Lajme nga vendi
Hyrja e ASH-së në Qeveri, nesër takim Kovaçevski-Taravari
Kryeministri Dimitar Kovaçevski nesër, me gjasë në Qeveri do të ketë një takim me liderin e Aleancës për Shqiptarët (ASH), Arben Taravari, në të cilin do të diskutohet për hyrjen e mundshme të ASH-së në Qeveri.
Kryesia e Aleancës për Shqiptarët të premten në një seancë në Tetovë, formoi një ekip të përbërë nga lideri Taravari dhe pesë bashkëpunëtorët e tij më të afërt me detyrë të negociojnë nëse partia e tyre do të bëhet pjesë e qeverisë dhe do të zgjerohet shumica qeveritare.
“Ne do të ulemi, tashmë e kemi një strategji, por edhe një herë do të bëjmë atë që planifikojmë të jetë program i Qeverisë nëse zgjerohet dhe cilat do të jenë kushtet tona. Më tutje do të flasim edhe për zgjidhjet e kuadrit. Nëse ata i plotësojnë kërkesat tona, veçanërisht kërkesat e programit, jo aq personel, atëherë do të dëgjojmë edhe anëtarët e ASH-së dhe do të marrim një vendim përfundimtar, shpresoj jo për kohë të gjatë, në një kohë shumë të shkurtër do të vendoset nëse jemi apo vazhdojmë në opozitë, jemi mësuar me opozitë, nuk është problem për ne”, tha Taravari të premten.
Lajme nga vendi
SPB Tetovë arrestohet 51 vjecari nga Tetova. Ai kërkohej me urdhëresë gjyqësore për vuajtje të dënimit me burg
Dje, në orën 16:15 në rrugën “Ilinden” në Tetovë, zyrtarë policorë nga SPB Tetovë kanë arrestuar një 51 vjecar nga Tetova. Ai kërkohej me urdhëresë gjyqësore për vuajtje të dënimit me burg për vepër penale të kryer sipas nenit 284-a të Kodit Penal. I njëjti është dërguar në Institucionin Ndëshkues-Përmirësues Burgu i Tetovës për vuajtje të dënimit.
Lajme nga vendi
SPB Tetovë; Është konstatuar se 6 automjete kanë kryer transport publik pa pasur leje përkatëse
Dje, në periudhën nga ora 16:00 deri në orën 20:00, zyrtarë policorë nga SPB Tetovë në rrugën “Iliria” në Tetovë kanë kryer kontroll për sanksionimin e automjeteve që kryejnë transport publik pa pasur licencë. Me këtë rast janë ndaluar 6 automjete të udhëtarëve. Bëhet fjalë për “Audi”, “Skoda”, “Ford”, “Seat”, “Renault” dhe “Citroen”, të gjitrhë me targa të Tetovës. Është konstatuar se kanë kryer transport publik pa pasur leje përkatëse dhe pas dokumentimit të plotë të rasteve, ndaj tyre do të ngrihen padi përkatëse.
RMV – Një rritje vjetore e akcizës së duhanit prej 12% mund të shpëtojë deri në 1.500 jetë në vit deri në vitin 2030.
Ky është përfundimi i analizës së fundit nga organizata “Analitika”, e cila propozon masa drastike për të ulur numrin e lartë të duhanpirësve.
Pse duhet të shtrenjtohen cigaret?
Sipas studimit, rritja e akcizës do të sillte dy përfitime kryesore:
• Shëndeti: Ulje e duhanpirjes (nga 48.4% në 46.7%) dhe parandalim i vdekjeve të parakohshme.
• Buxheti: Të hyrat shtetërore nga akciza do të rriteshin nga 258 milionë euro në 403 milionë euro deri në vitin 2030.
Mbrojtja e të rinjve në fokus
Shifrat janë alarmante: 74% e të rinjve e nisin duhanin para moshës 13-vjeçare. Shtrenjtimi i cigareve llogaritet të pengojë rreth 900 të rinj në vit që të nisin këtë ves vdekjeprurës.
Ligji i ri: “Gjenerata pa nikotinë”
Ministria e Shëndetësisë ka paralajmëruar një Ligj të ri për Mbrojtjen nga Duhani, i cili parashikon:
• Ndalim të rreptë të duhanit në ambiente të mbyllura.
• Taksa të larta edhe për cigaret elektronike dhe pajisjet me nxehje.
• Mbikëqyrje të rreptë për institucionet dhe objektet hoteliere.
A mendon se rritja e çmimit është mënyra e duhur për t’i bërë njerëzit ta lënë duhanin, apo duhen gjoba më të rrepta nëpër kafene? (INA)
KONFERENCË LIGA: SHKUPI DHE PRISHTINA NË QENDËR TË VËMENDJES
CHAMPIONS: BAYER FITON NË GREQI, BODO/GLIMT BEFASON INTERIN!
SPB Tetovë arrestohet 51 vjecari nga Tetova. Ai kërkohej me urdhëresë gjyqësore për vuajtje të dënimit me burg
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
