Lajme nga bota
Çfarë dihet deri tani nga atentati i dytë ndaj Trump, si shpëtoi ish-presidenti
FBI tha se Donald Trump “duket se ishte objekt i një përpjekjeje për atentat” në klubin e tij të golfit në West Palm Beach të Floridës të dielën, vetëm nëntë javë pasi kandidati republikan për president i mbijetoi një tjetër atentati ndaj tij. Ish-presidenti tha se është mirë dhe jashtë rrezikut.
Si u vu re i dyshuari?
Incidenti ndodhi në klubin ndërkombëtar të golfit Trump në West Palm Beach, rreth 15 minuta nga rezidenca e Trump në Florida, Mar-a-Lago.
I armatosuri u pa për herë të parë nga agjentët e Shërbimit Sekret, të cilët po mbikqyrnin fushën e golfit teksa ish-presidenti po luante.
Gryka e një pushke – e përshkruar fillimisht si një pushkë e stilit AK-47 nga Sherifi i Qarkut Ric Bradshaë – u dallua përmes shkurreve që rrethojnë fushën e golfit. Në atë kohë Trump ishte rreth 272-557 m larg nga personi i armatosur.
Sherifi i Qarkut Palm Beach, Ric Bradshaë tha se agjentët e Shërbimit Sekret të SHBA-së qëlluan në drejtim të personit që kishte drejtuar armën drejt fushës së golfit, ndërsa Trump ishte duke luajtur golf.
Zoti Bradshaë tha se personi i armatosur kishte gjithashtu dy çanta shpine të varura në një gardh dhe një kamerë GoPro të cilat i la në vendngjarje. Pasi shërbimi sekret hapi zjarr personi hodhi armën dhe iku me një fuoristradë dhe më pas u arrestua në një distrikt aty pranë.
Si u kap i dyshuari?
Agjentët hapën zjarr kur panë personin e armatosur dhe qëlluan katër deri në pesë fishekë.
I dyshuari hodhi pushkën dhe u largua me një automjet, duke e braktisur armën së bashku me dy çantat dhe kamerën që kishte marrë për të filmuar atentatin.
Një dëshmitar e pa burrin duke ikur nga shkurret dhe duke hipur në një foristradë “Nissan” të zi. Dëshmitari kapi një foto të makinës dhe ia ofroi organeve të rendit.
I dyshuari u kap nga policia duke vozitur drejt veriut në autostradën I-95 pasi kaloi në Martin County, afërsisht 61 km nga fusha e golfit të Trump.
Kush është i dyshuari?
Disa media amerikane e identifikuan të dyshuarin si Ryan Wesley Routh, 58 vjeç, nga Havai, duke cituar zyrtarë të paidentifikuar të organeve të zbatimit të ligjit.
BBC Verify ka gjetur profilin në media sociale që përputhet me atë emër. Ata tregojnë se Routh bëri thirrje që luftëtarët e huaj të shkonin në Ukrainë për të luftuar kundër forcave ruse.
Në profilin e tij ka edhe mesazhe pro-palestineze, pro-Tajvanit dhe kundër Kinës, duke përfshirë pretendimet për “luftën biologjike” kineze dhe referenca për virusin Covid-19 si një “sulm të qëllimshëm”.
Routh, i cili nuk kishte përvojë ushtarake, i tha New York Times në vitin 2023 se ai kishte udhëtuar në Ukrainë menjëherë pas pushtimit të Rusisë në vitin 2022 për të gjetur rekrutë ushtarakë mes ushtarëve afganë që kishin ikur nga talebanët.
Ai duket se ka qenë i përfshirë në përpjekjet e rekrutimit që në këtë verë, duke shkruar në Facebook në muajin korrik: “Ushtarë, ju lutem mos më telefononi. Ne jemi ende duke u përpjekur që Ukraina të pranojë ushtarë afganë dhe shpresojmë të kemi disa përgjigje në të ardhmen. Ju lutem kini durim.”
Routh ishte një person me precedent të theksuar kriminal. Sipas burimeve të CBS, Ryan Routh u akuzua dhe u dënua për vepra të shumta penale në Guilford County në Karolinën e Veriut midis viteve 2002 dhe 2010.
Veprat përfshijnë mbajtjen e një arme pa leje, rezistencë ndaj arrestimit nga një oficer policie, drejtimin e mjetit me patentë të hequr, posedimin e pasurisë së vjedhur.
