Lajme nga vendi
Kocevska: Nuk ka nevojë për miratim të Ligjit për amnisti, duhet zbatim më i madh i pushimit me kusht
Nuk ka nevojë për miratim të Ligjit për amnisti me një qëllim të vetëm që të ulet mbingarkesa në burgje, por nevojitet zbatim më i madh i pushimit me kusht me mbikëqyrje mbrojtëse. Të gjithë këtë si zgjidhje ligjore e kemi dhe duhet të zbatohet më shpesh, deklaroi gjykatësja në Gjykatën Themelore Penale Shkup, Biljana Kocevska para fillimit të punëtorisë “Sfidat për tejkalimin e mbingarkesës në burgje”.
Gjykatësit, Sipas Kocevskës, duhet të inkurajohen që të shqiptojnë pushime më të mëdha me kusht me mbikëqyrje mbrojtëse, si dhe zbatim të mbikëqyrjes elektronike për shkak se, siç theksoi, disa ligje për amnisti të cilat ishin miratuar deri më tani nuk e arritën qëllimin dhe ndoshta vetëm për momentin ulet mbingarkesa në burgje, por për një kohë shumë të shkurtë përsëri ka mbingarkesë në burgje.
“Mendoj se gjykatësit duhet të inkurajohen realisht të japin lirime më të mëdha në drejtim të arritjes së qëllimit jo vetëm të uljes së mbingarkesës, por edhe të arritjes së qëllimit të dënimit, uljes së recidivizmit, dhe kjo do të reduktojë automatikisht numrin e të burgosurve, gjegjësisht mbingarkesë”, theksoi Kocevska.
Aq sa jam përkrahëse e shqiptimit të masës alternative me dënim me kusht me mbikëqyrje mbrojtëse, Kocevska theksoi se në të njëjtën kohë është përkrahëse e madhe si anëtare e Këshillit Penal për heqjen e dënimit me kusht në rast se të dënuarit nuk përmbushin detyrimet e tyre.
“Mund të them se tashmë kemi edhe disa dënime me kusht të revokuara për faktin se të dënuarit nuk i kanë përmbushur detyrimet që u janë caktuar me dënimin me kusht, gjegjësisht me mbikëqyrjen mbrojtëse dhe në këtë mënyrë vetëm do të mund të kontribuojnë edhe më shumë në ndryshimin e imazhit se të dënuarit me kusht kanë mbetur të pandëshkuar”, theksoi Kocevska.
Sipas Kocevskës, Në Gjykatën Themelore Penale shqiptohen shumë dënime me kusht me mbikëqyrje mbrojtëse, duke theksuar se kanë bashkëpunim shumë të mirë me shërbimin e provës në kuadër të Gjykatës Penale.
“Jemi në komunikim të përditshëm me ta dhe më besoni përfitimet e zbatimit të këtij instituti janë vërtet të mëdha, sepse përpara se të caktoj gjykimin kërkoj vlerësimin e rrezikut nga zyra e provës, më japin një raport të detajuar dhe marr një pasqyrë të plotë të strukturës së personalitetit të të akuzuarit me propozime për detyrime që mund të imponohen, të cilat natyrisht nuk jam e detyruar, mund të jenë ata, mund të jenë ata dhe dikush tjetër, dhe pas përfundimit të aktgjykimeve marrim raporte të rregullta nga zyra e provës se si po shkon mbikëqyrja, pra realizimi i detyrimeve”, deklaroi Kocevska.
Shkatërruese, thotë Kocevska, është që numri i dënimeve të shqiptuara me kusht me mbikëqyrje mbrojtëse në gjykatat e tjera nëse nuk është në zero, është një për qind.
Ligji i provës, theksoi Kocevska, që të mundet të shqiptohet ka lidhje me masën alternative dënim me kusht, kështu që dënim me kusht mund të shqiptohet dënimi më i lartë i shqiptuar me burg prej dy vjet i cili nuk do të kryhet nëse në pesë vitet e ardhshme nuk bën ndonjë vepër penale.
“Dënimi i përcaktuar me burg prej dy vjetësh mund të shqiptohet në rastet e dispozitave të nenit 40 dhe 41 të Kodit Penal për zbutjen e dënimit. Për shembull, nëse kemi dënim me kusht prej së paku katër vjet, mund ta zvogëlojmë deri në dy vjet, dhe në një rast të tillë mund të shqiptojmë dënim me kusht me mbikëqyrje mbrojtëse”, deklaroi Kocevska.
Irena Zdravkova nga Shoqata e Juristëve të Rinj të Maqedonisë, të cilët janë organizatorë të punëtorisë së sotme, theksoi se si shoqatë angazhohen për shërbimin e provës dhe se sipas tyre ajo është e ardhmja përmes të cilës fillimisht do të ulet edhe recidivizmi dhe gjithsesi do të ulet edhe mbingarkesa.
