Lajme nga vendi
Takim i Durmishit me drejtoreshën e AHK Maqedonia e Veriut, Antje Vandelt: Jemi duke punuar në përmirësimin e klimës afariste dhe tregut të punës për të tërhequr investitorë të rinj të huaj
Ministri i Ekonomisë dhe Punës, Besar Durmishi, realizoi sot takim me Antje Vandelt, drejtoreshë e AHK Maqedonia e Veriut, që është pjesë e rrjetit të odave ekonomike gjermane.Takimi kishte për qëllim njoftimin dhe informimin e ndërsjellë për kompetencat e reja që ka Ministria e Ekonomisë dhe Punës nga njëra anë dhe njoftimin me projektet aktuale që ka AHK Maqedonia e Veriut, nga ana tjetër.Ministri Durmishi theksoi se Gjermania renditet e para në listën e vendeve me të cilat Maqedonia e Veriut ka vëllimin më të madh të shkëmbimit tregtar, ndërsa tendenca e shkëmbimit shënon rritje të vazhdueshme. Kjo, sipas ministrit Durmishi, kryesisht kishte të bënte me investimet e rëndësishme gjermane që punojnë me sukses në Maqedoninë e Veriut.“Në 10 vjet, investimet e përgjithshme nga Gjermania në Maqedoninë e Veriut arritën në 675 milionë euro, ndërsa vetëm në vitin 2023 janë investuar 108 milionë euro nga kompanitë gjermane në vendin tonë. Për ne, si Ministri e Ekonomisë dhe Punës, në kompetencën e së cilës janë kushtet e punës së investitorëve të huaj, është me rëndësi të madhe të punojmë në përmirësimin e klimës afariste, në mënyrë që të kemi më shumë investime që do të paraqesin më shumë punësim dhe rritje më të madhe ekonomike. Sa më shumë që kompanitë gjermane investojnë në Maqedoninë e Veriut, aq më shumë rriten eksportet, ” tha ministri Durmishi në takim dhe theksoi se Ministria e Ekonomisë dhe Punës dhe Qeveria do të vazhdojnë të punojnë në mënyrë aktive në mbajtjen e komunikimit të mirë me kompanitë tashmë ekzistuese, por edhe për të tërhequr investitorë të rinj nga Gjermania.Ministri tha se si kompetencë të re në periudhën e ardhshme, Ministria e Ekonomisë dhe Punës do të punojë në masat për përmirësimin e tregut të punës në mënyrë që t’u Sektori i Koordinimit të aktiviteteve të ministrit Сектор за координација на активностите на министерот
dalë në ndihmë kompanive që kanë mungesë të fuqisë së kualifikuar punëtore, siç është masa e arsimit dual që ka dhënë rezultate pozitive.“Ministria e Ekonomisë dhe Punës do të mbështesë të gjitha masat dhe aktivitetet që do të nënkuptojnë përmirësimin e tregut të punës me kërkesë të kompanive”, tha ministri në takimin me drejtoreshën e AHK Maqedonia e Veriut
Nisma e Degës së Bashkimit Demokratik për Integrim në Çair për krijimin e një “SPAK-u” lokal kundër korrupsionit ka nxitur reagime nga Koalicioni VLEN.
Nga VLEN-i thonë se iniciativa duhet të shoqërohet me veprime konkrete dhe jo të mbetet vetëm deklarative, duke e cilësuar si përpjekje propagandistike.
Sipas tyre, nëse synohet vërtet transparencë dhe përgjegjësi, hetimet duhet të nisin nga vetë drejtuesit e BDI-së, për të dëshmuar se bëhet fjalë për proces serioz dhe të paanshëm ndaj të gjithë zyrtarëve, pa përjashtim.
“BDI në Çair shpall me bujë formimin e një “SPAK-u” lokal, sikur të kishte zbuluar “Amerikën”. Por, pyetja që lind menjëherë është: a do ta kapë ky SPAK edhe kryesinë e vet? Apo është vetëm një teatër i radhës për të mashtruar qytetarët? VLEN-i e përshëndet këtë “SPAK” të BDI-së dhe i sugjeron që, nëse vërtet është për veprim dhe jo për spektakël, të fillojë hetimet pikërisht nga këta emra. Punën e parë që duhet ta bëjë është të vendosë komunikim me SPAK-un e Shqipërisë dhe të kërkojë ekstradimin e Artan Grubit.”, – thanë nga Koalicioni VLEN.
Ditë më parë, Dega e Bashkimit Demokratik për Integrim në Çair themeloi një “SPAK” lokal si mekanizëm kundër korrupsionit. Sipas njoftimit, kjo strukturë do të monitorojë ndërtimet pa leje dhe punën e organeve komunale për shkelje urbanistike.
