Lajme nga vendi
NPRRSH ka sjell vendim për punësime në njësinë projektuese me “Behtel dhe Enka” për Korridoret 8 dhe 10d
Ndërmarrja Publike për Rrugë Shtetërore (NPRRSH) ka marrë vendime për punësimin e punëtorëve në njësinë projektuese për realizimin dhe ndërtimin e projektit infrastrukturor të Korridorit 8 dhe Korridorit 10d, konform me njoftimin 1/2023 të publikuar më 13 prill i cili kërkonte angazhimin e punëtorëve në më shumë pozita në ndërtimtari, punonjës administrativ dhe shoferë.
Kështu, është marrë vendim për zgjedhjen e Semial Hasani Ziberi në pozitën e ndihmëses së koordinatorit kryesor dhe përgjegjës të projektit, për të cilën është paraparë pagë prej 70.052 denarë.
Për vendin e koordinatorit të njësisë për performancë teknike të projektit, për të cilin është paraparë pagë prej 65.029 denarë, do të angazhohet Rami Jusufi.
Janë të punësuar dy nga katër specialistë të planifikuar për shpronësimin e pronave të paraparë me konkursin. Është angazhuar edhe një përkthyes dhe në vend të dyve është bërë përzgjedhje e një specialisti për ndjekjen dhe përgatitjen e dokumentacionit të projektit, një punonjës administrativ dhe një shofer. Nuk është bërë përzgjedhje për pozitën e raportuesit të projektit, specialistit për investime dhe ndërtimit të rrugëve dhe specialistit për dokumentacionin urbanistik.
Shpallja ka zgjatur deri më 25 prill, ndërsa kontrata është deri më 22 janar 2028, pra deri në përfundimin e projektit. Vendimet e NPRRSH janë të kapshëm në linkun.
Për zbatimin e Marrëveshjes me konsorciumin amerikano-turk “Behtel dhe Enka” me të cilin parashikohet ndërtimin i katër pjesëve të autostradës me gjatësi mbi 120 kilometra në Korridoret 8 dhe 10d, së fundmi në Kuvend u votuan ndryshimet e gjashtë ligjeve.
Është planifikuar ndërtimi i pjesëve të autostradave të Korridorit 8: Trebenishtë – Strugë – Qafë Thanë (22.5 kilometra), Gostivar – Bukojçan (30.1 kilometra), Tetovë – Gostivar (27 kilometra) dhe Prilep – Manastir (43.4 kilometra) nga Korridori 10- d.
Kryeministri i Maqedonisë së Veriut, Hristijan Mickoski, së bashku me kryetarin e Komunës së Tetovës, Bilall Kasami, vizituan sot punimet për rikonstruksionin e shkollës “Kirill Pejçinoviq”, si dhe disa aktivitete ndërtimore në lagjen “Ajduçko Maalo” në Tetovë.
Mickoski theksoi rëndësinë e bashkëpunimit për zhvillimin lokal, duke shtuar: “Le të punojmë për përparimin e Tetovës, për lagjen tënde, për të ardhmen tonë të përbashkët.”
Lajme nga vendi
Mexhiti: Çairi do të ketë Qendrën Rinore, shtëpinë e ideve dhe inovacionit të të rinjve
Kandidati i koalicionit VLEN për kryetar të Komunës së Çairit, Izet Mexhiti dhe kandidati për këshilltar komunal, Ariton Rama kanë prezantuar sot një nga prioritetet kryesore të programit zgjedhor, ndërtimin e Qendrës Rinore, projekt që synon t’u japë të rinjve hapësirën e munguar për zhvillim, krijimtari dhe inovacion.
“Kam kënaqësinë të prezantoj një nga projektet më të rëndësishme dhe më të dashura për mua personalisht, pra një projekt që përfaqëson vizionin tim për një Çair modern, përparimtar dhe të orientuar drejt së ardhmes: Qendra Rinore e Çairit. Çairi ka pasuri të pashtershme rinore, të reja dhe të rinj të talentuar, me potencial të jashtëzakonshëm, që meritojnë më shumë se fjalë: meritojnë mundësi, mbështetje dhe hapësirë për zhvillim. Andaj, ndërtimi i Qendrës Rinore do të jetë një prioritet absolut i mandatit tim si kryetar komune. Ky nuk është vetëm një objekt fizik, por një platformë ku rinia jonë do të mund të mësojë, krijojë, shprehë veten dhe të ndërtojë të ardhmen në mënyrë aktive”, deklaroi Mexhiti.
Kandidati për këshilltar komunal, Ariton Rama në deklaratën e tij përshkroi detajet e pjesëve përbërëse të këtij objekti.
“Qendra Rinore do të jetë e ndërtuar në katër nivele funksionale:
– Bibliotekë dhe sallë ligjëratash për dije, hulumtim dhe ngjarje kulturore.
– Qendër Digjitale me laborator të inteligjencës artificiale, trajnime falas në programim e shkrim-lexim digjital, si dhe hapësirë për start-up-e dhe mentorim rinor.
– Akademi STEM që do të afrojë trajnime në teknologji, shkencë, art dhe matematikë.
– Hapësira për teatër, këshillim dhe aktivitete kreative ku të rinjtë do të shprehen lirshëm dhe pa barriera”.
Mexhiti dhe Rama potencuan se me këtë projekt garantojnë se Çairi do të bëhet qendër e inovacionit, arsimit dhe kreativitetit rinor. Të rinjtë do të kenë vendin ku do të mësojnë, do të zhvillohen dhe do të ndërtojnë të ardhmen e tyre.
Osmani premton revitalizimin e fushave dhe sallave sportive
Ndalohen dy të arratisur nga burgu, MPB: Tentuan të ikin nga patrulla policore
Marrëveshja e Ohrit si kartë politike – Midis rrënimit të besueshmërisë dhe retorikës elektorale
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga bota2 months agoTRAGJEDI familjare në SHBA : 34 vjeçarja vret burrin dhe dy fëmijë, më pas veten
-
Lajme nga rajoni1 month agoLëshohet për qarkullim ura e re mbi lumin Ibër
-
Lajme nga bota2 months agoTakimi Zelensky-Trump në Berlin, dhoma e Kancelarisë gjermane ku askush s’mund të përgjojë