Lajme nga vendi
“Grupi i Kumanovës” s’kanë përgjigje në kërkesën për transferim në Kosovë
Enver Hoxha i njohur si Klein i “Grupit të Kumanovës”, thotë se ka bërë kërkesë për të pasur shtetësinë e Kosovës mirëpo e njëjta i është refuzuar nga ambasada e Kosovës në Maqedoninë e Veriut, sipas tij arsyeja e refuzimit ka qenë dënimi për veprën penale që ka. Ndërkohë institucionet e Kosovës kanë thënë se i njëjti nuk ka bërë kërkesë për të pasur shtetësi kosovare.
Janë të dënuar me burgim të përjetshëm, e shpresat për liri i kanë të pakta.
Mirëpo, “Grupi i Kumanovës”, të cilët vuajnë dënimin në burgun e Idrizovës në Maqedoninë e Veriut, kanë një kërkesë nga shteti i Kosovës pasi që shumica prej tyre vijnë nga treva të ndryshme të saj.
Këta kërkojnë që të transferohen në vendlindje për të vuajtur dënimin. Për këtë gjë, kërkesat i kanë dërguar edhe në institucionet të Maqedonisë së Veriut.
E këtë e konfirmon edhe Agim Nuhiu që deri para pak ditësh e mbante pozitën e zëvendësministrit të Drejtësisë.
“Janë deponuar kërkesat nga ana e te burgosurve të “Lagjes se trimave” në Kumanovë! Procedurat nuk janë të lidhura me afat. Në këtë rast është me rëndësi edhe qëndrimi i shtetit të Kosovës se a do t’i pranoj aktgjykimet penale të shqiptuara nga ana e gjyqësorit të Maqedonisë së Veriut! Pra, do te duhet edhe një qëndrim i përbashkët i të dy shteteve! Autoritet e Maqedonisë ende nuk janë lëshuar në vlerësimin e kushteve që duhet të plotësohen për transferimin e të burgosurve në fjalë”, ka deklaruar Agim Nuhiu, ish zëvendësministër i Drejtësisë-Maqedonia e Veriut.
Ndërkohë, njëri nga të burgosurit ka bërë një kërkesë tjetër përpos asaj për transferim.
Enver Hoxha, i njohur si Klein, në ambasadën e Kosovës në Maqedoninë e Veriut thotë se ka deponuar kërkesën për shtetësi.
Mirëpo që sipas tij kjo është refuzuar.
“Ka thënë se s’mundet të lëshohet shtetësia sepse jemi të dënuar për një vepër kriminale, për një vepër të rëndë dhe në këtë rast nuk mund të bëhet shtetësia, pasaporta”, ka sqaruar Enver Hoxha (Klein), i dënuar për Rastin Kumanova.
Ai e pranon se në të kaluarën asnjëherë nuk ka pasur dokumentacion të Kosovës.
“Unë skam pasur pasaportë Kosovare apo Jugosllave asnjëherë. Jam veteran invalid i Luftës së Ushtrisë Çlirimtarë të Kosovës, ushtar i Agim Ramadanit, brigada 138 njësia Delta”, ka deklaruar Enver Hoxha (Klein), i dënuar për Rastin Kumanova.
Ndërkohë, njohës të sistemit ligjor në Kosovë tregojnë arsyet se kur plotësohen kushtet që një aplikues të mos mund të përfitoj shtetësinë e Kosovës.
“Secili person që është i dënuar ose ka vepër penale brenda dhe jashtë Kosovës ai konsiderohet se cënon sigurinë e brendshme apo të jashtme dhe rrezikon marrëdhëniet diplomatike”, ka thënë Anton Nrecaj, Instituti CLARD.
Në ndërkohë, në një përgjigje për televizionin Duakgjini nga Ministria e Punëve të Brendshme, kanë thënë se në Departamentin për Shtetësi, Azil dhe Migracion deri tani nuk është paraqitur asnjë kërkesë për përfitim të shtetësisë nga Enver Hoxha, i njohur si Kleini.zhurnal.mk
Tashmë disa ditë me radhë VMRO-DPMNE përmes press-konferencave partiake drejton sulme dhe akuza ndaj ish- Prokurorisë Speciale Publike, duke e quajtur këtë prokurori si dorë të zgjatur të Zaevit dhe LSDM-së. Socialdemokratët thonë se sulmet e këtilla të orkestruara paraqesin përpjekje për kthimin e Gruevskit në vend.