BDI u bëri thirrje qytetarëve të denoncojnë çdo keqpërdorim të pushtetit. (Armend Murseli, TVM2)
Lajme nga vendi
Dega e BDI-së në Çair ka themeluar një strukturë kundër korrupsionit me emrin “SPAK”
Duke huazuar emrin e Prokurorisë së Posaçme të Shqipërisë që ndjek krimin dhe korrupsionin e nivelit të lartë, dega e BDI-së në Çair ka themeluar një Sekretariat, akronimi i të cilit është i njëjtë me atë të Prokurorisë – SPAK.
“SPAK do të funksionojë si mekanizëm profesional monitorimi, i përbërë nga ekspertë vullnetarë – juristë, ekonomistë, urbanistë dhe profesionistë të fushave përkatëse – të cilët do të analizojnë çdo indikacion për korrupsion dhe keqpërdorim të fondeve publike”, deklaroi Enard Bakiu, BDI – Çair.
I menjëhershëm ka qenë reagimi i koalicionit VLEN të cilët kërkojnë që SPAKU i BDI-së të kërkojë nga SPAKU i Shqipërisë ta ekstradojë Artan Grubin, funksionarin e BDI-së i cili pasi u fut në listë të Zezë u arratis nga shteti, ndërsa dyshimet janë se fshihet në Shqipëri. Plotësisht kërkojnë të hetohen dhe figura tjera të BDI-së.
“Korrupsioni nuk është thjesht ndërtim pa leje apo tender komunal. Ai ka fytyra të njohura: Faton Ahmeti, për dyshimet e keqpërdorimit të fondeve në FSSH, Arbër Ademi, si ministër i Arsimit me lëndë të hapura për abuzime, Bujar Osmani, për rastin famëkeq “Pacienti”, dhe shumë të tjerë që sot ulen në kryesinë e BDI-së si të paprekshëm”, thonë nga VLEN.
SPAKU i BDI-së, është ironizuar edhe për faktin që në periudhën e kaluar ishte në shënjestër të kritikave pasi dy funksionarët e saj Artan Grubi dhe Ramiz Merko u futën në Listë të Zezë për korrupsion, ndërsa u dorëzuan padi edhe kundër një sërë funksionarëve, duke përfshirë Blerim Bexhetin, Fatmir Deharin, Ramiz Merkon, Bujar Dardhishtën, Kreshnik Bekteshin, Bekim Maksutin, Ejup Rustemin e të tjerë. Mekanizmi SPAK, mbase duket si ide e huazuar nga LSDM, e cila e promovoi Qendrën Hulumtuese për Korrupsion dhe Krim të Organizuar me akronimin MICKO, një shkurtesë që përdoret në komunikimin jokonvencional dhe ironizues për Mickoskin. /Alsat.mk
Këshilli I Etikës në media të Maqedonisë, një ditë pas ceremonisë mortore të viktimave të zjarrit tragjik në diskotekën e Koçanit, ka pranuar 140 ankesa lidhur me mënyrën e raportimit të mediave – ka njoftuar Drejtorja Ekzekutive, Biljana Georgievska.
Ajo ka shtuar se të gjitha vërrejtjet kanë ardhë nga e-maile të hapura për një përdorim nga numra telefonike që nuk ekzistojnë.
“Çdo minutë vinte nga një ankesë që për ne ishte një situatë jo e zakonshme që I gjasonte një sulmi të orkestruar digjital, jo vetëm ndaj KEMM-it, por edhe ndaj mediave, vecanërisht për përmbajtjet dhe mënyrës së raportimit për ceremoninë e varrimit. Ata kryesisht hynë në pakon e ankesave pa bazë, për shkak se kishin të bëjnë me mediat e huaja, nga rajoni, por edhe televizione nga India” – thotë Georgievska.
Në vitin 2025 në KEMM knë mbërritur shumë ankesa që lidhen me tragjedinë në Koçanë. Janë shqyrtuar 96 mha 244 ankesat.
Më së shpeshti është shkelur nëni 1 I Kodit të Gazetarëve – mungesa e burimeve dhe mungesa e palës së dytë të storjes.
Nga KEMM thonë se mediat online paraqiten si shkelësit më të mëdhenj të standardeve për informim etik.
SHOKON RAMA: PROKURORËT E HAGËS KËRCËNUAN PRESIDENTEN E KOSOVËS
VLEN: BDI t’i kërkojë SPAK-ut të Shqipërisë ekstradimin e Grubit
Dega e BDI-së në Çair ka themeluar një strukturë kundër korrupsionit me emrin “SPAK”
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
