Connect with us

Lajme nga vendi

Ljutkov: Do rikthehen në punë 33 artistët e Ansamblit shqiptar të Këngëve dhe Valleve

Published

on

Ministri i Kulturës dhe Turizmit, Zoran Ljutkov, ka deklaruar se gjatë inspektimit është konstatuar se drejtori i Ansamblit shqiptar të Këngëve dhe Valleve, Shkodran Tolaj i cili dje u shkarkua, nuk ka zbatuar riauditim të 33 artistëve nga Ansambli të cilët ishin të punësuar pesë vite, edhe pse sipas Ligjit për Kulturë auditimi duhet të realizohet në çdo tre vjet. Ai tha se është konstatuar se për projektin “Turneu i Ballkanit” në vitin 2023 janë shpenzuar 177.000 denarë. Tolaj, siç tha Ljutkov, nuk ka dorëzuar as raport gjashtëmujor për punën e tij për gjysmën e dytë të vitit 2023, dhe këtë e ka të obliguar sipas Ligjit për kulturë

Sipas Ljutkovit, tani për u.d. drejtor është emëruar Shkëlqim Jahi i cili është nga radhët e të punësuarve në Ansambël dhe ai do të shpallë konkurs për ripunësim të 33 artistëve.

“Mora informacione për Ansamblin. E kuptuam që gjendja atje nuk është e mirë, dhe kjo rezultoi me largimin nga puna të 33 punonjësve. Kulturës në Maqedoni i është bërë dëm i madh. Menjëherë dërguam një inspektim. Siç thashë në deklaratat e mëparshme, zgjati më shumë se dhjetë ditë. Tani kemi emëruar një ushtrues detyre të ri drejtor. Ai drejtori i ri tani do të shpallë një konkurs të ri për ripunësimin e atyre 33 artistëve. Shpresoj që në periudhën e ardhshme, pas rreth një muaji, ata persona të punësohen sërish dhe më vonë t’i përfshijmë në ligjin që do t’i përfshijë edhe 166 të mbeturit të cilëve u skadon përvoja e punës në të njëjtën mënyrë dhe do të punësohen me vendime të përhershme gjatë këtij viti”, shpjegoi ministri.

Siç plotësoi Ljutkov, inspektorët tani kanë kryer mbikëqyrje dhe se Tolaj ka shpenzuar para pa qëllime konkrete.

“Inspektorët tani e kanë parë. Ka një u.d. drejtor të ri dhe ai do të veprojë sipas inspektimit të kryer dhe më tutje si drejtor do të ndërmarrë të gjitha veprimet e nevojshme për zbardhjen e plotë të rastit”, thekson Ljutkov.

Advertisement

Lajme nga vendi

Javën a ardhshme do të kryhet dezinsektim në qytetin e Tetovës

Published

on

Komuna e Tetovës njofton se do të kryhet dezinsektim në territorin e qytetit të Tetovës.

ju njoftojmë se më 13.06.2025, Komuna e Tetovës në bashkëpunim me SH.T.P.SH “PRONTTO”, do të realizoj dezinsektimi nga toka në territorin e qytetit të Tetovës, për zhdukjen e mushkonjave dhe dëmtuesve të tjerë.

Dezinsektimi do të zhvillohet në orët e mbrëmjes pas orës 22:00 deri në orët e hershme të mëngjesit, dhe do të kryhet vetëm nëse kushtet atmosferike janë të favorshme.
Lusim qytetarët dhe veçanërisht bletarët të ndërmarrin masa mbrojtëse dhe të nevojshme për sigurinë e tyre dhe të bletëve”, thuhet në njoftimin e Komunës së Tetovës.
Continue Reading

Lajme nga vendi

Miratohet aktakuza për rastin “Onkologjia”

Published

on

Gjykata Penale ka miratuar aktakuzën për keqpërdorimet në Klinikën e Onkologjisë në Shkup, ku përfshihen ish-drejtorët e klinikës, Nino Vasev dhe Nehat Nuhi. Akuza ka edhe kundër tre onkologëve.

Gjykata Penale informon se ankesa e mbrojtjes është refuzuar kurse aktakuza është miratuar, kështu që kjo çështje do t’i caktohet ndonjë gjykatësit përmes sistemit AKMIS për procedura të mëtejshme dhe do të caktohet datë për seancën e parë kryesore.

Vasev akuzohet për dy vepra penale – shpërdorim të detyrës dhe rrezikim të shëndetit të pacientëve kurse akuzohen gjithashtu dy onkologë që u kanë ofruar terapi pacientëve pa bazë mjekësore.

Sipas aktakuzës së dytë, Vasev dhe Nuhi akuzohen për mashtrim, duke shkaktuar dëm prej 35 milionë euro në buxhetin e shtetit.

Continue Reading

Lajme nga vendi

Vëllezërit nga Debreshi dënohen me nga 40 vite burg për vrasjen makabre të Resul Kahremanit

Published

on

Pas më shumë se 10 muaj hetimesh dhe procesi gjyqësor, Gjykata ka shpallur fajtorë tre vëllezërit nga fshati Debresh i Gostivarit për vrasjen brutale të Resul Kahremanit, 35 vjeç. Ata janë dënuar me nga 40 vite burgim secili, që është dënimi maksimal sipas Kodit Penal të Maqedonisë së Veriut për këtë vepër penale.

Ngjarja ndodhi më 23 korrik 2024, kur sipas njoftimit zyrtar të Ministrisë së Punëve të Brendshme, ndaj viktimës u qëllua me armë zjarri nga një veturë tip “Volvo” me targa të Zvicrës, në pronësi të të dyshuarve. Vrasja u raportua në ora 17:15 në SPB Tetovë.

Sipas Policisë, menjëherë pas ngjarjes u arrestua njëri nga autorët, B.B., dhe nga ai u sekuestrua edhe pushka automatike me të cilën dyshohet se është kryer krimi. Hetimet e mëvonshme vërtetuan përfshirjen edhe të vëllait të tij, J.B., si bashkëkryerës.

Continue Reading

Më të lexuarat