Lajme nga vendi
Vendi i pestë si më i varfër në Europë i takon Maqedonisë së Veriut, lufta e varfëroi Ukrainën dhe e vendosi në vend të parë
Lista e përpiluar nga portali ekonomik gjerman Derwensten bazohet në BPK për frymë, e cila në Maqedoni është 6,608 dollarë.
Maqedonia e Veriut, me BPK për frymë prej 6,608,08 dollarë, është në vendin e pestë në listën e vendeve më të varfra në Europë, të përgatitur nga portali ekonomik gjerman Derwensten.
Në listën e 10 më të varfërve në Europë, Kosova renditet si vendi i dytë më i varfër në Europë për vitin 2023, pas Ukrainës.
Lista është bërë në bazë të prodhimit të brendshëm bruto (GDP) për kokë banori dhe sipas renditjes Serbia është në vendin e dhjetë me BPK prej 10.360,72 dollarë për kokë banori.
Në vend të katërt është Shqipëria, prodhimi i brendshëm bruto i së cilës është 6,457,22 dollarë, ndërsa në vendin e tretë është Moldavia me BPK prej 5,671,22 dollarë.
Më e varfëra në Evropë është Ukraina, me një GDP prej 4,348,57 dollarë.
Mali i Zi është në vendin e nëntë me një GDP prej 9,811,86 dollarë, dhe Bjellorusia është në vendin e tetë me një GDP prej 7,859,63 dollarë.
Vendin e shtatë e ka zënë Bosnja dhe Hercegovina me BPK për frymë prej 7.337,72 dollarë, ndërsa Gjeorgjia është në vendin e gjashtë me prodhim të brendshëm bruto prej 6,670,73 dollarësh – shkruan portali Dervensten.
Lajme nga vendi
Humb jetën Kire Gjorgjievski, njëri nga të dënuarit për rastin “27 Prilli”
Ndërroi jetë Kire Gjorgjievski në Burgun në Shtip, konfirmoi për MIA-n drejtori i Shtëpisë ndëshkuese përmirësuese (SHNP) Burgu, Shtip, Dejan Zdravkov.
Ai tha se për momentin nuk mund të ndajë më shumë informata, sepse presin udhëzime nga Prokuroria themelore publike.
Përndryshe Gjorgjievski është njëri prej të dënuarve për 27 Prillin, ndërkaq u dënua me 13 vite burg.
Në rrjetet sociale po shpërndahet informata për vdekjen e Gjorgjievskit.
Lajme nga vendi
Një 15-vjeçare u sulmua fizikisht nga tre vajza të mitura në Shkup
Ministria e Punëve të Brendshme ka njoftuar për një rast të dhunës mes vajzave të mitura në Shkup.
“Më 31 tetor 2025, rreth orës 21:00, në SPB Shkup, M.S. (57) nga Shkupi ka raportuar se rreth orës 15:00, në territorin e Komunës Aerodrom në Shkup, vajza e saj 15-vjeçare është sulmuar fizikisht nga tre vajza të mitura, të cilat ajo i njihte. Njëra prej tyre ka përdorur një objekt të fortë gjatë sulmit”, qëndron në buletinin e MPB-së.
Për ngjarjen është njoftuar prokurori publik, dhe po ndërmerren masa për zbardhjen e plotë të rastit./TV21
Lajme nga vendi
Skandal në “Ekonominë e Ujërave”, filiali Gostivar! Drejtoresha e rrahu punëtoren!
Një skandal ka ndodhur në filialin e Ekonomisë së Ujërave në Gostivar. Punëtorja ka denoncuar në Polici se është rrahur nga drejtoresha.
“Më datë 31.10.2025 në orën 12:45 në DPB Gostivar, N.J. (48) nga Gostivari ka denoncuar se rreth orës 11:20 në vendin e saj të punës në filialin e Ekonomisë së Ujërave, filiali në Gostivar, është sulmuar fizikisht nga drejtoresha J.N. Po ndërmerren masa për zbardhjen dhe dokumentimin e rastit”, thuhet në raportin e Sektorit të Punëve të Brendshme Tetovë, njofton TV21.
-
Lajme nga rajoni2 months agoShqiptarët bashkohen si kurrë më parë – Zëri i UÇK-së kumbon në Hagë më 14 shtator!
-
Lajme nga rajoni1 month agoTirana mirëpret në tetor Forumin e parë të Investimeve BE-Ballkani Perëndimor
-
Lajme nga vendi4 days agoBilall Kasami : Mega projekti që po bëhet realitet investim prej 70 milionë denarëve Tetova po transformohet

