Lajme nga vendi
Mungesë e fuqisë punëtorë, Gjermania me projektligj të ri për migracionin, përfshihet edhe Ballkani Perëndimo
Sipas ministrit federal të Punës, projektligji i ri për migrimin e fuqisë punëtore do të jetë gati në mars. Ndër të tjera, ai parashikon rritjen e kontingjentit të migracionit me Rregulloren e Ballkanit Perëndimor.
Gjermania ka një problem të madh me mungesën e fuqisë punëtore. Dhe këtë e tha sërish të premten në Bundestag ministri gjerman i Punës dhe Çështjeve Sociale Hubertus Heil, gjatë promovimit të strategjisë së re për daljen nga kriza e fuqisë punëtore.
“Sigurimi i punëtorëve të kualifikuar është sigurimi i prosperitetit,” tha Hubertus Heil (SPD) të premten (20.01.2023) në Bundestag. “Nëse nuk i heqim tani pengesat, deri në vitin 2035 do të na mungojnë shtatë milionë punëtorë të kualifikuar.”
Strategjia e re qeverisë, e cila iu kalua për shqyrtim komisioneve përkatëse në Bundestag, parashikon shfrytëzimin e potencialit të fuqisë punëtore brenda vendit, duke rritur ofertat e trajnimeve profesionale për të rinjtë që lënë shkollën, përmirësuar kushtet e punës për nënat me fëmijë, apo duke rritur shanset për punësimin e refugjatëve apo azilkërkuesve të refuzuar.
Por sipas Heil shfrytëzimi i potencialit të brendshëm nuk mjafton për ta zgjidhur problemin: pa migracion, nuk dalim dot nga kjo krizë, tha ministri. Ai njoftoi se qeveria do të parashtrojë qysh në mars një projektligj të ri për migracionin.
Karta e shanseve bazuar në një sistem pikësh
Deutsche Welle e ka një draft paraprak të këtij projektligji, që synon lehtësimin e mërgimit të fuqisë punëtore nga vendet e treta. Risia kryesore e këtij projektligji është e ashtuquajtura “kartë shansesh”, që do të thotë një vizë njëvjeçare për të kërkuar punë në Gjermani. Viza jepet në bazë të një sistemi pikësh, që mund të mblidhen, bazuar në katër kritere: njohja e gjuhës, përvoja profesionale, mosha dhe lidhja me Gjermaninë.
Kështu për shembull, sipas draftit aktual, gjashtë pikë mjaftojnë për të marrë një vizë njëvjeçare për të kërkuar punë në Gjermani. Katër pikë i merr nëse ke një kualifikim profesional, tri pikë nëse ke së paku tre vjet përvojë pune, tre pikë për njohuri të mira të gjermanishtes.
Për njohuri të mjaftueshme të gjuhës merren dy pikë, dy pikë jepen edhe për moshat nën 35 vjeçare ose për ata që kanë vetëm dy vjet përvojë pune.
Një pikë e merr për lidhjen me Gjermaninë, pra, nëse më parë ke banuar në mënyrë të rregullt për së paku gjashtë muaj në Gjermani.
Rritet kontingjenti i imigrantëve sipas rregullores së Ballkanit Perëndimor
Një tjetër element i projektligjit të ri është rritja e kontingjentit të punëtorëve që vijnë me rregulloren e Ballkanit Perëndimor. Sipas draftit që ka DW është parashikuar, që ky kontingjent të dyfishohet, nga 25 000 që është aktualisht në maksimumi 50 mijë në vit. Heil tha (20.012023) në Bundestag se ka plane që kjo rregullore të zgjerohet edhe për vende të tjera.