“Fakti është se shkalla e recidivizmit është ende e lartë, çdo i dyti që është në burg është në fakt i kthyer dhe për këtë duhet të punojmë së bashku. Nga pikëpamja e punës së përbashkët, është shumë e rëndësishme që të ketë bashkëpunim ndërinstitucional në të cilin do të përfshihen gjykatësit. Është mirë që kemi përkrahje edhe nga Drejtoria për Ekzekutimin e Sanksioneve, Ministria e Drejtësisë, por sigurisht edhe nga bashkësitë lokale, nga sektori joqeveritar dhe shërbimet sociale – institucionet, sepse ky është një proces gjithëpërfshirës në të cilin të gjithë duhet sipas kompetencave të tyre, të ndihmojnë që personat të mos kthehen sërish në burg”, deklaroi Zdravkova.
Nëse angazhohemi për më shumë dënime me kusht me mbikëqyrje mbrojtëse, sipas Zdravkovës, kjo nënkupton se do të kemi më shumë njerëz, zyra të provës të cilat do ta ndjekin sjelljen e personave të cilët janë lëshuar dhe gjatë kësaj do të mund të japin raport – njoftim në gjykatë që nëse nuk ndiqen masat ata përsëri të kthehen në burg.
Me 27 vota pro, Këshilli Komunal ka miratuar buxhetin e Komunës së Tetovës për vitin 2026. Propozim-buxheti kap vlerën mbi 44 milionë euro, nga të cilat rreth 17 milionë euro janë të dedikuara për projekte kapitale. Kryetari i Komunës së Tetovës, Bilall Kasami, theksoi se buxheti për vitin 2026 është më i madh krahasuar me vitin paraprak dhe se bëhet fjalë për një buxhet zhvillimor.
“Për herë të parë, rreth 40 për qind e buxhetit është e dedikuar për investime kapitale. Në buxhetet e mëparshme, 70 deri në 80 për qind shkonin për paga dhe shpenzime operative. Ky buxhet parasheh ndërtimin e shkollave të reja, pishina, rrugë, kanalizim, ujë të pijshëm dhe projekte të tjera në interes të drejtpërdrejtë të qytetarëve”, deklaroi Kasami.
Ai sqaroi se janë paraparë mbi 200 mijë euro për projektimin dhe depërtimin e një rruge të re në fshatin Shipkovicë, e cila do të jetë pjesë e lidhjes rrugore Tetovë-Prizren.
“Në Shipkovicë do të ndërtohet një qarkore, në mënyrë që rruga të mos kalojë përmes fshatit, pasi rruga ekzistuese nuk i plotëson kushtet. Janë ndarë mbi 200 mijë euro për projektimin dhe depërtimin e kësaj qarkoreje. Segmenti nga Tetova deri në Shipkovicë i plotëson kushtet, ndërsa pjesa nga Shipkovica drejt fshatrave të tjera do të zgjerohet”, shtoi Kasami.
Këshilltari nga Lista Më Mirë për Tetovën, Agron Arifi, kritikoi disa zëra të buxhetit, duke theksuar se në të janë përfshirë mjete për rrugë që, sipas tij, janë realizuar gjatë fushatës zgjedhore.
“Bëhet fjalë për projekte që janë realizuar gjatë vitit 2025 dhe që do të paguhen nga buxheti i vitit 2026. Gjithashtu, kemi punësime me kontrata në Komunën e Tetovës, me një vlerë rreth 570 mijë euro. Propozova një amendament për rregullimin e fushës sportive në Gjimnazin ‘Kiril Pejçinoviç’, por nuk u pranua me arsyetimin se aty do të ketë investim privat”, tha Arifi.
Gjatë seancës, këshilltarët e Aleanca Kombëtare për Integrim akuzuan se edhe për vitin 2026 është paraparë një buxhet i konsiderueshëm për punësime, të cilat i cilësuan si punësime të militantëve partiakë. Këto akuza u hodhën poshtë nga kryetari Kasami, i cili deklaroi se në Komunën e Tetovës askush nuk merr pagë pa kryer punë. Po ashtu, këshilltarët e AKI-së kërkuan që të ndahen mjete edhe për rrugën në fshatin Gajre, duke theksuar se ajo është lënë në harresë dhe ndodhet në gjendje të rënduar infrastrukturore./TV KOHA/
Deputeti i VLEN-it, Adnan Azizi, ka reaguar me një mesazh publik lidhur me përurimin e bulevardit të ri në Tetovë, duke vlerësuar lart punën e kryetarit të Komunës, Bilall Kasami.
Në reagimin e tij, Azizi thekson se puna, ndryshimi dhe transformimi i Tetovës janë të lidhura drejtpërdrejt me emrin e Bilall Kasamit, të cilin e cilëson si “kryetarin më të suksesshëm të të gjitha kohërave”.
“Urime bulevardi i ri të gjithë qytetarëve”, ka shkruar deputeti Azizi, duke nënvizuar se projektet infrastrukturore janë dëshmi konkrete e angazhimit për zhvillimin e qytetit dhe përmirësimin e jetës së përditshme të banorëve të Tetovës.
Sipas tij, investimet e realizuara në infrastrukturë po e shndërrojnë Tetovën në një qytet më funksional, modern dhe të denjë për qytetarët e saj, ndërsa përurimi i bulevardit të ri paraqet një hap të rëndësishëm në këtë drejtim.
