Lajme nga vendi
Ndryshimi i Kushtetutës nuk e kërcënon identitetin maqedonas, Mickoskit ia tha edhe Gjermania!
Për shefin e diplomacisë, Bujar Osmani, Rezoluta është vetëm një konfirmim simbolik i asaj që është formalisht në Kornizën negociuese, sepse identiteti maqedonas është i garantuar edhe pa të dhe kur të anëtarësohemi, vetëm do të promovohet edhe më shumë
Rezoluta e Bundestagut gjerman në mbështetje të gjuhës dhe kulturës maqedonase, nuk do të jetë e vetmja, siç mëson Indeks.mk nga burime mirë të informoura diplomatike priten edhe rezoluta të reja nga partnerë strategjikë të Maqedonisë së Veriut.
Por, dilema që shtrohet në opinion është se a do të jenë këto të mjaftueshme për garancitë që i kërkon opozita maqedonase që t’u japë dritë jeshile ndryshimeve të nevojshme kushtetuese, për futjen e komunitetit bullgar në Preambulën e Kushtetutës dhe heqjen edhe të pengesës së fundit të vendit në rrugën drejt BE-së?
Nga Bashkimi Demokratik për Integrim (BDI) për Indeks.mk thonë se përpjekjet për ti garantuar vendit një të ardhme të evropiane nuk kanë të ndalur, dhe se në vazhdimësi punohet në gjetjen e kompromiseve për të vazhduar tutje ky rrugëtim strategjik i vendit.
Edhe pse si qeveria ashtu edhe opozita e mirëpritën Rezolutën në mbështetje të identitetit, gjuhës dhe kulturës maqedonase, e cila u miratua në Bundestagun gjerman dhe në vend që dokumenti të ishte një bazë e mirë që opozitarja VMRO-DPMNE të reflektojë dhe mbështet ndryshimet kushtetuese, ata u “vërsulën” pas pushtetit me akuza, edhe pse Rezoluta mbron identitetin dhe gjuhën maqedonase.
LSDM falënderoi Bundestagun e Gjermanisë për Rezolutën e miratuar. Deputeti dhe zëdhënësi i LSDM-së, Darko Kaevski, tha se Rezoluta është mbështetje për rrugën evropiane rë vendit.
“Kemi marrë mbështetje në rrugën evropiane, konfirmimin dhe njohjen e gjuhës, kulturës, identitetit dhe veçantisë maqedonase. Rezoluta e miratuar është përkrahur nga partia simotër e LSDM-së, PSD dhe nga Liberalët dhe të Gjelbrit gjermanë. Mesazh i qartë, i fortë dhe i fuqishëm për korrektësinë e rrugës në të cilën jemi, për korrektësinë e politikave të Kovaçevskit, LSDM-së dhe shumicës parlamentare dhe për mbështetjen për vazhdimin e rrugës evropiane. Përveç kësaj, ky është një respekt për ne si popull me gjithë veçantinë e tij, i cili deri më tani ka bërë shumë për vlerat evropiane”, tha Darko Kaevski, deputet dhe zëdhënës i LSDM-së, përcjell Indeks.mk
Ai shtoi se opinioni e di shumë mirë se kush është përgjegjës për Rezolutën në Bundestagun gjerman.
“Fatkeqësisht, DPMNE-ja përveç bllokadave nuk bëri asgjë për identitetin dhe gjuhën maqedonase dhe as për këtë rezolutë. DPMNE dhe Mickoski duhet të kenë turp për veten e tyre. Aq më tepër që partitë e tyre simotra në Bundestag votuan kundër Rezolutës për konfirmimin e gjuhës, kulturës dhe veçorisë maqedonase”, tha Kaevski.
Nga opozitarja VMRO-DPMNE e përshëndetën Rezolutën dhe thonë se merita për të është e tyre.
Për shefin e diplomacisë, Bujar Osmani, Rezoluta është vetëm një konfirmim simbolik i asaj që është formalisht në Kornizën negociuese, sepse identiteti maqedonas është i garantuar edhe pa të dhe kur të anëtarësohemi, vetëm do të promovohet edhe më shumë.