Herbert Brücker, profesor në Universitetin Humboldt të Berlinit, e përshëndet si ngritjen e kontingjentit ashtu edhe zgjerimin e modelit me vende të tjera. Instituti i tij merret me hulumtime në fushën e mërgimit dhe është marrë në mënyrë të hollësishme me migrantët që vijnë në bazë të Rregullores së Ballkanit Perëndimor (BP). Në një intervistë me DW shqip, ai tha se kjo rregullore ka rezultuar shumë e suksesshme. “Shkalla e punësimit është shumë e lartë, dhe vetëm 2 për qind e imigrantëve të ardhur me këtë rregullore marrin ndihma sociale”. Pra, është një model i sigurt që ka një impakt pozitiv jo vetëm për ekonominë, por edhe për shtetin social. Edhe pagat e punëtorëve të ardhur me Rregulloren e Ballkanit Perëndimor, janë po aq të larta sa pagat fillestare të vendasve, dhe madje pak më të larta se ato të punëtorëve që vijnë nga vendet tjera të BE-së, i tha Brücker DW.
Rregullorja e Ballkanit Perëndimor: Migracion pa kualifikim
Rregullorja e Ballkanit Perëndimor ekziston që nga viti 2015 dhe u mundëson shtetasve të gjashtë vendeve të BP (Shqipëri, Bosnjë-Hercegovinë, Kosovë, Maqedoni e Veriut, Mali i Zi dhe Serbia) qasje të privilegjuar në tregun gjerman të punës, pavarësisht nga kualifikimi që kanë. Parakusht për të marrë vizën e punës është një kontratë pune e rregullt në Gjermani. Nuk nevojiten as njohuri të veçanta të gjuhës gjermane.
Siç tha për DW një zëdhënës i Ministrisë së Brendshme të Gjermanisë, deri më 31 dhjetor 2022, në Regjistrin Qendror të të Huajve, (AZR) figuronin rreth 62 000 imigrantë me leje qëndrimi në bazë kësaj rregulloreje. Sipas zëdhënësit, mendohet që numri faktik të jetë më i lartë, sepse evidentimi statistikor i imigrantëve nga Rregullorja e Ballkanit Perëndimor ka filluar të bëhet që nga viti 2020.
Rregullorja e BP: Kontingjenti i vizave është shteruar
Rregullorja e Ballkanit Perëndimor është në fuqi deri në fund të vitit 2023, por në draftin e ri të ligjit të migracionit është parashikuar që ajo të bëhet pa afat. Si rritja e kontingjentit ashtu edhe heqja e afatit janë dy masa që përputhen jo vetëm me nevojën e tregut gjerman për fuqi punëtore, por edhe me dëshirën e shtetasve të këtyre vendeve për të emigruar në Gjermani.
Sipas Ministrisë së Jashtme gjermane, konsullatat e vendeve të Ballkanit Perëndimor kanë dhënë në vitin 2022, 25 000 viza sipas kësaj rregulloreje, duke shteruar kështu kontingjentin e përcaktuar nga ligji. Numri i kërkesave për vizë sipas rregullores së Ballkanit Perëndimor është shumë më i lartë, i tha DW një zëdhënës i Ministrisë së Jashtme.
Aktualisht 2 milionë vende pune të pazëna
Sipas projektligjit të ri të migracionit, përllogaritet që në bazë të këtyre ndryshimeve në Gjermani të vijnë mesatarisht deri në 65 000 fuqi punëtore të reja në vit. Për shumë ekspertë kjo nuk e plotëson aspak nevojën e Gjermanisë për fuqi punëtore, Siç del në pah nga një studim i Dhomave të Tregtisë dhe Industrisë që u prezantua në mes të janarit në Berlin, Gjermania që tani ka 2 milionë vende pune të pazëna. Nga kjo mungesë punëtorësh ekonomia më e madhe e Evropës ka 100 miliardë euro më pak të ardhura kombëtare në vit. Situata përkeqësohet nga viti në vit:
Nga njëra anë për shkak të hartës demografike të vendit: Në 15 vjetët e ardhshëm një e treta e të punësuarve aktualë do të dalin në pension. Por edhe për shkak të ndryshimeve strukturore të shkaktuara nga digjitalizimi, si dhe ndryshimeve për shkak të pandemisë së Koronës dhe luftës në Ukrainë.
