Lajme nga vendi
Punonjësit e Kulturës prapë në protestë
Protesta e punonjësve të Filarmonisë ka vijuar edhe të hënën përpara Ministrisë së Kulturës. Jo vetëm heshtja e Ministrisë së Kulturës dhe indiferenca e treguar për kërkesat e tyre, por edhe sepse sipas tyre dy muajt e fundit kanë qenë cak i sulmeve, përhapjes së gënjeshtrave dhe dezinformatave që defokusojnë thelbin, argumentet dhe faktet.
Sindikata e punonjësve thotë se do të vazhdojnë protestën për shkak se ende nuk kanë marrë një përgjigje apo zgjidhje konkrete për kërkesat e tyre që Orkestra Kombëtare e Xhazit të sapoformuar të mos të vendoset në objektin e Filarmonisë. “Ne jemi të bashkuar si kurrë më parë dhe do të luftojmë vendosmërisht, me fakte dhe argumente, kundër vendimit jotransparent që Ministria e Kulturës mori me dyer të mbyllura. Kjo nuk është një luftë politike dhe asnjë parti politike nuk qëndron prapa pikëpamjeve dhe vendosmërisë sonë. Kjo nuk është një luftë kundër kolegëve tanë. “Kjo është një luftë e përbashkët e 108 punonjësve të Filarmonisë ndaj vendimit të dëmshëm të Ministrisë së Kulturës”, thonë nga Filarmonia.
Nga aty theksojnë se opinioni po keqinformohet duke përhapur gënjeshtra dhe insinuata, por thonë se kjo nuk do t’i lëkundë. “Në këto sulme publike dhe poshtërime të punonjësve dhe institucionit tonë nuk ka asgjë korrekte dhe të qëndrueshme, përkundrazi promovohet injoranca elementare dhe mosnjohja e “materialit”, përhapet gjuha e urrejtjes për institucionin tonë, bëhet thirrje publike për bojkot të koncerteve tona… Dikush me vetëdije kërkon të fshijë faktin që ne i kemi mbështetur që në fillim kolegët tanë të xhazit dhe se nuk kemi asgjë kundër që ata të mbajnë koncerte (pa asnjë kompensim) në objektin e Filarmonisë. Jemi kundër vendimit për akomodimin hapësinor të një institucioni tjetër në adresën tonë”, thonë sindikalistët.
Pakënaqësia e punonjësve të Filarmonisë nisi në fund të muajit mars, pas vendimit të MK që Orkestra Kombëtare e Xhazit e sapoformuar do të zhvillonte prova dhe koncerte përkohësisht në objektin e tyre. Ata pretendojnë se në objektin e Filarmonisë nuk mund të punojnë paralelisht dy institucione.
Shoqata e Muzikantëve të Xhazit, nga ana tjetër, është përgjigjur se qëndrimet e punonjësve të Filarmonisë janë të pajustifikuara dhe të papranueshme dhe sipas tyre ekziston mundësia që këto dy institucione muzikore të bashkëpunojnë dhe të funksionojnë së bashku. Ata pohojnë gjithashtu se puna e tyre nuk do të ndërhyjë në punën e Orkestrës Filarmonike.
Ministria e Kulturës në disa raste ka theksuar se është duke punuar për një zgjidhje që së shpejti do të ndahet me të gjithë të interesuarit, duke theksuar se ky është një premtim i Ministres Kostadinovska-Stojçevska në disa takime. Siç sqarojnë ata, publiku po keqinformohet nga persona që nuk kanë shkelur asnjëherë këmbën në godinën e Filarmonisë dhe as nuk kanë qenë në ndonjë nga koncertet e tyre. Ata shtojnë se janë kundër vendimit për vendosjen e një institucioni tjetër në adresën e tyre. (koha.mk)
Në Universitetin “Shën Kirili dhe Metodi” në Shkup, u mbajt Forumi i Parë Vjetor për Cilësinë në Arsimin e Lartë, në të cilin mori pjesë Rektori i Universitetit të Tetovës Prof. Dr. Jusuf Zejneli.
Ky forum kishte për qëllim shpërndarjen e përvojave dhe arritjeve të deritanishme në zbatimin e sistemit të ri për ndjekjen dhe përmirësimin e cilësisë në arsimin e lartë, në përputhje me standardet kombëtare dhe ato të Shoqatës Evropiane për Sigurimin e Cilësisë në Arsimin e Lartë.
Gjatë punimeve u prezantuan praktikat më të mira të njësive universitare, si dhe hapat e ardhshëm për zhvillimin e arsimit të lartë dhe rritjen e cilësisë.
Një nga pikat më të rëndësishme të forumit ishte thellimi i bashkëpunimit ndërmjet komunitetit akademik dhe sektorit të biznesit, me qëllim krijimin e një sistemi arsimor më të përshtatur dhe më relevant për nevojat e tregut të punës.
Forumi përfundoi me diskutime të frytshme dhe me qëllime të përbashkëta për forcimin e standardeve akademike dhe bashkëpunimit institucional në fushën e arsimit të lartë.
