Lajme nga vendi
Ahmeti lëvdon Grubin e Osmanin: “Gëzohem kur dëgjoj se janë pasqyra e shtetit”
Lëre që nuk i heq, por edhe në tubimet me qytetarët, kreu i integristëve Ali Ahmeti vazhdimisht i lëvdon zv/kryeministrin e parë Grubin, ministrin Osmani dhe ministrat e tjerë nga partia e tij. Ahmeti tha se 20 vite ka investuar në ngritjen e kuadrove që sot, sipas tij, po na e zbardhin fytyrën para shteteve, vendeve e kombeve të përparuara.
“Unë gëzohem dhe më rritet krenaria kur dëgjoj dhe më thonë të huajt nga Brukseli e Uashingtoni se këta janë pasqyra e shtetit dhe e Qeverisë dhe kjo më fisnikëron, më bën të lumtur dhe të palodhshëm që ne të vazhdojmë të ecim përpara. Në këto momente që ne flasim, Bujar Osmani po kthehet nga Ukraina. Është ministër i jashtëm i gati gjysmës së globit, do të thotë që kemi arritur dhe ato investime që kemi bërë nuk na kanë shkuar huq”, tha Ali Ahmeti, kryetar i BDI-së.
E për kritikat që në BDI ka humbur demokracia e brendshme, Ahmeti tha se partia po funksionon për mrekulli.
“BDI, jo që unë jam kryetar i kësaj partie, por është një nga partitë më me demokraci të brendshme, lëri çka flasin ata se s’ka demokraci. Funksionojnë për mrekulli të gjithë institucionet dhe organet”, pohoi Ali Ahmeti, kryetar i BDI-së.
Lëvdata për Grubin kishte edhe ministri i Ekonomisë, Kreshnik Bekteshi. Tha se me këtë përbërje të ekzekutivit, e sidomos me Grubin, kanë sjellë vendime shumë të rëndësishme për qytetarët, e sidomos për shqiptarët.
“Për herë të parë është miratuar vendim i Qeverisë me iniciativë të Ministrisë për Sistem Politik ku është ministër njëkohësisht zv/kryeministri i parë që të gjitha mjetet e masave të ndryshme, programeve të ndryshme të cilat do të ndahen për qytetarët në nivel shteti të ndahen me metodologjinë e zhvillimit të barabartë rajonal. Çfarë do të thotë kjo? Nëse në një kohë, para disa dekadave, gjatë procesit të privatizimit, diskriminimeve të ndryshme ka ndodhur që rajone të ndryshme të jenë të favorizuara”, tha Kreshnik Bekteshi, ministër i Ekonomisë.
Ndërkaq nga pyetjen e qytetarëve të Gostivarit, Grubi u pyet se a do të tërhiqej për hir të bashkimit të partisë. Ai tha se kjo pyetje për të është shumë e lehtë.
“Ne e kemi vetëm një misionar në vendin tonë dhe jemi rreshtuar pas këtij misionari dhe për mua nuk ka dy standarde. Ja këtu jemi, ja le të më shohin edhe fëmijët e mi, për mua fjala Ali Ahmetit është e fundit”, tha Artan Grubi, zv/kryeministër i parë.
Kjo është dita e katërt që Ahmeti bashkë me funksionarë të BDI-së të nivelit lokal e qendror po takohet me qytetarët nën moton “Bashkë për Europë”. Takime paralelisht mban edhe grupi i zjarrit, ku sot nënkryetari i BDI, Izet Mexhiti dhe sekretari organizativ i BDI-së Blerim Bexheti do të mbajnë takim me të rinjtë nga Shkupi.tv21.
“Këto ditë po përgatitetet edhe Lëvizja Demokratike që të thërret kuvendin themelues për tu shkri dhe për ta bërë VLEN-in një. Besoj që në këtë mënyrë të gjithë flasin në një zë dhe ky zë është drejt shkrirjes së VLEN-it në një subjekt politik”, u shpreh Izet Mexhiti, VLEN.
Ndërkohë ka pasur reagime edhe nga pjesa e ASH-së që nuk është në pushtet, raporton Alsat.
Remzi Mehmedi nga ASH-ja e Selës thotë se kur flitet për zhvillimet në ASH duhet të merren parasysh dy momente.