Ekspertët përllogarisin se Gjermanisë i duhen 400 000 imigrantë të kualifikuar në vit. Prandaj edhe shumë syresh ndër ta edhe Herbert Brücker propozojnë që rregullorja aq e suksesshme e Ballkanit Perëndimor të zgjerohet për të gjitha vendet dhe të mos ketë fare kufizime në kontingjent.
Grupi i këshilltarëve komunal të AKI Tetovë ka njoftuar se më 10.02.2026 ka dorëzuar kërkesë për qasje në informata me karakter publik lidhur me projektin e vazhdimit të Bulevardit Industrial, nga kazerma deri në fshatin Poroj. Sipas përgjigjes zyrtare të Komuna e Tetovës, rruga është lëshuar në përdorim pa u kryer pranimi teknik. Nga AKI Tetovë theksojnë se bëhet fjalë për një rrug e cila është hapur për qarkullim pa verifikim teknik dhe pa garanci sigurie. Ata paralajmërojnë se segmenti i lëshuar më herët tashmë ka dëmtime të dukshme dhe kërkojnë revizion të plotë dhe të pavarur të punimeve, ndërsa njoftojnë se në ditët në vijim do të parashtrojnë kallëzim penal në Prokuroria Themelore në Tetovë për këtë projekt dhe keqpërdorime të tjera.
“Përgjigjja zyrtare e Komunës së Tetovës konfirmon se kjo rrugë është lëshuar në përdorim pa u kryer pranimi teknik. Kjo do të thotë se një projekt prej afro 2.5 milionë eurosh, i financuar me para të taksapaguesve tetovarë, është hapur për qarkullim pa verifikim teknik dhe pa garanci sigurie. Kjo është vepër e rëndë penale dhe rrezik i drejtpërdrejtë për qytetarët. Situata bëhet edhe më shqetësuese kur shohim se segmenti i lëshuar më herët tashmë paraqet dëmtime të dukshme, që ngre dyshime serioze për cilësinë e punimeve dhe për keqmenaxhimin e mjeteve publike. Ne kërkojmë revizion të plotë dhe të pavarur për të verifikuar nëse punimet janë kryer sipas specifikacionit teknik dhe kontratës. Në periudhën në vijim do të parashtrojmë kallëzim penal pranë Prokurorisë Themelore në Tetovë për ketë projekt dhe keqpërdorime të tjera. Siguria e qytetarëve është prioritet kyç dhe abuzimi me paratë publike nuk do të mbetet pa përgjegjësi” thonë nga AKI.
Nga Komuna e Tetovës thonë se bulevardi V.S Bato është lëshuar në përdorim konform rregullave dhe ligjeve. Sa i përket dëmtimit të rrugës zëdhënësja e Komunës së Tetovës Besarta Ramadani thotë se kompania që i kryen punimet e ka për obligim që të sanojë çdo lloj dëmtimi që mund të shfaqet deri në përfundimin e tërësishëm të këtij projekti.
Sipas informacioneve që siguroi Televizioni Koha, me lëshimin në përdorim të pjesës së re të bulevardit V.S Bato, është reduktuar për 35% qarkullimi në rrugën kryesore që të shpie në qytet nga magjistralja Jazhincë -Tetovë.
Alarmet e rrejshme për bomba nëpër shkollat e Tetovës nuk kanë të ndalur. Edhe mëngjesin e sotëm, në emailin e Ministrisë së Punëve të Brendshme, kanë ardhur alarme për bomba të vendosura në tre institucione arsimore, edhe atë, në shkollën private Marif dhe Jahja Kemal, si dhe një alarm ka ardhur për bombë të vendosur në Universitetin e Tetovës.
Me të marr alarmet, me urdhër të Sektorit të Punëve të brendshme të Tetovës, janë evakuuar të tre objektet, ndërsa polic të SPB-së së Tetovës, kanë kryer kontrollet brenda dhe jashtë objekteve, pas çka është jonstatuar se bëhet fjalë për alarm të rrejshëm për bombë.
Alarmet kanë shkaktuar evakuimin e menjëhershëm të studentëve dhe stafit akademik në Universitetin e Tetovës. Rasti vjen vetëm disa ditë pas një vale alarmesh të ngjashme nëpër shkolla fillore dhe të mesme në Tetovë, duke ngritur shqetësime serioze për sigurinë dhe stabilitetin në institucionet arsimore.