Njerëz të Oliver Spasovskit kanë bërë presione ndaj Prokurorëve në ish-PSP-në dhe kjo Prokurori ka punur sipas urdhërave të Zaevit dhe LSDM-së, kurse lidhjet e tyre shkojnë deri tek gjykatat. Akuzat vijnë nga VMRO-DPMNE duke pohuar se njerëz të Spasovskit kanë diktuar se cilët njerëz të ndiqen dhe cilët të përjashtohen në raste të vecanta.
“Këshilltari i Ministrit të Brendshëm, Oliver Spasovski, në Qeverinë teknike para 10 viteve, në zyrat e PSP-së I ka thënë Prokurores Kadriu se duhet të zgjerohet përfshirja e personave me rastin. Pasi ajo nuk ka pranuar, ai ka shkuar në vend tjetër për t`u ankuar, kurse pas një kohe të shkurtër Kadriu ishte përjashtuar nga puna”
Por, nga LSDM-ja thonë se fushata e VMRO-DPMNE-së kundër lëndëve të PSP-së, paraqet një operacion për kthimin e Gruevskit.
“Pasi I shikuam rezultatet e hulumtimeve në Hungari, bëhet e qartë se miku I afërt I Mickoskit, Orbani mund të përballet me humbje në zgjedhje. Këtë e ka parë edhe Gruevski. Në vend se në Idrizovë, VMRO pkanifikon ta kthejë në Pallatin e Bardhë.Kështu duken reformat në VMRO. S`ka nënkryetarë, s`ka konkurencë të brendshme – hapet rruga për Kryetarin e vetëm të VMRO, Gruevskin”
Socialdemokratët thonë se skenari I sulmeve ndaj ish-PSP-së ka të bëjë me kthimin e Gruevskit, që sipas tyre, përmes mediave të Orbanit në Maqedoni, tashmë po zhvillohen fushata të zeza për ndjekje politike dhe raste të montuara.
Lajme nga vendi
Raporti i ekspertëve sllovenë: Mungesë dokumentacioni dhe terapi jo e duhur në Klinikën e Onkologjisë
Me analizën e raportit të ekspertëve sllovenë, vazhdoi seanca dëgjimore në rastin e Onkologjisë, në të cilën ish-drejtori i Onkologjisë, Nino Vasev, së bashku me dy onkologë të tjerë, akuzohen për trajtim të pandërgjegjshëm të pacientëve.
Sipas ekspertëve, nuk është mbajtur asnjë dokumentacion për pacientët onkologjikë dhe nuk është dhënë asnjë terapi e përshtatshme ose është dhënë terapi e kombinuar që bie ndesh me protokollet e trajtimit të kancerit. Gjyqi analizoi rastet e pacientëve që prokuroria beson se janë trajtuar në mënyrë të pandërgjegjshme. Gjykimi për onkologjinë do të vazhdojë në ditët në vijim.
Lajme nga vendi
Elita Zylbeari Masha bëhet Doktore e Shkencave të Mjekësisë,shqiptarja e parë që doktoron në fushën e Dermatovenerologjisë dhe Imunologjisë
Bota akademike dhe shkencore shqiptare në Maqedoninë e Veriut është pasuruar me një arritje të jashtëzakonshme. Elita Zylbeari Masha ka mbrojtur me sukses gradën shkencore Doktor i Shkencave të Mjekësisë pranë Universitetit “Goce Dellçev” në Shtip, duke shënuar një moment historik si shqiptarja e parë që doktoron në fushën e specifikuar të Dermatovenerologjisë dhe Imunologjisë.
Përvoja e saj e gjatë në arsimin parauniversitar pritet të jetë një vlerë e shtuar për botën akademike, ku kontributi i saj shkencor do të shërbejë si udhërrëfyes për brezat e rinj.
Në mesazhin e saj pas këtij suksesi, Dr. Elita ia ka dedikuar këtë kërkim shkencor fëmijëve të saj, prindërve dhe të gjithë mendjendriturve që i kanë shërbyer si burim frymëzimi në këtë rrugëtim të gjatë dhe sfidues.
LSDM: FUSHATA ANTI PSP – OPERACION PËR KTHIMIN E GRUEVSKIT!
MILANO-CORTINA 2026: DENNI XHEPA I 34-TI NË SUPER G
QËLLOHET PËR VDEKJE ME SHISHE QELQI FUTBOLLISTI NË ARGJENTINË
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
