E ka kthy barazinë nga vullnet i lirë në detyrim kushtetues.

Ky propozim ligj i ri e bën të kundërtën. E zhvendos barazinë nga e drejtë në dëshirë, nga obligim në politikë publike, në një shoqëri me paragjykime reale etnike”, shkruan Osmani në profilin e tij në Facebook.

Ai shton se ky ligj nuk duhet të kaloj.