Parlamenti gjerman, Bundestagu, me shumicën e votave të deputetëve të tri partive në pushtet – socialdemokratët, liberalët dhe “të gjelbërt” miratoi një rezolutë, e cila mbështet identitetin, gjuhën dhe kulturën maqedonase në rrugën e vendit drejt anëtarësimit në Bashkimin Evropian. Rezoluta nuk mori mbështetje nga partitë e opozitës, përfshirë Bashkimin Demokratik Kristian/Bashkimin Social Kristian (CDU/CSU) konservator të ish-kancelares Angela Merkel.
Rezolutën para deputetëve e ka prezantuar Sekretarja e Shtetit për Evropën në MPJ-në gjermane, Anna Leermann, e cila vjen nga radhët e “të gjelbërve”.
“Me këtë rezolutë ne i kushtojmë respekt të thellë identitetit, gjuhës, kulturës dhe historisë maqedonase”, tha Lirman.
Ajo shtoi se ndryshimi i Kushtetutës nuk e kërcënon identitetin maqedonas, por përkundrazi e forcon karakterin multietnik të shtetit.
“Pretendimet se kjo do të komprometojë identitetin janë të gabuara. Futja e komuniteteve shtesë në Kushtetutë, përkundrazi, vetëm sa do të forcojë karakterin multietnik të shtetit, i cili është shembull për të gjithë rajonin”, tha Lierman.
Lajme nga vendi
Punësim të përhershëm për 40 personat me kontratë në Spitalin Klinik të Tetovës procesi vazhdon
Për personat me kontratë pune të cilët në dhjetor 2025 mbetën pa punësim të përhershëm në Spitalin Klinik të Tetovës, procesi vazhdon me qëllim që të ofrohet një zgjidhje për statusin e punësimit të përhershëm për ta, thotë Ministri i Shëndetësisë Azir Aliu.
Ai po përgjigjej në pyetjen e një gazetari se çfarë do të ndodhë me 40 stafin mjekësor dhe teknik që shkojnë në punë në janar dhe shkurt pa kontratë pune.
Institucioni duhet të kërkojë një mendim nga ne, Fondi i Shëndetësisë dhe Ministria e Financave. Drejtori e ka bërë tashmë këtë. Procedurat janë në vazhdim, nëse nuk janë përfunduar tashmë, dhe vlerësoj se kontratat do të duhet të nënshkruhen në një kohë të shkurtër. Gjithashtu vërej se po punojmë për të siguruar që këta njerëz të jenë të punësuar përgjithmonë, në mënyrë që të jenë në gjendje të investojnë në kapacitete njerëzore. Ata duhet të sigurohen se nëse ka ndonjë ndryshim politik, ata do të jenë pjesë e sistemit të kujdesit shëndetësor dhe nuk do të abuzohen përsëri, për fat të keq, siç janë abuzuar deri më tani – tha Aliu.
Lajme nga vendi
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Studentët që studiojnë në 100 universitetet më të mira në botë me bursë shtetërore ose studiojnë në Maqedoni si dhe ata që janë shpallur studentët më të mirë, do të kenë përparësi kur të punësohen në universitetet shtetërore, si staf mësimor dhe shkencor, paralajmëroi ministrja e arsimit dhe shkencës, Vesna Janevska. Ajo po ashtu bëri të ditur se është vendosur një mënyrë e re e financimit të institucioneve të arsimit të lartë.
“Po forcojmë kriteret për avancim në titujt e fakultetit. Kushdo që aplikon për zgjedhje në titullin – profesor asistent, profesor i asociuar ose profesor i rregullt, që tani e tutje, varësisht nga titulli, do të jetë i detyruar të prodhojë dhe publikojë 6 deri në 7 punime shkencore deri në kohën e zgjedhjes, nga të cilat 3 deri në 4 duhet të publikohen në një revistë me faktor ndikimi nga bazat e të dhënave Web of Science ose Scopus”, theksoi Vesna Janevska, minstre e Arsimit dhe Shkencës.
