Nga VLEN thonë se për më shumë se 20 vite në pushtet, BDI i ka lënë në harresë të plotë njësitë zjarrfikëse, sipas tyre duke i ekspozuar zjarrfikësit shqiptarë pa kushte minimale për punë, pa pajisje adekuate dhe pa asnjë plan për mbrojtjen nga zjarret. Nga VLEN thonë se ata kanë udhëhequr me Qendrën për Menaxhim me Kriza dhe me drejtorë që nuk kanë pasur as vizion dhe as përgjegjësi për këtë sektor jetik.

“Sot, Qeveria që drejtohet nga VLEN po e ndryshon këtë realitet! Është miratuar masa e re “Punët Publike për Mbrojtje dhe Parandalimin nga Zjarri”, e cila për herë të parë krijon bazë për një sistem të qëndrueshëm dhe funksional për mbrojtjen nga zjarret në vendin tonë”.

“Me këtë program inovativ, do të angazhohen 400 persona, të cilët do të ndihmojnë në krijimin e brezave mbrojtës kundër zjarreve dhe në realizimin e aktiviteteve të tjera parandaluese, në 14 komuna me njësi territoriale zjarrfikëse. Këto janë disa nga masat parandaluese përmes të cilave Qeveria VLEN po angazhohet të zvogëlojë dhe kufizojë dëmet që, për fat të keq, qytetarët i kanë përjetuar çdo vit. Ky është një hap i madh përpara, nga politika reaktive dhe propagandistike që ndoqi BDI, drejt një qasjeje proaktive, të përgjegjshme dhe efikase, që njëkohësisht jep efekte sociale dhe mjedisore. Për herë të parë, mbrojtja nga zjarri po shihet si prioritet shtetëror, dhe jo si temë sezonale për konferenca shtypi”, thonë nga VLEN.

Ne shohim shumë ndikim të huaj në Maqedoninë e Veriut. Duhet të luftojmë kundër tij, qoftë serb, kinez apo rus.

Kështu deklaroi raportuesi i Parlamentit Evropian për Maqedoninë e Veriut, Thomas Weitz, në Strasburg, raportoi BGNES. Raporti i tij do të votohet më 9 korrik.

Ai theksoi se raporti përmban kushtin për ndryshimin e Kushtetutës dhe konkretisht, përfshirjen e bullgarëve në të, sipas artikujve të medias.

“Raporti thekson gjuhën e urrejtjes, nevojën për sundimin e ligjit dhe luftën kundër korrupsionit”, thotë Weitz, duke bërë thirrje për liri mediash dhe llogaridhënie të qartë për pronësinë e tyre.

Komisionerja e Zgjerimit të BE-së, Marta Cos, nga ana e saj, tha se “e vetmja rrugë përpara – mbi të gjitha – është ndryshimi i Kushtetutës”. Ajo i bëri thirrje Shkupit të respektojë të drejtat themelore, lirinë e shprehjes dhe lirinë e medias.

Advertisement

Ivaylo Valchev (ITN-EKR) i pyeti kolegët e tij: “Në cilin vend mund të dënohet një person për citimin e figurave historike? Në cilin vend sulmohen njerëzit për shkak të origjinës së tyre? Dhe cili vend i lejon vetes të shkelë marrëveshjet ndërkombëtare?”

“Sot, Ljubço Georgievski është me ne në sallë dhe mund t’u përgjigjet këtyre pyetjeve sepse është një bullgar i denjë i cili kërcënohet me ndëshkim vetëm sepse ka guximin ta quajë veten bullgar nga Maqedonia. Unë besoj sinqerisht se rruga e RMV-së është të jetë pjesë e Evropës, por autoritetet atje duhet të braktisin padronët e tyre nga Beogradi dhe Budapesti dhe të mbrojnë të drejtat e njeriut, të respektojnë detyrimet që kanë marrë përsipër”, shtoi Valçev.

Andrej Kovachev i GERB/EPP tha se politikanët në Shkup po sabotojnë procesin e integrimit evropian dhe Bashkimi Evropian nuk duhet t’i mbyllë sytë ndaj kësaj.

“Në vend të reformave dhe progresit të vërtetë, ne shohim populizëm, retorikë nacionaliste dhe një prezantim të përshtatshëm të Bullgarisë si armik, prandaj integrimi evropian i vendit nuk po shkon mirë. Kjo politikë çon në shtypje të drejtpërdrejta kundër njerëzve që kanë ruajtur identitetin e tyre bullgar – trashëgimtarët e shumicës së bullgarëve maqedonas. Ata i nënshtrohen presionit, diskriminimit dhe kërcënimeve të hapura, si në rastin e z. Georgievski – një nga përfaqësuesit më të shquar të komunitetit bullgar”, vuri në dukje ai. “Mos e humbni kohën e qytetarëve tuaj”, iu drejtua Kovachev politikanëve në Maqedoninë e Veriut. “Shpresoj që agimi i lirisë të lindë një orë më parë”, shtoi ai, raportojnë mediat bullgare.

Advertisement

Gjatë muajit qershor, u raportuan 2 raste të konfirmuara me HIV dhe një rast me AIDS, të tre rastet ishin meshkuj, shkruan në buletinin e ri mujor të sëmundjeve infektive të publikuar nga Instituti i Shëndetit Publik (ISHP).

“Nga rastet e reja, dy i përkasin grupmoshës 30-34 vjeç dhe një rast grupmoshës 60-64 vjeç. Është regjistruar një vdekje nga AIDS.”, thuhet në buletin.

Sipas të dhënave ekzistuese të rasteve të raportuara (që nga 30 qershori), numri kumulativ i personave të regjistruar me HIV/AIDS në Republikën e Maqedonisë së Veriut, për periudhën 1987–2025, është 709, edhe atë: 136 persona kanë vdekur, dhe 569 persona jetojnë me HIV/AIDS (4 persona kanë një rezultat të panjohur).

“Në grupin e infeksioneve seksualisht të transmetueshme dhe të gjakut (duke përjashtuar HIV/AIDS), u regjistruan 8 persona të infektuar, duke përfshirë 4 raste të Hepatitit B viral, 3 infeksione nga klamidia dhe një rast me gonorre”, shtohet në buletin.

Kujtojmë se, numri i pacientëve HIV pozitiv në Maqedoninë e Veriut është në rritje e sipër, derisa buxheti për ilaçe dhe parandalim po zvogëlohet. Për këtë arsye, pati edhe reagim, në fund të vitit të kaluar (2024) nga shoqata “Së bashku më të fortë”, në emër të 13 organizatave të shoqërisë civile dhe Kryqit të Kuq të Republikës së Maqedonisë së Veriut, si pjesë e Platformës së organizatave të shoqërisë civile që zbatojnë shërbime për parandalimin e HIV-it, i dërguan letër kryeministrit Hristijan Mickoski si dhe ministrisë së Shëndetësisë. Në reagim patën theksuar zvogëlimin e buxhetit për 10 milionë denarë në krahasim me buxhetin e vitit paraprak për këtë qëllim.

Advertisement