Connect with us

Lajme nga bota

Moment historik, rruga e parë në New York në emër të Ismail Qemalit

Published

on

Qyteti i New York-ut ka vendosur të nderojë një nga heronjtë e shquar të Shqipërisë duke i vënë emrin e tij një rruge. Rruga, e cila është hera e parë që mban emrin e një heroi shqiptar në këtë qytet të madh amerikan, do të mbajë emrin e Ismail Qemalit, figurës kryesore të pavarësisë shqiptare dhe presidentit të parë të shtetit të pavarur shqiptar.

Emërimi i një rruge në emër të Ismail Qemalit në New York nuk është vetëm një nderim për figurën e tij historike, por gjithashtu shënon një hap të rëndësishëm për komunitetin shqiptar në qytetin e madh amerikan.

Shqiptarët janë një nga komunitetet më të rëndësishme dhe më të vjetra të diasporës në New York, dhe emërtimi i një rruge me emrin e një heroi kombëtar shqiptar përforcon identitetin dhe pranimin e tyre në këtë qytet.

Kryetari i Shoqatës Shqiptaro-Amerikane në Staten Island, Naser Nika, dhe biznesmeni Shpëtim Qorraj, djali i dëshmorit Mustafë Qorraj nga Pemishta e Drenicës, janë në përpjekje të vazhdueshme për të realizuar një ndër arritjet më të rëndësishme për komunitetin shqiptar në New York.

Siç kanë bërë të ditur për Dukagjinin, ata po angazhohen intensivisht për të emëruar rrugën e parë në Staten Island në nderim të një heroit shqiptar, duke e bërë kështu një ngjarje të pazakontë dhe historike.

Advertisement

Në një ceremoni emocionuese që do të zhvillohet më 3 qershor 2023, komuniteti shqiptar në Staten Island, New York, do të festojë momentin historik – emërimin e rrugës “Ismail Qemalin”.

Ceremonia do të zhvillohet në Miller Field, një park i njohur i Parkut Board Walk, që ndodhet përball Rrugës Seaview Ave dhe Father Capedaano Blvd, në Staten Island.

Aktivitetet e ceremonisë do të jenë të shumta dhe do të kënaqin të pranishmit me një atmosferë festive.

Muzika shqiptare do të dëgjohet në tone të larta, recitimet do të përshkruajnë historinë dhe kontributin e Ismail Qemalit, ndërsa vallëzimet tradicionale do të japin një frymë autentike kësaj ngjarjeje.

Komuniteti shqiptar në të gjitha trojet do të mblidhet për të festuar këtë moment të rëndësishëm dhe për të shprehur krenarinë dhe dashurinë për trashëgiminë e tyre kulturore.

Advertisement

Rruga “Ismail Qemali” do të jetë një kujtim i përhershëm i kontributit të tij në historinë e Shqipërisë dhe do të shërbejë si një shenjë e unitetit dhe bashkëpunimit mes komuniteteve shqiptare dhe amerikane New York.

Ismail Qemali lindi në vitin 1844 në Vlorë dhe u bë figura kryesore e lëvizjes për pavarësi në fillim të shekullit të 20-të. Në vitin 1912, ai shpalli pavarësinë e Shqipërisë dhe u bë kryetari i parë i shtetit të pavarur shqiptar.

Advertisement

Lajme nga bota

Danimarka konfirmon dërgimin e të burgosurve në Kosovë më 2027: Presim që puna të nisë këtë verë

Published

on

Të burgosurit e parë nga Danimarka pritet të transferohen në burgun në Gjilan në pjesën e parë të vitit 2027, konfirmuan nga Shërbimi danez i Burgjeve për Radion Evropa e Lirë.
Ky shërbim tha se institucioneve të Kosovës u janë dorëzuar kërkesa specifike për renovimin dhe përshtatjen e burgut të Gjilanit.
“…duke përfshirë një ndërtesë të re për punësim dhe ambiente të reja për vizitorë. Ne presim që puna të nisë këtë verë, kurse gjatë gjysmës se parë të vitit 2027, pritet që burgu të vihet në përdorim”, tha Shërbimi danez i Burgjeve.

Danimarka tha se kjo është një detyrë komplekse, pasi bëhet fjalë për një burg të Kosovës që duhet të funksionojë sipas rregullave daneze.

Shërbimi i Burgjeve tha se kjo është një detyrë sfiduese, duke nisur me renovimin e ndërtesave dhe përshtatjen e tyre sipas nevojave të Danimarkës. Po ashtu, përfaqësuesit danezë kanë zhvilluar vizita të rregullta në objektin e burgut në Gjilan, me qëllim që të planifikohen punët që do të realizohen.
Një gjë e tillë, më 23 maj është konfirmuar për REL-in edhe nga drejtori i përgjithshëm i Shërbimit Korrektues të Kosovës, Ismail Dibrani, i cili ka deklaruar se “të burgosurit nga shteti danez pritet të vendosen në burgun e qytetit të Gjilanit në prillin e 2027-s”.

Megjithatë, ai ka thënë se procesi i renovimeve ende nuk ka nisur.