Incidenti është zhvillimi i fundit tronditës në një vit fushate të shoqëruar me ngjarje të pashmebullta dhe ndodh pothuajse dy muaj pasi zoti Trump u qëllua gjatë një atentati në një tubim në Pensilvani dhe një plumb e plagosi në vesh.
Vetëm një javë më pas presidenti Joe Biden u tërhoq nga gara.
Në një email drejtuar mbështetësve të tij, zoti Trump tha: “Pati të shtëna armësh pranë (meje), por përpara se spekulimet ta dalin jashtë kontrollit, doja që të isha i pari që t’ju thoja: JAM I SIGURT DHE NË GJENDJE TË MIRË! Asgjë nuk do të më ngadalësojë. Nuk do të dorëzohem kurrë!” tha ish-presidenti.
Ish-Presidenti Trump ishte kthyer në Florida këtë fundjavë nga një udhëtim fushate në pjesën perëndimore të vendit, përfshirë një tubim të premten mbrëma në Las Vegas dhe një aktivitet për mbledhje fondesh në Utah.
Masat e sigurisë për kandidatin republikan janë shtuar pas atentatit ndaj tij në korrik.
Shtëpia e Bardhë tha se presidenti Joe Biden dhe Nënpresidentja Kamala Harris, kandidatja demokrate për presidente, ishin informuar për ngjarjen dhe do të vazhdojnë të marrin informacion për hetimin.
Shtëpia e Bardhë shtoi se ata ishin “të lehtësuar” që zoti Trump ishte jashtë rrezikut. Kandidatja demokrate për Presidente Harris, në një deklaratë tha se është “e kënaqur” që zoti Trump është mirë, duke shtuar se “dhuna nuk ka vend në Amerikë”.
Në një postim në platformën X, senatori republikan Lindsey Graham, një nga aleatët kryesorë të Kongresit të Trump, tha se kishte folur me ish-Presidentin Trump pas incidentit dhe se ai ishte “në humor të mirë” dhe e karakterizoi si “një nga njerëzit më të fortë që kam njohur ndonjëherë”./euronews/
Lajme nga bota
BE hap hetim ndaj Snapchat-it për shkelje të rregullave të sigurisë së fëmijëve dhe privatësisë
Komisioni Evropian ka nisur një hetim formal ndaj Snapchat-it për të vlerësuar nëse platforma respekton rregullat për sigurinë, privatësinë dhe mbrojtjen e fëmijëve në internet.
Komisioni tha se ka hapur procedura për të përcaktuar nëse Snapchat-i vepron në përputhje me Aktin e Shërbimeve Digjitale (DSA).
Ekzistojnë dyshime se platforma mund t’i ketë ekspozuar fëmijët ndaj përmbajtjeve të dëmshme, aktiviteteve kriminale dhe shitjes së produkteve të paligjshme.
Komisioni tha se hetimi u nis për disa arsye, përfshirë verifikimin e moshës, rreziqet e shfrytëzimit të fëmijëve dhe mundësinë që të miturit të orientohen drejt aktiviteteve kriminale, duke shtuar se cilësimet standarde të Snapchat-it mund të mos ofrojnë privatësi, siguri dhe mbrojtje të mjaftueshme.
Sipas rregullave të BE-së për teknologjinë, platformat e mëdha digjitale që operojnë në Evropë duhet të respektojnë rregulloret e bllokut.
Çmimi i arit sot është rreth 124 euro për gram, dhe një ons (31.1 gramë) tregtohet me 3,861 euro. Kjo është një rënie e ndjeshme krahasuar me fillimin e muajit, kur ari tregtohej mbi 140 euro për gram, duke treguar rritje të paqëndrueshmërisë në treg.
Analistët theksojnë se rënia e çmimeve lidhet me forcimin e dollarit amerikan, normat e larta të interesit dhe uljen e kërkesës afatshkurtër për “investime të sigurta”.
Imazhi i Dubait si një oaz i paprekshëm i luksit dhe sigurisë po pëson goditje të njëpasnjëshme pas shkallëzimit të konfliktit rajonal këtë mars. Incidenti i fundit i ndodhur pardje, ku një dron goditi periferinë e qytetit pavarësisht sistemeve të avancuara të mbrojtjes, ka përhapur valë paniku te rezidentët e huaj dhe investitorët, duke vënë në pikëpyetje të ardhmen ekonomike të emiratit.