Profesorët e rregullt të zgjedhur pasi të jenë zgjedhur, në të ardhmen pas miratimit të ligjit, do të kenë të drejtë rizgjedhjeje pas 7 vitesh. Ata që tashmë janë zgjedhur si profesorë të rregullt nuk do të mbulohen nga ky ligj, dhe komuniteti akademik do të unifikohet në të gjithë territorin. Mandati i rektorëve do të jetë 4 vjet, në vend të 3 viteve që është aktualisht, dhe modeli për zgjedhjen e një rektori do të ndryshohet gjithashtu.
“Pagat nuk janë më temë diskutimi. Ato u rritën me 14% vitin e kaluar, dhe buxheti për mbështetjen e aktiviteteve shkencore dhe kërkimore është rritur gjithashtu nga 380 milionë denarë në vitin 2024 në 773 milionë denarë këtë vit. Më shumë se dyfishi”, u shpreh theksoi Vesna Janevska, minstre e Arsimit dhe Shkencës.
Ministria e Arsimit dhe Shkencës ka përgatitur ligj të ri për arsimin e lartë dhe shkencën, i cili pritet të ofrojë arsim akademik me cilësi më të lartë dhe të inkurajojë aktivitetin shkencor dhe kërkimor në vend.
Reparti I Transfuzionit në Tetovës oshtë është bërë me hapësira të reja. Amir Elezi Drejtori i Institutit të transfuziologjise tha se qendra e transfuzionit në Tetovë ka karatker rajonale dhe ofron shërbime për gjithë fushën e pollogut.
“ Renovimi I këtij objekti ka filluar në vitin 2024 dhe ka përfunduar tani dhe tani hapim edhe zyrtarisht objektin e transfuzionit të gjakut. Është një qendër ndër më të mëdha në nivel të shtetit pasi që njësia e transfuzionit ka katër qendra të Manastirit, Shtipit të Tetovë dhe qendrën në Shkup, ku shërbehen në mënyrë ambulatore gjithashtu edhe grumbullohet gjak edhe përpunohet në qendrën e Tetovës . vitin që lamë pas pas ishte viti ku arritëm rekord të numrit të dhuruesve të gjakut , 60 222 dhurues të gjakut në republikën e Maqedonisë së veriut.”
Ndërsa ministri I shëndetësisë Azir Aliu tha se përpos hapësirave modern ka edhe teknologji të avancuar, ndërsa ai pret që së shpejti të hapet edhe konkursi për punësim që kjo qendër të plotëson edhe mungesat e kuadrit që I ka.
“ Sot jemi këtu për inauguruar edhe hapësirat në transfuzionit që janë edhe në aspekt fizik dhe teknologjik modern dhe me nevojat që I kemi në Tetovë, është një qendra regjionale që jep shërbime për këtë pjesë të shtetit . Urojmë edhe në shtyllën e dytë të kapaciteteve njerëzore , shumë shpejtë do të hapet edhe procedura për punësimi e mjekëve dhe motrave medicinale , me qëllim që të kemi edhe kapacitete njerëzore me nevojat që kemi këtu në Tetovë.”
Prezent në këtë ngjarje ishte edhe zv/kryeministri i parë Bekim Sali i cili tha se investimet e tilla do të vazhdojnë edhe në spitalet tjera ku paraqitet nevoja.
Deri më tani reparti i transfuzionit ka qenë i vendosur në objektin kirurgjikal në spitalin e Tetovës. Ndërsa në ato hapësira tani do të vendoset kirurgjia Torakale. TV KOHA
Punësim të përhershëm për 40 personat me kontratë në Spitalin Klinik të Tetovës procesi vazhdon
Inspektorati mbyll 26 motele dhe vila, ishin të paregjistruara e nuk plotësonin kushtet minimale
Reformat në arsimin e lartë, studentët e dalluar në 100 universitetet më të mira në botë ose në Maqedoni do të kenë përparësi punësimi në universitetet shtetërore
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