Rasti merr një dimension edhe më të ndjeshëm për faktin se pas dy ditësh në UT pritet të qëndrojë për vizitë zyrtare presidenti i Shqipëri, Bajram Begaj. Edhe pse autoritetet nuk kanë lidhur zyrtarisht këto ngjarje, vizita e një Presidenti të një shteti tjetër, në një objekt ku ka lajmërim për mjete shpërthyese ngelë për të dëshiruar. Këto lajmërime të një pas njëshme po sfidojnë gatishmërinë e institucioneve për të garantuar siguri maksimale.
Nga Ministria e Punëve të Brendshme njoftojnë se po punohet intensivisht për identifikimin e personave përgjegjës, por deri më tani nuk ka informacione për të dyshuar apo të arrestuar.
Megjithatë, fakti që alarmet e rrejshme po përsëriten për disa ditë me radhë, pa asnjë rezultat konkret nga hetimet, ngre shqetësime serioze për efikasitetin institucional. Opinioni publik pret përgjegjësi dhe transparencë më të madhe, sidomos nga MPB-ja, e cila ka për detyrë garantimin e rendit dhe sigurisë. Zvarritja e zbardhjes së këtyre rasteve jo vetëm që krijon pasiguri te qytetarët, por rrezikon të banalizojë kërcënime që në rrethana të tjera mund të jenë reale dhe me pasoja të rënda.
Erdhi në Tetovë pa përkthyes. Ndoshta mendoi se shqipja është dialekt sezonal që aktivizohet vetëm më 28 Nëntor.
Kjo është Ministrja e Arsimit, Vesna Janevska, e njohur për qëndrimet e saj “parimore” kundër UÇK-së, kundër festimit të Ditës së Flamurit kombëtar shqiptar dhe, në përgjithësi, kundër çdo gjëje që tingëllon shqip.
Kësaj radhe, megjithatë, i hasi sharra në gozhdë.
Në një ngjarje të mbajtur në Universiteti i Tetovës, ministrja nuk arriti ta kuptojë rektorin Jusuf Zejneli. Çudi e madhe: në Tetovë flitet shqip. Gazetarët shqiptarë, me një dozë ironie që zor se përkthehet, i sugjeruan që herën tjetër të vijë me përkthyes. Ja përgjigja e sajë…
Atmosfer…
Vesna Janevska dëshmoi edhe një herë se nuk ngurron t’i artikulojë qëndrimet e saj nacionaliste. Por as gazetarët nuk i lëshuan rrugë: ia bënë të qartë se ndodhet në një qytet ku shqipja nuk është “opsion”, por gjuhë e përditshme — dhe simbolikisht ia larguan mikrofonat.
Afmosferë….
Një rikujtesë miqësore për ministren: Universiteti i Tetovës nuk është thjesht institucion. Është themeluar me gjak, viktima e protesta, dhune e sakrifica, dhe për shumëkënd mbetet simbol i të drejtës për arsim në gjuhën amtare.
Po ashtu, një shfletim i Kushtetutës së Maqedonisë së Veriut do të ishte mëse i nevojshëm për Janevskën. Amendamenti 5, pika 1, e përcakton qartë se çdo gjuhë që flitet nga së paku 20% e qytetarëve është gjuhë zyrtare, bashkë me alfabetin e saj.
Ndoshta, para se të merret me ligjet e arsimit, do të ishte e dobishme t’ia kujtojmë se kushtetuta nuk është broshurë dekorative — por themeli mbi të cilin ndërtohet (ose rrëzohet) serioziteti institucional.
BULEVARDI V.S.BATO – AKI: LËSHIM PA PRANIM TEKNIK, KOMUNA MOHON SHKELJET
ALARM PËR BOMBË NË UT, EVAKUOHEN STUDENTËT DHE STAFI
MINISTRJA HARRON PËRKTHYESIN AMA JO QËNDRIMET, POR BOJKOTOHET
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