Ndërsa sulmet ajrore janë bërë një dukuri e përditshme, dëmi më i madh i Dubait po llogaritet në shifra që po trondisin tregjet botërore. Sipas vlerësimeve fillestare të analistëve të Bloomberg dhe Morgan Stanley, ekonomia e Dubait ka pësuar një goditje prej mbi 15 miliardë eurosh vetëm gjatë këtij muaji, si pasojë e paralizimit të sektorëve kyç.
Sulmet e vazhdueshme me dronë dhe raketa nga Irani kanë detyruar autoritetet e aviacionit të mbyllin herë pas here hapësirën ajrore. Ky tension ka sjellë një rënie drastike të numrit të turistëve, të cilët tani e shohin Dubain si një zonë rreziku. Agjencitë e udhëtimeve raportojnë se rezervimet për sezonin e ardhshëm kanë rënë me mbi 40%, ndërsa hotelet luksoze po përballen me anulime masive.
Sipas analizave të fundit të Bloomberg, tregu i patundshmërive në Dubai, i cili deri dje njihej për rritje rekorde, po tregon shenjat e para të një kolapsi të mundshëm me humbje mbi 7 miliardë dollarë. Pasiguria ka frenuar blerësit e huaj, veçanërisht ata evropianë dhe aziatikë, të cilët po kërkojnë të shesin pronat e tyre përpara një zhvlerësimi të mëtejshëm. Ekspertët e Bloomberg theksojnë se “frika nga një konflikt i zgjatur po e kthen Dubain nga një port të sigurt kapitali në një aset me rrezik të lartë”. Investitorët e huaj, të trembur nga pasiguria fizike, kanë pezulluar transaksionet. Vlerësohet se vlera e aseteve imobiliare në zonat bregdetare ka rënë me rreth 15%, duke fshirë miliarda euro nga portofolat e investitorëve brenda pak ditësh.
Mbyllja e Ngushticës së Hormuzit ka shkaktuar humbje mbi 4 miliardë dollarë dhe ka shtuar presionin mbi furnizimet, duke rritur kostot e jetesës në një qytet që importon pothuajse gjithçka. Mbyllja e rrugëve detare ka bllokuar mallra me vlerë miliarda euro që ishin planifikuar të kalonin përmes portit të Jebel Ali. Kjo ka shkaktuar: Rritje të çmimeve: Kostot e importit për ushqimet dhe materialet e ndërtimit në Dubai janë rritur me 30%.
Paralizimi i Turizmit dhe Aviacionit (Humbja: ~4 miliardë euro). Me rritjen e frekuencës së sulmeve, kostoja e sigurimeve për fluturimet drejt Dubait është rritur në nivele astronomike. Emirates Airlines raporton humbje ditore miliona dollarëshe për shkak të devijimit të rrugëve ajrore dhe anulimeve masive. Shpenzimet e turistëve kanë rënë në nivele historike, duke lënë qendrat tregtare gjigante (si Dubai Mall) dhe hotelet me pesë yje pothuajse të zbrazëta.
Ajo që po alarmon më shumë ekspertët është dëmi afatgjatë i imazhit. “Besimi i investitorit blihet me dekada, por humbet me një natë sulmesh,” shkruan Bloomberg. Miliardat e investuara në infrastrukturë rrezikojnë të mbeten asete të vdekura nëse Dubai nuk rifiton statusin e tij si zonë neutrale dhe e sigurt.(INA)
BE hap hetim ndaj Snapchat-it për shkelje të rregullave të sigurisë së fëmijëve dhe privatësisë
S’dihet kur do të lirohen 128 milionë euro nga Ipard 3! Tripunovski: Monitorojmë çmimet e plehrave artificiale
Mjeku nga një fshat i Tetovës arrestohet për vrasjen e 76-vjeçarit në Ohër
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
Shkup, panairi i patundshmërive të Dubait! Citi Casa rikthehet në hapësirat e COWORK21 më 31 maj dhe 1 qershor
-
Lajme nga vendi2 months agoRrjeti i madh i dyqaneve për produkte të shtëpisë Comodita Home po rritet akoma më tepër, tash me dyqanin më të madh në Re Mall, Tetovë
-
Lajme nga rajoni3 days agoZbardhet dëshmia e autorit të vrasjes së Liridonës, Plava: Kisha marrëveshje me Murselin, më tha se Behgjet Pacolli ka qenë në dijeni
-
Lajme nga bota2 days ago“Do jem makthi i Iranit”, Trump ‘kërcënon’ sërish: Nëse nuk ulen në negociata, bombardimet do të shtohen