Lajme nga vendi
Nënshkruhet Marrëveshja për hua me BERZH-in me vlerë 20.9 milionë euro – do të furnizohen lokomotiva elektrike për HRMV Transport
Një marrëveshje për hua midis HM Transport dhe Bankës Evropiane për Rindërtim dhe Zhvillim (BERZH) në vlerë prej 20.9 milionë euro është nënshkruar sot në Qeveri. Me huanë do të do të furnizohen lokomotiva elektrike me pjesë rezervë, ndërsa qëllimi është transport më i madh i mallrave dhe gjenerimi i të ardhurave për ndërmarrjen.
Siç u tha para nënshkrimit, projekti është një hap i rëndësishëm drejt modernizimit të HM Transport, si dhe drejt përmirësimit të sigurisë dhe efikasitetit të transportit hekurudhor të mallrave.
Kushtet nën të cilat u siguruan mjetet – një periudhë afatgjatë e shlyerjes, një periudhë e favorshme grejs dhe një normë interesi konkurruese, janë në përputhje të plotë me strategjinë për menaxhim të përgjegjshëm të borxhit publik dhe sigurimin e financave publike të qëndrueshme.
“Sot po flasim për diçka që është lënë pas dore me dekada, por që është me rëndësi thelbësore për ekonominë, eksportin dhe të ardhmen evropiane të Maqedonisë, dhe kjo është hekurudha. Gjendja që trashëguam ishte katastrofike. Deri vonë, HM Transport nuk kishte asnjë lokomotivë plotësisht funksionale”, nënvizoi kryeministri Hristijan Mickoski, sipas të cilit kjo është një ripërtëritje sistematike e sektorit hekurudhor.
Mickoski informoi edhe se Marrëveshjes për hua i parapriu një analizë e nevojave, funksionalitetit dhe operueshmërisë së HM Transport.
Sipas zëvendëskryeministrit dhe ministrit të Transportit Aleksandar Nikolloski dhe ministres së Financave Gordana Dimitrieska-Kochoska, nënshkrimi i Marrëveshjes është një hap kyç për transformimin e plotë të HRMV Transport në një ndërmarrje moderne që do t’u përgjigjet nevojave të klientëve të saj.
“Lokomotivat e reja do ta ndryshojnë plotësisht pamjen dhe, së bashku me ato ekzistuese, do të jenë në gjendje t’i shërbejnë plotësisht transportit”, tha Nikolloski.
Ministrja Dimitrieska-Koçoska theksoi se Marrëveshja për hua është rezultat i negociatave intensive dhe konstruktive dhe është një konfirmim i besimit që institucionet financiare ndërkombëtare kanë në politikat tona dhe në drejtimin në të cilin po lëviz vendi.
“Me ngjarjen e sotme dhe nënshkrimin e Marrëveshjes për borxh për financimin e projektit “Rinovimi i flotës së mjeteve” drejtpërdrejtë investojmë në rritjen e kapaciteteve dhe efikasitetit të Hekurudhave të Republikës së Maqedonisë – Transport SHA Shkup, përmes furnizimit të lokomotivave të reja të cilat do të mundësojnë vëllim dhe siguri më të madhe në transportin hekurudhor transportues. Kjo do të thotë lidhshmëri më e mirë, konkurrencë më e madhe e ekonomisë vendore dhe mundësi të reja për gjenerimin e të ardhurave. Veçanërisht është e rëndësishme që projekti përfshin edhe vendosjen e sistemit bashkëkohor ERP, me të cilin krijohet bazë për menaxhim më të mirë me burimet, efikasitet të rritur operativ dhe nivel më të lartë të menaxhimit korporativ në sektorin hekurudhor”, theksoi ministrja.
Ky është një shembull, shtoi, i një qasjeje të integruar – jo vetëm investime në infrastrukturë, por edhe forcim institucional dhe menaxhues.
Në nënshkrim, përveç përfaqësuesve të BERZH-it, morën pjesë përfaqësues të Ministrisë së Transportit dhe menaxhmentit të HRMV Transport.
Miratohet buxheti i Tetovës, mbi 17 milionë euro për projekte kapitale
Adnan Azizi: Puna, ndryshimi dhe transformimi i Tetovës kanë emër – Bilall Kasami
Zjarr në Prizren, humb jetën një fëmijë njëvjeçar
Zyra e Avokatit të Popullit në Tetovë sot do të jetë e hapur
Nesër në Maqedoni do të shpallet gjendje krize në energjetikë, nga 1 shtatori hyjnë në fuqi masat për kursim
Kovaçevski paralajmëroi drejtor të ri të Drejtorisë për Zbatimin e Sanksioneve
Visar Ganiu ua uron Kurban Bajramin: Ju uroj që kjo festë e shenjtë t’ju sjellë paqe në zemër | VIDEO
Aksident tragjik në autostradën Tetovë – Gostivar, humb jetën një grua 33 vjeçare | VIDEO