Transferimi i të burgosurve është pjesë e një marrëveshjeje dhjetëvjeçare mes Kosovës dhe Danimarkës, e cila parasheh shfrytëzimin e Institucionit Korrektues në Gjilan për dërgimin e 300 të burgosurve nga shteti danez.

Advertisement

Kuvendi i Kosovës e ratifikoi marrëveshjen më 23 maj 2024, dy vjet pasi ajo ishte nënshkruar.

Sipas marrëveshjes, personat që do të transferohen nuk do të jenë shtetas të Danimarkës.

Më herët, Ministria e Drejtësisë e Danimarkës kishte deklaruar për REL-in se të burgosurit të cilët do t’i dërgojë në burgun e Gjilanit janë persona të dënuar me dëbim nga Danimarka.

Megjithatë, shteti danez është zotuar se nuk do të sjellë të burgosur me rrezikshmëri të lartë.

Ata nuk do të jenë të dënuar për krime lufte, terrorizëm, apo persona me çrregullime të rënda mendore.

Advertisement

Në këmbim të këtij transferimi, Kosova do të përfitojë mbi 200 milionë euro.

Një pjesë do të investohet në Shërbimin Korrektues, ndërsa pjesa tjetër në energji të ripërtërishme.

Sipas marrëveshjes, Danimarka ka premtuar një tarifë fillestare prej pesë milionë eurosh për të mbuluar periudhën e tranzicionit, që nga hyrja në fuqi e marrëveshjes deri në funksionalizimin e plotë të burgut.

Shërbimi i danez i Burgjeve konfirmoi për REL-in se tashmë kanë paguar shumën fillestare.

Pas kësaj, pagesat do të bëhen çdo tre muaj, në varësi të numrit të të burgosurve të pranishëm në institucion./REL

Advertisement
Continue Reading

Lajme nga bota

Kaosi në Gaza: Ndërprehet shpërndarja e ndihmave, OKB voton për armëpushim urgjent

Published

on

Duke kërkuar nga Izraeli që të rrisë masat për sigurinë e civilëve jashtë perimetrit të pikave të shpërndarjes, Grupi Humanitar për Gazën (GHF), i mbështetur nga Shtetet e Bashkuara, ka njoftuar se nuk do të shpërndajë ndihma ditën e mërkurë.

Sipas Reuters, GHF ka bërë të ditur se i ka kërkuar ushtrisë izraelite të “drejtojë lëvizjen e këmbësorëve në mënyrë që të minimizohet konfuzioni dhe rreziku i përshkallëzimit” pranë zonave ushtarake; të zhvillojë udhëzime më të qarta për civilët; dhe të përmirësojë trajnimin për të mbrojtur sigurinë e tyre.

“Prioriteti ynë mbetet siguria dhe dinjiteti i civilëve që marrin ndihmë”, ka deklaruar një zëdhënës i GHF-së. Nga ana tjetër, një zëdhënës i ushtrisë izraelite ka paralajmëruar civilët që të mos lëvizin në drejtim të pikave të GHF-së ditën e mërkurë, duke i cilësuar ato si “zona luftimesh”.

Kujtojmë se modeli i ri për shpërndarjen e ndihmave për mbi dy milionë banorët e Gazës, nisi gjatë një ofensive të ashpër nga Izraeli që nga fundi i muajit të kaluar. Por, OKB-ja dhe organizata të tjera humanitare kanë thënë se ky model, i cili ka punonjës amerikanë privatë të sigurisë dhe logjistikës, po e “militarizon” ndihmën, pas kaosit të krijuar dhe vrasjeve të shumta në pikat e shpërndarjes.

Poashtu është raportuar se Këshilli i Sigurimit i OKB-së pritet të votojë po të mërkurën për një kërkesë zyrtare për armëpushim midis Izraelit dhe Hamasit, si dhe për garantimin e qasjes humanitare në të gjithë Gazën, ku kequshqyerja është e përhapur dhe ndihmat janë shumë të vogla.

Advertisement
Continue Reading

Lajme nga bota

Dy persona me motoçikletë hedhin granatë dore në një qendër argëtimi në Stamboll, 7 të plagosur

Published

on

Një qendër argëtimi në Kağıthane të Stambollit është sulmuar me granatë dore nga sulmues të paidentifikuar, ku si pasojë shtatë persona mbetën të plagosur nga shpërthimi.

Incidenti ka ndodhur rreth orës 01:40 në rrugën Park në Kağıthane, transmeton Telegrafi.

Sipas mediave turke, një granatë dore u hodh nga 2 persona me motoçikletë në katin e dytë të një ndërtese 5-katëshe në rrugë, e cila përdorej si lokal argëtimi.

Si pasojë e sulmit me bombë, 7 persona u plagosën, 3 prej të cilëve rëndë.

Ekipet mjekësore, sigurisë, ekspertë të bombave, operacioneve speciale, kundërterrorizmit dhe zjarrfikës, u dërguan në vendngjarje pas raportimit.

Advertisement

Përveç kësaj, ekipet ekzaminuan pamjet e kamerave të sigurisë në zonë për të kapur sulmuesit. E shtatë persona, tre prej të cilëve u plagosën rëndë, u dërguan në spital.

Continue Reading

Më të lexuarat