1. Zgjedhjet lokale të vitit 2017 në Strugë dhe Gostivar.
2. Zgjedhjet parlamentare të vitit 2020, veçanërisht në zonën 5.
Në të 2 këto momente ka pasur tradhti dhe tregti mes aktorësh nga kampe të ndryshme e që koha i zbuloi e i zbulon për çdo ditë. Gjithçka tjetër është pasojë dhe nuk duhet parë si ndodhi në vetvete.
Për formimin e partisë VLEN nuk ka një marrëveshje finale mirëpo qëndrimin përfundimtar për modelin e mundshëm të strukturimit, nuk e ka dhënë as Alternativa. Jozyrtarisht, sipas Alsat, edhe Alternativa është kundër modelit me vetëm dy kryetarë, Kasamin e Mexhitin.
Në hapësirat e Komunës së Zhelinës është mbajtur mbledhja konstituive e Këshillit për Zhvillim të Rajonit Planor të Pollogut, ku kryetarët e komunave të këtij rajoni kanë diskutuar dhe miratuar pikat kyçe për vitin 2026.
Në këtë mbledhje është shqyrtuar dhe miratuar Plani Financiar për vitin 2026, si dhe janë diskutuar propozim-projektet me të cilat Rajoni i Pollogut do të aplikojë për fonde dhe mbështetje institucionale.
Gjithashtu, janë trajtuar edhe çështje të tjera me rëndësi strategjike, që kanë të bëjnë me zhvillimin e qëndrueshëm dhe të balancuar të rajonit.
Sipas parimit të rotacionit, nga sonte drejtimin e Rajonit Planor të Pollogut për vitin 2026 e merr Komuna e Zhelinës. Me këtë rast, Blerim Sejdiu është përzgjedhur Kryetar i Rajonit të Pollogut për një mandat njëvjeçar.
Sejdiu theksoi se ky është një besim dhe përgjegjësi e madhe, të cilën do ta ushtrojë me përkushtim të plotë dhe në bashkëpunim të ngushtë me të gjitha komunat e rajonit, me synim realizimin e projekteve konkrete dhe përmirësimin e jetës së qytetarëve.
Rajoni i Pollogut pritet të vazhdojë me realizimin e projekteve në vazhdim dhe me hartimin e iniciativave të reja zhvillimore, në funksion të ndërtimit të një Pollogu më të zhvilluar dhe me perspektivë më të qartë ekonomike dhe infrastrukturore.
Komuna e Tetovës informon se të shtunën, më 28 shkurt, me rastin e vizitës zyrtare të Presidentit të Republikës së Shqipërisë, Bajram Begaj, në qytet do të ketë masa të përkohshme sigurie dhe ndalim parkimi në disa rrugë.
Komuna e Tetovës rekomandon që automjetet të mos parkohen në bulevardet dhe rrugët në vijim:
Bulevardi “Marshall Tito” nga fillimi deri te rrethrrotullimi te tregu, në kryqëzim me bulevardin “Blagoja Toska”
Bulevardi “Blagoja Toska” nga rrethrrotullimi me bulevardin “Marshall Tito” deri te ndërtesa e Komunës së Tetovës
Rruga “JNA” (“Dervish Cara”) në tërësi, deri te semaforët
Rruga “Ilindenska” nga Gjykata Themelore deri te Universiteti i Evropës Juglindore
Rruga “Kiro Ristoski-Drnc” deri te Arabati Baba Teqe
Rruga VonVardarska
Rruga “172”
Automjetet e parkuara në kundërshtim me njoftimin do të largohen nga shërbimet kompetente, bëjnë të ditur nga Komuna e Tetovës.
Edhe LD e Mexhitit së shpejti shkrin strukturat, Alternativa ende e “ngrirë”!
Blerim Sejdiu zgjidhet kryetar i Rajonit Planor të Pollogut për vitin 2026
Begaj të shtunën në Tetovë, ja rrugët që do të bllokohen
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoMoti sot në Maqedoninë e Veriut
-
Lajme nga vendi3 weeks agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Lajme nga vendi2 months ago“Qyteti i Sigurt”: Çfarë ndryshon nga shkurti për shoferët në Maqedoninë e Veriut?