Wizz Air, prej sot dhe nesër fillon fluturime në pesë destinacione të reja – Bari, Stokholm, Madrid, Larnaka dhe Bazel, të cilat do të operojnë nga Aeroporti Ndërkombëtar i Shkupit dhe Aeroporti Shën Pali Apostull në Ohër, njoftoi TAV Macedonia, transmeton Portalb.mk.
Fluturimi i parë në linjën e re Shkup-Stokholm u nis nga Aeroporti i Shkupit këtë mëngjes në orën 6:05 të mëngjesit, dhe destinacioni i tij është aeroporti kryesor në kryeqytetin suedez – Arlanda.
Fluturimi i Wizz Air nga Shkupi për në qytetin e Barit në bregdetin italian është planifikuar për sot pasdite në orën 14:40, ndërsa aeroplani për në Bazel, Zvicër, është planifikuar të niset nga Aeroporti i Ohrit saktësisht në mesditë.
Linja e re Shkup-Madrid do të fillojë gjithashtu nesër (28 tetor), me fluturimin e parë në orën 16:05. Kthimi i linjës Shkup-Larnaka do të fillojë me një fluturim që mbërrin nga Larnaka në Shkup nesër në orën 7:15.
Fluturimet që fillojnë sot, 27 tetor, nga Shkupi për në Stokholm dhe për në Bari, si dhe nga Ohri për në Bazel, do të operohen dy herë në javë, pra çdo të hënë dhe të premte.
Linjat që do të fillojnë nesër – nga Shkupi për në Madrid, do të zhvillohen çdo të martë, të premte dhe të shtunë, ndërsa nga Shkupi për në Larnaka – të martën dhe të shtunën.
TAV Macedonia thotë se presin një vëllim të madh të trafikut të pasagjerëve në të pesë linjat e reja të Wizz Air, duke marrë parasysh faktin se të gjitha këto qytete janë destinacione tërheqëse turistike që ishin të kërkuara nga pasagjerët.
Nga pesë linjat e reja që fillojnë sot dhe nesër, Madridi dhe Bari janë destinacione krejtësisht të reja për tregun maqedonas, pra kryeqyteti i Maqedonisë do të lidhet për herë të parë me kryeqytetin spanjoll dhe qytetin bregdetar italian.
Larnaka dhe Bazeli janë linja të rivendosura, ndërsa Shkupi – Stokholmi është e re sepse Wizz Air tani do të fluturojë për në aeroportin kryesor në metropolin suedez – “Arlanda”.
“ Besoj se do t’i shijoni destinacionet e reja, dhe ne nuk po ndalemi këtu, jemi të përkushtuar të ofrojmë sa më shumë destinacione të jetë e mundur nga të dy aeroportet dhe jam i sigurt se gjëra edhe më emocionuese na presin”, tha drejtori i përgjithshëm i TAV Macedonia, Nexhat Kurt, në një deklaratë me shkrim.
Përveç pesë linjave të reja që fillojnë sot dhe nesër, Nikolloski njoftoi se më 3 nëntor do të fillojnë edhe fluturimet për në Gjenevë, e cila, sipas tij, është një destinacion jashtëzakonisht i rëndësishëm, sepse përveç turistëve, pritet të sjellë biznesmenë në Shkup. Fluturime direkte për në Pragë dhe Këln duhet të futen gjithashtu nga 15 dhjetori.
Komisioni Rregullator për Energjetikë (KRRE) solli vendimin, me të cilin bëhet rritja e çmimeve të shitjes me pakicë të derivateve të naftës mesatarisht 0,88 % në raport me vendimin e datës 20.10.2025.
Nga data 28.10.2025, ora 00:01 çmimet maksimale të derivateve të naftës do të jenë:
EUROSUPER BS – 95 73,50 (denarë/litër)
EUROSUPER BS – 98 75,50 (denarë/litër)
EURODIZEL BS (D-E V) 68,00 (denarë/litër)
Vaj për Djegie Ekstra i Lehtë 1 (EL-1) 67,50 (denarë/litër)
Mazut М-1 SU 36,057 (denarë/kilogram)
Çmimet e shitjes me pakicë të benzinës EUROSUPER BS-95 dhe EUROSUPER BS-98 rriten për 0,50 den/l.
Çmimet e shitjes me pakicë të EURODIZELIT (D-Е V) dhe të Vajit Ekstra të Lehtë për Amvisëri (ЕL-1) rriten për 1,00 denarë/litër.
Çmimi i shitjes me pakicë i Мazutit М-1 SU rritet për 0,010 den/kg dhe do të jetë 36,057 den/kg.
Theksojmë se këto janë çmimet maksimale të derivateve të naftës nga ora 00:01 e datës 28.10.2025.
UT – pjesë thelbësore e Forumit të Parë Vjetor për Cilësinë në Arsimin e Lartë
Wizz Air nisi pesë linja të reja nga aeroportet e Shkupit dhe Ohrit
REALI FITON EL KLASIKON KUNDËR BARCELONËS
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
